Gjatë një adresimi për media, pasi mori pjesë në një ngjarje në Policinë e Kosovës, Hovenier më 1 gusht tha se Uashingtoni kërkon që dy gjëra të ndodhin që të ulen tensionet në veri.

“Ne duam të shohim dy gjëra. Ne mendojmë se është e rëndësishme të arrihet përshkallëzim i mëtejmë i situatës në veri për të shmangur tensionet. Gjëja e dytë që duam të shohim është përtrirja e përpjekjeve nga Kosova dhe Serbia që të arrijnë zbatimin e plotë të marrëveshjes së arritur në Ohër. Kjo ndihmon Kosovën të përparojë drejt integrimit të plotë në institucionet evropiane dhe euroatlantike dhe ripozicionimin e raporteve mes këty dy shteteve”, tha ai.

Hovenier iu referua Marrëveshjes drejt normalizimit të raporteve që palët arritën në shkurt në Bruksel, dhe më pas në mars në Ohër arritën pajtim për Aneksin e zbatimit të saj.

Marrëveshja, veç tjerash, parasheh edhe zbatimin e të gjitha marrëveshjeve të arritura në kuadër të dialogut për normalizim, që ndërmjetësohet nga Bashkimi Evropian, përfshirë edhe atë për themelimin e Asociacionit të komunave me shumicë serbe në Kosovë.

“Nga Qeveria e Kosovës ne kërkojmë që të ndërmarrë hapa për shtensionuar situatën në veri dhe të krijojë një mjedis të ri ku të dyja shtetet mund të punojnë në zbatimin e të gjitha zotimeve në kuadër të Marrëveshjes së Ohrit. Për Kosovën kjo nënkupton që të lëvizë përpara me një urgjencë në procesin për negocimin dhe themelimin e Asociacionit të komunave me shumicë serbe. Kjo është pjesë e zotimeve që janë bërë nga Qeveria e Kosovës. Ky nuk është obligimi i vetëm që ka dhe ky nuk është neni i vetëm i Marrëveshjes së Ohrit, por është i rëndësishëm”, tha Hovenier.

Ambasadori amerikan tha po ashtu se edhe Serbia ka obligime të shumta të cilat duhet t’i zbatojë, duke shtuar se “ne mendojmë se asnjëra palë nuk po zbaton plotësisht zotimet e tyre për zbatimin e Marrëveshjes së Ohrit”.

Kjo marrëveshje, me 11 nene, nuk e obligon Serbinë që ta njohë Kosovën, por kërkon nga të dyja vendet që t’i pranojnë dokumentet dhe simbolet e njëra-tjetrës, përfshirë: pasaportat, diplomat dhe targat.

Ndërkaq, tensionet në Kosovë janë rritur, pasi në maj, kryetarët e rinj shqiptarë hynë në ndërtesat e komunave në veri të Kosovës – Zveçan, Leposaviq, dhe Zubin Potok – të banuara me shumicë serbe.
Komuniteti serb dhe Lista Serbe, partia më e madhe e serbëve në Kosovë, i kanë bojkotuar zgjedhjet e prillit, por as nuk i pranojnë kryetarët e rinj.

Tensionet kanë kulmuar edhe me dhunë mes protestuesve dhe pjesëtarëve të misionit të NATO-s në Kosovë, KFOR.

Komuniteti ndërkombëtar ka kërkuar nga Kosova dhe Serbia që t’i ulin tensionet dhe të ulen në tavolinën e negocimit.

Më 10 korrik, Kosova ka arritur marrëveshje me BE-në për ulje të tensioneve, dhe në të është përfshirë edhe mbajtja e zgjedhjeve të reja në veri.

The post Ambasadori i SHBA-së kërkon nga Kosova dhe Serbia të zbatojnë marrëveshjen drejt normalizimit appeared first on Albeu.com.

“Hapi i parë është largimi i njerëzve nga rruga. Kryetari i mbetur i komunës nuk duhet të dalë në zyrë për të krijuar shpërqendrim”

“Na duhen zgjedhje të reja me pjesëmarrje të pakushtëzuar të serbëve. Ne kemi nevojë edhe për një afat kohor që pala serbe ta zbatojë pjesën e saj dhe një draft statut për Asociacionin e komunave me shumicë serbe në Kosovë. Bëhet fjalë për barazi, barazi dhe përfitime për të dyja palët” theksoi ai.

