Zyrtarët në rajonin Gansu zhvilluan vlerësime paraprake që tregojnë se industritë bujqësore dhe të peshkimit të provincës kanë pësuar dëme me vlerë rreth 74.6 milionë dollarë, njoftoi televizioni shtetëror CCTV. Autoritetet po shqyrtojnë përdorimin sa më mirë të fondeve të ndihmës që sektori bujqësor të rifillojë prodhimin sa më shpejt që të jetë e mundur, thuhet në raport.

Tërmeti me magnitudë 6.2 ballë goditi mbrëmjen e së hënës një rajon malor mes provincave Gansu dhe Qinghai dhe rreth 1300 kilometra në jugperëndim të Pekinit, kryeqytetit kinez.

Kanali shtetëror CCTV tha se 117 persona humbën jetën në Gansu dhe 31 të tjerë në rajonin fqinj Qinghai, ndërsa tre persona rezultojnë ende të zhdukur.

Afro 1,000 persona u plagosën dhe më shumë se 14,000 shtëpi u shkatërruan.

Shumica e tërmeteve në Kinë ndodhin në pjesën perëndimore të vendit, përfshirë provincat Gansu, Qinghai, Sichuan dhe Yunnan, si dhe rajonin Xinjiang.

Tërmeti i fundit ishte më vdekjeprurësi në vend në nëntë vitet e fundit.

The post Kinë, dëme të mëdha financiare pas tërmetit që la 148 të vdekur appeared first on Albeu.com.

Sipas Institutit Euro-Mesdhetar, tërmeti tronditi rajonin e Sichuan, në jugperëndim të vendit, dhe kishte  një thellësi prej 10 kilometrash.

Nuk ka ende raporte për dëme apo viktima, por mbetet ende për t’u parë se çfarë do të ndodhë në orët në vijim./albeu.com/

The post Kina goditet nga tërmeti i fuqishëm appeared first on Albeu.com.