Skena rrëqethëse u shfaqën me trupa të rreshtuar në rrënoja, ndërsa ekipet e shpëtimit kërkonin të mbijetuarit nga tërmeti, epiqendra e të cilit u zbulua pranë Mandalay, qyteti i dytë më i madh i Mianmarit.

Megjithëse shkalla e vdekjes dhe shkatërrimit nuk ishte menjëherë e qartë, Shërbimi Gjeologjik i SHBA-së (USGS) lëshoi ​​një alarm të kuq – duke vlerësuar se vdekjet mund të variojnë nga 1000 deri në 10000, shkruan New York Post.

“Viktima të mëdha dhe dëme të mëdha janë të mundshme dhe fatkeqësia ka të ngjarë të jetë e përhapur”, paralajmëroi agjencia federale.

Shkatërrimi u përhap qindra milje nga epiqendra, duke përfshirë në Tajlandën fqinje, ku një rrokaqiell në ndërtim e sipër u rrëzua në kryeqytetin Bangkok, thanë autoritetet tajlandeze.

Një video dramatike që qarkullon në mediat sociale tregoi ndërtesën 30-katëshe me një vinç në majë duke u shembur në një re pluhuri pranë tregut popullor Chatuchak të qytetit, ndërsa shikuesit ulëritës iknin nga vendi i ngjarjes.

The post Tërmetet e fuqishme në Azinë Juglindore, Shërbimi Gjeologjik i SHBA-së ngre alarmin e kuq: Një mijë deri në 10 mijë viktima appeared first on Albeu.com.

“Nuk është se tërmetet e Santorinit na impaktojnë ne në territorin shqiptar. Jo për shkak të distancës, por dhe natyrës që ata kanë. Por natyrisht i gjithë rajoni është aktiv dhe territori i Shqipërisë është aktiv vazhdimisht. Ka një intensitet mikrotërmetesh. Dhe kjo na bën të mendojmë se i gjithë rajoni është në një lëvizje tektonike. Si aktiviteti në territorin e Shqipërisë dhe ai në Santorini është pasojë e kësaj lëvizje dhe jo ndikim i drejtpërdrejtë nga njëri tjetri.

Kemi një numër pllakash tektonike në këtë rajon që ndërthuren me njëra -tjetrën. Konkretisht flasim për pllakën Afrikane në harkun e Egjeut, një hark ishullor vullkanik është dukuri e shprehur nën futja e saj në pllakën Euroaziaktike dhe këtu bëhet fjalë për aktivitetin në Santorini. Sa i përket aktivitetit në territorin e tjera përfshirë Shqipërinë që ka akumulim normal dhe mikropllaka e Adrias është e lidhur ngushtë më lëvizjen e pllakës Afrikane dhe lëvizjeve të tjera qe ndodhin”, pohoi Dushi.

Ndryshe nga sa po ndodh në ishullin në Egje përfshirë nga një grup tërmetesh me magnitudë mbi mesataren specialistët thonë se Shqipëria është në kushtet e një aktiviteti sizmik normal. Lëkundje toke që mund të ndjehen pak pranë qendrës së goditjes më të shprehura janë në veri të vendit.

“Zonat më të spikatura janë dhe në veri, Pukë, midis Pukës dhe Fushë Arrëzit, Kukës, Kosovë, Maqedoni, pjesa verilindore dhe lindore ka pas aktivitet të shprehur, më pak pjesa perëndimore. Nuk përbën shqetësim. Flasim për tërmete të vegjël nën 3 të shkallës rihter. Mikrotërmete që ose ndjehen shumë pak ose nuk mund të ndjehen në zona të caktuara…”, tha ai.

Goditja e Santorinit në Greqi nga tërmete të shpeshtë me energji të moderuar sipas sizmologëve dëshmon potencialin e lartë në këtë zonë. Ndërsa mikrotërmetet që stacionet regjistrojnë në vendin tonë tregojnë se aktualisht nuk ka vend për shqetësim.

The post Tërmetet në Santorini/ IGJEUM: Nuk ndikojnë në Shqipëri! appeared first on Albeu.com.

Një seri lëkundjesh deri në magnitudë 4.3 u regjistruan të premten dhe të shtunën në zonën midis ishullit vullkanik të Santorinit dhe Amorgos, sipas ministrisë së Mbrojtjes civile në një deklaratë të shtunën pasdite, raporton Reuters.

Ministria ka thënë se aktiviteti nuk ishte i lidhur me aktivitetin vullkanik dhe po tërhiqej, por ekspertët kanë propozuar masa paraprake, duke përfshirë mbylljen e shkollave më 3 shkurt. Ata gjithashtu u kërkuan njerëzve që të mos hynin ose të qëndronin në portin e vogël të Ammoudi dhe portin e Fira, që shërben kryesisht për anijet turistike.

