Ky program nisi në funksion të rikuperimit të pasojave që shkaktoi tërmeti shkatërrues i 26 nëntorit 2019 dhe ende vijon me kantiere të hapura.

ur kanë kaluar katër vite dhe po hyjmë në të pestin, është bërë gjithmonë e më e vështirë të kuptohet se pse ende mijëra familje janë rrugëve pa marrë banesën e premtuar.

Në fillim, projekti nisi me hapa të shpejtë dhe peshën më të madhe e përqendroi në vitet 2021 dhe 2022, kur nisën të shpërndaheshin banesat e para të reja.

Këtë vit, edhe vetë përfaqësuesve të qeverisë apo njësive vendore të prekura duket sikur u ka rënë ritmi i deklaratave për një program që përfundimi i shtyhet vazhdimisht.

Rindërtimi pati kontraste edhe në zbatim, ku projektet që u menaxhuan nga donatorët përfunduan ndërsa projektet me mbështetjen e buxhetit vijojnë.

Në këtë kontekst, krahasimi është i thjeshtë. Turqia, që u angazhua me një projekt të madh në Laç, përfundoi në kohë rekord ndërtimin e mbi 500 apartamenteve që u kaluan më pas qytetarëve.

Më shpejt përfundoi edhe Thumana, ku u ndërtuan 278 apartamente dhe 155 njësi individuale. Pak më shumë se 500 njësi individuale banimi janë përfunduar që vitin e kaluar edhe në rrethinat e Tiranës në zona si Vaqarri, Zall Herri, Ndroqi.

Dy lagjet e reja që po ngrihen në kryeqytet lidhur me rindërtimin, siç është “5 Maji” dhe “KombinArt” janë ende në proces dhe mijëra familje mbeten në shtëpi me qira në pritje të përfundimit.

Në Durrës, deri më tani, kanë marrë një banesë të re 331 familje, por më të shumtë janë ata që ende nuk e kanë marrë një të tillë dhe që pritet të transferohen në Spitallë, ku punimet vijojnë.

Kur pjesa e luanit e programit të Rindërtimit tashmë është konsumuar me më shumë se 3/4 e kostos së parashikuar të shpenzuar, pikëpyetjet që ngrihen janë të shumta, të lidhura me transparencën e projektit, përdorimin eficient të parave publike, pasojat negative financiare e sociale nga zvarritja e zbatimit, problematikat në zhvillimin e procedurave të prokurimit dhe monitorimin e zbatimit.

Rindërtimi, deri në fund të 2023, shpenzimet totale arrijnë 92 miliardë

Buxheti i ndryshuar i vitit 2023 rialokoi fonde në një sërë zërash, ku ndër të tjera edhe rindërtimi. Në këtë zë, qeveria parashikoi që fondet të shtoheshin me 12 miliardë lekë.

Kjo shifër mbetet për t’u shpenzuar deri në fund të vitit, teksa aktualisht deri në nëntor, shpenzimet faktike sipas Ministrisë së Financave ishin 80 miliardë lekë.

“Në kuadër të realizimit të programeve të procesit të Rindërtimit, në ligjin e buxhetit të viteve 2020-2023 u sanksionua krijimi dhe administrimi i Fondit të Rindërtimit, i cili parashikonte fondet për financimin e nevojave lidhur me rindërtimin.

Shpenzimet faktike që nga momenti i krijimit të këtij fondi deri në nëntor të vitit 2023 janë: 28.5 miliardë lekë për njësitë e qeverisjes qendrore, 52 miliardë lekë për njësitë e vetëqeverisjes vendore, në total 80 miliardë lekë.

Me Aktin Normativ nr.5, datë 18.10.2023 “Për disa ndryshime dhe shtesa në ligjin nr.84/2022, ‘Për buxhetin e vitit 2023’, fondi i rindërtimit për vitin 2023, u shtua me 12 miliardë lekë për financimin e plotë të të gjithë punimeve të kryera dhe avancimin e tyre” konfirmuan Financat për “Monitor”.

Kjo do të thotë se në total, në mbyllje të 2023, fondet e shpenzuara për rindërtimin do të arrijnë 92 miliardë lekë, apo rreth 840 milionë euro.

Për vitin 2024, qeveria ka parashikuar në Buxhetin tashmë të miratuar nga Parlamenti, një fond prej 7 miliardë lekësh, apo rreth 65 milionë euro, por askush nuk mund të thotë nëse programi do të shkojë përtej këtij viti apo do të shënojë mbylljen e tij.