“Nëse këto dy palë nuk e pranojnë planin e BE’së për qetësimin e konfliktit mund të ketë një krizë edhe më të madhe” ka thënë Escobar.

“Në Ohër bëhej fjalë për një marrëveshje normalizimi për të krijuar kushte paqësore mes dy fqinjëve armiqësorë sipas rregullave evropiane. Jo vetëm që normalizuan marrëdhëniet e tyre, por u harmonizuan edhe me BE-në. Duhet t’i rikthehemi asaj” ka shtuar Escobar.

Më tej, diplomati amerikan ka theksuar se marrëveshja krijon kushtet e duhura për thellimin e integrimit evropian.

“Ndërkohë u zhvilluan një sërë veprimesh destabilizuese. Kjo na shpërqendroi nga implementimi i asaj marrëveshjeje. Ne duhet t’i kthehemi asaj”, tha i dërguari special i SHBA-së për Ballkanin Perëndimor, Gabriel Escobar./express

The post Escobar: Hapi i parë për zgjedhjet në veri të Kosovës, largimi i njerëzve nga rruga appeared first on Albeu.com.

Në telefonatën e tij me kryeministrin Kurti, sekretari Blinken përsëriti thirrjen që kryetarët e tre komunave të dalë nga zgjedhjet e 23 prillit, të bojkotuara nga partitë serbe, të punojnë nga vende alternative. Në komunat veriore qytetarët serbë po vazhdojnë të kundërshtojnë vendosjen në zyrat komunale të kryetarëve shqiptarë.

Sekretari Blinken përsëriti gjithashtu mbështetjen e Shteteve të Bashkuara për planin trepikësh të BE-së dhe falënderoi kryeministrin Kurti për pjesëmarrjen e tij në takimin e 22 qershorit në Bruksel.

Sekretari Blinken ka mirëpritur lajmin për lirimin e tre policëve të Kosovës. Në telefonatën e tij me Presidentin Vuçiç, Sekretari Blinken përsëriti thirrjen se ata që janë përgjegjës për sulmet ndaj forcave të KFOR-it, duhet të mbahen përgjegjës.

Ai theksoi gjithashtu mbështetjen e vazhdueshme të SHBA-së për planin trepikësh të BE-së dhe i kërkoi Serbisë që të ndërmarrë menjëherë hapa për të zbatuar angazhimet e saj sipas marrëveshjes së normalizimit të marrëdhënieve.

The post Sekretari Blinken i kërkon Kurtit dhe Vuçiçit uljen e tensioneve në veri të Kosovës appeared first on Albeu.com.

Komandanti i KFOR-it, në një intervistë për KosovaPress, pranon se lufta në Ukrainë rriti tensionet edhe në Kosovë, por që tani këto janë ulur ndjeshëm. Sipas tij, nuk ka asnjë kërcënim të shtuar të sigurisë ndaj Kosovës për shkak të zhvillimeve në Ukrainë.

“Do të thosha se kur filloi lufta në Ukrainë, në fund të shkurtit, ka pasur një rritje të dukshme të tensionit edhe në Kosovë. Por unë mendoj se kjo mund të ketë ndodhur në shumë vende të Evropës, sepse ka kaluar një kohë shumë e gjatë që kur kemi pasur një luftë në Evropë. Pra, menjëherë pas fillimit të pushtimit rus, ne përjetuam disa tensione në Kosovë, njerëzit ishin më të frikësuar, por më pas këto tensione u qetësuan dhe tani nuk e kemi këtë nivel të lartë të tensioneve. Sa i përket sigurisë, KFOR-i monitoron situatën në mbarë Kosovën dhe nuk kemi identifikuar ndonjë kërcënim të shtuar të sigurisë ndaj Kosovës për shkak të luftës në Ukrainë. Ne e kemi filluar këtë aktivitet monitorues edhe para se të shpërthejë lufta në Ukrainë, dhe me bindje mund të them se nuk kemi identifikuar ndonjë kërcënim të shtuar ndaj Kosovës, për sa i përket këtij konflikti në Ukrainë”, deklaroi Kajari.

