Një javë pasi u trondit nga një tërmet shkatrimtar, i cili la pas 287 viktima dhe mijëra të plagosur, në kolumbi ka filluar rindërtimi i vendit.

Shakira, këngëtarja e njohur me origjinë kolumbiane vizitoi provincën Chocó, ku premtoi se do të ndihmojë në rindërtimin e të paktën 10 shkollave të dëmtuara nga tërmeti, si edhe në restaurimin e një universiteti teknologjik lokal.

Shakira vizitoi disa prej shkollave të prekura, u takua me nxënësit dhe mësuesit dhe theksoi rëndësinë e rikthimit sa më të shpejtë të fëmijëve në klasa.

“Nuk ka një mënyrë për të lehtësuar menjëherë dhimbjen e kaq shumë njerëzve, por ekziston angazhimi për të qëndruar pranë banorëve të Chocó-s dhe për të mos e braktisur këtë rajon”, deklaroi Shakira.

Në këtë nismë, këngëtarja po bashkëpunon me Howard Buffett, djali i filantropit miliarder Warren Buffett dhe një donator i hershëm ne projektet arsimore në Kolumbi, për rindërtimin e 10 shkollave në rajon.

Fondi Global i Arsimit i FIFA Global Citizen dhe kompania Live Nation kanë premtuar nga 500 mijë dollarë secili, ndërsa Banka e Zhvillimit e Amerikës Latine dhe Karaibeve ka kontribuar me 250 mijë dollarë. Këto fonde do të përdoren për riparimin e shkollave dhe për krijimin e kushteve per procesin mësimor.

Ndihma për zonat e prekura nga tërmeti ka marrë mbështetje edhe nga artistë të tjerë të Amerikës Latine, si Marc Anthony, Karol G, Maluma dhe Sebastián Yatra te përfshirë në koncerte dhe aktivitete bamirësie për mbledhjen e fondeve për Kolumbinë dhe Venezuelën.

The post Tërmeti i fortë në Venezuelë, Shakira premton se do të ndihmojë në rindërtimin e shkollave appeared first on Albeu.com.

Për shkak të situatës, disa hotele janë evakuuar, ndërsa banorët dhe turistët kanë dalë me nxitim në rrugë.

Tërmeti kryesor, i cili goditi rreth orës 01:00 sipas kohës lokale, u pasua nga 12 lëkundje të tjera. Pamje të publikuara në rrjetet sociale tregojnë momentet e panikut, me turistë që largohen nga akomodimet duke mbajtur valixhet në duar.

Raportohet se shtëpi dhe automjete kanë pësuar dëmtime të mëdha, ndërsa në disa rrugë janë shfaqur çarje të thella si pasojë e lëkundjeve të forta.

Shërbimet e emergjencës në Andaluzia, kanë ndërhyrë në disa zona të prekura dhe kanë shpëtuar persona që kishin mbetur të bllokuar në ndërtesa të dëmtuara.

Autoritetet vijojnë vlerësimin e dëmeve dhe situatës në zonat e prekura.

The post Spanja goditet nga tërmeti, evakuohen turistët nëpër hotele! Shemben ndërtesa dhe dëmtohen makina appeared first on Albeu.com.

Të dhënat më të fundit flasin për 254 viktima dhe mbi 570 të plagosur. Ekipet e emergjencës po vazhdojnë kërkimet dhe operacionet e shpëtimit në zonat e prekura, ndërsa autoritetet po vlerësojnë dëmet dhe bilanci vijon të përditësohet.

Ministria për Evropën dhe Punët e Jashtme njoftoi se po e monitoron nga afër situatën e krijuar pas tërmetit. Përmes Ambasadës së Republikës së Shqipërisë në Brazil, e cila mbulon edhe Kolumbinë, ministria po mban kontakte me autoritetet kolumbiane.

Sipas MEPJ-së, deri në këto momente nuk është raportuar asnjë shtetas shqiptar i vdekur apo i plagosur si pasojë e lëkundjeve.

Informacionet e siguruara deri tani tregojnë gjithashtu se tërmeti nuk ka shkaktuar dëmtime në institucionet penitenciare ku mbahen shtetas shqiptarë që po vuajnë dënimin në Kolumbi ose presin përfundimin e procedurave të ekstradimit.

