Belinda Balluku nuk ishte e pranishme në seancë, ndërsa u përfaqësua nga dy avokatët e saj. Ndërkohë, drejtori i Autoritetit Rrugor Shqiptar, Gentian Gjyli, dhe drejtori i KESH-it, Erald Elezi, të cilët ndodhen nën masën e sigurisë “arrest në shtëpi”, u paraqitën në gjykatë të shoqëruar nga përfaqësuesit e tyre ligjorë.

Ankimi i tyre do të shqyrtohet nga gjyqtarja Miliana Muça, e cila pritet të shpallë vendimin në vijim.

Ndaj Belinda Ballukut rëndojnë akuza për shkelje të barazisë në tenderë, lidhur me procedurën e ndërtimit të Tunelit të Llogarasë, një projekt me vlerë rreth 210 milionë euro, si edhe për 7 lotet e Unazës së Madhe të Tiranës, për të cilat janë prokuruar rreth 450 milionë euro.

Hetimet për këto çështje janë në vijim nga Prokuroria e Posaçme (SPAK).

The post Balluku kërkon lehtësim të masave, Apeli i GJKKO tërhiqet për vendim appeared first on Albeu.com.

Burime bëjnë me dije se në seancë Balluku nuk ka preferuar të shprehet, përveçse prezantimit paraprak dhe paraqitjes së avokatëve të saj.

Po të njëjtat burime konfirmojnë se në seancën me dyer të mbyllura, ka debate të forta, mes avokatëve të Ballukut dhe prokurorit Dritan Prençi.

Thuhet se pavarësisht pretendimeve të palës mbrojtëse, prokurori i çështjes këmbëngul se duhet të qëndrojnë në fuqi masat e dhëna, madje ky i fundit ka deklaruar se ka prova të reja për këtë proces.

Seanca për Ballukun vijon prej orës 9:00 të mëngjesit të sotëm, ku parashikohet marrja në pyetje dhe verifikimi i kushteve të masës së sigurisë.

Numri dy i qeverisë Rama, u pezullua nga detyra dy ditë më parë me vendim të GJKKO-së dhe iu ndalua dalja jashtë vendit.

Ajo është marrë zyrtarisht e pandehur prej datës 31 tetor 2025 dhe akuzohet për “shkelje të barazisë në tendera dhe ankande publikë”, në bashkëpunim me vartësit e saj, në procedurën për ndërtimin e Tunelit të Llogarasë.

SPAK ka ngritur ndaj saj edhe një akuzë të dytë, që lidhet me dyshime për abuzime me tendera në lotin 4 të Unazës së Madhe.

The post Zbardhen detaje nga seanca për Ballukun, përplasje mes avokatëve dhe prokurorit appeared first on Albeu.com.

Teksa Ikballja ishte rrugës drejt studios së spektaklit, ajo mori njoftimin se bashkëshorti i saj ishte sëmurë papritur. Situata urgjente e detyroi të kthehej menjëherë mbrapsht dhe të anulonte hyrjen e saj në format, pavarësisht se ndodhej gati për të nisur rrugëtimin e saj në reality show.

Gjatë transmetimit, produksioni prezantoi edhe dhomën speciale të përgatitur posaçërisht për Ikballe Hudutin, një shenjë e qartë se pjesëmarrja e saj ishte e siguruar dhe e planifikuar që në fazat e hershme të edicionit. Doma e personalizuar tregoi se ajo do të kishte një rol të rëndësishëm në dinamikën e lojës, gjë që e bën tërheqjen e saj akoma më të ndjeshme dhe të papritur.

Edhe pse mungon një konfirmim zyrtar nga ana e produksionit, Ikballja po pret që situata familjare të stabilizohet përpara se të marrë një vendim përfundimtar.

Ikballe Huduti është një figurë e njohur dhe shpesh e komentuar, ndaj hyrja e saj në Big Brother konsiderohej si një nga lëvizjet më të forta të këtij edicioni.

The post Ikballe Huduti tërhiqet në çastet e fundit nga Big Brother VIP Kosova, arsyeja prekëse që ndaloi hyrjen e saj appeared first on Albeu.com.

Por orë para kësaj seancë, avokati Jordan Daci, ka njoftuar se është tërhqur nga mbrojtja ligjore që pritet t’i bëntë ish-kryebashkiakut në këtë Gjykatë.

Me anë të një postimi në rrjetet sociale, Daci deklaron se është tërhequr nga rasti, për shkak se pretendon se është në konflikt interesi.

