Për këtë arsye Ministri i Mbrojtjes Civile, Vassilis Kikilias ka njoftuar se së shpejti do të ndërtojë një port evakumi, për të siguruar lëvizjen sa më të lehtë dhe të sigurt banorëve, në rast tërmeti.

Gjithashtu, ai ka thënë se porti do të sigurojë transportimin e sigurt për pasagjerët e trageteve deri në përfundimin e ndërtimit të infrastrukturës së re të portit.

Autoritetet kanë vazhduar masat e emregjencës, ndërsa kanë parlajmëruar se mund të ketë tërmete të tjera dhe të forta, gjatë muajve pasardhës.

Ndër të tjera, banorët dhe autoritetet janë të paralajmëruar për përgatitjen e një periudhe të gjatë me mundësi tërmetesh të vazhdueshme.

The post Rrezikshmëria e lartë për vazhdimin e tërmeteve, Greqia njofton ndërtimin e një porti evakuimi në Santorini appeared first on Albeu.com.

Sipas vullkanologut-studiuesit të Autoritetit Helen të Kërkimeve Gjeologjike dhe Minierave, Georgios Vougioukalakis, zona është në një krizë sizmike, me mbi 200 lëkundje të regjistruara në 48 orët e fundit.

Epiqendra është kryesisht në Anhidros, një ishull i pabanuar pranë Santorinit, gjë që ngre shqetësime.

Bbazuar në të dhënat kryesore, shteti vendosi të shtrijë masat e sigurisë edhe në ishujt fqinjë Amorgos, Anafi dhe Ios, për të shmangur situatat e panikut dhe për të garantuar mbrojtjen e banorëve. Një nga masat e rëndësishme të rekomanduara nga ekspertët është zbrazja e pishinave në Caldera, siç tha Vougiouklakis, lëvizja e ujit në rast të një tërmeti të fortë mund të shkaktojë dëmtime në struktura dhe të rrisë rrezikun e shembjes.

Skenari më i keq që shkencëtarët po shqyrtojnë është një tërmet me magnitudë 6 ballë. Siç tregon studiuesi me përvojë, aktiviteti sizmik në zonë është vullkanotektonik dhe lidhet me thyerjen aktive që shtrihet nga Amorgos në Christiana.

Edhe pse fenomeni po monitorohet nga afër, shkencëtarët sigurojnë se nuk ka rrezik të menjëhershëm të aktivitetit vullkanik.

The post Tërmetet e njëpasnjëshme në Santorini shkaktojnë shqetësim te autoritetet appeared first on Albeu.com.

Profesori Philippos Vallianatos nga Universiteti i Athinës shpjegoi se ka pasur progres në hulumtim, duke ofruar perspektiva për të ardhmen e kërkimeve në këtë fushë. Sistemi japonez është i projektuar për të bërë analiza të shpejta të të dhënave, duke u fokusuar në anomalitë elektromagnetike që shfaqen para tërmeteve të mëdha.

Tashiyasu Nagao, profesor në Universitetin Tokai, theksoi se Japonia është përkushtuar në shpërndarjen efektive të informacionit te popullsia. Ky sistem ndihmon në mbledhjen e shpejtë të të dhënave për të siguruar paralajmërime të besueshme. Konferenca mbi aplikimet e elektromagnetizmit në sizmologji dhe vullkanologji, e cila u mbajt për herë të parë 25 vjet më parë, ka përparuar në këtë fushë.

Shkencëtarët kanë theksuar nevojën për mbledhje të shpeshta të të dhënave për të përmirësuar parashikimin. Kjo qasje është e rëndësishme për vende si Greqia, që gjithashtu ka një histori të aktivitetit sizmik. Të dhënat elektromagnetike para lëkundjeve ofrojnë një mundësi të re për parashikimin e fatkeqësive natyrore. Kështu, sistemi japonez do të kontribuojë në ruajtjen e jetëve dhe pronave, duke ofruar informacion të rëndësishëm në kohë.

Ky përparim shkencor është një shembull i bashkëpunimit ndërkombëtar dhe i avancimeve teknologjike në përballimin e rreziqeve natyrore.

