22 shtetasit janë akuzuar për kryerjen e veprës penale “Prodhimi dhe shitja e narkotikëve”, parashikuar në nenin 283/2 të Kodit Penal.

Trupi gjyqësor i përbërë nga kryetarja, Suela Lika dhe dy anëtarë të tjerë njohën me masën e sigurisë këta 22 shtetas për qytetin e Elbasanit, 233 që u arrestuan në total edhe në qytete të tjera si Vlora, Tirana, Lushnja etj.

Njoftimi i plotë:

“Gjykata e Shkallёs sё Parё e Juridiksionit tё Pёrgjithshёm Elbasan në kuadër të transparencës, me qëllim mirëinformimin e publikut në vlerësim të interesit të lartë publik, informon mbi pёrfundimin e shqyrtimit gjyqёsor dhe vendimmarrjen e Nr. 393/5 Proc V. 2023, nё kuadёr tё “Operacionit Tempulli”, tё kёrkesёs sё Prokurorisё Pranё Gjykatёs sё Shkallёs sё Parё tё Juridkisionit tё Pёrgjithshёm Elbasan për të akuzuarit për kryerjen e veprës penale ‘’Prodhimi dhe shitja e narkotikëve’’ parashikuar nga neni 283/2 i Kodit Penal.

Sot më datë 25.07.2024, Gjykata e Shkallës së Parë e Juridiksionit të Përgjithshëm Elbasan me trup gjykues të përbërë nga: Kryesues Gjyqtar znj. Suela Lika; Anëtarë: Gjyqtare znj. Aurora Alimadhi dhe Gjyqtar z. Gjergji Baçi, në përfundim të gjykimit, pasi dëgjoi palët në diskutimin përfundimtar me vendim Nr.430 Vendimi të datës 25.07.2024.”

The post Gjykata e Elbasanit jep dënimet për 22 të arrestuarit e operacionit “Tempulli” appeared first on Albeu.com.

Personat me inicialet E.M, L.V, Y.M, IB janë lënë në arrest shtëpiak, ndërsa masa e sigurisë për 2 persona me inicialet B.T dhe K.S është ndryshuar nga “arrest me burg” në “detyrim për paraqitje”. Gjithashtu, persona me inicialet G.D, A.S, F.K, S.XH dhe O.XH janë lënë në arrest shtëpiak.

The post Ndryshojnë masat e sigurisë për të arrestuarit në operacionin ‘Tempulli’ në Shqipëri appeared first on Albeu.com.

Në dosjen me përgjimet e zbardhura nga shit-blerja e kokainës, persona të autorizuar nga prokuroria gjenin lehtësisht kokainë, kryesisht në orët e darkës.

Njëri nga të arrestuarit, Andi Alldervishi ka shitur doza me kokainë, rasti i cili është dokumentuar me video dhe audio.

Më datë 13 nëntor 2023, rreth orës 22:25, në rrufën interurbane Tiranë-Elbasan, i ka shitur kokainë personit të autorizuar nga prokuroria, i koduar me emrin “Eri”. Madje në audio përgjimet, bëhen edhe pazare sesa do të shitej kokaina.

Përgjimet:

(A Eri, B, Andi Alldervishi)

B-A u lodhe?

A-Ça jeni tu bo?

B-Ja tu pi drog.

A-Hallall ia u boftë Zoti! ca bëhet? Ca na e bëre? Ca e bëre?

B-Pesëdhjetëshe e ke.

A-Okej.Urdho,ika lal hajde rrofsh natën.

Në datën 6 dhjetor 2023, rreth orës 23:40, në Bërzhite në Tiranë, personi i koduar si “Visi”, blen 0.4 gram kokainë nga 25 vjeçari Alldervishi.

(A Visi, B, Andi Alldervishi)

B-Ca ben si të kam a je mir ca bëhet?

A-Mir m… ca bëhet?

B-Ça ke bërë

A-Si je? Mbaroj punë këtu jemi

B-Po ça ke nonji

A-Po m.

B-Të afërmin tënd

A-Po m, nanji gjysmë ore do rri aty sa…

B- I ke …..(Nuk kuptohet).

A-32 kam

B-Është 35, radhën tjetër…o vlla kjo është shit me (nuk kuptohet)

A-E di unë

A-….(Nuk kuptohet) m thuj.

B-Është tridhjetë e pesë.

A-Jo jo o …. (Nuk kuptohet) radhën tjetër …. (Nuk kuptohet).