Kajar thotë se në përgjithësi situata e sigurisë në Kosovë është stabile, përfshirë edhe komunat e veriut me shumicë serbe. Në këtë pjesë të vendit nata e 31 korrikut nuk ka qenë aq e qetë, pasi paralajmërimi për reciprocitet në targa bëri që të ngrihen postblloqe e të shfaqen edhe njerëz me armë.

“Do të thosha se gjatë ngjarjeve të 31 korrikut ka qenë një periudhë e tensionuar në komunat veriore. Siç e dinë të gjithë, në atë zonë u krijuan disa postblloqe dhe shumë njerëz morën pjesë në këto postblloqe. Morëm raporte se në postblloqe kishte njerëz me armë, që është një zhvillim i rrezikshëm, nëse e konsiderojmë atë nga pikëpamja e sigurisë. Më duhet të them gjithashtu se për shkak të sjelljes së përgjegjshme të të dyja palëve, kjo periudhë e tensionuar është zgjidhur me sukses. Me sa di unë, nuk ka pasur të lënduar nga asnjëra palë. Bllokim i rrugëve është zgjidhur për një kohë relativisht të shkurtër, sepse mendoj se institucionet në Kosovë dhe liderët serbë të Kosovës kanë qenë në gjendje të negociojnë, dhe arritëm të gjenim një zgjidhje. Brenda një dite u zgjidhën këto kërcënime serioze të sigurisë dhe gradualisht u kthyem në gjendjen normale të sigurisë në atë zonë”, tha ai.

Gjeneralmajor Kajari nuk dëshiron të bëjë përgjegjës askënd për zhvillimet e fund korrikut në veri, por thotë se politikanët duhet të jenë të kujdesshëm në deklaratat e tyre në mënyrë që të mos përshkallëzojnë situatën.

Ai thotë se dialogu Prishtinë-Beograd i ndërmjetësuar nga Bashkimi Evropian është platforma e duhur për të ngritur të gjitha çështjet dhe të shmangen trazirat.

“Nuk dua ta kërkoj fajtorin. Siç thashë, të gjithë, çdo politikan dhe çdo lider duhet të kenë parasysh peshën e fjalëve dhe duhet të shmangin përshkallëzimin e situatës me ekzagjerime. Dhe siç thashë, gjëja më e rëndësishme është që të përpiqemi për marrëveshje përmes negociatave dhe të shmangim veprimet e njëanshme, veçanërisht ato të dhunshme, sepse kjo nuk është zgjidhje për asnjë çështje të pazgjidhur. Ne e dimë se dialogu Prishtinë-Beograd po vazhdon me vite, është gjithashtu e padiskutueshme se një zgjidhje e qëndrueshme mund të gjendet vetëm përmes negociatave. Dhe meqenëse qëllimi i këtij dialogu është normalizimi i marrëdhënieve Prishtinë-Beograd, kjo duhet të jetë vlera ku diskutohen këto çështje, dhe të arrihet një marrëveshje e negociuar, që situata të tilla si ato që ndodhën në fund të korrikut, të mund të shmangen”, tha ai.

Gjatë kësaj kohe, mediat në Serbi raportuan se ka pasur prezencë edhe të Forcës së Sigurisë së Kosovës në komunat veriut. Por, komandanti i KFOR-it thotë se kjo nuk është e vërtetë.

Sipas tij, FSK as nuk ka bërë ndonjë kërkesë në mënyrë që t’ju lejohet shkaurja atje.

“Forca e Sigurisë së Kosovës sipas marrëveshjes me NATO-n, mund të hyjë në komunat veriore me shumicë serbe vetëm me pëlqimin e KFOR-it. Ky pëlqim nuk është kërkuar dhe sipas njohurive tona, Forca e Sigurisë së Kosovës nuk ka qenë prezente në komunat veriore, siç është raportuar në media”, tha Kajar.