The post Cili është “çelësi” që paralajmëron 10 deri në 20 minuta para tërmeteve? appeared first on Albeu.com.

Ministri i Brendshëm Ali Gerlikaya tha se zhvillimi i tërmetit po monitorohet nga afër dhe se skuadrat e ministrisë po kryejnë hetime për çdo dëmtim. Kryetari i Bashkisë së Malatya Selahattin Gürkan duke folur për CNN TÜRK tha se nuk ka raportime për dëme dhe se kjo ka shkaktuar shqetësim të madh te qytetarët.

“Qytetarët e tmerruar dolën në rrugë. Shpresojmë se nuk do të regjistrohen fatkeqësi. Ne po bëjmë gjithçka që është e nevojshme”, shtoi ai, duke iu lutur qytetarëve që të qëndrojnë larg ndërtesave të dëmtuara rëndë nga dy tërmetet e forta të 6 shkurtit që nuk janë prishur.

The post “Qytetarët dolën të tmerruar në rrugë”, dy tërmete të forta godasin Turqinë appeared first on Albeu.com.

Siç shihet edhe në grafikën e postuar më lart të marrë nga EMCS, Islanda është goditur nga më shumë se 11 tërmete brenda pak minutash.

Më i forit ka qenë me magnitudë 4.4 dhe më i vogli me magnitudë 3.2. Islanda njihet si zonë me aktivitet sizmik shumë të lartë, por rrallëherë kishte dnodhur që të goditej nga kaq shumë tërmete brenda disa minutash.

Aktualisht nuk raportohet për dëme materiale apo lëndime në njerëz.

The post Çfarë po ndodh? Shteti europian goditet nga 11 tërmete brenda pak minutash appeared first on Albeu.com.

Shqipëria, vlerëson Banka Botërore, rrezikohet edhe nga ndërmarrjet shtetërore, kompanitë e keqmenaxhuara politikisht të cilat krijojnë vazhdimisht borxhe, ndërsa volumi i tyre i borxheve të shënuara aktualisht arrin në rekorde historike.

“Rreziqet e brendshme burojnë nga fatkeqësitë natyrore, partneritetet publike-private dhe ndërmarrjet shtetërore, si dhe rreziqet fiskale që rrjedhin nga një sektor energjetik i bazuar në hidrocentrale të cilat varen kryesisht nga ndryshimet në kushtet hidrologjike,” shkruhet në një raport të Bankës Botërore të publikuar të enjten.

Togfjalëshi duket se vë me të drejtë shenjën e barazimit mes fatkeqësive që mund të shkaktohen nga fenomene natyrore dhe atyre të shkaktuara nga keqqeverisja. Për shembull, tërmeti që goditi Shqipërinë në vitin 2019 ka shkaktuar një masë dëmesh të vlerësuar në rreth 1 miliardë euro ndërsa kontratat e partneritetit publik-privat i kanë zhytur shqiptarët në një volum borxhesh faktike në rendin e qindramilionë eurove.

Seritë më kontroverse të këtyre koncesioneve, ato të ndërtimit të impianteve të menaxhimit të mbeturinave dhe ato të sektorit të shëndetësisë, janë hetuar tani nga prokuroria në disa procese hetimore për të zbuluar klientelizëm, fryerje kostosh dhe pagesa korruptive në përmasa të mëdha. Vetëm koncesionet e incineratorëve i kanë kushtuar deri më tani shqiptarëve rreth 150 milionë euro, ndërsa kostot vijojnë të rriten për taksapaguesit e Tiranës, Durrësit, Elbasanit, Fierit e zonave të tjera për shkak se të njëjtat kontrata vijojnë të zbatohen pavarësisht kostove të fryra dhe mungesës së objekteve industriale që duhej të ishin realizuar me këto kontrata koncesionare. Ndërsa hetimi i prokurorisë për kontratën e sterilizimit zbuloi kosto të fryra shumëfish për taksapaguesit si dhe një rrjet kompanish false që shërbenin për të përvetësuar fitimet e nxjerra nga faturimet me çmime të fryra.

