Tërmetet shkatërruese kamë lënë në qiell të hapur mbi 1.5 milionë qytetarë, të cilët janë detyruar të jetojnë në çadra, pasi shtëpitë e tyre u shembën nga tërmeti.

Që nga 6 shkurti, kur dy tërmete të forta (me magnitudë 7.8 dhe 7.6 Rihter) tronditën Turqinë juglindore dhe Sirinë veriperëndimore, janë regjistruar 13.722 pasgoditje, tha ministri turk gjatë një vizite në provincën Hatay.

Më shumë se 600 njerëz po hetohen në Turqi për ndërtesat që u shembën nga tërmeti vdekjeprurës i 6 shkurtit.
Ministri i Drejtësisë, Bekir Bozdag tha se 184 të dyshuar, përfshirë kontraktorët e ndërtimit dhe pronarët e ndërtesave, ishin arrestuar tashmë, raportojnë mediat e huaja.

Për vite me radhë, ekspertët paralajmëruan se korrupsioni endemik dhe politikat e qeverisë nënkuptonin se shumë ndërtesa të reja ishin të pasigurta.

Mes të arrestuarve është edhe një kryebashkiak i një prej qyteteve afër vendit ku goditën lëkundjet, raportojnë mediat turke.

Më shumë se 160,000 ndërtesa u shembën ose u dëmtuan rëndë në Turqi pas tërmeteve, duke ngritur pikëpyetje nëse ndikimi i fatkeqësisë natyrore u përkeqësua nga dështimet njerëzore.

Partitë e opozitës dhe disa ekspertë ndërtimi akuzojnë administratën e presidentit, Rexhep Tajip Erdogan për dështim në zbatimin e rregulloreve të ndërtimit.

Ata thonë se politikat e qeverisë kanë lejuar të ashtuquajturat amnisti për kontraktorët që shmangin rregulloret në ndërtimtari./albeu.com.

The post Mbi 54 mijë të vdekur nga tërmetet katasrofike në Turqi e Siri appeared first on Albeu.com.

Ronaldo ndryshe nga futbollistë të tjerë, as nuk postoi asgjë për t’u solidarizuar me familjarët e viktimave të tërmetit.

Kjo nuk është pritur aspak mirë nga vendasit, sidomos nga mediat turke, ku dy moderatorë e kanë kritikuar ashpër futbollistin portugez. Ertem ?ener dhe Sinan Engin thanë se tashmë portugezi nuk është më i mirëpritur në Turqi.

“Edhe qeni meksikan ishte më njeri se ti. Zemra jote është kallo, tashmë as çaj nuk mund të pish në Turqi. Nëse do të kishte ndodhur tërmet në vendin tënd, Turqia do ishte e para që do ofronte ndihmë ndryshe nga ti. Ke shkuar në Al Nassr, je në vendin që meriton”, u shprehën dy moderatorët ndaj Ronaldos.

Moderatorët u janë referuar qenve meksikanë pasi Meksika i dërgoi si ndihmë për të gjetur të bllokuarit nën rrënoja.

The post “Zemra jote është kallo”, gazetarët turq ‘shpërthejnë’ ndaj Ronaldos: As çaj nuk do pish më në Turqi appeared first on Albeu.com.

Operacioni i shpëtimit u krye sot në gërmadhat e një ndërtese në qytetin jugor të Hatay, 203 orë pas tërmetit katastrofik, që la pas mbi 36 mijë viktima në Turqi e Siri.

Dy tërmete shkatërruese goditën të hënën pjesë të Turqisë dhe Sirisë. Tërmeti kryesor u pasua nga dhjetëra pasgoditje.

Sipas informacioneve të fundit, më shumë se 36,000 njerëz kanë vdekur dhe shifra pritet të vazhdojë të rritet. Fillimisht jugu i Turqisë u godit nga një tërmet me magnitudë 7.8 gradë të shkallës Rihter dhe u ndje në disa vende të rajonit dhe përveç njerëzve në Turqi, viktimat më të shumta ishin në Sirinë fqinje./albeu.com/

The post Ndodh mrekullia në Turqi, gruaja nxirret e gjallë pas 203 orësh nën rrënoja appeared first on Albeu.com.

49-vjeçari la pas gjithçka dhe vrapoi për ta kërkuar, por gjeti vetëm një dorë të ftohtë. Dorën nga e cila nuk mund të shkëputej dot dhe e mbajti shtrënguar për orë e orë derisa iu desh t’i jepte lamtumirën e fundit. “U përpoqa të gërmoj me duar dhe ta nxjerr princeshën time. Por në fund, m’u deshtë ta braktisja nën rrënoja.”-është shprehur ai për gjermanen “Bild”.