Gjeneralmajor Kajari thotë se bashkëpunimi me Forcën e Sigurisë së Kosovës, njëjtë sikurse me të gjitha institucionet e tjera të sigurisë, është shumë i mirë dhe vazhdojnë ta mbështesin FSK-në në bazë të mandatit të saj fillestar.

“Mendoj se bashkëpunimi me Forcën e Sigurisë së Kosovës është shumë i mirë, po aq i mirë sa me Policinë e Kosovës dhe me organizatat e tjera të sigurisë në Kosovë. Unë kam takime të rregullta me të gjithë udhëheqësit e organizatave të sigurisë së Kosovës dhe diskutojmë situatën e sigurisë në Kosovë, dhe diskutojmë mënyrën se si KFOR-i mund të bashkëpunojë me këto organizata. Sa i përket Forcës së Sigurisë së Kosovës, më duhet të ritheksoj se KFOR-i dhe NATO-ja mbështet Forcën e Sigurisë së Kosovës, sipas mandatit të tyre fillestar, dhe kjo do të thotë se ne po ofrojmë mbështetje dhe po bashkëpunojmë me Forcën e Sigurisë së Kosovës, për asgjësimin e mjeteve shpërthyese, si dhe bashkëpunojmë në ofrimin e asistencës humanitare, dhe ofrim të ndihmës në zonat e fatkeqësisë. Në këto fusha, bashkëpunimi është shumë e mirë”, vijoi Kajar.

Javë më parë, në media se KFOR-i kishte hequr një flamur të madh serb që ishte vendosur shumë pranë urës së Ibrit pas ceremonisë së përurimit të një sheshi. Kajar tha se atë e hoqën të njëjtit persona të cilët edhe e kishin vendosur.

“Kjo deklaratë është e pavërtetë. Ne e kemi monitoruar atë aktivitet dhe është shumë e vërtetë që ai flamur është hequr nga persona të veshur me kostume të zeza, por është një keqinformim, të themi kështu, se është hequr nga forcat e karabinierëve, të pranishëm në zonë. Flamuri është hequr nga organizatorët e kësaj ngjarjeje”, tha ai.

Në vigjilje të largimit të tij nga Kosova, gjeneralmajor Kajari thotë se ka arritur me sukses që KFOR të ketë vazhdimësi në punët të cilat i kishte trashëguar. Ai u shpreh synim të dytë kishte ruajtjen dhe rritjen e bashkëpunimit të mirë mes trupave të 28 shteteve të cilat janë prezente në KFOR.

Gjithashtu, ai u shpreh se ka pasur qëllim që gjatë periudhës së komandës hungareze të ruhen aftësitë e KFOR-it për t’iu përgjigjur sfidave të sigurisë, të paktën në nivelin që ishin kur mori komandën.

“Mendoj se gjatë periudhës së komandës hungareze, ne kemi mundur të vazhdojmë punën po aq mirë sa ka qenë gjatë periudhave të mëparshme komanduese këtu në Kosovë, dhe kemi mundur të ruajmë mjedisin e sigurt, dhe lirinë e lëvizjes, siç është paraparë me Rezolutën 1244 të Këshillit të Sigurimit të OKB-së. Besoj se edhe synimi i dytë është arritur, kjo është një çështje e brendshme, por siç e kam provuar, në gjysmën e dytë të periudhës së komandës, arritëm të bënim një ekip dhe staf shtabi shumë të mirë, të aftë për të punuar në mënyrë shumë efektive. Dhe qëllimi i tretë, ishte ruajtja e kapaciteteve të KFOR-it, apo sipas mundësive, përmirësimi i aftësive të KFOR-it, për t’iu përgjigjur çdo sfide të sigurisë, me asete jo kinetike ose kinetike, nëse ka nevojë. Mendoj se vitin e kaluar u dëshmua se KFOR-i e ruajti këtë aftësi, dhe ne ishim në gjendje t’i përgjigjeshim çdo lloj kërcënimi të sigurisë, në 12 muajt e fundit, kërcënime me të cilat po përballeshim, dhe arritëm të ruanim një mjedis të sigurt, dhe ia arritëm t’i përmbushim detyrat tona me sukses. Mendoj se mund të them se KFOR-i ka qenë i suksesshëm dhe ka mundur të bashkëpunojë me të gjithë akterët këtu në Kosovë”, përfundoi ai.