MEPJ dhe Ambasada e Republikës së Shqipërisë në Brazil po vazhdojnë komunikimin me autoritetet përkatëse dhe verifikimin e vazhdueshëm të të dhënave për gjendjen e shtetasve shqiptarë që ndodhen në Kolumbi.

Shqiptarët që gjenden në Kolumbi dhe kanë nevojë për ndihmë konsullore për shkak të tërmetit mund të telefonojnë në numrin e emergjencës së Ambasadës së Republikës së Shqipërisë në Brazil: +55 61 99301 6139.

Për komunikime të tjera mund të përdoren adresat elektronike: dk@mfa.gov.al dhe embassy.brasilia@mfa.gov.al.

The post Tërmeti i fuqishëm në Kolumbi/ Ministria për Evropën dhe Punët e Jashtme: Deri tani nuk raportohen shqiptarë të vdekur apo të plagosur appeared first on Albeu.com.

Të dy kishin mbetur të bllokuar në një ndërtesë pesëkatëshe, e cila u shemb në lagjen Ciudad Capri pas tërmetit me magnitudë 7.4, qe deri tani ka shkaktuar mbi 130 viktima.

Nëna dhe foshnja u transportuan në qendrat e asistencës aty pranë, ku u deklaruan jashtë rrezikut për jetën.

Operacionet e kërkim-shpëtimit vijojnë pa ndërprerje mes rrënojave. Shpëtimtari Carlos Ortiz, u shpreh për mediat se gjetja e foshnjës së bashku me nënën, i ka dhënë ekipit shpresë për të vijuar punën.

“Për fat të mirë, gjetëm foshnjën me nënën e saj, gjë që na dha shumë shpresë për të vazhduar punën. Kemi shpëtuar tashmë shtatë persona dhe aktualisht po kërkojmë, pasi po marrim sinjale jete, një çift të moshuarish dhe nipin e tyre shtatëvjeçar”, tha Ortiz.

Duke iu referuar foshnjës, ai siguroi se gjendja e saj është e qëndrueshme.

“Për fat të mirë është e qëndrueshme. Ka pësuar disa gërvishtje të vogla gjatë nxjerrjes, por është në gjendje të qëndrueshme dhe është marrë nën kujdesin e paramedikëve të zonës”, deklaroi shpëtimtari.

The post Tërmeti i fortë në Kolumbi/ Shpëtohen të gjallë mes rrënojave nëna dhe foshnja e saj! U bllokuan në një ndërtesë 5-katëshe appeared first on Albeu.com.

Tërmeti me magnitudë 6.8 ballë goditi të martën prefekturën Kumamoto, në ishullin Kyushu, duke shkaktuar dëme të mëdha në banesa, ndërtesa dhe rrjetin elektrik. Lajmin e konfirmoi kryeministrja japoneze Sanae Takaichi.

Disa nga viktimat humbën jetën pasi një pjesë e një qendre tregtare u shemb, ndërsa rreth një orë më vonë një shpërthim, që dyshohet të jetë shkaktuar nga rrjedhja e gazit, dëmtoi më tej godinën. Shkaku i shpërthimit mbetet ende nën hetim.

Rreth 9 mijë persona të zhvendosur po qëndrojnë në qendrat e evakuimit, ndërsa mbi 30 mijë familje vazhdojnë të jenë pa energji elektrike. Autoritetet kanë paralajmëruar se temperaturat në ditët në vijim mund të arrijnë deri në 39 gradë Celsius, duke rritur rrezikun e goditjeve nga i nxehti.

Për të përballuar situatën, Ministria japoneze e Mbrojtjes ka dërguar 300 kondicionerë në zonat e prekura, gjysma e të cilëve do të vendosen në qendrat e evakuimit.

Që nga tërmeti janë regjistruar më shumë se 100 lëkundje pasuese. Frika nga tërmete të tjera ka detyruar shumë banorë të kalojnë natën në automjetet e tyre.

Operacionet e kërkim-shpëtimit janë përqendruar te qendra tregtare Aeon në Kashima, ku një pjesë e katit të dytë u shemb, si dhe në një fabrikë të kompanisë Nippon Paper në qytetin Yatsushiro.

