36-vjeçarja Marin, pranoi të bënte testin të premten për të zbutur shqetësimet që u ngritën në publik për sjelljen e saj. Megjithatë, ajo ka mohuar që të ketë konsumuar ndonjëherë lëndë narkotike dhe mohon të ketë bërë diçka të paligjshme në festë, por e pranoi se alkool kishte pirë.

Në deklaratën e lëshuar, qeveria bën të ditur se testi rezultoi i pastër. Po ashtu më tej shtohej se kryeministrja i ka paguar vetë shpenzimet e testit. Këshilltarja speciale Iida Vallin, e cituar nga agjencia e lajmeve AFP, tha se mostra e urinës së Marin u testua për kokainë, amfetamina, kanabis dhe opioidë.

Dikur kryetarja më e re e një qeverie në botë, një “titull” që aktualisht mbahet nga kryeministri në detyrë malazez Dritan Abazoviç, Marin nuk e fsheh pasionin e saj për të festuar e kërcyer dhe shpesh është fotografuar në festivale muzikore.

Vitin e kaluar ajo kërkoi falje që shkoi në klub pasi ra në kontakt të ngushtë me një rast pozitiv për Covid-19.

The post Fasta të “çmendura”, puthje e kërcime sensuale, dalin rezultatet e testit të drogës së kryeministres finlandeze appeared first on Albeu.com.

Burime për “TvKlan” bëjnë me dije se të gjithë ata që do të bëjnë testin sërish, kanë rezultuar pozitiv herën e parë. Kësaj here do të jetë Instituti i Mjekësisë Ligjore që do vulosë nëse këta efektivë janë ose jo përdorues të lëndëve narkotike.

Deri më tani vetëm një punonjëse policie është përjashtuar nga radhët e uniformave blu. Ndërkohë që të tjerë kanë përdorur si argument se kanë dalë pozitivë për shkak të medikamenteve që kanë marrë më parë. Mirëpo tani me analizat e detajuara do të vendoset edhe fati i tyre.

The post Testi i drogës tek policët, efektivët përsërisin ekzaminimin, rrezikojnë detyrën appeared first on Albeu.com.

Sipas burimeve nga policia, ngjarja ndodhi katër ditë më parë teksa policët rrugorë ishin duke kryer kontrolle rutinë në rrugën “Xhanfize Keko” në Tiranë.

Teksa i bën testin e drogës, një 21 vjeçar rezultoi pozitiv duke bërë që të dërgonin në komisariat.

 Njoftimi i Policisë:

Policia Rrugore e Tiranës vë në pranga një tjetër shtetas që drejtonte mjetin nën efektin e lëndëve narkotike.

4 ditë më parë, Policia Rrugore e Tiranës, vuri në pranga një 25-vjeçar i cili rezultoi se drejtonte automjetin nën efektin e lëndëve narkotike.

Efektivët e Komisariatit Rajonal të Policisë Rrugore Tiranë kanë organizuar kontrolle të alternuara me shërbime të uniformuara dhe të pauniformuara, me qëllim jo vetëm verifikimin dhe ndëshkimin e shkeljeve që janë burim për aksidente rrugore, por edhe ndëshkimin e veprave të tjera penale që cenojnë integritetin e punonjësve të Policisë së Shtetit.

Gjatë kontrolleve policore, në rrugën “Xhanfize Keko”, është ndaluar drejtuesi i një automjeti, shtetasi S. D., 21 vjeç, të cilit, shërbimet e Policisë Rrugore i kanë bërë testin e drogës, me aparatin *AquilaScan*.

Pas testit, rezultoi se 21-vjeçari drejtonte automjetin nën efektin e lëndëve narkotike.

Në përfundim të veprimeve procedurale, u bë arrestimi në flagrancë i tij, për veprën penale “Drejtimi i automjeteve në mënyrë të parregullt”.