Gjeneralmajor Ferenc Kajar do të dorëzojë detyrën nesër tek gjeneralmajor Angelo Michele Ristuccia i Ushtrisë Italiane në një ceremoni të veçantë me pjesëmarrjen e krerëve të shtetit dhe institucioneve të tjera të sigurisë./KP/

The post Komandanti i KFOR-it flet për tensionet gjatë korrikut në veri: Politikanët të jenë të kujdesshëm me deklaratat appeared first on Albeu.com.

Sveçla thotë se nëse kjo nuk do të vihet në funksion, atëherë Kosova do të jetë e gatshme për reagim.

“Këtu është vetëm një opsion, por normalisht do të ketë reagimre nga ana jonë nëse ai opsion nuk vëhet në funksion. Dmth largimi i këtyre fletë hyrjeve daljvee, sipas informative që kemi dhe duke pasur parasysh edhe vendosjen e këtyre panove, në orën 00:00, Serbia do t’i ndërpresë lëshimin e këtyre fletë hyrjeve daljeve.

Nëse ajo nuk i ndërpret, natyrisht që ne jemi të gatshëm të vendosim flet hyrje dalje për shtetasit e Serbisë që hyjnë në Kosovë”, tha Svecla në RTK.

The post Sveçla: Në mesnatë Serbia ndalon lëshimin e fletëve të hyrje-daljes, nëse jo lëshojmë edhe ne appeared first on Albeu.com.

Kjo vizitë e tij në Kosovë, vjen pak ditë pas takimit të kryeministrit Albin Kurti dhe presidentit serb Aleksandër Vuçiq në Bruksel, të ndërmjetësuar nga BE.

Kujtojmë se ky takim rezultoi pa ndonjë marrëveshje për targat dhe letërnjoftime.

Gjatë ditës së sotme Escobar do të takohet me presidenten e Kosovës, Vjosa Osmani.

I dërguari amerikan në mbrëmje pritet të takohet edhe me përfaqësues të opozitës, të cilët i ka ftuar për darkë.

Bëhet e ditur se në mbështetje të dialogut nesër vendin tonë do ta vizitojë edhe special i BE-së, Miroslav Lajçak.

The post Escobar viziton sot Kosovën appeared first on Albeu.com.

Për gjeneralin gjerman, Erhard Buhler, komandant i parë i KFOR-it në Kosovë, këto pamje s’janë të reja.

Në një intervistë ekskluzive për Albanian Post, Buhler thotë se edhe pas dy dekadave ende i ka në memorie emrat e grupeve kriminale që vepronin në Veriun e Kosovës.

Madje, thekson se edhe kishin grumbulluar shumë informacione të cilat më pas i janë dorëzuar EULEX-it dhe Policisë së Kosovës.

“Po. I mbaj mend mjaft mirë emrat. Ekziston një grup multietnik i kriminelëve që u pasuruan në këtë zonë pa pothuajse asnjë sundim të ligjit deri më sot. Ne mblodhëm shumë informacione të inteligjencës ushtarake dhe ia dhamë EULEX-it dhe Policisë së Kosovës për ta shndërruar inteligjencën në prova, që mund të përdoren për të akuzuar këta kriminelë në gjykata”, thotë Buhler.

Gjenerali gjerman vuri në pah se ‘’sheh potencial përshkallëzimi’’, deri sa potencon se Kosova dhe Serbia janë shumë larg një akordi për pajtim.

‘’Por unë mendoj se nuk është koha për përshkallëzim, por për deeskalim dhe pajtim. Kur bëhet fjalë për pajtimin, kjo i drejtohet kryesisht, por jo ekskluzivisht lidershipit aktual politik në Beograd, veçanërisht atyre që ishin në një mënyrë apo në tjetrën pjesë të regjimit të Millosheviçit. Mendoj se shumë njerëz në Serbi dhe në Kosovë janë shumë më larg kur bëhet fjalë për pajtimin’’.

