Në vijën e parë të incidentit ka qenë deputeti i Partisë Demokratike, Flamur Noka, i cili ka tentuar të thyejë kordonin e efektivëve, duke u përfshirë në përplasje fizike me ta.

Menjëherë pas përshkallëzimit të situatës, policia ka ndërhyrë duke përdorur gaz lotsjellës dhe ujë për të shpërndarë turmën. Fillimisht, reagimi i forcave të rendit u duk i papritur, pasi nuk u evidentua përdorimi i mjeteve të dhunshme nga protestuesit në ato momente, por tensionet u rritën pas përplasjes së Nokës dhe demokratëve me efektivët.

Pas këtyre incidenteve, një prej organizatorëve të protestës u bëri thirrje me megafon pjesëmarrësve që të “ndjekin turmën”, duke orientuar vijimin e marshimit në rrugët e kryeqytetit.

The post “Të gjithë të ndjekin turmën”, tensione të forta te AKSHI, Flamur Noka përplaset me efektivët appeared first on Albeu.com.

Fillimisht me akuza ndaj shumicës socialiste, e më tej me pankarta për dorëheqje të qeverisë dhe goditje të tavolinave.

Ndërsa kërkesa dhe raporti i opozitës u rrëzuan me 82 vota të PS, ku 7 deputetë mungonin dhe 47 vota pro të opozitës, kryeparlamentari Niko Peleshi e kaloi seancën në rendet e ditës, por opozita vijoi të protestonte dhe më tej zuri foltoren të rrethuar edhe nga punonjësit e Gardës.

Një pjesë e deputetëve godisnin tavolinat, të tjerët, me në krye kreun e PD, Sali Berisha, dolën në podiumin e foltores duke protestuar dhe hedhur akuza ndaj qeverisë dhe socialistëve.

Mazhoranca në këto rrethana kaloi në procedurë dhe votim të përshpejtuar të çështjeve të rendit të ditës, edhe sipas kërkesës së kreut të grupit të PS, Taulant Balla.

Votimet u shoqëruan gjithashtu me tensione, thirrje dhe goditje tavolinash.

Pasi përfundoi procesi i votimit, Peleshi deklaroi edhe mbylljen e seancës plenare.

SPAK akuzon Ballukun për abuzime me detyrën, 11 tendera me vlerë mbi 1 mld euro, teksa rrezikon një marzh dënimi deri në 35 vite burgim.

The post Tensione në Kuvend, opozita bllokon foltoren me pankarta dhe goditje tavolinash pasi PS rrëzoi kërkesën për heqjen e imunitetit të Ballukut! (VIDEO) appeared first on Albeu.com.

Teksa mban fjalën në Foltoren e Kuvendit, Balla është provokuar nga Vokshi, ndërsa kreu i grupit socialist iu përgjigj duke thënë se deputetes demokrate se i fillon numri me “0900”.

“Realisht nuk kishim një numër tuajin që të ju merrnin në telefon dhe të ju thonim çfarë mendoni ju. 0900 se këtë numër kam, për ty Albana padyshim”, ishte fraza e Ballës.

Kjo solli reagimin e ashpër të demokratëve, të cilët iu afruan “Foltores”, ndërsa Bardhi shpërtheu ndaj Ballës me fjalët “ndyrësirë, i pafytyrë”.

Është dashur ndërhyrja e Gardës së Republikës, e cila nuk lejoi që situata mes palëve të përshkallëzohej.

Më pas, kreu i Kuvendit Niko Peleshi me kërkesë të Ballës, ndërpreu seancën plenare.

The post Degradon Kuvendi, demokratët përplasje fizike me Ballën pas fyerjes së Vokshit appeared first on Albeu.com.

“Realisht nuk kishim një numër tuajin që të ju merrnin në telefon dhe të ju thonim çfarë mendoni ju. 0900 se këtë numër kam, për ty Albana padyshim”, kjo ishte fraza që solli fillimisht reagimin e Gazmend Bardhit.

Më pas deputetët demokratë kanë shkuar drejt foltores, situatë që solli ndërhyrjen e Gardës.

“Ndyrësirë i pafytyrë, shko thuaja gruas tënde ato. I pafytyrë, i paburrë, je mësuar me ato të partisë tënde”, iu drejtua Bardhi-Ballës me tone të ashpra në Kuvend.

Më pas seanca u ndërpre që situate të qetësohej.

The post Tensione në seancë parlamentare, demokratët i afrohen Ballës në foltore, ndërhyn Garda appeared first on Albeu.com.