Mbi momentin prekës ka folur edhe fotografi i “AFP”, Adem Altan, i cili shkrepi foton e Mesut dhe Irmak. “Ndërkohë që bëja foton, vazhdoja t’i përsërisja vetes: ‘Çfarë dhimbjeje e papërballueshme’. Isha pa fjalë. Nuk ndaloja dot së qari.” -tha ai, pa ditur se kjo foto do të publikohej kudo si dëshmia jo vetëm e dhimbjes së një prindi, por gjithë njerëzimit.

The post “M’u desh të braktisja princeshën time”, historia rrëqethëse pas fotos virale të burrit që shtrëngonte dorën e vajzës së vdekur appeared first on Albeu.com.

Në Turqi kanë vdekur  29, 605 persona, ndërsa në Turqi 3553 të tjerë janë vrarë nga tërmeti në Siri.

Kjo e çon numrin total të të vdekurve në 33,158.

Nga ana tjetër shpresa për të mbijetuarit po shuhet, megjithatë ka patur raste kur mrekullia ka ndodhur dhe sot në ditën e 7 të kërkimeve në rrënoja, janë gjetur njerëz me shenja jete./albeu.com

The post Thellohet bilanci, shkon mbi 30,000 numri i viktimave nga tërmeti në Turqi e Siri appeared first on Albeu.com.

Një zëdhënës i ushtrisë së Austrisë tha se ka pasur “përplasje mes grupeve”, pa dhënë më shumë detaje.

Ai i tha agjencisë së lajmeve AFP se 82 ushtarë nga Njësia për ndihmë në fatkeqësi natyrore të ushtrisë austriake ishin strehuar në provincën jugore turke, Hataj, “në një kamp me organizatat ndërkombëtare, duke pritur për udhëzime”.

Ata shkuan në Hataj të martën, më 7 shkurt, me 45 tonë pajisje dhe arritën të shpëtonin nëntë persona që ishin të bllokuar nën rrënoja.

Ata pritet të kthehen në Austri të enjten, por kjo çështje ende po shqyrtohet, tha zëdhënësi.

Një vendim të ngjashëm për të ndalur operacionet e shpëtimit është marrë edhe në Gjermani nga Agjencia Federale për Ndihmë Teknike dhe nga organizata joqeveritare, që është e specializuar për të ndihmuar viktimat e fatkeqësive natyrore, ISAR, tha zëdhënësi i kësaj organizate.

“Në orët e fundit, situata e sigurisë në provincën Hataj duket se ka ndryshuar”, tha zëdhënësi i ISAR, Stefan Heine. “Ka më shumë raportime për përplasje midis fraksioneve të ndryshme, ka pasur edhe të shtëna”.

Ekipet gjermane “po qëndrojnë në kampin e përbashkët tani për tani si rezultat i kësaj situate” dhe do t’i rikthehen punës së tyre të kërkim-shpëtimit kur autoritetet turke të mbrojtjes civile “të besojnë se situata është mjaftueshëm e sigurt”.

Një tërmet prej 7.8 ballësh goditi në orët e para të 6 shkurtit Turqinë dhe Sirinë dhe u pasua me qindra pasgoditje, përfshirë një tërmet prej 7.5 ballësh. Deri më tani vlerësohet se nga tërmetet në këto dy shtete kanë vdekur mbi 28.000 persona./rel

The post Përplasje mes grupeve në Turqi, Austria dhe Gjermania pezullojë operacionet e shpëtimit appeared first on Albeu.com.

Ekipe nga e gjithë bota janë drejtuar drejt Turqisë për të shpëtuar sa më shumë jetë.

Gjithashtu edhe elita turke, përfshirë këngëtarë dhe aktorë të njohur. Aktori i njohur nga roli në serialin “Ezel” , Kenan İmirzalıoğlu, Kıvanç Tatlıtuğ nga seriali “Halil ve Menkse”, janë bërë bashkë me aktorë të tjerë të estradës turke për të ndihmuar të prekurit nga tërmeti.

Sağolsunlar!
Ahbap Koordinasyon merkezinde @kivanctatlitug @egzOzpirincci @KKasabali
İrem Helvacıoğlu
Oktay Kaynarca ve
Kenan İmirzalıoğlu na teşekkürler ? pic.twitter.com/rAOw1gG5Na

— Haluk Levent (@haluklevent) February 9, 2023

Nismëtari i kësaj nisme është këngëtari i njohur turk, Haluk Levend, i cili ka bërë bashkë dhe ka organizuar aktorët për të ndihmuar të prekurit nga tërmeti.