Në fabrikë kanë humbur jetën të paktën pesë persona, ndërsa disa punonjës u bllokuan nën rrënoja. Deri tani, shtatë prej tyre janë nxjerrë të gjallë.

Tërmeti, me thellësi vetëm 10 kilometra, u ndje fuqishëm në të gjithë rajonin e Kumamotos. Banorët e përshkruan atë si një nga lëkundjet më të forta që kanë përjetuar ndonjëherë.

The post Tërmeti 6.8 ballë në Japoni, thellohet bilanci, shkon në 30 numri i viktimave appeared first on Albeu.com.

Vetëm gjatë 24 orëve të fundit janë konfirmuar rreth 50 viktima të tjera, më shumë se tre javë pas tërmeteve me magnitudë 7.2 dhe 7.5 ballë, të cilët shkaktuan shkatërrime të mëdha, kryesisht në veri të vendit dhe në shtetin bregdetar La Guaira, pranë kryeqytetit Karakas.

Sipas presidentit të parlamentit, Jorge Rodríguez, numri i të plagosurve mbetet 16,740, ndërsa autoritetet nuk kanë publikuar ende një shifër zyrtare për personat e zhdukur.

Një ditë pas katastrofës, Kombet e Bashkuara vlerësuan se numri i të zhdukurve mund të arrinte deri në 50 mijë, ndërsa vlerësime të tjera e vendosin këtë shifër rreth 10 mijë personash.

Operacionet e kërkim-shpëtimit vazhdojnë në zonat më të goditura, veçanërisht në La Guaira, ku ekipet e emergjencës po punojnë për të nxjerrë viktima dhe të mbijetuar nga rrënojat e ndërtesave të shembura.

Sipas autoriteteve, 17,907 persona kanë mbetur pa strehë, ndërsa 21,470 të tjerë janë akomoduar në 107 kampe të përkohshme të ngritura për të përballuar situatën emergjente.

Të dhënat zyrtare tregojnë se më shumë se 850 ndërtesa kanë pësuar dëmtime, ndërsa 190 prej tyre janë shembur plotësisht.

Autoritetet vijojnë operacionet e emergjencës dhe vlerësimin e dëmeve, ndërsa bilanci i viktimave pritet të ndryshojë, pasi kërkimet në zonat e shkatërruara ende nuk kanë përfunduar.

The post Thellohet bilanci/ Mbi 5 mijë viktima nga tërmeti shkatërrues në Venezuelë, vijojnë kërkimet për të tjerë të zhdukur appeared first on Albeu.com.

Mediat shkruajnë se numri zyrtar i të plagosurve mbetet i njëjtë, në 16.740, ndërsa janë shpëtuar 6.462 persona. Ndërsa numri i njerëzve që kanë mbetur të pastrehë është 17.907, sipas të dhënave.

The post Rritet bilanci tragjik/ Shkon në 4.490 numri i të vdekurve nga tërmeti vdekjeprurës në Venezuelë appeared first on Albeu.com.

Hernan Gil, u shpëtua pas një operacioni të gjatë dhe tepër të ndërlikuar, pasi ekipet e emergjencës kishin arritur ta lokalizonin nën rreth 140 tonë rrënoja.

Presidentja në detyrë e Venezuelës, Delcy Rodríguez, e vizitoi Gil në spital dhe e cilësoi atë si një “mrekulli të gjallë”, ndërsa publikoi edhe një video nga takimi në rrjetet sociale.

Sipas bilancit të fundit, të paktën 2.595 persona kanë humbur jetën nga tërmetet, ndërsa dhjetëra mijëra të tjerë rezultojnë ende të zhdukur.

Operacioni për nxjerrjen e Gil u përshkrua nga një zjarrfikës kilian si “ndër më kompleksët dhe teknikisht më të vështirët” me të cilët është përballur ndonjëherë.

Gjatë ditëve që qëndroi i bllokuar, ekipet e shpëtimit i siguruan ujë, i vendosën serum intravenoz dhe i dërguan maskë mbrojtëse e syze për ta mbrojtur nga pluhuri, ndërsa punonin për ta nxjerrë.