Durrësi dhe Tirana, ende kantiere të hapura, nuk ka afat për përfundimin

Durrësi dhe Tirana janë Bashkitë me më shumë familje në pritje të një apartamenti apo banese të re, pas tërmetit të katër viteve më parë dhe që banesat iu klasifikuan me nivel dëmi DS5 (totalisht të shkatërruara).

Në Bashkinë e Durrësit u kategorizuan si DS5 me miratim nga Këshilli Bashkiak 1098 banesa individuale.

Sa u takon pallateve për rindërtim, ishin 12 në Durrës, 7 në njësinë administrative të Sukthit dhe 1 pallat në njësinë administrative Katund i Ri në të njëjtin vend ku ishin më parë.

Për Durrësin u miratuan edhe dy të reja për zhvillim siç janë Manza dhe Spitalla. E para tashmë e përfunduar prej kohësh dhe e planifikuar për strehimin e 226 familjeve ndërkohë e dyta, e projektuar për 996 apartamente në 85 pallate 4-katërshe ka përfunduar në pjesën më të madhe të saj, por apartamentet ende nuk janë dorëzuar.

Një procedurë e tillë nuk pritet të jetë e lehtë, pasi familjet që kanë pasur një apartament në Durrës kanë shprehur rezistencë për t’u zhvendosur në këtë zonë të re. Edhe pse një pjesë kanë pranuar, ka ende nga ata që nuk janë dakord. Një fakt të tillë e pohon edhe vetë Bashkia.

“Në lidhje me banesat individuale kanë shprehur vullnetin e tyre qytetarët për t’u zhvendosur në zonat e reja për zhvillim, ndërsa në lidhje me banorët që kanë jetuar në apartamente është hasur vështirësi në fillim, por me punën dhe angazhimin e njësive është bërë i mundur ndërgjegjësimi i familjeve dhe është marrë mirëkuptimi dhe kanë pranuar të transferohen shumë familje”, – pohon Bashkia për “Monitor”.

Lidhur me ndërtesat që u klasifikuan si DS4, ku duhet të bëhen riforcime për t’i kthyer parametrat e sigurisë, Bashkia e Durrësit nënvizon se ka ende punë para, edhe pse fondet janë miratuar.

“Për sa u përket objekteve me nivel dëmi DS4, janë në total 96 objekte me nivel dëmi DS4 pallate dhe 101 shtëpi individuale, për të cilat janë miratuar fondet për riforcimin e tyre, disa prej tyre kanë përfunduar, disa të tjera janë në proces zbatimi punimesh riforcimi”, – konfirmon Bashkia.

Tirana, nga ana tjetër, ka dy zona të reja zhvillimi me disa mijëra familje që ende janë nëpër banesa me qira, diçka që ka bërë që në buxhetin e bashkisë, fondet e strehimit të kenë peshë më të lartë vitet e fundit.

Në zonën e 5 Majit synohet që të strehohen 11 mijë banorë, ndërkohë që parashikohen 3500 apartamente, kurse në Kombinat, e pagëzuar si “KomninArt”, Bashkia deklaroi se do të shtrihej në disa faza. Në fazën e parë do të ndërtoheshin rreth 3 mijë apartamente.

Premtimet e Bashkisë se banorët do të ishin në një shtëpi të re ndryshojnë afat herë pas here, por fakt është që sot këto lagje të reja janë ende të papërfunduara. Këtë e konfirmoi vetë kryebashkliaku Veliaj, gjatë prezantimit të projektbuxhetit 2024 të Bashkisë që ai drejton.

“Te lagjja ‘5 Maji’ jemi afër fundit me banesat aty, ndërkohë edhe 7 pallatet në Kombinat po mbarojnë, por do ishte mëkat që ta linim pa infrastrukturë.

Ne nuk duam të bëjmë konvikte për njerëzit që i gjeti fatkeqësia e tërmetit. Aty do të transferohen edhe institucione të qeverisë dhe të bashkisë, por mbi të gjitha, do të bëjmë infrastrukturë. Se po i lamë vetëm si banesa, pa infrastrukturë, pa rrugët e mira, pa parqe, pa parking, nuk shkon.

Një pjesë e buxhetit do të shkojë për infrastrukturën mbështetëse të këtyre lagjeve”, u shpreh Veliaj.

