Presioni i gjakut konsiderohet i ulët kur vlera më e lartë (sistolike) është 90 ndërsa vlera më e ulët 60. Shkaqet e presionit të ulët të gjakut mund të jenë që nga dehidratimi deri në çrregullime të rënda mjekësore ose kirurgjikale. Është e rëndësishme të zbuloni se çfarë po e shkakton tensionin e ulët të gjakut në mënyrë që të mund ta trajtoni atë.

Simptomat:

Për disa persona, presioni i ulët i gjakut sinjalizon një problem të rëndë, veçanërisht kur bie papritur ose shoqërohet me shenja dhe simptoma të tilla si:

• Marrje mendsh,
• Humbje ndjenjash,
• Shikim i turbullt,
• Të përziera/të vjella,
• Lodhje,
• Vështirësi në frymëmarrje,
• Mungesë përqendrimi

Hipotensioni ekstrem mund të rezultojë edhe në gjendje të rrezikshme për jetën.

Një rënie e papritur e tensionit të gjakut mund të jetë e rrezikshme. Një ndryshim i vetëm 20 mm Hg – për shembull kur numri sistolik bie nga 110 në 90 mm Hg, mund të shkaktojë marramendje dhe të fikët pasi truri nuk arrin të marrë një furnizim në kohë të gjakut. Këto mund të shkaktohen nga gjakderdhja e pakontrolluar, infeksione të rënda ose reaksione alergjike, të cilat mund të jenë kërcënuese për jetën.

Në këtë rast mund të ketë marramendje, dobësim të trupit, çrregullime të shikimit por edhe humbje e shkurtër e vetëdijes (sinkopa). Sëmundja diagnostikohet në bazë të historisë mjekësore, ekzaminimit fizik dhe rezultatet nga ekzaminimet tjera klinike.

Trajtimi i hipotensionit varet nga ashpërsia e simptomave. Qëllimi është që tensioni i gjakut të rivendoset në vlerat normale dhe të largohen simptomat.

The post Nëse keni këto simptoma, ju vuani nga tensioni i ulët appeared first on Albeu.com.

Ndryshimet që ndodhin në trupin tuaj gjatë shtatzënisë mund të ndikojnë në tensionin tuaj të gjakut.  Niveli më i ulët i presionit të gjakut në shtatzëni është në mes të tremujorit të dytë. Rënia e presionit është e lidhur me rritjen e progesteronit, një hormon që ka funksion të sigurojë rrjedhën e mirë të shtatzënisë. Për më tepër, në nëntë muaj ka një kalim të shpejtë të gjakut midis arterieve dhe venave të mitrës, për shkak të rritjes së rrjedhës së gjakut në placentë. Kjo shkakton një ulje të fortë të presionit të gjakut. Vlerat normale të presionit të gjakut janë midis 120-80 mmHg, por në shtatzani ato mund të bien më tej, ndërsa flasim për presion të ulët të gjakut kur vlerat bien nën 90-60 mmHg.

Faktorë të tjerë që mund të kontribuojnë në presionin e ulët të gjakut përfshijnë: Dehidratimin, aneminë, gjakderdhjet e brendshme, pushim të zgjatur në krevat, medikamente të caktuara,kushtet e zemrës, çrregullime endokrine, çrregullime të veshkave, infeksionet, mangësitë ushqyese, reaksionet alergjike.

Simptomat e tensionit të ulët të gjakut në shtatzëni:

– Marramendje dhe zbehje.

– Shikimi mund të jetë i dobët nëse ngriheni menjëherë

– Ulja e tensionit të gjakut në shtatzëni mund të shkaktojë probleme me veshka dhe sulm në zemër.

Gratë shtatzëna duhet patjetër të bëjnë një kontroll tek një mjek i specializuar nëse ky problem i shoqërohet edhe me simptoma të tjera shqetësuese si:

– Zbehje

– Gjakderdhje

– Dhimbje të forta koke

– Ndryshime në shikim

– Dhimbje në gjoks

– Gulçim

– Lodhje

– Mpirje, veçanërisht në njërën anë të trupit.

The post A është i rrezikshëm tensioni i ulët gjatë shtatzënisë? appeared first on Albeu.com.