Shërbimi Gjeologjik i Shteteve të Bashkuara tha se epiqendra e tërmetit ishte 40 kilometra në veriperëndim të qytetit më të madh të rajonit të Heratit. Tërmeti i fuqishëm u pasua me disa pasgoditje midis 4.6 dhe 6.3 shkallësh të Rihterit.

Drejtori i departamentit të shëndetësisë në provincën Herat, Mohammad Taleb Shahid, konfirmoi për AFP-në se 14 persona kanë vdekur dhe 78 janë plagosur, duke shprehur frikën se numri i viktimave mund të rriten.

“Këta janë numrat që janë sjell në spitalin qendror deri më tani, por nuk janë shifrat finale”, tha ai. “Kemi informacione se ka njerëz të bllokuar nën rrënoja”.

Shërbimi Gjeologjik i SHBA-së në një raport preliminar paralajmëroi se qindra persona mund të kenë vdekur.

“Ka të ngjarë të ketë numër të konsiderueshëm të viktimave dhe që fatkeqësia të përhapet. Në ngjarjet e kaluara të këtij niveli është dashur përgjigje në nivel rajonal dhe kombëtar”, u tha në raport.

Autoritetet për menaxhimin e fatkeqësive kanë raportuar se në zonat rurale dhe malore ka pasur rrëshqitje të dheut.

Herati gjendet 120 kilometra në lindje të kufirit me Iranin dhe konsiderohet kryeqyteti kulturor i Afganistanit.

Sipas të dhënave të vitit 2019 të Bankës Botërore, në provincën Herat jetojnë 1.9 milion banorë.

Afganistani shpesh goditet nga tërmetet, veçmas në vargmalin e Hindu Kushit, që gjendet afër pllakave tektonike euroaziatike dhe indiane.

Në qershor të vitit të kaluar, mbi 1.000 persona u vranë dhe dhjetëra mijëra të tjerë mbetën të pastrehë pasi një tërmet prej 5.99 shkallësh goditi provincën Paktika. Ky ishte tërmeti më vdekjeprurës që ka goditur Afganistanin në pothuajse çerekshekulli.

Në mars të këtij viti, 13 persona u vranë në Afganistan dhe Pakistan, pas tërmetit prej 6.5 ballësh që kishte epiqendrën në Jurm, në verilindje të Afganistanit.

Afganistani veçse po përballet me krizë humanitare, për shkak të ndalimit të ndihmës së huaj pas rikthimit të talibanëve në pushtet më 2021.

The post Afganistani goditet nga tërmeti i fuqishëm, 15 të vdekur dhe 78 të plagosur appeared first on Albeu.com.

Shërbimi Gjeologjik i Shteteve të Bashkuara tha se tërmeti goditi rreth 44 kilometra nga qyteti Khost, pranë kufirit me Pakistanin.

Talebanët kërkuan ndihmë ndërkombëtare për operacionet e shpëtimit pasi fotografitë tregonin rrëshqitje të dheut dhe shtëpitë e ndërtuara nga balta në provincën e Paktikas, të rrënuara.

Ky është tërmeti më vdekjeprurës që ka goditur Afganistanin në dy dekada dhe një sfidë e madhe për talebanët, lëvizjen islamike e cila rifitoi pushtetin vitin e kaluar pas rënies së qeverisë së mbështetur nga perëndimi.

Tërmeti u lokalizua rreth 44 km nga qyteti i Khost dhe lëkundjet u ndjenë deri në Pakistan dhe Indi. Dëshmitarët raportuan se e ndjenë tërmetin si në kryeqytetin e Afganistanit, Kabul, ashtu edhe në kryeqytetin e Pakistanit, Islamabad.

BBC raportoi se zyrtarët talebanë i kërkuan OKB-së t’i mbështesë ata në drejtim të vlerësimit të nevojave dhe përgjigjes ndaj atyre që preken.

Tërmetet priren të shkaktojnë dëme të konsiderueshme në Afganistan, ku banesat në shumë zona rurale janë të paqëndrueshme ose të ndërtuara keq.

“Unë dhe fëmijët bërtitëm. Një nga dhomat u shkatërruan ndërsa dëgjonim ulërimat e fqinjëve tanë”, tha Fatima.

Një tjetër banor tregoi se tërmeti ka shkatërruar shtëpitë.

“Ai shkatërroi shtëpitë e fqinjëve tanë. Kur arritëm kishte shumë të vdekur dhe të plagosur. Na dërguan në spital. Pashë edhe shumë trupa të pajetë”, rrëfeu Faisal.

Ndërsa një gazetar në provincën Paktika deklaroi se në çdo rrugë dëgjohen vajtimet e banorëve për familjarët e vdekur.

Megjithatë ka edhe ankesa në lidhje me reagimin e autoriteteve.

Fermeri lokal Alem Wafa qau teksa i tha BBC-së se ekipet zyrtare të shpëtimit nuk kishin arritur ende në fshatin e largët të Gyan, një nga më të goditurit.

“Nuk ka punonjës zyrtarë të ndihmës, por njerëz nga qytetet dhe fshatrat fqinje erdhën këtu për të shpëtuar njerëzit. Kam mbërritur sot në mëngjes dhe unë vetë gjeta 40 trupa të pajetë”, rrëfeu ai.

Shumica e të vdekurve, sipas tij ishin fëmijë shumë të vegjël.

“Spitali lokal thjesht nuk kishte kapacitetin për t’u marrë me një fatkeqësi të tillë”, shtoi fermeri.

Në zonat e largëta, helikopterët kanë transportuar viktimat në spitale.

Edhe para marrjes së pushtetit nga talibanët, shërbimet e urgjencës të Afganistanit ishin shtrirë për t’u marrë me fatkeqësitë natyrore – me pak avionë dhe helikopterë në dispozicion të shpëtimtarëve.

Duke folur për BBC, një mjek në Paktika tha se punonjësit mjekësorë ishin mes viktimave.

“Ne nuk kishim mjaft njerëz dhe mjete në dispozicion para tërmetit dhe tani tërmeti na ka shkatërruar edhe atë pak që kishim. Nuk e di sa prej kolegëve tanë janë ende gjallë”, thonë ata.

The post Termeti në Afganistan, të paktën 1.000 të vdekur dhe 1.500 të plagosur appeared first on Albeu.com.