Afatet për mbylljen e rindërtimit në të dyja Bashkitë, si Durrësi dhe Tirana, janë të paparashikuara. Këto të fundit, që prej fillimit, ndryshojnë vazhdimisht duke e shtuar kalvarin social të familjeve që presin të kenë një çati mbi kokë pas fatkeqësisë së 2019-s.

Zvarritja rëndon buxhetet e strehimit, mbi 80 mln euro si bonus qiraje

Teksa programi i rindërtimit nisi në vitin 2020, pritshmëria ishte që numri i qytetarëve që u lindi e drejta për një bonus qiraje, të ulej gradualisht vit pas viti me ecurinë e zbatimit të projekteve dhe marrjen në dorëzim të banesave.

Por edhe sot, Bashki si Durrësi e Tirana paguajnë bonus qiraje për mijëra familje.

Kontrolli i Lartë i Shtetit, në raportin e tij të buxhetit faktik 2022, raportonte se vetëm Bashkia e Tiranës ka paguar disa dhjetëra miliona euro në disa vite për bonusin e qirasë.

Drama sociale bëhet edhe më e madhe po të kemi parasysh që Bashkitë, jo në të gjitha rastet e kanë paguar këtë detyrim, duke i lënë familjet t’i bëjnë këto pagesa.

“Ecuria në mungesë të ritmeve të duhura të ndërtimit të banesave për të dëmtuarit nga tërmeti i vitit 2019, po sjell në mënyrë të vazhdueshme kosto shtesë për buxhetin, në kuadër të strehimit.

Në fillim të vitit 2022 ishin parashikuar 1 miliard lekë për qiranë e akomodimit të 11 300 familjeve të pastreha nga tërmeti, me supozimin se një pjesë e familjeve do të strehoheshin në objektet e filluara gjatë viteve 2020-2021”, – thuhet në raportin e KLSH.

Ky i fundit nënvizon se numri i familjeve përfituese të subvencionit të qirasë vijoi të jetë ende i lartë, duke sjellë për pasojë rishikimin dhe miratimin e buxhetit shtesë për vlerën 1.69 miliardë lekë dhe në dhjetor 2022, u ul me 350 milionë, për shkak se Bashkia e Tiranës mbuloi me fondet e veta pagesat për dy muaj.

Përfundimisht, plani për shpenzim qiraje ishte në vlerën 2.3 miliardë lekë dhe rezulton se fondi i përdorur për vitin 2022 është 2.19 miliardë lekë, ose 95%.

Nga sa më sipër konstatohet se, mungesa e arritjes së kryerjes së shpenzimeve të planifikuara për rindërtimin, krahas problemeve sociale për strehimin dhe infrastrukturën publike, vijon të sjellë kosto shtesë për buxhetin, e cila për vitin 2022 është më së paku 1.3 miliardë lekë” – nënvizon KLSH.

Në një interpelancë të këtij viti, ish-ministrja e Financave, Delina Ibrahimaj, pranoi se vetëm për vitin 2023 ishin parashikuar 500 milionë lekë si zë për bonusin e qirasë, duke bërë që kumulativja në disa vite të paguara nga buxheti i shtetit të shkojë 8.8 miliardë lekë apo rreth 80 milionë euro.

KLSH vlerëson se, në disa raste, bashkitë nuk kanë paguar detyrimet e qirasë, duke ngarkuar financiarisht familjet e prekura.

“Nga auditimi në MFE konstatohet se ka disa bashki të cilat nuk kanë kryer çdo muaj subvencionime për qiratë, si: Bashkia e Tiranës nuk ka kryer pagesa për qiratë në muajt shkurt, qershor, korrik, gusht, nëntor; Bashkia e Mirditës nuk ka kryer pagesa për muajin janar, shkurt, maj, nëntor; Bashkia e Rrogozhinës nuk ka kryer pagesa për muajin janar, shkurt, prill, qershor, korrik etj.

Mosrealizimi i shpenzimeve të programuara për rindërtimin, sjell kosto shtesë për buxhetin edhe në drejtim të zgjatjes së afatit të qirasë për banorët, ndërtesat e të cilëve janë dëmtuar nga tërmeti dhe kanë qenë parashikuar që të përfundojë ndërtimi i tyre, krahas problemeve të tjera sociale të strehimit”, – thuhet në raportin e buxhetit faktik të 2022 të KLSH-së.

Rindërtimi kritikohet për transparencën dhe negocimin në vend të garës

Programi i rindërtimit është kritikuar vazhdimisht për aspekte të ndryshme, por mbi të gjitha për mënyrën sesi u koordinua. Përfshirja e një sërë institucionesh dhe mosruajtja e një standardi raportimi nga të gjithë, e bëri të vështirë nxjerrjen e bilanceve fazë pas faze. Një tjetër element i kritikuar ishte forma sesi u zhvilluan procedurat e prokurimit.