Tërmete me magnitudë 2.8 dhe 4.5 ballë goditën zonën të dielën në mëngjes, sipas institutit gjeodinamik të Athinës, pa shkaktuar dëme. Greqia shpesh tronditet nga tërmetet.

Santorini është një nga destinacionet kryesore turistike të Greqisë. Një nga shpërthimet më të mëdha në histori, rreth vitit 1600 para Krishtit, formoi ishullin në formën e tij aktuale. Shpërthimi i fundit në zonë ka ndodhur në vitin 1950.

The post Tërmetet godasin ishujt e Greqisë, autoritetet të alarmuar: Të mbyllen shkollat dhe të shmangen portet appeared first on Albeu.com.

Një një intervistë në emisionin e “7pa5”, sizmiologu Edmond Dushi, ka komentuar së pari tërmetin 7.4 Rihter që goditi Tajvanin dy ditë më parë.

Por sipas sizmiologut, që e vetmja mbrojte sot ndaj dukurive sizmike, është të ndërtojmë shumë mirë, sepse nuk kemi një qëndrueshmmëri 100%, por minimizojmë humbjet dhe rëniet e ndërtesave.

Gjithashtu, Dushi shprehet se; “Gjithmonë duhet të priremi drejt studimit të dukurisë dhe të marrim masa”.

Dushi: “Tërmeti në Tajvan është konfirmim i një zone me potencial shumë të lartë sizmik. Duket qartë që ata janë shumë të përgatitur për tërmete të këtyre përmasave. Tërmete mbi 7 ballë të shkallës Rihter mund të shkaktojnë një paralizim të jetës për njëfarë kohe, paralizojnë linjat kryesore. Impakt ka në linjat elektrike, në linjat e transportit, etj. Ata që ndodhen në atë rajon e njohin shumë mirë tërmetin. E vetmja mbrojte sot ndaj dukurive sizmike ëhstë të ndërtojmë shumë mirë. Nuk kemi një qëndrueshmmëri 100%, por minimizojmë humbjet dhe rëniet e ndërtesave. Projektimi i këtyre strukturave bëhet në atë që quhet  studimi i rrezikut sizmik. Gjithmonë duhet të priremi drejt studimit të dukurisë dhe të marrim masa”.

Sa i përket tërmetit në Mal të Zi, zoti Dushi tha se ndodhemi në një rajon me aktivitet të lartë sizmik.

Dushi: “Është situatë e përsëritur. Dukuria e aktivitetit sizmik në rajonin e Mesdheut, aty ku bëjmë pjesë dhe ne, Greqia dhe Mali i Zi, është një rajon tepër aktiv sa i përket aktivitetit sizmik. Gjeometria e pllakës së Adriatikut është e tillë që favorizon këtë gjë. Duke qenë se këto janë rajone që njihen për aktivitetin sizmik disa zona spikasin. Zona në Malin e Zi është aktive prej gati tre javësh tashmë, kemi disa tërmete të tillë të modeuar. Mund të kemi një tërmet me një magnitudë më të moderuar, por asnjëherë nuk e dimë për sa kohë nuk e parashikojmë dot dukurinë. Për këtë arsye jemi të detyruar ta monitorojmë atë”.

A është kjo zonë e përgatitur?

Dushi: “Natyrisht që ka shumë për të bërë. Janë bërë progrese, ka pasur disa projekte të financuara për të krijuar një harmonizim. Tërmeti nuk njeh kufij. Përpjekjet e fundit janë që të harmonizohen zonat, të kemi një studim gjithëpërfshirës. Ka disa harta të rrezikut sizmik që reflektojnë një qasje më të mirë. Këto harta përkthehen dhe në harta lokale ose kombëtare më të mira, por nuk janë në ato nivele që mund të jetë Tajvani apo vende të tjera që janë shumë të përgatitura për këtë dukuri. Shqipëria ka një peshë 1% të të gjitha dëmeve që janë regjistuar, qoftë në jetë njerëzish, qoftë dëme materiale. Kjo nuk na bën më të sigurt, por kemi një evolucion në këtë aspect”.

A jemi të përgatitur mjaftueshëm për çdo lëvizje sizmike?

Dushi: “Nuk mund t’i jap një përgjigje të plotë kësaj pyetjete, por ka një lëvizje përmirësuse qoftë në masat e marra nga qeveria, qofë në atë që kanë bërë ndërtuesit. Në aspektin e politikave kanë dalë disa vendime të Këshillit të Ministrave që detyrojnë të bëhen studime, ndërkohë që më parë u neglizhuan fare studimet. Tërmeti i Durrësit e tregoi këtë gjë, që ka ndërtues seriozë. Por ka dhe nga ata që kanë qenë abuzues. Duhet të reflektojmë seriozisht për këtë gjë”.