Gjithashtu, këtij shtetasi iu pezullua leja e drejtimit për 12 muaj, iu zbritën 10 pikë nga leja e drejtimit dhe iu vendos masa administrative 15.000 lekë të rinj, për shkeljen e nenit 185 të parashikuar nga Kodi Rrugor, *“Drejtimi i mjetit nën efektin e lëndëve droguese”, matur me aparatin drogëtestues të markës “AquilaScan”.*/albeu.com/

The post Testi i drogës vijon “të fundosë” shoferët, 25-vjeçarit të droguar “i hidhen” prangat mes Tiranës (VIDEO) appeared first on Albeu.com.

Lajmin e bën të ditur Policia e Shtetit, e cila njofton se një 25-vjeçar është arretsuar, pasi nga testi rezultoi se drejtonte automjetin në efektin e lëndëve narkotike.

Policia sqaron se gjatë kontrolleve policore është ndaluar drejtuesi J. Ç., 25 vjeç, të cilit gjatë kontrollit fizik iu gjet dhe iu sekuestrua një sasi lënde e dyshuar narkotike cannabis sativa.

Nisur nga ky fakt, shërbimet e Policisë Rrugore i kanë bërë testin e drogës, me aparatin AquilaScan. Pas testit, rezultoi se 25-vjeçari drejtonte automjetin nën efektin e lëndëve narkotike.

Njoftimi i policisë:

Rezultoi se drejtonte automjetin nën efektin e lëndëve narkotike, nga testi i drogës i kryer nga Policia Rrugore e Tiranës, vihet në pranga 25-vjeçari.

Gjatë kontrollit fizik, drejtuesit të automjetit iu gjet një sasi lënde narkotike.

Efektivët e Komisariatit Rajonal të Policisë Rrugore Tiranë kanë organizuar kontrolle të alternuara me shërbime të uniformuara dhe të pauniformuara, me qëllim jo vetëm verifikimin dhe ndëshkimin e shkeljeve që janë burim për aksidente rrugore, por edhe ndëshkimin e veprave të tjera penale që cenojnë integritetin e punonjësve të Policisë së Shtetit.

Gjatë kontrolleve policore është ndaluar drejtuesi i një automjeti, shtetasi J. Ç., 25 vjeç, të cilit gjatë kontrollit fizik iu gjet dhe iu sekuestrua një sasi lënde e dyshuar narkotike cannabis sativa.

Nisur nga ky fakt, shërbimet e Policisë Rrugore i kanë bërë testin e drogës, me aparatin AquilaScan. Pas testit, rezultoi se 25-vjeçari drejtonte automjetin nën efektin e lëndëve narkotike.

Në përfundim të veprimeve procedurale, u bë arrestimi në flagrancë i shtetasit J. Ç., për veprat penale “Prodhimi dhe shitja e narkotikëve” dhe “Drejtimi i automjeteve në mënyrë të parregullt”.

Gjithashtu, këtij shtetasi iu pezullua leja e drejtimit dhe iu vendos masa administrative 15.000 lekë të rinj, për shkeljen e nenit 185 të parashikuar nga Kodi Rrugor, “Drejtimi i mjetit nën efektin e lëndëve droguese”, matur për herë të parë me aparatin drogëtestues të markës “AquilaScan”./albeu.com/

The post Për herë të parë në Shqipëri, shoferët i nënshtrohen testit të drogës appeared first on Albeu.com.

Deri më tani janë ekzaminuar 1736 punonjës policie, kryesisht nga sektorë dhe mosha me risk, nga të cilët 45 kanë rezultuar të dyshuar pozitivë.

Nurmi i të rezultuarve pozitivë, si përdorues droge, ka qenë i ulët. Por edhe ata që dalin pozitiv, shpesh ankohen se analizat nuk janë reale.

Për këtë kategori po kryhen hetime administrative nga Drejtoria e Standardeve Profesionale.