Ata kanë ngritur një zyrë koordinimi për të mbledhur dhe blerë ndihma, ku nisin çdo fitë kamionë me ndihma për familjet në juglindje të Turqisë./albeu.com/

The post “Ezeli” dhe “Halili” bëhen bashkë, kësaj radhe mbushin kamionët me ndihma për të prekurit nga tërmeti appeared first on Albeu.com.

Zonat e goditura nga tërmeti do të jenë kryesisht të thata për pjesën tjetër të kësaj jave, pasi stuhia Barbara solli erëra të forta, shi të dendur dhe borë në Turqi dhe pjesë të Lindjes së Mesme.

Temperaturat e ditës do të jenë disa gradë nën mesataren, ndërsa gjatë natës do të jetë shumë i ftohtë, sidomos në fund të javës.

Gaziantep, pranë epiqendrës së tërmetit në Turqi, mund të arrijë në -5C, me më shumë zona rurale, veçanërisht në lartësi, duke rënë edhe më poshtë.

The post “Njerëzit do të vdesin nga i ftohti”, temperaturat -5 gradë në qytetin afër epiqendrës së tërmetit appeared first on Albeu.com.

Përveç trishtimit, familjarët e personave që janë nën rrënoja janë zemëruar pasi dëgjonë të afërmit e tyre të dëshpëruar duke thirrur pë ndihmë.

“Ne po na lënë të vdesim,” bërtiti një grua ndërsa banorët përdorën duart e tyre të zhveshura për të lëvizur rrënojat dhe gurët.

Të tjerë po përdorin çekiç dhe kazma, çdo mjet që mund të vënë në duar, në përpjekje për të arritur tek të afërmit që ata thonë se janë poshtë dhe që mund të jenë gjallë.

Një grua tjetër qau teksa zbuloi se kishte dëgjuar vëllain e saj duke thirrur për ndihmë. Ajo tha se ai po thërriste emrin e tij dhe po lutej për ndihmë.

“Kishte 25 njerëz vetëm në atë ndërtesë,” tha ajo, duke treguar një bllok apartamentesh.

Ajo tha se u përpoq të telefononte grupin e koordinimit të urgjencës të Turqisë, “por askush nuk erdhi”./albeu.com

The post “Po na lënë të vdesim”, të mbijetuarit dëgjojnë të afërmit e bllokuar nën rrënoja duke bërtitur për ndihmë appeared first on Albeu.com.

Ai tha se ndodhej në një hotel në Adana në momentin kur tërrmeti shkatërrimtar goditi vendin.

Dodi tha se doli me urgjencë nga dhoma dhe mundi të shpëtonte dhe një fëmijë teksa zbriste nga kati i 12-të i hotelit.

Ai zbulon se situata është shumë e rëndë pasi pasgoditjet vijojnë çdo 15 minuta dhe se njerëzit nuk mund të dalin jahstë për shkak të të ftohtit

“Çdo 15 minuta ka lëkundje të fuqishme dhe ky është nnjë problem i madh se jashtë është një i ftohtë i paparë. Janë të angazhuar ushtria dhe çdo institucion për të ëkrkuar në rrënoja, është një situatë shumë e rëndë” tha ai.

Më pas ai rrëfen me detaje momentin e zbritjes nga kati i 12-të i hotelit, ku rrëfen se njerëzit binin përtokë si pasojë e shokut dhe lëkundjeve.

“Unë ndodhesha në kat të 12-të në hotel, u mundova të hapja derën se isha shtrirë. Hapa derën dhe ika me vrap nga shkallët. Shikoja në shkallë njerëz të shtrirë se binin nga lëkundjet, por dhe nga paniku. Aty pashë një grua me dy tre fëmijë dhe mora një nga ata fëmijët dhe zbrita nga shkallët. Zoti e di si kam dalë. Gjithë personat dolën jashtë, Disa ngecën nëpër dhoma se u bllokuan dhe dyert. Ishte një tërmet shumë i fortë, i frikshëm. Ka njerëz nëpër rrënoja, me baballarë, me fëmijë me gra dhe me burra në rrënoja. Mos të harrojmë që Turqia na ndihmoi në tërmetin e vitit 2019”, tha Dodi.

The post “Njerëz binin nga shkallët”, shqiptari rrëfen përjetimet e tërmetit në Turqi: Tmerr! Shpëtova një fëmijë appeared first on Albeu.com.