Por janë borxhet e stërmëdha të akumuluara nga ndërmarrjet e ndryshme shtetërore, në veçanti ujësjellësat, ato që kanë shtyrë ekspertët e Bankës Botërore të vendosin shenjë barazimi mes fatkeqësive natyrore dhe pasojave që pritet të ketë keqmenaxhimi i këtyre ndërmarrjeve për taksapaaguesit.

Të dhënat e bilanceve të kompanive të ujësjellësave të analizuara nga BIRN tregojnë se ato kanë akumuluar dhjetëramilionë euro humbje gjatë viteve të fundit ndërsa është një sekret i ditur nga të gjithë dhe i pranuar edhe nga kryeministri se këto ndërmarrje janë përdorur nga administratorët politikë për punësime në shkëmbim të votave.

Megjithatë, Banka Botërore shënjon një kategori tjetër ndërmarrjesh shtetërore, të cilat mbartin rreziqe të ngjashme me fatkeqësitë natyrore dhe këto janë ndërmarrjet e sektorit energjetik. Të keqmenaxhuara prej vitesh me anë të administratorëve të emëruar politikisht, gjendja financiare e këtyre ndërmarrjeve vetëm sa mund të merret me mend për shkak se ato në masë kanë shkelur ligjin për Shoqëritë Tregtare duke mos depozituar bilancet e viteve të fundit në Qendrën Kombëtare të Biznesit.

Banka Botërore parashikon që rritja ekonomike e Shqipërisë të jetë 3.6% këtë vit, ndërsa ritmi i rritjes të ngadalësohet më tej në 3.2% në dy vitet e ardhshme. Fondi Monetar Ndërkombëtar vlerëson potencialin e rritjes ekonomike të Shqipërisë në 4.5% në vit. /Birn/

The post Raporti i BB: Shqipëria nuk rrezikohet vetëm nga tërmetet dhe fatkeqësitë natyrore, por edhe nga … appeared first on Albeu.com.

Tërmeti goditi pas orës 23:00 me kohën lokale, në një thellësi relativisht të cekët 71 km në jug-perëndim të Marrakeshit, sipas Shërbimit Gjeologjik të SHBA-së.

Ja një vështrim i tërmeteve më vdekjeprurës gjatë 25 viteve të fundit në botë:

Turqi dhe Siri -2023

Një tërmet i fuqishëm goditi Turqinë Jugore dhe Sirinë veriore mëngjesin e 6 shkurtit, duke shkaktuar më shumë se 46 mijë viktima.

Epiqendra e tërmetit 7,8 ballë i shkallës Rihter ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep. Ai u pasua nga disa pasgoditje, njëra prej të cilave 7,5 ballë e shkallës Rihter.

Indonezi – 2004

Një tërmet me magnitudë 9.1 në Indonezi shkaktoi një cunami në Oqeanin Indian, duke vrarë rreth 230,000 njerëz.

Haiti – 12 janar 2010

Në Haiti, më shumë se 100,000 njerëz u vranë nga një tërmet me magnitudë 7.0.

Qeveria vlerësoi 316,000 të vdekur, por shkalla e shkatërrimit e bëri të pamundur një saktësim të numrit të viktimave.

Sichuan – 12 maj 2008

Një tërmet me magnitudë 7.9 goditi Sichuan lindor në Kinë, duke rezultuar në më shumë se 87,500 të vdekur.

Pakistan – 8 tetor 2005

Një tërmet me magnitudë 7.6 vrau më shumë se 80,000 njerëz në rajonin e Kashmirit të Pakistanit.

Iran – 2003

Një tërmet me magnitudë 6.6 goditi Iranin juglindor, duke shkaktuar më shumë se 20,000 të vdekur.

Indi – 26 janar 2001

Një tërmet me magnitudë 7.6 goditi Gujarat në Indi, duke vrarë rreth 20,000 njerëz.

Japoni – 11 mars 2011

Një tërmet me magnitudë 9.0 në brigjet verilindore të Japonisë shkaktoi një cunami, duke vrarë më shumë se 18,400 njerëz.

Turqi – 17 gusht 1999

Një tërmet me magnitudë 7.6 goditi Izmit të Turqisë, duke vrarë rreth 18,000 njerëz.

