territori ukrainas Archives - Albeu.com

NATO-ja gati planin për bllokimin e dronëve iranianë mbi territorin ukrainas

E S — Thu, 13 Oct 2022 18:10:41 +0000

NATO së shpejti do të furnizojë Ukrainën me sisteme për të bllokuar dronët ushtarakë, tha Sekretari i Përgjithshëm i aleancës, Jens Stoltenberg, në një konferencë për shtyp pas takimit dy-ditor të ministrave të mbrojtjes të vendeve anëtare.

Sipas BBC, NATO-ja do t’i dorëzojë Ukrainës pajisje që do t’ua bllokojë sinjalin dronëve të Iranit, që po përdorën nga trupat ruse.

“NATO-ja së shpejti do t’i dorëzojë Ukrainës pajisje për të kundërshtuar mjetet ajrore pa pilot me qindra pajisje për bllokimin e sinjalit të dronit, të cilat do të jenë në gjendje të ndihmojnë në mosefektivitetin e dronëve të prodhuar nga Rusia dhe Irani, si dhe të mbrojnë popullin ukrainas dhe infrastrukturën kritike të Ukrainës”, tha Sekretari i Përgjithshëm i NATO-s.

Përveç kësaj, sipas tij, NATO ka vendosur të rrisë stoqet e veta të pajisjeve dhe armëve, “në mënyrë që të përshpejtojë mundësitë e furnizimit në Ukrainë. Ndryshe janë bërë shtatë muaj që kur ka nisur konflikti midis Rusisë dhe Ukrainës.

The post NATO-ja gati planin për bllokimin e dronëve iranianë mbi territorin ukrainas appeared first on Albeu.com.

Rusia tërheq trupat ushtarake nga Ukraina, zbulohet plani i Putin

E S — Sat, 09 Jul 2022 13:35:50 +0000

Rusia është duke tërhequr forcat rezervë nga i gjithë territori ukrainas. Lajmi bëhet i ditur nga mediat e huaja. Ata zbulojnë më tej se Putini e ka ndërmarrë këtë hap, pasi këto forca kanë armatime të vjetërsuara.

Kujtojmë sakaq, që forcat ruse janë duke zhvilluar sulme të ashpra në rajonin lindor të Ukrainës.

Serhyi Haidai, guvernatori i Luhanskut, u bëri thirrje njerëzve në zonat e pushtuara nga Rusia në jug që të evakuohen “me të gjitha mjetet e mundshme”.

Ai tha se Rusia kishte nisur mbi 20 sulme artilerie, mortajash dhe raketash në provincë gjatë natës dhe forcat e saj po bënin presion drejt kufirit me Donetskun fqinj.
“Ne po përpiqemi të frenojmë formacionet e armatosura të rusëve përgjatë gjithë vijës së frontit”, shkroi Haidai në Telegram.

Javën e kaluar, Rusia pushtoi bastionin e fundit të madh të rezistencës ukrainase në Luhansk, qytetin e Lysychansk. Analistët parashikuan se trupat e Moskës ka të ngjarë të marrin kohë për t’u riarmatosur dhe rigrupuar. Por “deri më tani, nuk ka pasur asnjë pauzë operacionale të shpallur nga armiku,” tha zoti Haidai./albeu.com

The post Rusia tërheq trupat ushtarake nga Ukraina, zbulohet plani i Putin appeared first on Albeu.com.

Bombardimet nuk kanë të ndalur, Rusia afër pushtimit të të gjithë Luhanskut

E S — Thu, 02 Jun 2022 14:42:56 +0000

Forcat ruse synojnë të sulmojnë fshatin Berestove në lindje të Ukrainës që shtrihet në një rrugë kryesore dhe lidh qytetin e Lysychansk të rajonit të Luhanskut me pjesën tjetër të Ukrainës.

Lajmi është bërë me dije nga një gjeneral ukrainas.

Duket se Rusia është afër pushtimit të të gjithë Luhanskut, një nga dy rajonet ukrainase që përbëjnë Donbasin, shkruan AlJazeera.

Sakaq gjenerali Oleksiy Gromov paralajmëron se rusët gjithashtu po përpiqen të sulmojnë qytetin Sviatohirsk në rajonin e Donetsk.

The post Bombardimet nuk kanë të ndalur, Rusia afër pushtimit të të gjithë Luhanskut appeared first on Albeu.com.