Njoftimi:

Drejtoria e Përgjithshme e Policisë së Shtetit, në kuadër të masave parandaluese për përdorimin e lëndëve narkotike nga punonjësit e Policisë së Shtetit, si dhe me qëllim rritjen e standardeve dhe integritetit personal të tyre, nga data 15.11.2021, ka vijuar me ekzaminimin e punonjësve të Policisë së Shtetit, të cilët gjatë karrierës dyshohen për përdorimin e lëndëve narkotike.

Sikurse është bërë e ditur, ekzaminimi filloi pas nënshkrimit të Marrëveshjes së Bashkëpunimit ndërmjet laboratorit mjekësor “Intermedica” në Tiranë dhe Drejtorisë së Përgjithshme të Policisë së Shtetit, për kryerjen e tij, pa asnjë kosto për punonjësit dhe për Policinë e Shtetit.

Deri tani janë ekzaminuar 1736 punonjës policie, kryesisht nga sektorë dhe mosha me risk, nga të cilët 45 kanë rezultuar të dyshuar pozitivë.

Për këtë kategori po kryhen hetime administrative nga Drejtoria e Standardeve Profesionale.

Ēshtë përjashtuar nga Policia e Shtetit, 1 punonjës policie, duke analizuar edhe rrethanat e tjera të cilat vërtetojnë shkeljen e rëndë disiplinore.

Në vijim të hetimit administrativ, për kategorinë e të dyshuarve pozitivë, do të zhvillohet një test i dytë, për t’u siguruar nëse janë përdorues të lëndëve narkotike.

Policia e Shtetit mbetet e angazhuar dhe e vendosur për të luftuar krimin, në veçanti krimin e organizuar, duke krijuar një ambient sa më të sigurt për qytetarët, si dhe për të larguar nga radhët e saj çdo punonjës policie që abuzon me detyrën dhe me ligjin.

Në këtë kuadër fton sërish qytetarët që të denoncojnë në 112 e Komisariatin Dixhital, çdo paligjshmëri, sjellje të pahijshme apo abuzim me detyrën nga punonjësit e Policisë, duke iu garantuar reagim të menjëhershëm, profesional e të paanshëm./albeu.com/

The post Policët në “skaner”, 1736 prej tyre testohen për drogë! Sa prej tyre kanë rezultuar pozitiv appeared first on Albeu.com.

Përballë kundërshtimit me argumente të efektivëve, pasi sipas tyre arsyeja se përse laboratori i ka nxjerrë përdorues droge nuk është fakti që “kemi konsumuar lëndë narkotike, por për shkak se jemi të sëmurë kronikë dhe përdorim ilaçe të ndryshme”, policia e shtetit vendosi që të bënte prapaktheu.

Sot drejtori i Policisë së Shtetit Gledis Nano deklaroi se do të ketë një raund të dytë të analizave të efektivëve të policisë të dyshuar si përdorues droge. I ftuar në “ABC”, gazetari Artan Hoxha u shpreh se vlerëson testin anti-drogë, por theksoi se duhet të bëhet edhe testi i alkoolit.

“Testi anti-drogë deri tani aplikohet kryesisht për kandidatët që donin të rekrutoheshin, kryesisht për kadetët e akademisë së policisë ose pjesëtarët e patrullës së përgjithshme. Pastaj më pas, sepse ti mund ta kalosh testin e parë dhe kjo nuk e përjashton faktin që mund të bëhesh përdorues. Është e parashikuar në ligj, por nuk është ndjekur në praktikë deri tani.

U desh një urdhër i Gledis Nanos, që ka lëshuar disa urdhra për të bërë një reformë edhe brenda policisë për ta filtruar nga disa probleme dhe një nga këta është që gjatë 2 viteve të fundit është rritur në mënyrë të frikshme përfshirja e policisë në trafikun dhe shpërndarjen e drogës. Janë kapur në operacione pjesëtarë të forcave speciale, patrullës dhe policisë kriminale.