Në vend të një gare të hapur, ku konkurrenca do të rriste pjesëmarrjen, e për rrjedhojë do të kishte edhe ndikim në ofertat financiare, nën argumentin e emergjencës u zgjodh negocimi dhe një ligj i veçantë.

Kjo formë së fundmi u kritikua edhe në raportin e Komisionit Europian për Shqipërinë që nënvizonte se “shpenzimet e rindërtimit pas tërmetit nuk kishin transparencë, pasi nuk u integruan në procedurat e rregullta të financave publike”.

Preferenca për të negociuar në tavolinë me biznesin është parë si një rrezik për klientelizëm dhe korrupsion. Të paktën kështu gjykon Aranita Brahaj, drejtore ekzekutive e Institutit Shqiptar të Shkencës (AIS) që ka ndjekur nga afër thuajse çdo hallkë të këtij programi.

“Procedurat për kontraktim për veprat pjesë e programit të rindërtimit nuk janë transparente, ato janë bërë me procedurë të limituar (kufizuar, jo e hapur), ofertat janë pranuar dhe vlerësuar jashtë sistemit elektronik në tryezë biznesi dhe shteti.

Kjo për shkak të Ligjit Korruptiv që u zbatua për këtë Program. Për pasojë, rreziku për klientelizëm dhe korrupsion të jetë tepër i lartë”, pohon znj. Brahaj.

Sipas saj, ka një problem të theksuar edhe me ndjekjen e programit në hallkat e tjera dhe e gjithë kjo ka të bëjë me formulën e ndjekur të prokurimit dhe shpalljes së fituesve kur paratë ende mungojnë pasi buxhetet nuk janë të alokuara drejtpërdrejt.

“Pas njoftimit të fituesit, qoftë autoriteti kontraktues bashki, e qoftë biznesi fitues, duhet të presin Ministrinë e Rindërtimit (tashmë e shkrirë) dhe Qeverinë të bëjë alokim fondi nëpërmjet VKM-së.

Kjo formë e konkurrimit pa buxhet dhe pritjes për buxhet pa afat të paracaktuar ka dëmtuar ecurinë e punës në disa bashki e në fund ka shënuar një formë jo shumë transparente dhe me kosto të keqpërdorimit të kontraktimit dhe financimit me para publike.

Mendoj që buxhetimi i deritanishëm për projekte rindërtimi ka nevojë për 10 deri në 15 miliardë lekë të tjera për të mbyllur të gjitha procedurat ku është njoftuar një Biznes Fitues”, – nënvizon znj. Brahaj. /Monitor

The post Programi i rindërtimit, ku shkuan 730 milionë euro? appeared first on Albeu.com.

Tërmeti shkaktoi dëme të mëdha materiale dhe shembjen e qindra banesave duke lënë pa strehë shumë familje kryesisht në Thumanë dhe në disa zona të Durrësit.

Mëngjesi i 26 nëntorit ku vendi u trondit nga një tërmet me magnitudë 6.4 të shkallës rihter la një plage të pashërueshme për familjet dhe të afërmit e 51 viktimave të tij. Ishte ora 03:56, kur një lëkundje e fuqishme me magnitudë 6.4 të shkallës rihter, që zgjati për rreth 50 sekonda, goditi Durrësin dhe Tiranën dhe disa bashki të tjera, duke u marrë jetën 51 personave dhe lënduar qindra të tjerë.

Qindra të plagosur la pas ajo dridhje e fuqishme e tokës, kryesisht ne Durrës, Kurbin, Tiranë e Lezhë.

Shembje pallatesh, shtëpish, shkolla e institucione të tjera. Thirrjet dëshpëruese të familjareve qe të afërmit i kishin nën rrënoja, sirenat e autoambulancave, policisë, zjarrfikësve, ushtrisë, ushtonin ngado.

Mbi 200 mijë persona u preken direkt nga dëmet që la pas. Shqipëria u kthye menjëherë në qendër të raportimeve të mediave botërore. Shqiptarët, fqinjët, partnerët nisen mobilizimin e shpejtë për t’i ardhur në ndihmë Shqipërisë./albeu.com/

The post Sot, 4 vite nga tërmeti tragjik i 26 nëntorit, mori 51 jetë njerëzish dhe la në qiell të hapur qindra familje appeared first on Albeu.com.