“Në përgjigje të interesit publik lidhur me angazhimin tim si mbrojtës i mundshëm i z. Veliaj para Gykatës Kushtuese, pas një vlerësimi të kujdesshëm në përputhje me ligjin dhe Kodin e Etikës, konstatoj që jam në konflikt interesi për shkak të angazhimeve të mia dhe studios time ligjore në raste të tjera të mëparshme ende ne proces dhe shkaqe të tjera nga ato për të cilat ligji, etika dhe morali na detyrojnë të mos jemi mbrojtës në raste si këto. Për këto arsye bëj me dije që s’do jem mbrojtësi i tij para Gjykatës Kushtetuese në gjykimin e nesërm”, shkruan Avokati.

Ekipi ligjor i Veliajt, tashmë do të duhet të gjejë një tjetër avokat. Nëse seanca e parashikuar do të zhvillohet, sepse nëse gjendet një avokat tjetër ai normalisht do të kërkojë kohë për t’u njohur me aktet e dosjes.

The post Avokati i Erion Veliajt tërhiqet nga mbrojtja: Jam në konflikt interesi, çfarë do të ndodhë nesër në Kushtetuese appeared first on Albeu.com.

Sipas një raporti nga gazeta sportive “Marca”, Barcelona ka vendosur të tërhiqet nga ideja e krijimit të një Superlige Evropiane dhe të përqendrohet në përmirësimin e marrëdhënieve të saj me UEFA-n.

Klubi beson se federata evropiane i ka marrë seriozisht komentet e klubeve, duke bërë ndryshime të rëndësishme, të tilla si përshtatja e formatit të garave dhe rritja e shpërblimeve financiare për ata që marrin pjesë në to.

Këto lëvizje e çuan Joan Laportën dhe Blaugranat, të tërhiqnin mbështetjen e tyre për Florentino Perezin dhe krijimin e kësaj lige të mbyllur.

Marrëdhëniet e katalanasve me UEFA-n, të cilat në vitet e kaluara ishin të tensionuara për shkak të mosmarrëveshjeve të ndryshme financiare, tani duket se po tregojnë shenja përmirësimi.

Një shembull tipik është prania e Aleksander Ceferin në suitat e “Montjuic”, gjatë ndeshjes së katalanasve kundër Paris Saint-Germain për Fazën e Ligës së Kampionëve.

The post E bujshme nga Spanja, Barcelona tërhiqet nga Superliga Evropiane appeared first on Albeu.com.

Petro Koçi, është deputeti i parë socialist i cili deklaron se nuk do të jetë në garën për kandidatë të Partisë Socialiste, pas “kërcënimit” nga kryeministri Edi Rama, se asnjë nga burrat që kishin pasur më herët mandat apo kanë aktualisht mandat deputeti nuk do të jenë në listën e mbyllur, por do duhet të garojnë në listën e hapur.

Koçi ka sqaruar arsyet e këtij vendimi, duke theksuar se tërheqja nga gara nuk e bën për paburrëri politike, frike dështimi personal apo braktisje të shpirtit të solidaritetit, por sepse thotë se është i vetmi që nuk ka mundësinë e startit në kushte të barabarta sepse nuk ka në ngarkim një zonë përgjegjësie politike elektorale.

“Nuk do të jem në listën përfaqësuese te kandidaturave për deputete, jo për ndonjë paburrëri politike, frike dështimi personal apo braktisje te shpirtit te solidaritetit, por sepse ndryshe nga te gjithë ju jam i vetmi qe nuk kam shansin e startit në kushte të barabarta sepse nuk kam në ngarkim një zonë përgjegjësie politike elektorale”, thekson deputeti Koçi në mesazhin e tij.

Reagimi i Petro Koçit:

E dashur Ogerta, te dashur kolege deputete socialiste te Tiranes tone,

E kam detyrim automatik moral, politik dhe shoqeror t’ju bej te ditur percaktimin e qendrimit tim ne lidhje me procesin e emerimit te kandidaturave te partise tone per deputet;

1. Une do punoj me sa me ha krahu dhe kudo me shpien kembet per fitoren e PS ne zgjedhjet e 11 Majit. Fatmiresisht eci dhe ngjis shkallet me shpejt dhe pa mu marre fryma ne krahasim me dhjetera te tjere qe jane ne moshe me te re politike apo biologjike.

2. Une nuk do te jem ne listen perfaqesuese te kandidaturave per deputete, jo per ndonje paburreri politike, frike deshtimi personal apo braktisje te shpirtit te solidaritetit, por sepse ndryshe nga te gjithe ju jam i vetmi qe nuk kam shansin e startit ne kushte te barabarta sepse nuk kam ne ngarkim nje zone pergjegjesie politike elektorale.