Sylejman Selimi dhe Erhard Buhler
Buhler, ka qenë kritik edhe ndaj vendimit të Qeverisë së Kosovës për reciprocitet ndaj Serbisë, duke shtuar se ‘’në shumë pjesë të shoqërive në Evropë, masa të tilla perceptohen si fëmijërore dhe qesharake’’.

‘’Por, ju duhet të jeni të vetëdijshëm për ndikimin në opinionet evropiane dhe aftësinë e qeverisë serbe për ta përdorur atë në komunikimin e tyre strategjik. Kosova është dhe mbetet vend multietnik dhe është e përkushtuar ndaj vlerave evropiane, ky duhet të jetë mesazhi’’.

Kur pyetet për anëtarësimin e Kosovës në NATO, Buhler tregon se është bërë shumë gjatë viteve të fundit, por ende ka punë për t’u bërë.

‘’Kosova duhet të vazhdojë të punojë në ndërveprimin e NATO-s të Forcave të Sigurisë së Kosovës dhe Ushtrisë së ardhshme. Duhet të jetë një vlerë e shtuar integrimi i kësaj force në Strukturën e Forcave të NATO-s.

Erhard Buhler dhe ish-presidentja Atifet Jahjaga
Intervista e plotë e ish-komandantit të parë të KFOR-it në Kosovë, Erhad Buhler, dhënë për Albanian Post

Albanian Post: Kohët e fundit situata në veri të Kosovës është tensionuar. Serbët i bllokuan rrugët. A ju kujtohet, e bënin këtë sa herë që Qeveria e Kosovës përpiqej të shtrijë sovranitetin edhe në atë pjesë?

Dhe a mendoni se këtë herë situata mund të ishte përshkallëzuar, duke parë reagimet në Kosovë dhe Serbi?

Erhard Buhler: Epo, ata e kanë bërë atë në të kaluarën dhe do ta bëjnë ndoshta në të ardhmen. Është bërë model për demonstrata kundër çdo vendimi të Qeverisë së Kosovës për veriun. Shumë kohë, situata në veri është pranuar si një zonë pa sundim të ligjit dhe me një lloj statusi të veçantë në krahasim me Jugun, fatkeqësisht edhe nga përfaqësuesit e OKB-së, BE-së dhe në fillim edhe nga disa kontingjente të KFOR-it. Kjo çoi në një situatë ku grupet kriminale multietnike dhe grupet radikale dhe nacionaliste serbe plotësuan boshllëkun dhe shfrytëzuan qytetarët serbë të frikësuar dhe të shqetësuar në veri. Më shumë se në të kaluarën, disa politikanë në Serbi e përdorin këtë përzierje për hir të interesave të tyre dhe aplikojnë një retorikë luftarake të paprecedentë.

Për shkak të kësaj të fundit që sapo thashë, shoh potencial përshkallëzimi. Por unë mendoj se nuk është koha për përshkallëzim, por për deeskalim dhe pajtim. Kur bëhet fjalë për pajtimin, kjo i drejtohet kryesisht, por jo ekskluzivisht lidershipit aktual politik në Beograd, veçanërisht atyre që ishin në një mënyrë apo në tjetrën pjesë të regjimit të Millosheviçit.

Mendoj se shumë njerëz në Serbi dhe në Kosovë janë shumë më larg kur bëhet fjalë për pajtimin. Vështirë se dihet në pjesën tjetër të Evropës se ka liri të lëvizjes për qytetarët serbë në Kosovë për të takuar miqtë dhe të afërmit ose për të udhëtuar përmes Kosovës në Shqipëri dhe Mal të Zi në udhëtimin e tyre në bregdetin Adriatik. Nuk dihet se Serbia për 11 vite ka vendosur regjim pasaportash dhe targash për qytetarët kosovarë.

Albanian Post: Si e keni parë vendimin e Qeverisë së Kosovës për reciprocitet për targa dhe dokumentin për hyrje/dalje të shtetasve serbë?