Nepal – 25 Prill 2015

Në Nepal, më shumë se 8,800 njerëz u vranë nga një tërmet me magnitudë 7.8 ballë.

Java Island – 27 maj 2006

Më shumë se 5,700 njerëz vdiqën kur një tërmet me magnitudë 6.3 goditi ishullin Java të Indonezisë.

The post Të gjitha tërmetet apokaliptike që kanë goditur Tokën në 25 vitet e fundit, duke shkaktuar mijëra viktima appeared first on Albeu.com.

Njerëzit e zakonshëm janë kryesisht të pavetëdijshëm për eksperimentet mbi militarizimin e natyrës, disa prej të cilave janë kryer në natyrë, në kontekste lufte. Por armët mjedisore të shkatërrimit në masë janë një realitet. Sepse luftërat e së ardhmes, do të zhvillohen ndoshta edhe me tajfunë dhe stuhi të krijuara artificialisht.

Në kërkim të cunamit artificial

1944, Universiteti i Okland, Zelanda e Re. Është kultimi i Betejës së Paqësorit midis kamikazëve të Perandorisë Japoneze dhe Forcave Ajrore britanike dhe amerikane. Dëshira për t’i dhënë fund konfliktit është e madhe, edhe sepse po rritet numri i të vdekurve në radhët e aleatëve.

Shkencëtari nga Zelanda e Re, Tomas Liç beson se ka gjetur zgjidhjen: një cunami artificial. Ideja e e tij për shkaktimin e një cunami apokaliptik nëpërmjet bombave të hedhura në det, arrin fillimisht në Londër dhe më pas në Uashington. Në SHBA po punohej prej disa kohësh për ndërtimin e bombës atomike, ndaj kishte një interes të veçantë për idetë e neo-zelandezit.

Në vitin 1944, falë kontributeve themelore të Uashingtonit, ekipi i Liç nisi eksperimentet brenda një kantieri ndërtimi ushtarak ultra sekret, Seal (Vula), që mendohej të zgjasnin për 1 vit. Duke u zhvilluar pranë gadishullit Uangaparaoa në veriun e largët të Zelandës së Re, projekti “Seal” thuhet se realizoi afro 4000 shpërthime në shkallë të vogël gjatë një periudhe 7-mujore. Objektivi: të kuptohej nëse ishte e mundur të nxitej krijimi i dallgëve të mëdha me anë të shpërthimit.

Nëse tezat e Liç do të rezultonin të sakta, Shtetet e Bashkuara mund ta kishin nënshtruar Japoninë përmes goditjes me cunami gjigantë të krijuara ndoshta nga bombat atomike të hedhura pranë brigjeve të saj. Sipas dokumenteve të projektit, të de-klasifikuara në vitin 1999, Liç kishte të drejtë: eksperimentet e tij kishin demonstruar mundësinë e shkaktimit të cunamit shkatërrues pas shpërthimit të të paktën 2 tonëve eksploziv 8 km larg nga bregu i synuar për të goditur.

Por ëndrra e bombës tektonike nuk u shua me projektin “Seal”. Ajo u mor nga Shtetet e Bashkuara dhe Bashkimi Sovjetik menjëherë pas Luftës së Dytë Botërore, e ndihmuar nga fillimi i Luftës së Ftohtë, dhe u shqyrtua më tej në kontekstin e projekteve të reja.

Ndërsa nuk dihet asgjë për kërkimet e kryera nga Shtetet e Bashkuara për çështjen e tërmetit artificial, cunamit dhe induksionit të shpërthimit, sepse ende sot janë sekrete, diçka ka dalë nga kërkimet sovjetike pas shembjes së Bashkimit Sovjetik.

Shkencëtarët ushtarakë të Bashkimit Sovjetik, përfshirë fizikanin e famshëm Andrej Sakharov, besonin vërtet në mundësinë e destabilizimit të pllakave tektonike të kores së Tokës përmes manipulimit të dhunshëm të elektromagnetizmit. Dhe duke ndjekur ëndrrën distopike të zgjimit të pllakës nën Parkun e Jelloustoun në SHBA, apo fundosjes së Kalifornisë duke ngacmuar çarjen tektonike San Andrea, ata investuan kohë dhe burime në tre projekte: Lavina, Merkuri dhe Vullkani.

