KEDS thekson se nga rënia e njësisë A3 të termocentralit “Kosova A” në vend aktualisht po prodhohen më pak se 400 megavat.

“Operatori i Sistemit, Transmisionit dhe Tregut të Energjisë Elektrike të Kosovës (KOSTT) ka kërkuar sot nga KEDS që si pasojë e rënies nga sistemi të njësisë A3, të bëjë kufizime emergjente të energjisë elektrike. Kjo bën që në vend aktualisht të prodhohen më pak se 400 megavatë, që e bën situatën aspak të favorshme. Në ballafaqim me kufizime emergjente, do të jetë shumë e vështirë të njoftohen të gjithë konsumatorët në kohë, për çka kërkojmë mirëkuptimin e tyre”, thuhet në njoftimin e KEDS-it.

Me qëllim të mospërkeqësimit të situatës me energjinë, KEDS kërkon nga konsumatorët që ta kursejnë atë.

“Aktualisht kufizimet janë dy orëshe, por që të mos përkeqësohet më tej situata, kërkojmë nga të gjithë konsumatorët kursim maksimal të energjisë elektrike. Përdorimi i saj në mënyrë eficiente bën që të gjithë të kemi energji elektrike më tepër. Në këto rrethana të vështira, duhet të veprojmë të bashkuar në mënyrë që t’i kapërcejmë ato sa më. Së bashku mund t’i dalim”, përfundon kompania.

The post Përkeqësohet situata e furnizimit me energji elektrike në Kosovë, ja çfarë ka ndodhur në termocentral appeared first on Albeu.com.

Termocentrali me kapacitet 2.88 gigavat gjendet afër Sidnejt.

Ai do të mbyllet më 2025 dhe do të zëvendësohet nga një bateri e madhe.

Ky termocentral i bashkohet një liste të gjatë të objekteve të tilla që mbyllen teksa rritet kërkesa për energji të erës dhe atë solare.“Tregu i energjisë në Australi sot është shumë më ndryshe prej atij që ishte në fillim të viteve 1980”, ka thënë Frank Calabria, shefi ekzekutiv i kompanisë Origin.

Varësia e Australisë ndaj termocentraleve me thëngjill ka rënë në vjetët e fundit.

Megjithatë, thëngjilli është ende furnizues i 60 për qind të energjisë në këtë shtet, duke e bërë Australinë një nga vendet me emetimin më të madh të karbonit për kokë banori.

Burimet e ripërtrishme përbëjnë rreth një të tretën e prodhimit të energjisë në Australi dhe kjo shifër parashihet të shkojë në deri 70 për qind deri në fund të dekadës. /REL

The post Termocentrali më i madh i Australisë do të mbyllet më 2025 appeared first on Albeu.com.