B-Tridhjetë e dy e ke sot po problemi është që herën tjetër mos me merr më ne telefon

A-(Nuk kuptohet) jo o vlla …

B-Hajt për…..(Nuk kuptohet). Un po 1 pash aty tridhjetë e pesë (Nuk kuptohet) nga vetja

A-Po jo të bësh ti për mu janë …..Nuk kuptohet) këto.

B- Kam vën për njërin njizet e pesë e s’mi ka dhën akoma

A-Mos ja ** robt

B-Zero katër pik nji. (Nuk kuptohet). Ta merrje zero treshe, 30 mijë lekë

Sipas dosjes së prokurorisë siguruar nga TCH, personat e përfshirë me aktivitetin kriminal të shpërndarjes së lëndëve narkotike, kokainë, heroinë dhe kanabis në Tiranë, bashkëpunonin me njëri tjetrën, kryesisht me metoda të ngjashme.

Për shitjen e kokainës, ata e siguronin nga lidhjet e tyre shoqërore, e ndanin në doza dhe e mbanin të fshehur brenda banesës së tyre. Dyshohet se bëhet fjalë për sasi të konsiderueshme, të cilën në shumë raste e shisnin edhe në doza të mëdha, në varësi të kërkesave.

Drogën e shisnin duke komunikuar fizikisht me porositësit ose përmes telefonit celular. Vendet e takimit janë të ndryshme . Në afërsi të banesave të tyre, ose shkojnë te vendi ku ndodhet blerësi, duke përdorur automjete të tyre, ose të marra me qira.

Ata mbanin kontakte me anë të telefonit me ‘klientët’ e tyre, madje u përgjigjen edhe personave të panjohur, të cilët u prezantohen me anë lidhjeve të përbashkëta shoqërore.

The post “Jam duke pirë drogë, hallall ta bëftë Zoti…”- Zbardhen përgjimet nga shitja e kokainës në Tiranë appeared first on Albeu.com.

Rezultatet gjatë këtij muaji shënojnë 98 operacione të finalizuara, vetëm gjatë janarit të këtij viti.

Gjatë këtij muaji megaoperacioni “Tempulli”, me fokus pastrimin e shkollave, lokaleve dhe rrugicave, nga drogat, përmbylli fazën e parë, me vënien në pranga të 563 prodhuesve/shpërndarësve të narkotikëve, si dhe me sekuestrimin e rreth 800 kilogramëve droga të ndryshme dhe 15 armëve të zjarrit.

Në janar u iniciua megaoperacioni “Tempulli 2”, i cili deri më tani ka çuar përpara drejtësisë 301 shtetas, ka goditur 11 grupe kriminale në fushën e narkotikëve, si dhe ka sekuestruar rreth 585 kilogramë droga të ndryshme (cannabis, kokainë dhe heroinë) dhe 12 armë zjarri.

Më tej, megaoperacioni “Sundimi i ligjit” shtriu efektet e tij në çdo skaj të territorit, rriti parametrat e sigurisë në komunitet, si dhe forcat parandaluese dhe goditëse të Policisë. Konkretisht, në kuadër të këtij megaoperacioni:

-u kapën 14 shtetas të shpallur në kërkim ndërkombëtar dhe 59 shtetas të shpallur në kërkim kombëtar;

-u sekuestruan 7 mina me telekomandë, gjatë operacioneve “Safe City”, “New Start” dhe “Brothers”, në Mirditë, Lezhë dhe Tiranë. Nëpërmjet këtyre operacioneve, Policia parandaloi ngjarje të rënda kriminale kundër personit. Ndërkaq, forca parandaluese e Policisë dhe reagimi i menjëhershëm për njoftimet e qytetarëve parandaluan dhe përshkallëzimin e 8 konflikteve, kryesisht: në familje, me mjete prerëse ose për motive pronësie.

