Ryabkov thuhet se deklaroi më herët gjatë ditës së sotme se Rusia do të rifillonte testet bërthamore kur SHBA të bënte të njëjtën gjë.

Sipas agjencisë së lajmeve TASS, Ryabkov tha se Ministria e Jashtme ruse po harton një projekt-ligj për tërheqjen e ratifikimit të traktatit historik të ndalimit të testeve bërthamore.

Dje, të hënën, ligjvënësve rusë iu dhanë 10 ditë kohë për të studiuar se cila mund të ishte mënyra më e mirë për të tërhequr ratifikimin nga Moska të Organizatës së Traktatit Gjithëpërfshirës të Ndalimit të Testeve Bërthamore (CTBTO)./Albeu.com

The post Moska: SHBA po përgatiten për teste bërthamore në Nevada appeared first on Albeu.com.

Sung Kim, Përfaqësuesi Special i SHBA-së në Korenë e Veriut, bëri paralajmërimin disa ditë pasi Pheniani testoi një rekord prej tetë raketash balistike të dielën.

Çdo provë e tillë bërthamore do të përballej me një “përgjigje të shpejtë dhe të fuqishme”, u tha gazetarëve Zëvendës Sekretarja e Shtetit e SHBA, Wendy Sherman.

Pheniani nuk ka kryer një provë bërthamore për pesë vjet. Megjithatë, tensionet janë rritur në gadishullin Korean. Duke folur nga Xhakarta, Kim tha se Koreja e Veriut kishte testuar një numër të paprecedentë raketash këtë vit, 31 krahasuar me 25 gjatë gjithë vitit të fundit.

“Dhe jemi vetëm qershori,” u tha ai gazetarëve gjatë një konference në Xhakarta, Indonezi.

Ai shtoi se retorika e përdorur nga zyrtarët e Koresë së Veriut kishte treguar një gatishmëri për të përdorur gjithashtu armë taktike ose bërthamore të përmasave të vogla.

Kur u pyet nga gazetarët se kur do të zhvillohej raundi tjetër i testimit, Kim paralajmëroi se mund të ndodhë “në çdo kohë”, duke përfshirë edhe këtë javë, sipas gazetës Bloomberg.

Ndërkohë, Sherman u tha gazetarëve në Seul, ku ajo ka qenë duke u takuar me zyrtarë të Koresë së Jugut dhe japonezë, se çdo test i tillë “do të ishte në kundërshtim të plotë me rezolutat e Këshillit të Sigurimit të OKB-së”.

“Besoj se jo vetëm ROK (Koreja e Jugut) dhe Shtetet e Bashkuara dhe Japonia, por e gjithë bota do të përgjigjen në një mënyrë të fortë dhe të qartë,” tha ajo.

Koreja e Veriut ende nuk i është përgjigjur pohimeve të SHBA./albeu.com

The post Paralajmëron zyrtari amerikan: Koreja e Veriut mund të kryejë teste bërthamore në çdo kohë appeared first on Albeu.com.