Operacioni u vështirësua edhe më shumë, pasi disa nga tunelet e krijuara për të arritur te Gil u shembën disa herë, duke rrezikuar si jetën e tij, ashtu edhe të shpëtimtarëve.

Një anëtar i Kryqit të Kuq të Meksikës, Marco Antonio Franco, e përshkroi Gil si një njeri me humor të mirë, duke treguar se ai bisedonte vazhdimisht me ekipet e shpëtimit, pyeste për familjen dhe madje kërkonte pije hidratuese me shijet e tij të preferuara.

The post Mrekulli në Venezuelë, burri nxirret i gjallë nga rrënojat 8 ditë pas tërmetit appeared first on Albeu.com.

NASA vlerëson se afërsisht 58,870 ndërtesa u dëmtuan ose u shkatërruan, duke shkaktuar probleme serioze për strehimin dhe infrastrukturën.

Organizata Botërore e Shëndetësisë, ka shprehur gjithashtu shqetësim për rrezikun e përhapjes së epidemive, pasi sistemet për regjistrimin e personave të zhdukur dhe viktimave janë të pamjaftueshme.

🇻🇪 Thousands feared dead after devastating Venezuela earthquakes…

The death toll has climbed to 1,943 and is still rising:

Over 10,500 injured

40,000-50,000 missing

Nearly 59,000 buildings damaged or destroyed

A full-scale humanitarian nightmare is unfolding as rescuers…

— Mario Nawfal (@MarioNawfal) July 1, 2026

Problemet e shumta në sistemin shëndetësor, rrjetet e ujit dhe kanalizimeve, të kombinuara me zhvendosjen e detyruar të popullatave, mund të favorizojnë shpërthimin e sëmundjeve të parandalueshme nga vaksina, të tilla si fruthi, difteria dhe kolla e mirë.

Mediat shkruajnë se Programi Botëror i Ushqimit po kërkon 50 milionë dollarë ndihmë, ndërsa komuniteti ndërkombëtar është mobilizuar duke dërguar 40 ekipe shpëtimi, ndërsa SHBA-të njoftuan ndihmë financiare prej 300 milionë dollarësh.

A three-year-old boy was rescued alive early Tuesday morning after remaining trapped under the rubble for nearly six days in Venezuela, where search operations are ongoing following the 7.2 and 7.5 magnitude earthquakes that struck last Wednesday. pic.twitter.com/Yh3R4SqbHD

— Massimo (@Rainmaker1973) June 30, 2026

The post Tërmeti i fortë në Venezuelë! Shënohen 2 mijë viktima ndërsa shtohet rreziku i përhapjes së epidemive (VIDEO) appeared first on Albeu.com.

Operacioni i shpëtimit u zhvillua në shtetin bregdetar La Guaira dhe u konsiderua si një moment shprese për ekipet ndërkombëtare që vazhdojnë kërkimet për të mbijetuar të tjerë.

Dy të mbijetuarit u transportuan me barela të improvizuara drejt një ambulance. Të dy ishin ishin në gjendje të vështirë shëndetësore, por arritën të mbijetonin.

Sipas autoriteteve, shpëtimi u bë i mundur pas dymbëdhjetë orësh pune intensive. Ekipet përdorën kamera të posaçme për kërkim, pajisje teknologjike dhe mjete të specializuara për të depërtuar në strukturat e paqëndrueshme pa rrezikuar jetën e personave të bllokuar.

Tërmetet që goditën Venezuelën të mërkurën e kaluar kanë shkaktuar të paktën 1450 viktima, ndërsa mijëra persona rezultojnë ende të zhdukur.

Vetëm gjatë fundjavës u shpëtuan të paktën 33 persona, por autoritetet paralajmërojnë se shpresat për të gjetur të mbijetuar zvogëlohen ndjeshëm pas 72 orëve nga një tërmet.

Megjithatë, shpëtimi i babait dhe djalit katër ditë pas katastrofës ka rikthyer optimizmin te ekipet e kërkim-shpëtimit dhe familjet që ende presin lajme për të afërmit e tyre.

The post Tërmeti i fortë në Venezuelë/ Babë e bir mbijetojnë nën rrënoja, shpëtohen pas katër ditësh kërkime! appeared first on Albeu.com.