-u sekuestruan 18 armë zjarri në të gjithë vendin dhe një arsenal në Fier, në kuadër të operacionit “Risku”, i përbërë nga: mitraloz, bomba dore, radio, GPS dhe nga një sasi e madhe municioni të kalibrave të ndryshëm;

-u finalizuan operacionet “Taksisti”, në Korçë dhe “Çikago”, në Tiranë, të cilat goditën veprimtaritë kriminale të trafikimit të cannabisit dhe armëve të zjarrit, nga Shqipëria në RMV ose nga ShBA në Shqipëri. 13.2 kg cannabis, 1 kallashnikov dhe 8000 euro u sekuestruan nga të dyja operacionet;

-u zbardhën 83 ngjarje kriminale, konkretisht: 79 vjedhje, disa prej tyre me dhunë ose me thyerje, vendosja e eksplozivit në një banesë dhe në një biznes në Dibër, si dhe 2 raste të djegies së automjeteve në Tiranë;

-u goditën 14 raste të kontrabandës me mallra si: fishekzjarre, puro, bizhuteri floriri, celularë, bagëti, veshje dhe produkte të tjera;

-u goditën 15 raste të organizimit të kundërligjshëm të lojërave të fatit, kryesisht baste sportive, në lokale;

-u evidentuan dhe goditën 71 raste të krimeve mjedisore, si: ndërtime të paligjshme, shpërdorim të tokës dhe prerje të paligjshme të pyjeve.

Përveç dimensionit ligjor të punës së Policisë së Shtetit, prezent gjatë janarit ka qenë dhe dimensioni human i saj. Në Valbonë, mal të Korabit, Hot dhe në Kurbin iu dha ndihmë 7 shtetasve shqiptarë dhe të huaj, të cilëve iu rrezikuan jetët nga bllokimi për shkaqe të ndryshme.

Policia Rrugore dhe makinat inteligjente kanë qenë prezente gjatë këtij muaji, në të gjitha akset e vendit, me qëllimet e vetme: parandalimin e aksidenteve rrugore dhe lëvizjen e lehtësuar të përdoruesve të rrugës.

Si rezultat i punës parandaluese dhe monitorimeve të pandërprera:

Janë vënë në pranga 179 drejtues mjetesh, nga të cilët 137 për drejtim të mjetit në gjendje të dehur dhe 42 për drejtim të mjetit pa leje drejtimi.

Janë pezulluar 293 leje drejtimi, nga të cilat 124 për tejkalim të normave të shpejtësisë, 88 për drejtim mjeti, nën ndikimin e pijeve alkoolike dhe 81 për shkelje të tjera të Kodit Rrugor, për të cilat parashikohet kjo masë administrative.

Ndërkaq, Policia Kufitare ka ofruar shërbim cilësor, të shpejtë dhe etik, për qytetarët në hyrje/dalje, në të gjitha pkk-të, si dhe ka garantuar qarkullimin e lirë dhe të sigurtë të shtetasve, mallrave dhe shërbimeve.

Për të përmbushur këtë qëllim, janë goditur:

55 raste të kalimit të paligjshëm të kufirit;
6 raste të përdorimit të dokumenteve false për të kaluar kufirin;
8 raste të kontrabandimit të mallrave;
5 raste të braktisjes së të miturve.

The post Lëndë narkotike, vjedhje dhe vepra të tjera penale/ Megaoperacioni “Tempulli”, qindra arrestime vetëm gjatë janarit të këtij viti appeared first on Albeu.com.

Gjykata e Vlorës vendosi që për 3 prej tyre të ndryshojë masën e sigurisë në “arrest shtëpie” ndërsa për dy të tjerë të lejë në fuqi masën e sigurisë “arrest me burg.”

Jurgen Mustaj “arrest me burg”

Detan Meçaj “arrest në shtëpi”

Edmond Mustaj “arrest me burg”

Eduard Musai “arrest në shtëpi”

Ervi Rrapaj “arrest në shtëpi”

Vendimi është dhënë nga gjyqtarja Vjola Canaj në seancat gjyqësore të kryera ditën e sotme.

Kanë qenë dy seanca gjyqësore të zhvilluara për caktimin e masës së sigurisë kundrejt këtyre shtetasve.

Masat e tjera të sigurisë për personat e mbetur pritet të zhvillohen përgjatë të enjtes dhe të premtes.

“Tempulli 2”, goditi 7 grupe kriminale dhe në total u arrestuan 273 persona në rang vendi./albeu.com

The post “Tempulli 2″/ Dalin para Gjykatës së Vlorës 5 nga 32 të arrestuarit, 3 prej tyre lihen në “arrest shtëpie” appeared first on Albeu.com.

Po ashtu ka nisur procedimi në gjendje të lirë për shtetasit A. M., 43 vjeç dhe A. Y., 48 vjeç, të tre banues në Fier.