“Tërmeti është një dukuri natyrore shumë e frikshme. Njerëzit panikosen aq shumë sa ndonjëherë mund të shkaktojnë dëme më të mëdha se sa vetë ai. Tërmeti i 26 nëntorit do të përsëritet, pasi vendi ynë ndodhet në mes të pllakës euro-aziatike me atë afrikane. Kur këto pllaka lëvizin, çlirohet një energji në formë brutale që është tërmeti. Por që të ndodhë kjo duhet të kalojë kohë, të cilën shkencëtarët janë munduar pak a shumë ta parashikojnë me periudha.

Mendoj që të jemi sa më të sigurt ndaj kësaj dukurie natyrore që as e parashikojmë, as e ndalojmë, duhet nisur nga disa hallka, sikurse edukimi i njerëzve. Të mësojnë që është një zonë që do ketë vazhdimisht lëkundje sizmike apo që ky fenomen do të ndodhë vazhdimisht”,-u shpreh ajo.

Inxhinierja Bozo foli gjithashtu për ndërtimet e para vitit 2019 të cilat pësuan dëme të mëdha pasi nuk kishin zbatuar standartet ekzistuese, ndërsa ndërtimet e pas 2019-ës, theksoi ajo, kanë kaluar të gjitha në sitë.

View this post on Instagram

A post shared by @miremengjesishqiperi

“Njerëzit duhet të kenë siguri aty ku rrinë dhe punojnë. E garancinë për këtë ua jep Urdhri Profesional i Inxhinierëve. Ky i fundit garanton publikun që të gjithë inxhinierët të punojnë brenda kushteve dhe rregullave teknike. Ajo fatkeqësi e 2019-s ndodhi pjesërisht edhe sepse në treg kishin dalë njerëz që nuk ishin profesionistë, që dinin dhe që s’dinin. Ndërtues që nuk respektonin standardet ekzistuese të kontrollit të cilësisë së fazave të procesit ndërtimor”, -mbylli zonja Bozo fjalën e saj.

The post VIDEO/ Luljeta Bozo: Tërmeti i 26 nëntorit do të përsëritet appeared first on Albeu.com.

Luljeta Bozdo në një intervistë në Ora News me gazetaren Siklajda Shorja u kthye pas në kohë ku kujtoi ato momente dhe i cilësoi si një gjë e frikshme.

Luljeta Bozdo: Tërmeti ishte një gjë e frikshme është një ndër katastrofat natyrore që ndodhin shpesh. Është një fenomen i frikshëm. Shumica ishin të papërgatitur. Pati shumë shkatërrime ç’është e vërteta. Problem i parë ishte të shpëtonin ato që ishin nën rrënoja.

Aty ishin dy faktorë kryesor ndërtimi në vende ku nuk duhej ndërtuar pa studim gjeologji dhe e dyta pa pasur asnjë profesionist. Që të llogarisë qëndrueshmërinë e objektit. Njerëzit nuk e kuptojnë ë ti n ë apartament nuk mund të ndërhysh në kolona sidomos në katet e poshtme. Faktori i tretë është se njerëzit janë indiferent, shikojnë që po bëhet një gjë dhe nuk ndërhyjnë.

Sipas saj “në Shqipëri gjatë këtyre 3 vjetëve janë strehuar me mijëra familje, 85 për qind e familjeve”.

Luljeta Bozdo: Në Shqipëri gjatë këtyre 3 vjetëve janë strehuar me mijëra familje. Ka ende familje të pastabilizuara por 85 për qind e familjeve janë futur në shtëpi të reja që nuk i kishin imagjinuar asnjëherë. Në apartamente dhe vila fantastike.

Po të shkosh në Baldushk në shtëpitë e rrënuara që kishin fshatarët që ato dhe pa tërmet do të binin kanë hyrë në ca vila që nuk i kanë ëndërruar kurrë në jetën e tyre. Janë shtëpi dhuratë se nuk paguan asnjë lekë për atë punë. Është një 10 për qindësh që ende nuk janë sistemuar por dhe atyre do t’ju vijë radha.

Bozdo thotë se u bë një punë e jashtëzakonshme se u siguruan shumë fonde nga jashtë, pasi me ekonominë tonë që kemi nuk mund ti bëjmë të gjitha.