Të cilësuara nga gjeofizika perëndimore si projekte me rezultate “pa shumë gjasë për sukses, por jo të pamundura”, Lavina, Merkuri dhe Vullkani i angazhuan sovjetikët nga vitet 1970 deri në ditët e fundit të BRSS. Në fakt shpërthimi i fundit eksperimental brenda projektit Vullkani, u krye midis viteve 1991-1992.

Përmbytja e madhe mbi Ho Shi Min

Të hulumtuara dhe të testuara në vende të largëta nga disa ushtri, por asnjëherë të prezantuara zyrtarisht nga askush, bombat tektonike kanë hyrë në imagjinatën kolektive falë teoricienëve të konspiracionit. Sa herë që ndodh një tërmet i fuqishëm apo cunami, konspiracistët pretendojnë se ngjarja tragjike mund të ketë qenë rezultat (i synuar apo dëm anësor) i një eksperimenti.

Kështu ndodhi në vitin 1998, në kohën e tërmetit të fortë që goditi Afganistanin, dhe që iu atribua testeve të kryera ose nga Pakistani ose nga India. Dhe po kështu supozohet se ndodhi sërish në vitin 2004, me cunamin e Oqeanit Indian në vitin 2010, kur lideri i atëhershëm i Venezuelës Hugo Çavez akuzoi publikisht Shtetet e Bashkuara se qëndronin pas tërmetit shkatërrues që goditi Haitin.

Ndërsa bombat tektonike vazhdojnë që të ndajnë gjeofizikantët, armët mjedisore të shkatërrimit, që kanë të bëjnë me ndryshimet e motit të shkaktuara nga njeriu, kanë qenë një realitet i dokumentuar, edhe pse pak i kuptuar, që nga fundi i viteve 1960.

Gjatë viteve 1967-1972, në kuadër të operacionit Popeye, Forcat Ajrore të Shteteve të Bashkuara mbollën re në rajonin e Indokinës me jodur argjendi dhe jodur plumbi me synimin për të zgjatur (dhe përkeqësuar) sezonin e shirave musonikë.

Lufta e parë e motit në histori ishte një sukses i papritur. Mbjellja e reve çoi në një përkeqësim të sezonit musonik, duke i zgjatur ato edhe me 30-45 ditë në krahasim me mesataren. Kjo solli përmbytje të pjesëve të tëra të zonave në xhungël dhe ngadalësimin e ndjeshëm të lëvizjeve të revolucionarëve vietnamezo-veriorë.

E ardhmja e luftës është manipulimi i Tokës

E drejta ndërkombëtare është “kafazi” i fuqive të vogla dhe të mesme, dhe një shaka për fuqitë e mëdha. Kështu ka qenë gjithmonë. Për këtë arsye, pavarësisht ekzistencës së Konventës për ndalimin e përdorimit të teknikave të modifikimit të mjedisit për qëllime ushtarake apo për çdo qëllim tjetër armiqësor, e vitit 1978, protagonistët e arenës ndërkombëtare, të djeshme dhe të sotme, janë përpjekur dhe po përpiqen të zhvillojnë armët mjedisore të shkatërrimit në masë.

Nëse dje pionierët e armëve të tilla ishin Bashkimi Sovjetik dhe Shtetet e Bashkuara, përkatësisht në kërkim të bombave tektonike dhe të përfshira në një luftë meteorologjike, sot programet ushtarake kanë në fokus ndryshimin e klimës dhe prodhimin e dukurive katastrofike.

Në Rusi, një nëndetëse autonome e gjeneratës së re me energji bërthamore, Poseidon, është në një fazë të avancuar zhvillimi. Prodhuesit e saj e kanë reklamuar si të aftë për të gjeneruar dallgë me një ndikim shumë të madh. Nëse do të ketë sukses, ai do të jetë fryt i përpjekjeve të nisura me Lavina, Merkuri dhe Vullkani.