Policët u kthyen në shpërndarës dhe trafikues dhe një nga elementët që çoi në këtë situatë është që pjesa dërrmuese që u kapën u kthyen vetë në përdorues. Te drogërat e forta policët rezultojnë edhe vetë përdorues. Për mua duhet të bëhet edhe testi i alkoolit, që për mua është më i përhapur se droga në radhët e policisë” tha ai.

Hoxha kishte disa dyshime mbi testin. E para tha ai, disa prej të efektivëve mbi 50-vjeç që kanë dalë pozitivë “mund të jenë nën efektin e efekteve të ndryshme të kurave mjekësore në atë moshë”, pra e ilaçeve që kanë marrë për mjekim. “A e specifikon analiza, cilët janë elementët që e përcaktojnë se cfarë narkotiku po përdor efektivi që ka bërë testin dhe ka dalë pozitiv?” është pyetja që ende nuk ka marrë përgjigje.

Rezerva e dytë për testin lidhet me faktin e drogës që mund të marrin efektivët. Artan Hoxha tha se policët që marrin kokainë arrijnë që t’i shpëtojnë këtij testi.  “Përdoruesi i kokainës nuk të del duke marrë analizë në gjak, se për një javë pastrohet. Duhet marrë “ADN” nga fija e flokut. Këta që përdorin kokainë e dinë si të pastrohen dhe kjo analizë është e pamjaftueshme” tha Hoxha./abcnews.al/

The post “E frikshme”, Artan Hoxha: “Hileja” si shpëtojnë policët nga droga, t’u bëhet testi i alkoolit appeared first on Albeu.com.

Të parët ishin punonjësit e policisë në qarkun e Shkodrës që hodhën poshtë rezultatet dhe kanë paralajmëruar se do të ngrenë padi ndaj laboratorit. Kjo ka bërë që policia të vendoset në lëvizje urgjente ku mund të ndryshohet metoda për normën në analizat që do të kryhen në vijim.

Justifikimi që bindi policinë

Mes efektivëve që kanë rezultuar pozitivë janë policë në moshë të re por edhe mbi 50-vjeç.

Pikërisht këta të fundit kanë deklaruar se arsyeja se përse laboratori i ka nxjerrë përdorues droge nuk është fakti që “kemi konsumuar lëndë narkotike, por për shkak se jemi të sëmurë kronikë dhe përdorim ilaçe të ndryshme”.

Kontestimi dhe argumentet e përdoruara nga efektivët kanë bërë që drejtoria e policisë së shtetit të bëjë prapaktheu për të ndryshuar metodën për normën që do të vendoset si standard.

Testet deri tani janë kryer me analizë urine dhe për efektivët që konfirmohen si përdorues të lëndëve narkotike parashikohet nisja e hetimit disiplinor me qëllim largimin nga detyra, por procesi është pezull deri në ndryshimin e taktikës nëse ndodh./ Abcnews.al

The post Policia e Shtetit bën kthesë të papritur pasi testet e drogës nxorën shumë efektivë përdorues të lëndëve narkotike appeared first on Albeu.com.

Mësohet se, 20 personat e parë janë dërguar ditën e sotme pranë Institutit të Mjekësisë Ligjore, reparti i toksologjiese për të saktësuar nëse këne përdorur, janë apo jo përdorues të lëndëve narkotike.

Kujtojmë se testi i drogës për punonjësit e policisë është kërkuar vazhdimisht pas ngjarjeve të ndryshme kriminale në vend, ku edhe është kontestuar roli i efektivëve.

Nuk kanë munguar akuzat se në radhët e policisë së shtetit ka edhe përdorues të lëndëve narkotike.

Duket se Nano i ka marrë në konsideratë akuzat, dhe punonjësit do t’i nënshtrohem tashmë një testi për të verifikuar gjendjen e tyre.

Testi do të zhvillohet në mënyrë rastësore dhe për efektivët e dyshuar. /albeu.com

The post Gledis Nano “shkund” policinë, urdhëron testin e drogës për efektivët appeared first on Albeu.com.