3. Pas nje fushate jotregetare ne zgjedhjet e fundit vendore ne kryeqytet bashke me strukturen organizative te zones e nxorem Kombinatin te parin, me nje rezultat qe e çoi steken elektorale ne 60% per PS.

4. Caktimi i Blendi Gonxhes si pergjegjes politik ne zone ishte nje zgjedhje e mencur dhe e qelluar sepse problemet madhore te Kombinatit si pasojat e termetit, procesi i rindertimit apo impakti i projekteve madhore te unazes apo te Lanes kerkonin nje fuqi ekzekutive te dedikuar dhe kompetente per tua koordinuar zgjidhjet. Une e vleresoj shume punen e tij elektorale dhe besoj se Kombinati do jete serish i pari ne garen zgjedhore.

5. Megjithate ky ndryshim ne pergjegjesine drejtuese solli nje spostim jotransparent dhe mospercaktim te qarte te funksionit tim ne zone. U nderpre si me thike perfshirja ime ne aktivitetin organizativ te partise duke mos u lajmeruar kurre per kalendarin e perditshem te mbledhjeve dhe takimeve, perjashto rastet kur ky kalendar varej nga selia qendrore dhe lajmerimet mberrinin nepermjet rrjetit ne grupin Whatsapp te deputeteve. Nuk di nese kjo situate ishte e orientuar apo ishte pasoje e ndonje intrige shpirtvogel. Megjithate e fal cdokend qe me apo pa dashje ka gisht ne kete mekat, i cili mbetet i parendesishem per interesa pertej meje.

6. I mbetem mirenjohes Edi Rames per riperfshirjen time ne pergjegjesi te larta politike qe mund te mos ndodhte pa tolerancen e tij pas perplasjeve te vitit 2008, nje perfshirje qe filloi me mirepritjen ne mitingjet kunder pushtetit te Berishes pas zgjedhjeve te 2009 es dhe vazhdoi me bashkepunimin e ngushte ne luften kunder korrupsionit ne protesten e 21 Janarit 2011, me zgjedhjet e vjedhura te Tiranes te atij viti, zgjedhjet e 2013 es e pastaj kulmoi me detyrat e larta te besuara te zevendesministrit te Mbrojtjes e te deputetit ne zgjedhjet e 2021. Uroj qe kete besim ta kem shlyer ne lartesine e duhur. Jua them keto per te deshmuar se nuk jam nga ata qe mendojne se PS u ka borxhe. Perkundrazi!

7. E shfrytezoj kete komunikim publik per ti bere thirrje cdo kolegu, deputet ose jo, qe ka probleme hetimore serioze me SPAK te mos kandidoje ne keto zgjedhje. Kam besim se cdo person te cilit do i nderpritet procesi hetimor apo do te mund te marre pafajesine me vone, PS do i jape meritat e duhura ne vijim.

8. Keto zgjedhje jane me rendesi historike kombetare sidomos ne 2 aspekte ku me i rendesishmi eshte integrimi europian i cili do te nderpritej dhe do te shtyhej nese Koalicioni i Krimit Madheshtor do kishte shansin te fitonte zgjedhjet dhe po aq i rendesishem eshte fati i reformes ne drejtesi. Edhe se po e paguajme me lekuren tone drejtesia e re ka garante vetem PS ne tone. E theksoj kete qe te vemendesojme drejtuesit e fushates te respektojne verberisht ligjin ne menyre qe te mos japim asnje shans gojeve te madheshtoreve te krimeve madhore te tranzicionit politik.

Me respekt dhe ne gadishmeri per punet tona elektorale.

Petro.

The post Zgjedhjet e 11 majit/ Petro Koçi tërhiqet nga gara: Nuk e bëj për paburrëri, por…. appeared first on Albeu.com.

Alibeaj shprehet se vendimi është individual dhe se kur ai kishte depozituar rekursin, ndodhej në një pozicion tjetër si kryetar i komanduar i PD.

“Kemi krijuar një subjekt të ri politik, jemi regjistruar dhe jemi në koalicion”, thekson ai.

Ai argumenton se, duke u angazhuar në një parti tjetër, nuk ka më interes të ligjshëm për të ndjekur procesin për logon dhe vulën e PD. “Dikur kam qenë në një pozitë tjetër dhe sot nuk jam më”, thekson Alibeaj.

Ai thekson gjithashtu, se kërkesa e tij është ligjore dhe se nuk ka asnjë qëllim për të marrë drejtimin e PD, logon apo vulën përmes gjykatës.

“Vendimi im është individual dhe nuk ndikon në synimet e personave të tjerë që mund të synojnë një gjë të tillë”, përfundon ai.