Luljeta Bozdo: U bë një punë e jashtëzakonshme se u siguruan shumë fonde nga jashtë. Me këtë ekonomi që kemi nuk mund ti bëjmë të gjitha. Ne e dimë ekonominë e shtetit, një ekonomi jo shumë e fuqishme. Por kush do ta dinte se 1 vit më vonë do të binte Covid. Fondet e BE shkuan për shkolla, kopshte dhe një pjesë u mbulua nga buxheti i shtetit. Nëse nuk do të kishte rënë pandemia sot nuk do të kishim asnjë njeri pa shtëpi.

Pse nuk ka një transparencë të qeverisë kur flasim për fondet e donatorëve?

Luljeta Bozdo: Unë e di që fondet janë transparente. Kanë marrë fonde dhe duke i riparuar vetë personat shtëpitë por nuk mund ti riparojnë vetë. Firma e ndërtimit do ti tërheqë lekët. Deri në një farë shume i jepej vetë personit. Dhe sot e kësaj ditë ka banor ku është akorduar fondi por nuk ka vijuar puna pasi mungon projekti dhe asgjë nuk mund të bëhet pa projekt. Janë disa procedura që njerëzit nuk mund ti shkelin sepse së pari shkelet ligji si dhe nëse shkelen rregullat pasojat janë mbrapa do të vijë tërmete të tjera.

Ajo dha dhe një këshillë për të gjithë ata që duan të blejnë një shtëpi të re.

Luljeta Bozdo: Për ata që kanë siguruar një kredi dhe duan të blejnë një shtëpi këshilla ime ëhstë që, lekët mos i çoni kot. Domethënë për të hyrë në një shtëpi kudo apo në një apartament do të kërkoni kontrollin nëse ajo është apo jo e qëndrueshme dhe ka shumë instanca që bëjnë kontroll. Dhe kontroll fizik dhe me llogaritje. Në një shtëpi të re në asnjë mënyrë nuk duhet të futesh nëse nuk është kolauduar dhe nuk është marrë në dorëzim.

The post Tre vite nga tërmeti, Luljeta Bozo: Fshatarët hynë në vila që s’i kanë ëndërruar appeared first on Albeu.com.

Sot jemi fiks 3 vite nga tërmeti i rëndë që praku vendin duke shkaktuar plot 51 viktima dhe sjellë shumë shkatërrim.

Presidenti i Republikës Bajram Begaj me anë të një postimi në “Facebook” paraditen e sotme ka dërguar një mesazh ngushëllimi për viktimat, teksa tha se ngjarja ishte një tragjedi e vërtetë njerëzore.

Begaj shkroi se Shqipëria do t’i jetë përgjithmonë mirënjohëse të gjitha shteteve që kontribuan në përballimin e pasojave të tij, kontribut që ishte jetik për mijëra familje.

Postimi i plotë:

Tërmeti i 26 nëntorit 2019, ishte tërmeti më i madh që goditi vendin tonë në 40 vjet, duke shkaktuar një tragjedi të vërtetë njerëzore si dhe dëme materiale të pallogaritshme. Mendimet tona shkojnë në kujtim të 51 viktimave të asaj ngjarjeje të dhimbshme.

Me mijëra shqiptarë, brenda dhe jashtë vendit, dhanë gjithçka nga vetja për t’u ardhur në ndihmë familjeve të prekura nga pasojat e tërmetit. Kontributi dhe forca e treguar nga populli shqiptar për të përballuar si një familje e madhe ato ditë të vështira, ende sot më emocionojnë e më japin shpresë për gjërat e mëdha që mund të bëjmë kur ekziston vullneti i përbashkët.

Shqipëria do t’i jetë përgjithmonë mirënjohëse të gjitha shteteve që kontribuan në përballimin e pasojave të tij, kontribut që ishte jetik për mijëra familje./albeu.com

The post “Treagjedi e vërtetë njerëzore”, 3 vite nga tërmeti i 26 nëntorit, Presidenti Begaj: Mendimet tona shkojnë në kujtim të 51 viktimave appeared first on Albeu.com.

Sipas raporteve, vitin e shkuar shqiptarët kanë luajtur 80 milionë euro në kazino.

Të dhënat zyrtare tregojnë se vetëm në tregun e lejuar të bixhozit: kazino elektronike, tavolina rulete, lojëra me zare dhe letra, xhiroja u rrit 4 herë më shumë se në 2020-n dhe 2 herë më shumë se 2019-n.

Në këto vite ka operuar vetëm 1 kazino e licencuar, nga 4 që janë sot.

Shteti ka rritur me 200% të ardhurat nga taksat e lojërave të fatit.

