Sipas akuzave të SPAK, Alla ka shfrytëzuar postin e tij si kryebashkiak, ka favorizuar një kompani për të fituar tenderin me vlerë 322 milionë lekë, për ndërtimin e ujësjellësit në Bulqizë.

Gjykata ka vendosur “arrest me burg” për:

Lefter Alla – Kryetar i Bashkisë Bulqizë

Enkeleda Lleshi – Zv/kryetare

Erion Isaku – Drejtor i Urbanistikës

Kujtim Zogu – Drejtor i Mbrojtjes Civile

Rubin Kola – Inxhinier urbanistike

Denis Xholi – Ish Drejtor Juridik

Leonard Daçi – Sekretar i Përgjithshëm

Arsen Gjoka – Drejtor i NJVKSH Bulqizë

Po ashtu në pranga kanë rënë edhe administratorët e firmave fituese të tenderit; Aqif Konesha (i afërm i kryebashkiakut Lefter Alla), Rasim Daci, Dalo Gazidedja, Ana Nishku dhe Kastriot Ibrahimi, ndaj të cilëve është caktuar masa e sigurisë “arrest shtëpie”.

Kujtojmë se më herët sot në seancë Alla i ka cilësuar akuza politike ato që i janë bërë duke thënë: “Në gjykimin tim më mirë të më thoshin hap krahun, se sa të bëhen këto gjyqe politike”.

Kujtojmë se dy ditë më parë, Rama komentoi tërthorazi arrestimin e Allës, duke i këshilluar të gjejë vetë avokat, ndërsa theksoi se PS nuk ofron shërbime avokatie./albeu.com

The post Tenderi me vlerë 322 milionë lekë, gjykata lë në burg kryebashkiakun e Bulqizës dhe 7 zyrtarë appeared first on Albeu.com.