Erhard Buhler: Ju mund të argumentoni se është koha për t’u përgjigjur me masa reciproke. Por ju duhet të jeni të vetëdijshëm për ndikimin në opinionet evropiane dhe aftësinë e qeverisë serbe për ta përdorur atë në komunikimin e tyre strategjik. Në shumë pjesë të shoqërive në Evropë, masa të tilla perceptohen si fëmijërore dhe qesharake.

Nuk e shoh aq kritike, sepse jam i vetëdijshëm për sfondin dhe historinë. Megjithatë, në vend që të rrezikojë dëmtimin e imazhit të Kosovës në Evropë dhe përshkallëzimin e mëtejshëm, i cili ka potencial të jetë kundërproduktiv ndaj qëllimit kryesor të Kosovës për integrim të mëtejshëm në BE, unë do të rekomandoja të mos bëni asgjë që mund të perceptohet si shaka ndaj qytetarëve serbë, por për të komunikuar atë që qeveria serbe u ka imponuar qytetarëve kosovarë në 11 vitet e fundit. Kosova është dhe mbetet vend multietnik dhe është e përkushtuar ndaj vlerave evropiane, ky duhet të jetë mesazhi.

Në anën tjetër, gjithmonë kam shprehur mendimin tim për të zbatuar sundimin e ligjit në veri të Kosovës dhe inkurajoj faktorët ndërkombëtarë dhe qeverinë që të vazhdojnë ta bëjnë këtë.

Por një përzierje e të dyjave, zbatimi legjitim i shtetit të së drejtës dhe masave reciproke politike apo hakmarrjes vështirë se do të kuptohen dhe kanë një potencial për përshkallëzim të mëtejshëm. Faktorët ndërkombëtarë duhet të mbështesin zbatimin e sundimit të ligjit pa hezitim dhe të thërrasin politikanët serbë për pajtim dhe justifikim për vuajtjet e pamatura të shumë njerëzve të Ballkanit gjatë dhe para luftës.

Albanian Post: Si është i organizuar KFOR-i kur ka situata të tilla në veri?

Erhard Buhler: KFOR-in duhet ta shohim në kontekstin më të gjerë të NATO-s. Edhe nëse KFOR-i ka sot një prani shumë më të vogël në Kosovë, NATO në tërësi do të garantojë një mjedis të sigurt në Kosovë. NATO dhe KFOR-i kanë planet dhe masat e nevojshme.

Albanian Post: Gjatë kohës që shërbenit në Kosovë, a kishit informacion se kush qëndron prapa grupeve kriminale në veri?

Erhard Buhler: Po. I mbaj mend mjaft mirë emrat. Siç thashë, ekziston një grup multietnik i kriminelëve që u pasuruan në këtë zonë pa pothuajse asnjë sundim të ligjit deri më sot. Ne mblodhëm shumë informacione të inteligjencës ushtarake dhe ia dhamë EULEX-it dhe Policisë së Kosovës për ta shndërruar inteligjencën në prova që mund të përdoren për të akuzuar këta kriminelë në gjykata. Kam parë disa përmirësime në vitet e fundit për shkak të rritjes së kapaciteteve të Policisë së Kosovës, por fatkeqësisht jo një ndryshim thelbësor dhe i qëndrueshëm.

Albanian Post: Këtë muaj është arrestuar edhe një spiune ruse duke tentuar të hyjë në Kosovë përmes pjesës veriore, mendoni se Rusia ka gisht në trazirat në pjesën veriore apo po përpiqet të bëjë diçka të tillë?

Erhard Buhler: Nuk komentoj hetimet në vazhdim, por duke folur për Rusinë, është e qartë për mua se Rusia ka interes të ruajë dhe të rrisë ndikimin e saj në Ballkan. Rusia po e mbështet Serbinë në shumë aspekte siç e dimë. Ata kanë interes të ngrijnë situatën ashtu siç është.

Largimi nga konfliktet e ngrira është pjesë e strategjisë së tyre në shumë pjesë të botës. Aq më shumë është e nevojshme që ne të vazhdojmë dhe të bëjmë gjithçka për integrimin e Ballkanit Perëndimor në BE dhe më në fund në NATO. Është në interes të BE-së dhe NATO-s, nuk është donacion për shtetet e Ballkanit Perëndimor. Serbisë duhet t’i kujtohet të vendosë në cilën anë do të donte të ishte. Marrja e përfitimeve nga njëra anë dhe kërkimi i udhëzimeve dhe mbështetjes politike nga pala tjetër nuk është e pranueshme.