Në fillim të këtij viti, Koreja e Veriut testoi një dron nënujor, që sipas asaj që u raportua nga shtypi shtetëror “është i aftë të gjenerojë cunami radioaktivë”. Kina, një vend ku programet e super-armëve mbahen shumë sekret, është periodikisht në qendër të teorive konspirative që e shohin atë të angazhuar në zhvillimin e armëve tektonike, të cilat më pas përdoren kundër Japonisë dhe Tajvanit.

Ndoshta armët tektonike mund të mos ekzistojnë ende, por ekuivalentët e tyre të motit kanë ekzistuar që nga vitet 1960. Me gjasë frika e nisjes së një lufte botërore do të jetë pengesa që do të bindë fuqitë e mëdha të mos i përdorin ato, duke krijuar një ekuilibër të ri.

The post Tërmetet, shpërthimet, cunamit: Militarizimi i natyrës si mjet në luftërat e ardhshme appeared first on Albeu.com.

Në Shqipëri nuk ka më ndarje zonale për rrezikun sizmik, pasi i gjithë territori konsiderohet njësoj i riskuar.

Aktiviteti i shtuar sizmik i viteve të fundit ka bërë që ekspertët të vlerësojnë se harta e re sizmike e Shqipërisë që pritet të publikohet në Nëntor të jetë një dhe jo e ndarë në zona siç është sot. Kjo pasi i gjithë vendi rrezikohet nga aktivitetet sizmike.

“Nuk do të ketë një ndarje zonale të mirëpercaktuar për faktin se efekti i tërmetit shtrihet në hapësire dhe është e pakuptimtë të kemi një ndarje zonale dhe të themi kjo zonë e territorit është më e prekur apo e rrezikuar në raport me zonat e tjera kur këto zona në fakt ndërveprojnë me njëra-tjetrën. Harta e re është bazuar në atë që njihet sizmioteti i lëmuar ka informacion tektonik dhe duke qenë se Shqipëria është në një revolucion të këtyre kodeve. Do jetë pjesa bazale mbështetese për kodet anstisizmik që duhet të ketë Shqipëria”, thotë sizmiologu Edmond Dushi.

Në hartën e re sizmike, do të rekomandohet që ndërtimet duhet të bazohen tek eurokod 8 për të përballuar tërmete me magnitudë të lartë.

Sizmiologu Edmond Dushi: Këtu bëhet fjalë për termete tipike të Shqipërisë të cialt janë mbi 8 ballë, që janë tërmete dëmtuese për tërritorin e Shqipërisë.

Sizmiologu Llambro Duni: Harta e re sizmike e bazuar në eurokode 8 që eshtë standard i përparuar europian. Shumë shpejt do të vemë në punë 10 stacionet e reja.

Sipas ekspertëve, 26 Nëntori i vitit 2019 tregoi se tërmetet e fortë janë prezent në Shqipëri. Megjithatë për sizmiologët fakti që i gjithë rajoni, përfshirë dhe Shqipërinë, ka aktivitet të ngjeshur sizmik nuk është shqetësues.

Sizmiologu Llambro Duni: Territori shqiptar shquhet për mikrotërmete dhe tërmete të vegjël nuk përbëjnë problem, është çlirim energjie në të gjithë territorin, nuk është në një zonë të caktuar që të jetë e përqëndruar diku, nëse do ishte kështu do përbënte shqetësim për aktivitetin sizmik. /tvklan

The post Harta sizmike, sa e rrezikuar është Shqipëria nga tërmetet? Sizmiologët: Nuk ka më ndarje zonale (FOTO) appeared first on Albeu.com.

tërmeti i dytë ka qenë edhe më i fortë me magnitudë 4.6, ndërsa i treti që ka rënë vetëm pak minuta më parë ka qenë me magnitudë 4.3

Aktualisht përveç panikut nuk raportget për dëme materiale dhe lëndime në njerëz. Epiqendra ka qenë në zonën e Umbrias.

/AlbEu.com/

The post Çfarë po ndodh në Itali? Dy tërmete të fortë godasin sërish, forca dhe epiqendra appeared first on Albeu.com.