Enkelejd Alibeaj: Vendimi është individual. Në kohën që unë kam bërë rekursin kam qenë në një tjetër pozicion, si kryetar i komanduar i PD. Kemi krijuar nje subjekt të ri politik, jemi regjisrruar dhe jemi në koalicon.

Duke qenë se jemi një parti tjetër, s’kam më interes të ligjshëm të ndjek një proces për logon dhe vulën e PD
Sepse dikur kam qenë në pozitë tjetër dhe sot s’jam në atë pozitë.

Kjo është kërkesë ligjore. Nuk kam asnjë synim të marr drejtimin e PD, logon apo vulën përmes gjykatës.

Vendimi im është individual dhe nuk prek synimet e personave të tjerë që mund ta synojmë një gjë të tillë.

The post Enkelejd Alibeaj tërhiqet nga rekursi për vulën e PD appeared first on Albeu.com.

Gjatë karrierës së tij pati 48 paraqitje me Kombëtaren, ku do t’i mbahet mend gjithmonë goli i fitores 1 me 0 në Portugali, i cili dhe i hapi rrugë kualifikimit në Euro 2016.

“Bekim Balaj ka vendosur të tërhiqet nga Kombëtarja shqiptare. Sulmuesi kuqezi, i cili aktivizohet në kampionatin “Abissnet Superiore” me Vllazninë, i ka komunikuar vendimin e tij trajnerit Silvinjo, stafit teknik dhe Federatës së Futbollit.

Gjatë karrierës së tij me Kombëtaren kuqezi, Bekim Balaj, u aktivizua në 48 ndeshje, duke shënuar 9 gola. I pari është edhe më i veçanti, pasi realizimi ndaj Porugalisë dhe fitorja historike e Shqipërisë me golin e Bekim Balajt në “Estádio Municipal de Aveiro” bëri krenar të gjithë shqiptarët kudo në botë, duke i hapur rrugën kualifikimit të parë historik të Kombëtares në Europianin “Francë 2016”. Gjithashtu, Balaj ishte pjesë e Kombëtares në atë Europian ku u aktivizua në fitoren ndaj Rumanisë me rezultatin 1-0.

Federata e Futbollit falenderon sulmuesin Bekim Balaj, për kontributin e jashtëzakonshëm të dhënë në fushën e lojës me fanellën kuqezi, i cili ka lënë një gjurmë të pashlyeshme në historinë e futbollit shqiptar dhe i uron sa më shumë suksese në të ardhmen”.

The post Bekim Balaj tërhiqet nga Kombëtarja appeared first on Albeu.com.

Për pjesën më të madhe të ditëve, moti përgjatë Ultësirës Perëndimore dhe në bregdet, pritet të jetë kryesisht i kthjellët si dhe vranësira kalimtare mesatare dhe hera-herës deri të dendura, në orët e nxehta të ditës pra kryesisht në orët e drekës deri ato të pasdites.

Këto vranësira në këto zona do të shoqërohen me reshje shiu të dobëta dhe lokalisht shtrëngata afatshkurtra.

Në relievet malore në lindje reshjet lokalisht me intensitet deri mesatar në formën e shtrëngatave, shoqëruar me breshër dhe shkarkesa elektrike.

Era do të fryjë me drejtim kryesor nga veriperëndimi me shpejtësi 2-8m/sek, ndërsa përgjatë vijës bregdetare dhe ato luginore era fiton shpejtësi 10-12m/sek, duke bërë që valëzimi në dete të jetë i forcë 1-3 ballë.

The post Parashikimi i motit 24 Qershor 2024 appeared first on Albeu.com.

Togat e zeza kanë vendosur të rezervojnë të drejtën për t’u shprehur në fund të gjykimit, në lidhje me kërkesat paraprake të palëve.

Apeli bashkë me çështjen përfundimtare, do t’i japë zgjidhje edhe kërkesës paraprake të palëve.

Në kërkesën paraprake, përfaqësuesi ligjor i PD-së së Rithemelit, Ivi Kaso, kërkoi rrëzimin e ankimimit të Enkelejd Alibeajt, pra lënien në fuqi të vendimit të gjyqtarit Agron Zhukri dhe njohjen e vendimeve të Kuvendit Kombëtar të PD-së të datës 11 Dhjetor 2021.

Ndërkohë, përfaqësuesi ligjor i Partisë Demokratike zyrtare, Rezart Kthupi, ka pretenduar se kërkesa e palës tjetër nuk është e mbeshtetur në ligj dhe kërkoi rrëzimin e saj.

The post Vendimi për vulën e PD, trupa gjykuese tërhiqet në Dhomën e Këshillimit appeared first on Albeu.com.