The post A është e përgatitur Shqipëria për tërmete të forta? Ҫfarë thotë sizmiologu Edmond Dushi appeared first on Albeu.com.

Gjatë fundjavës, në gadishullin Reykjanes pranë kryeqytetit Reykjavik, aktiviteti sizmik dhe rrjedha e llavës nëntokësore janë intensifikuar. Autoritetet kanë evakuuar rreth 4,000 banorë të qytetit Grindavik nga shqetësimet se gurët vullkanikë mund do të dalin mbi sipërfaqen e tokës brenda disa ditëve.

Islanda është një zonë e njohur për aktivitet të shtuar sizmik dhe vullkanik për shkak se gjendet ndërmjet pllakave tektonike të Euroazisë dhe Amerikës veriore, që lëvizin në anë të kundërta dhe që janë njëkohësisht pllakat më të mëdha tektonike në planet.

Autoritetet në Islandë kanë ndërtuar një digë të madhe për ta mbrojtur termocentralin, i cili furnizon me ujë të nxehtë dhe të ftohtë si dhe energji elektrike gadishullin e Reykjanes.

Aktiviteti sizmik në pjesën jugperëndimore të Islandës u dobësua të hënën, por rreziku nga shpërthimi vullkanik mbetet ende i lartë, sipas Institutit Meteorologjik të Islandës./VOA

The post Tërmetet e njëpasnjëshme, Islanda në alarm: Frikë nga shpërthimi i vullkaneve appeared first on Albeu.com.

Pak ditë më parë Instituti i Gjeoshkencës raportoi për katër tërmete që kishin goditur vendin brenda 24 orëve, ndërsa ka të paktën tre ditë që në vend nuk regjistrohet asnjë lëkundje qoftë kjo e mesme apo e vogël.

Nga të dhënat që ofron instituti, që prej së martës në vendin tonë nuk është regjistruar asnjë lëvizje minimale sizmike.

Ky duket një fenomen i rrallë për vendin duke nisur aktivitetin e lartë sizmik me të cilin përballemi çdo ditë edhe pse sizmologët shprehin shqetësimin se një aktivitet i moderuar sizmik është më mirë se sa një “heshtje e gjatë”, të cilat pasohen me goditje më të forta. /albeu.com

The post Tërmetet, ndodh fenomeni i rrallë në Shqipëri, a është një paralajmërim? appeared first on Albeu.com.

Pas tërmeteve që shkaktuan më shumë se 47 mijë viktima, u përfol se data e zgjedhjeve do të shtyhej, por presidenti Erdogan ka nënshkruar mesditën e sotme vendimin.

Presidenti turk tha se “Turqia nuk ka kohë për të humbur. Kështu, unë po nënshkruaj vendimin për mbajtjen e zgjedhjeve më 14 maj. Sipas vendimit, të dielën e parë pas 2 muajsh, kombi ynë do të shkojë në zgjedhje për të zgjedhur presidentin dhe deputetët.”

“Shpresoj që vendimi për mbajtjen e zgjedhjeve të jetë i dobishëm për vendin tonë, kombin tonë dhe partitë tona politike. Siç dihet tashmë e kemi ndarë me publikun vendimin për përditësimin e zgjedhjeve më 14 maj”, vijoi presidenti turk, i cili e arsyetoi vendimin e tij për ta çuar më herët procesin zgjedhor, duke thënë se “para së gjithash, 18 qershori ishte një datë që përkoi me kalendarin e provimeve universitare. Gjithashtu, në vijim është data në të cilën qytetarët tanë nga Turqia dhe jashtë vendit do të kryejnë detyrën e Haxhit. Pra, si alternativë kemi ofruar datën 14 maj.”/Albeu.com.

The post “Turqia nuk ka kohë për të humbur”, Edrogan firmos vendimin: Zgjedhjet do të mbahen më 14 maj appeared first on Albeu.com.

Kujtojmë që Italia u godit nga 3 tërmetet gjatë ditës së sotme, epiqendra ishte në zonën e Umbrias.

I pasi u regjistrua në orën 16:05 me magnitudë 4.4, i dyti në orën 20:08 me manitudë 4.6 dhe i treti pak minuta më pas me magnitudë 4.2.

Pak më parë shërbimi i mbrojtjes civile italiane bëri të ditur se nuk ka të lënduar apo dëme të rënda materiale.

Shumë banorë, megjithatë, në rajonin e Umbria, pas këtyre lëkundjeve dolën në rrugë dhe nuk janë kthyer ende në shtëpitë e tyre. Zjarrfikësit ndodhen në vendngjarje për arsye sigurie, u evakuan katër ndërtesa, në të cilat banojnë gjithsej tridhjetë persona. Edhe Universiteti i Perugias do të qëndrojë i mbyllur nesër dhe pasnesër.