Mes të tjerash, ai u ka kërkuar demokratëve që të distancohen nga protestat e thirrura nga PD.

“I bëj thirrje PD të distancohet nga dhuna e përsëritur nga protestat e thirrua nga kjo parti. Çdo parti mban përgjegjësi për mbarëvajtjen e këtyre protestave. Ka të dyshuar të paguar, për të kryer këto akte tensioni. PD, duhet të distancohet nga këto akte dhunë, Kuvendi me urgjencë duhet të shprehet në mbrojtje të punonjësve të Policisë së Shtetit dhe të kërkojmë nga Prokuroria të gjitha masat shtesë për paprekshmërinë e uniformës së policisë së shtetit”,- tha Balla.

Teksa Balla po fliste, deputetja Ina Zhupa, vijonte me akuzat e saj ndaj qeverisë nga foltorja të cilën e kanë bllokuar, por u përball me një gjuhë të ashpër nga Taulant Balla.

“Dhe tjetra, jemi sot pak ditë nga një aktakuzë e turpshme…pusho moj ti pusho, se le nam”, tha ai.

The post Tensionet në Kuvend/ Balla përplaset me deputeten e PD: Pusho moj ti pusho, se le nam… appeared first on Albeu.com.

Që në nisje të seancës ndërsa kreu i Kuvendit Niko Peleshi nisi fjalën, deputetët e PD kanë bllokuar foltoren dhe kanë kërkuar largimin e Belinda Ballukut nga salla.

“Si nuk u lodhe o burrë’, dëgjohet Peleshi duke iu drejtuar Gazment Bardhit i cili fliste mbi fjalën e tij duke kërkuar largimin e zv. kryeministres nga salla e Kuvendit.

E ndërsa opozita nuk ka pranuar që të ulen në karriget e tyre dhe të vijojë seanca, Peleshi me kërkesë të kreut të grupit parlamentar të PS ka hedhur në votim projektligjet, të cilat janë miratuar me votat e PS. “Keni kohë një javë”, Balla paralajmëron opozitën: Nëse nuk vini në Komision për reformën zgjedhore dhe territoriale, do e bëjmë pa ju

The post Debate dhe tensione/ Mbyllet seanca plenare pas vetëm 30 minutash appeared first on Albeu.com.

Sic shihet edhe nga pamjet, deputeti Klevis Balliu, shihet duke u ngjitur mbi tavolinat e anëtarëve të Kuvendit, ndërsa opozita ka ndërprerë punimet dhe po pengon zhvillimin normal të seancës.

Ndërkohë, shoqëruesi i Niko Peleshit, ka shkelur ligjin duke u futur i armatoasur brenda në Kuvend.

The post Përplasje të forta në Kuvend/ Shoqëruesi i Niko Peleshit futet i armatosur brenda në Kuvend (VIDEO) appeared first on Albeu.com.

Bardhi po debatonte me nënkryetaren e Kuvendit, Klodiana Spahiu, lidhur me marrjen e fjalës, e në një moment ndërhyri edhe deputetja socialiste, ndërsa Bardhi i kthehet ashpër dhe i drejtohet duke i thënë: “Mbylle gojën kur flas unë, laraskë”.

Çaushi ka replikuar sërish nga vendi me mikrofonin e mbyllur.

Gazment Bardhi, nga vendi i është drejtuar disa herë drejtueses së seancës Klodiana Spahiut, duke i thënë se duhet të lejojë të flasin deputetët e opozitës, ndërsa ajo fjalën ia kishte dhënë ministrit Blendi Gonxhja.

“S’të vjen turp s’të vjen, o zonjë”, iu drejtua ai.

The post Tensione në Kuvend/ Bardhi përplaset me Zegjine Çaushin: Mbylle gojën, laraskë appeared first on Albeu.com.

Vendimi u mor për shkak se demokrati shkoi drejt foltores gjatë fjalës së ministres së Brendshme, Albana Koçiu, ku i kërkuan dorëheqjen për vrasjen e gjyqtarit Astrit Kalaja.

“Duhet t’ju vijë turp”, iu drejtua Noka ministres së Brendshme, teksa kjo e fundit iu kthye: “Nuk më intimidon duke më drejtuar gishtin. Jam një grua në detyrë, mos e politizo situatën. Trup të kesh ti nga mëngjesi deri në darkë”.

Ndërsa kryeparlamentari pasi i dha masën disiplonore të vërejtjes, i hoqi të drejtën e fjalës.