Në vitin 2020 të ardhurat nga bixhozi ishin 6 milionë euro dhe arritën në 12.6 milionë euro në fund të vitit që lamë pas.

Nga 80 milionë euro që kanë shpenzuar në kazino, fatlumët kanë fituar 3 milionë euro, vetëm 3.75% të parave të luajtura.

Përveç tregut të lejuar të kazinove, në Shqipëri lulëzon edhe ai informal i basteve sportive.

Të dhënat e Prokurorisë së Përgjithshme tregojnë se në 2021-n policia ka zbuluar 70% më shumë raste të zhvillimit të lojërave të fatit të palejuara.

The post Shqiptarët shpenzuan plot 80 milionë euro në bixhoz gjatë vitit 2021 appeared first on Albeu.com.

30% e familjeve në Shqipëri kanë të paktën një borxh. Më shumë se gjysma e tyre kanë marrë hua nga familjarët dhe të afërmit ndërsa 45% i janë drejtuar bankave apo institucioneve të tjera financiare, sipas një vrojtim nga Banka e Shqipërisë për pasuritë e familjeve shqiptare.

Në lidhje me këtë eksperti i ekonomisë, Klodian Muço thotë në Radarin Informativ në Abc se vrojtimi nga Banka e Shqipërisë tregon se në vendin tonë ka një nivel të lartë varfërie.

Muço thotë se shqiptarët marrin borxh për konsum, e jo për të mira, shërbime luksi, apo investime të mëdha.

“Një e treta e familjeve shqiptare kanë borxhe. Kjo tregon një nivel të lartë varfërie. Nuk është problemi e marrjes së borxhit. Problemi është se për çfarë e marrin familjet shqiptare  borxhin. Shqiptarët marrin kredi konsumatori, e kanë të vështirë të mbulojnë aktivitetet të zakonshme”, shprehet eksperti.

Shqiptarët kanë marzhe të ulëta kursimi

Ndër të tjera Muço tha se shqiptarët e kanë të vështirë të kursejnë. Duke marrë bë konsideratë pagat e ulëta dhe informalitetin, eksperti i ekonomisë tha në Radarin Informativ në Abc se se shqiptarët kanë kulturë të ulët financiare dhe se aksesi në banka është i kufizuar.

“Shqiptarët e kanë të vështirë të gjenerojnë kursime e të bëjnë një jetë dinjitoze. Sistemi bankar në Shqipëri ka kosto relativisht të larta. Në Shqipëri ka paga të ulëta, kanë paga të pa deklaruara ose janë të pa punë. Aksesi nëpër banka është relativisht i ulët. Shqiptarët i kushtojnë shumë rëndësi arsimimit. Kërkojnë maksimumin,  duke i çuar fëmijët në kolegje private apo jashtë Shqipërisë. Shpesh herë shqiptarët detyrohen të marrin hua për të garantuar shëndetin e tyre.

Shqipëria ka tendencë rënëse të popullsisë dhe rënie të lindjeve. Tani shqiptarët kërkojë të ikin sepse duan një të ardhme të sigurt.

Këtu jeta është e pasigurt. Kultura financiare e shqiptarëve është e ulët. Se sa pak e strukturuar është ekonomia shqiptare. Fermerët apo qytetarët shqiptarë që kanë ndërmarrje në bujqësi e kanë të vështirë aksesin në sektorin bankar”, tha Muço.

Eksperti i ekonomisë tha se pagat e ulëta, informaliteti në bujqësi krijojnë pamundësi kreditimi. Ai shtoi se 90% e bizneseve në vendin tonë janë të vogla dhe se nuk kanë tendencë të rriten si pasojë e kreditimit.

Muço tha se kursimet e ulëta të familjeve shqiptare janë tregues se një pjesë e mirë e popullsisë ka vështirësi për mbijetesë.

“Kursimet e ulëta të familjeve tregojnë se një pjesë e shqiptarëve e kanë të vështirë jetesën, apo mbijetesën. Rritja e varfërisë do të jetë edhe më e madhe në vijim.

41,3% e buxhetit në familje shkon për konsumin e përditshëm, për mbijetesë jo për luks. Rritja e vazhdueshme e çmimeve tregon se shqiptarët do e kenë më të vështirë”, u shpreh eksperti.

The post Eksperti i ekonomisë: Shqiptarët nuk kursejnë dot, marrin borxhe për mbijetesë appeared first on Albeu.com.