Së fundmi, mediat vendase theksojnë se ky rajon i Italisë qendrore është veçanërisht sizmik dhe se mund të ndodhin tërmete më të forta.

The post Frika nga tërmetet, Italia vendos të mbyllë shkollat për dy ditë appeared first on Albeu.com.

Siç raportojnë mediet e huaja, numri i të vdekurve arrin në 41.218. Ndërkohë numri i të lënduarve nga tërmetet në Turqi ka arritur në 105.505.

Sipas të dhënave të publikuara nga kompania amerikane e vlerësimit të rrezikut Verisk, dëmet nga tërmetet në Turqi do të kalojnë koston e 20 miliardë dollarëve.

Ekspertët thonë se dritarja për të gjetur të mbijetuar po mbyllet. Tre persona u shpëtuan nga një ndërtesë që është shkatërruar në qendër të Kahramanmarasit, pranë epiqendrës, të martën, rreth 198 orë pas tërmetit.

Gjendja shëndetësore e të mbijetuarve nuk dihet ende. Në Siri, presidenti Bashar Assad ra dakord të hapë dy pika të reja kalimi nga Turqia në veriperëndim të vendit të kontrolluar nga rebelët për të ofruar ndihmë dhe pajisjet e nevojshme për miliona viktima të tërmetit, njoftuan Kombet e Bashkuara të hënën.
Vendkalimet në Bab Al-Salam dhe Al Rae do të hapen për një periudhë fillestare prej tre muajsh.

Deri më tani, OKB-së i është lejuar të dërgojë ndihma në zonën e Idlibit vetëm përmes një kalimi të vetëm në Bab Al-Haua. Kombet e Bashkuara kanë qenë nën presion të madh që të dërgojnë më shumë ndihma dhe pajisje të rënda në veriperëndimin e Sirisë të kontrolluar nga rebelët, ku mungojnë mjetet bazike për gërmim për të mbijetuar të tjerë, teksa numri i të vdekurve po rritet.

Avioni i parë me ndihma nga Arabia Saudite, me 35 tonë ushqime, ateroi në aeroportin e Alepos të mbajtur nga Qeveria të martën në mëngjes, sipas mediave shtetërore siriane.

Arabia Saudite ka mbledhur rreth 50 milionë dollarë në një fushatë publike për të ndihmuar Turqinë dhe Sirinë. Disa vende të tjera arabe kanë dërguar avionë të ngarkuar me ndihma në Sirinë e kontrolluar nga Qeveria, duke përfshirë Jordaninë dhe Egjiptin, Emiratet e Bashkuara Arabe, Algjerinë, Irakun, Omanin, Tunizinë, Sudanin dhe Libinë. Të gjitha këto vende i kanë dorëzuar ndihmat në Damask.

Tërmeti preku 10 provinca në Turqi, ku jetojnë rreth 13.5 milionë njerëz, si dhe një zonë të madhe në Sirinë veriperëndimore, që është shtëpi e miliona njerëzve.

Më shumë se 41 mijë e 500 ndërtesa u shkatërruan ose u dëmtuan shumë, tha ministri i Mjedisit dhe Urbanizimit të Turqisë.

Nën ato ndërtesa ka trupa dhe numri i të zhdukurve mbetet i paqartë. Në Turqi shumica fajësojnë ndërtimin e gabuar për shkatërrimin e madh. Turqia ka rregulla ndërtimi që plotësojnë standardet e inxhinierisë së tërmeteve, por ekspertët thonë se këto rregulla zbatohen rrallë./albeu.com/

The post Bilanc i zi, mbi 41 mijë viktima nga tërmetet apokaliptike në Turqi e Siri appeared first on Albeu.com.

Ekspertët shprehen të shqetësuar për shfaqjen e infeksioneve. Shoqata e Mjekëve në Turqi ka lëshuar një alarm SOS për shtimin e rasteve me gastroenterit në zonat e prekura nga tërmeti.

Ministrja e Shëndetësisë njoftoi se grupe të mëdha vaksinash, tetanozi po mbërrijnë në zonat e prekura nga tërmeti, me mjekët që u bëjnë thirrje njerëzve që të vaksinohen.

Për sa i përket kushteve në kampe, ato janë jashtëzakonisht të vështira pasi ka mungesë të barnave dhe lëndëve të para bazë për higjienën peronale./albeu.com.

The post Tërmeti në Turqi, ekspertët ngrenë alarmin për “bombë” shëndetësore, po shpërthejnë infeksionet appeared first on Albeu.com.