“Zoti Noka vërejtje sipas rregullores. Duke qenë se morët një tërheqje vëmendje dhe një vërejtje dhe përdorët fjalë fyese që cënojnë drejtuesin e seancës, ju heq të drejtën e fjalës për ditën e sotme”, tha Peleshi.

The post Tensione gjatë seancës plenare/ Debat i ashpër mes Koçiut dhe Nokës: Mos m’u drejto me gisht, turp të kesh appeared first on Albeu.com.

PD shkruan se Kushtetuta, Rregullorja e Punës së Kuvendit dhe çdo normë e praktikës demokratike u shkelën në mënyrë flagrante.

Demokratët argumentojnë se përmes veprimeve antikushtetuese dhe në shkelje të rregullores së brendshme të Kuvendit, të ndërmarra nga Kryetari i Kuvendit dhe kreu i shumicës parlamentare, debati politik i përfaqësuesve të qytetarëve u pengua qëllimisht, duke dëmtuar seriozisht demokracinë parlamentare dhe bashkëjetesën politike brenda institucioneve legjitime demokratike.

“Dinamika e ngjarjeve të sotme tregon qartë një plan të mirëorganizuar nga Kryeministri Rama që provokon hapur opozitën parlamentare”, thuhet në letër.

Gjithashtu, ata shprehen se edhe Kryetari i Kuvendit, Niko Peleshi, ka kryer shkelje, duke krijuar standarde të dyfishta në dhënien e të drejtave procedurale.

“Z. Peleshi ia dha dy herë radhazi Kryetarit të grupit të shumicës parlamentare të drejtën procedurale, ndërkohë që ia mohoi këtë të drejtë, të parashikuar sipas nenit 49 të Rregullores, Kryetarit të Grupit Parlamentar të Partisë Demokratike”, thuhet në letrën e Grupit të PD-së.

Po ashtu, PD thotë se “Kryetari i Kuvendit miratoi një urdhër politik të ardhur nga Kryetari i grupit të shumicës duke mbyllur seancën plenare me miratimin e programit politik dhe kabinetit të ri qeveritar pa debat politik, në shkelje të nenit 97 të Kushtetutës dhe në shkelje të rëndë të nenit 110 të Rregullores”.

LETRA

Shkëlqesi të nderuara.

Ju drejtohemi nëpërmjet kësaj letre për të sjellë në vëmendjen tuaj situatën e paprecedentë që ndodhi sot gjatë seancës plenare të Kuvendit të Shqipërisë, të thirrur për miratimin e programit politik dhe kabinetit të ri qeveritar, në të cilën ju ishit të ftuar edhe si pjesëmarrës.

Për herë të parë në 35 vitet e pluralizmit politik në Shqipëri, Kushtetuta, Rregullorja e Punës së Kuvendit dhe çdo normë e praktikës demokratike u shkelën në një mënyrë kaq flagrante dhe përçarëse.

Përmes veprimeve antikushtetuese dhe në shkelje të rregullores së brendshme të Kuvendit, të ndërmarra nga Kryetari i Kuvendit dhe kreu i shumicës parlamentare, debati politik i përfaqësuesve të qytetarëve u pengua qëllimisht, duke dëmtuar seriozisht demokracinë parlamentare dhe bashkëjetesën politike brenda institucioneve legjitime demokratike.

Si përfaqësues të qytetarëve shqiptarë në Kuvend, vërejmë me shqetësim erozionin e përditshëm të autoritetit të institucionit më të lartë vendimmarrës, Kuvendit të Shqipërisë, dhe përpjekjen për ta transformuar atë në një zgjatim të Këshillit të Ministrave, duke eliminuar plotësisht mbikëqyrjen parlamentare mbi shumicën dhe ligjet e paraqitura për shqyrtim dhe miratim.

Dinamika e ngjarjeve të sotme tregon qartë një plan të mirëorganizuar nga Kryeministri Rama që provokon hapur opozitën parlamentare. Përmes këtyre veprimeve të paprecedentë, në shkelje të Rregullores së Punës dhe duke anuluar parimet kushtetuese, e drejta e deputetëve të opozitës për një debat politik substancial dhe konstruktiv mbi programin dhe kabinetin qeveritar u mohua qëllimisht.