Albanian Post: Duke parë situatën gjeopolitike në rajon dhe në botë, Kosova synon të bëhet anëtare e NATO-s, sa janë shanset që Kosova të pranohet në këtë institucion?

Erhard Buhler: Siç thashë, është gjithashtu në interesin strategjik të NATO-s që ta integrojë Kosovën si të tjerët në Aleancë. Por situata është si është. Kemi katër nga 30 anëtarë të NATO-s në të ardhmen e afërt që nuk e mbështesin pavarësinë e Kosovës për shkak të gjendjes së tyre të brendshme politike.

Ne duhet të vazhdojmë t’i bindim ata se këto interesa strategjike afatgjata janë më të rëndësishme se konsideratat afatshkurtra kombëtare. Nga ana tjetër, të gjitha palët e interesuara në Ballkanin Perëndimor duhet të bëjnë të pamundurën për të zgjidhur dhe tejkaluar konfliktet e ngrira në rajon në një dialog paqësor.

Së dyti, Kosova duhet të vazhdojë të punojë në ndërveprimin e NATO-s të Forcave të Sigurisë së Kosovës dhe Ushtrisë së ardhshme. Duhet të jetë një vlerë e shtuar integrimi i kësaj force në Strukturën e Forcave të NATO-s. Është bërë shumë gjatë viteve të fundit, por ka ende punë për të bërë.

Albanain Post: Vitin e kaluar, helikopterët serbë kanë hyrë në territorin e Kosovës, aty ku ishin vendosur forcat speciale të policisë së Kosovës. Cilat janë kompetencat e KFOR-it sipas marrëveshjes së Kumanovës në raste të tilla, si duhet të reagojë?

Erhard Buhler: Nuk jam në dijeni për këtë ngjarje konkrete që përmendët. Por për vite me radhë, KFOR-i ka mbajtur një organizatë efektive ndërlidhëse me Ushtrinë Serbe për të zgjidhur këto çështje. Shpesh herë, kjo nuk ka qenë një shkelje e qëllimshme e kufirit, por ka qenë për shkak të një përcaktimi të paqartë të vijës kufitare administrative të NATO-s.

Ky problem daton që në ditët e para të operacionit të KFOR-it. Ndërkohë, dhe pas digjitalizimit të dokumenteve kadastrale të Serbisë dhe ish-krahinës së saj, kufiri aktual është mjaft i qartë. Prandaj, unë propozova më shumë se dhjetë vjet më parë përshtatjen e vijës kufitare administrative të NATO-s në vijën kadastrale të pranuar përgjithësisht për të shmangur çdo keqkuptim./Albanianpost.com

The post Tensionet Kosovë-Serbi, komandanti i parë i KFOR-it: Në Veri ekziston një grup kriminal multietnik, situata mund të përshkallëzohet appeared first on Albeu.com.

BE reagoi edhe njëherë përpara takimit të radhës mes kryeministrit Kurti dhe presidentit Vuçiç më 18 gusht në Bruksel dhe ftoi palët të heqin dorë nga retorika nxitëse.

Përmes zëdhënësit Peter Stano, BE bën me dije se çdo lloj përshkallëzimi i situatës do të jetë përgjegjësi e politikanëve nga të dyja vendet.

“Rritja e retorikës nxitëse kohëve të fundit nga ana e zyrtarëve të Kosovës dhe Serbisë, në veçanti deklaratat rreth luftës dhe konfliktit në Ballkanin Perëndimorë paraqesin shqetësim të madh.

Politikanët e lartë nga të dyja palët do të mbahen përgjegjës për çfarëdo përshkallëzimi që mund të qoj deri tek ndonjë rritje të tensioneve dhe potencialisht në dhunë në rajon”, shkruhet në këtë deklaratë.

The post Takimi Kurti-Vuçiç, BE: Për çdo përshkallëzim të situatës, përgjegjësinë do e mbajnë të dy appeared first on Albeu.com.