Ishin 97 banesa të reja që ju dorëzuan qytetarëve të prekur atje.

Gjatë fjalës së tij, kreu i qeverisë e cilësoi si një premtim të mbajtur, teksa theksoi se qëllimi ishte ringritja nga ajo fatkeqësi.

“Këtu jo vetëm që janë bërë gati 97 apartamente, por janë bërë gati 97 banesa më të mira, më të bukura dhe kur erdha po shikoja pallatin përballë dhe po imagjinoja sesi tani komshinjtë do rrinë duke i parë  sikur ata të shkret kanë faj që nuk u ka rënë tërmeti aty. Por ky ka qenë edhe qëllimi që ne të ringrihemi dhe të bëhemi më të fortë. Me kujtim me humbjet tragjike të jetëve sot ne po i kthejmë pjesë-pjesë të gjitha familjet në shtëpi, pas një periudhe të vështirë. Jam shumë i lumtur që shikoj këtu, gjyshe, fëmijë të vegjël që do ti thonë gëzuar njëri-tjetrit në një shtëpi të re dhe mase do mendojnë kush e di kjo politikë dhe këta politikanë nuk janë të gjithë njësoj. Ne nuk jemi më të mirët e mundshëm por më të mirë se ne nuk do shihni.

Një gjë për ata që presin të kthehen në shtëpi, por do të kthehen në lagje të tëra të ndërtuara, por kjo do akoma kohë. Gjithçka kam thënë do të jetë deri në fund ashtu siç e kam thënë. Zotimet nuk arrihen të mbahen aq shpejt, por kurrë mos mendojë askush se unë i them fjalët për të kaluar radhën. Nëse disa gjëra nuk bëhen në kohën e premtuar kjo vjen për arsye objektive.

Në Itali ka akoma njerëz në kabina prej 12 vjetësh. Për mua ka qenë prioritet i prioriteteve. Me këtë rast sot janë 97 familje më pak në mendimet e mia nesër”, deklaroi Rama./albeu.com/

The post Dorëzoi banesat e reja për të prekurit nga tërmeti në Lezhë, Rama vlerëson punën e qeverisë së tij appeared first on Albeu.com.

Komentet Rama i ka bërë përmes një njoftimi në Facebook, të cilin e ka shoqëruar edhe me një video nga Thumana.

“Pak nga pak po ndizen dritat e banesave të familjeve që po rikthehen në Thumanën e Rilindur, ku vigjëlon ulliri i jetës dhe i paqes nga maja e çisternës së vjetër të ujit, e cila është kthyer në një përkujtimore të viktimave të tragjedisë së 26 nëntorit dhe të rilindjes së qytezës së masakruar nga tërmeti”, ka shkruar Rama./albeu.com/

The post “Vigjëlon ulliri i jetës”, Rama ndan lajmin për banesat e dëmtuara nga tërmeti (VIDEO) appeared first on Albeu.com.

Rama shkruan se ishte një fatkeqësi marramendëse, por marrim frymë të lehtësuar për faktin se mijëra familje të goditura prej asaj fatkeqësie sot janë më mirë se sa përpara goditjes prej saj.

Rama gjithashtu shkruan se kujton me dhimbje familhetq ё humbën njerëzit e tyre të dashur dhe ka shprehur mirënjohje për të gjithë ata që na u gjendën pranë.

Postimi i Ramës:

MIRËMËNGJES

Tragjeditë sprovojnë njerëzit, popujt, shtetet dhe dy vjet nga fatkeqësia marramendëse e tërmetit, duke kujtuar humbjet, plagët, dhimbjet e duke parë çka mundëm të bëjmë deri këtu, mund të themi pa ndroje se sot jemi ngritur më të fortë e po ashtu mund të marrim frymë të lehtësuar, për faktin se mijëra familje të goditura prej asaj fatkeqësie sot janë më mirë se sa përpara goditjes prej saj.

Kujtoj me dhimbje familjet që humbën njerëz të dashur dhe mbetem mirënjohës pa fund për të gjithë ata që dhanë ndihmën e parë, që u solidarizuan nga të katër anët e vendit dhe të botës me të goditurit nga fatkeqësia, që punuan e punojnë pa pushim për të kthyer deri familjen e fundit në shtëpi më të mirë, më të fortë, më të bukur./albeu.com

The post Dy vite nga tërmeti tragjik, Rama: Kujtoj me dhimbje familjet që humbën të dashurit, mirënjohje ata që na ndihmuan appeared first on Albeu.com.