Gjithashtu, vërejmë me shqetësim ofendimin e rëndë që u është shkaktuar përfaqësuesve më të lartë të trupit diplomatik të akredituar në vendin tonë, të cilët morën pjesë në këtë seancë solemne, me rëndësi të veçantë për fillimin e çdo legjislature të re, nga Kryeministri Rama. Në dritën e delegjitimimit të seancës plenare dhe në mbrojtje të kushtetutshmërisë së procesit, deputetët e opozitës në Parlament kërkuan që të respektohet solemniteti i kësaj seance plenare.

Në përputhje me nenin 97 të Kushtetutës, dhe në përputhje me nenin 110, paragrafi 2 të Rregullores së Punës së Kuvendit, deputetët e opozitës i kërkuan vazhdimisht Kryetarit të Kuvendit për të lejuar Kryeministrin të vazhdojë fjalimin e tij, pasi ai u ndërpre në mënyrë të paprecedentë prej tij për të paraqitur një videomesazh të inskenuar nga e ashtuquajtura “Ministria e Inteligjencës Artificiale Diella”.

Në të gjithë historinë e pluralizmit parlamentar shqiptar, fjalimi i Kryeministrit gjatë seancës plenare për miratimin e programit politik dhe përbërjen e qeverisë nuk është ndërprerë kurrë për asnjë arsye. Për më tepër, Kryetari i Kuvendit, në shkelje të nenit 48, paragrafi 1 i Rregullores së Punës, nuk iu drejtua Z. Edi Rama në cilësinë e tij si deputet për ta thirrur në rend kur u largua nga thelbi i çështjes, pra, prezantimi, përmes inskenimit të një videomesazhi nga një personazh virtual, në një kohë kur ai duhet të kishte vazhduar pa ndërprerje prezantimin e programit politik.

Në kontekstin e mospërgjigjes së paprecedentë të Kryetarit të Kuvendit dhe kryerjes së këtyre shkeljeve të rënda të Kushtetutës dhe Rregullores së Punës, Kryetari i Kuvendit krijoi një precedent të rrezikshëm për këtë legjislaturë të re duke krijuar standarde të dyfishta në dhënien e të drejtave procedurale. Z. Peleshi ia dha dy herë radhazi Kryetarit të grupit të shumicës parlamentare të drejtën procedurale, ndërkohë që ia mohoi këtë të drejtë, të parashikuar sipas nenit 49 të Rregullores, Kryetarit të Grupit Parlamentar të Partisë Demokratike.

Kështu, në mënyrë antikushtetuese, Kryetari i Kuvendit miratoi një urdhër politik të ardhur nga Kryetari i grupit të shumicës duke mbyllur seancën plenare me miratimin e programit politik dhe kabinetit të ri qeveritar pa debat politik, në shkelje të nenit 97 të Kushtetutës dhe në shkelje të rëndë të nenit 110 të Rregullores.

Mohimi i së drejtës për debat parlamentar, shkeljet e përsëritura të ligjit themelor të vendit dhe shkeljet e rregullave të brendshme të Kuvendit tregojnë qartë një minim të qëllimshëm të rendit kushtetues dhe uzurpim të autoritetit legjitim vendimmarrës të institucioneve demokratike në vend. Në këtë situatë të paprecedentë, vërejmë me shqetësim minimin e jetës parlamentare, mohimin e së drejtës kushtetuese të deputetëve për debat politik dhe, mbi të gjitha, shpërfilljen e vullnetit sovran të qytetarëve shqiptarë, duke tentuar anulimin total të organit më të lartë përfaqësues të vullnetit të tyre politik.

Me shqetësim të thellë vërejmë dobësimin e vazhdueshëm të rolit të Kuvendit si institucioni më i lartë vendimmarrës në Shqipëri. Zhvillimet e sotme demonstruan një plan të orkestruar nga Kryeministri Edi Rama për të provokuar hapur opozitën parlamentare dhe për ta reduktuar Kuvendin në një zgjatim të thjeshtë të Këshillit të Ministrave, duke eliminuar kështu mbikëqyrjen parlamentare mbi shumicën dhe ligjet e paraqitura për shqyrtim dhe miratim.

Prandaj, e ndiejmë si detyrë tonën të informojmë komunitetin diplomatik të akredituar në Tiranë për këto zhvillime të rënda, të cilat rrezikojnë seriozisht demokracinë parlamentare dhe rendin kushtetues në Shqipëri.

Ju lutem pranoni, Shkëlqesitë Tuaja, shprehjen e konsideratave të mia më të larta.

The post Tensionet në seancën plenare, zbardhet letra që Grupi Parlamentar i PD i ka nisur Trupit Diplomatik në Tiranë appeared first on Albeu.com.