Njoftimi:

Si rezultat i kontrolleve intensive në të gjithë territorin e qarkut, të mbështetura nga informacionet e inteligjencës policore dhe të kryera në kuadër të megaoperacionit policor “Tempulli”, specialistët për Hetimin e Narkotikëve të DVP Fier konstatuan dhe goditën një tjetër rast të veprimtarisë kriminale të shitjes së lëndëve narkotike, në doza, në lagje të ndryshme të qytetit.

Për këtë rast u arrestua në flagrancë shtetasi M. D., 35 vjeç, si dhe u referuan materialet në Prokurori ku nisi procedimi në gjendje të lirë për shtetasit A. M., 43 vjeç dhe A. Y., 48 vjeç, të tre banues në Fier.

Nga kontrollet, në lagjen “Mbrostar Ura”, shërbimet e Policisë i gjetën me vete dhe në banesë, 35-vjeçarit, sasi të lëndës narkotike cannabis sativa, të ndarë në doza, ndërsa 2 shtetasve të proceduar iu gjetën me vete, doza të së njëjtës lëndë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

The post U kap me doza kanabisi gati për shitje, arrestohet 35-vjeçari në Fier appeared first on Albeu.com.

Në kuadër të operacionit “Tempulli”, në afërsi të një shkolle në Kashar, u kap dhe arrestua në flagrancë shtetasi E. S., 20 vjeç, banues në Kashar.

Gjatë kontrollit fizik, shërbimet e Policisë i gjetën 20-vjeçarit, sasi lënde të dyshuar narkotike kanabis, të ndarë në doza, gati për shitje.

Nga verifikimet e kryera ka rezultuar se 20-vjeçari e siguronte lëndën narkotike në sasi dhe më pas e ndante në doza, të cilat i shiste në afërsi të shkollave në Kashar.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

The post Shiste drogë afër shkollave, arrestohet 20-vjeçari në Kashar appeared first on Albeu.com.

Numri total i të ndaluarve në kuadër të këtij operacioni ka shkuar në 101.

Policia bën me dije se në rrugën “Myslym Shyri”, u ndalua shtetasi V. K., 27 vjeç, banues në Tiranë, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve”.

Më parë, gjatë zhvillimit të këtij operacioni, janë sekuestruar 10 kg lëndë e dyshuar narkotike cannabis sativa, 3.7 kg kokainë, 150 doza heroine, 1 armë zjarri pistoletë, 12 automjete, 78 celularë, 12 peshore elektronike, 3 motomjete, 30 000 euro, 6000 paund, 4 500 000 lekë dhe 12 targa automjetesh.

Vijon puna për lokalizimin dhe kapjen e shtetasve të tjerë të shpallur në kërkim në kuadër të këtij megaoperacioni.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./albeu.com

The post “Tempulli” prangos 27-vjeçarin në Tiranë, i shpallur në kërkim për shitje të lëndëve narkotike appeared first on Albeu.com.

Janë sekuestruar 20 600 paund dhe 3 000 000 lekë, të dyshuar të përfituar nga veprimtaritë kriminale, si dhe një elektroshok dhe 2 shkopinj metalik.

Në pranga kanë rënë shtetasit A. B., 23 vjeç dhe F. K., 24 vjeç, të dy banues në Kuçovë, informon policia.

Nga hetimet rezulton se këta 2 shtetas janë të implikuar në veprimtarinë kriminale të shitjes së lëndëve narkotike, në qytetin e Kuçovës. Nga kontrollet, në banesën e shtetasit A. B. u gjetën 20 600 paund dhe 3 000 000 lekë të dyshuar të përfituar nga veprimtaritë kriminale, si dhe një elektroshok, ndërsa në banesën e shtetasit F. K., u gjetën 2 shkopinj metalik.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.

The post Elektroshok, mijëra paund dhe shkopinj metalik, arrestohen 2 persona që shisnin drogë në Berat (FOTO) appeared first on Albeu.com.

Policia informon se në pranga ka rënë shtetasi P. M., 44 vjeç, banues në Sarandë.

Gjatë kontrollit ndaj 44-vjeçarit, shërbimet e Policisë kanë gjetur sasi lënde të dyshuar narkotike kanabis, të ndarë në rreth 63 doza, gati për shitje. Lënda narkotike u sekuestrua në cilësinë e provës materiale.

Nga verifikimet e kryera ka rezultuar se ky shtetas, pasi siguronte lëndë narkotike kanabis, e ndante në doza, të cilat i shiste më pas në qytet, kryesisht në afërsi të shkollave.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme./albeu.com

The post Shiste drogë në afërsi të shkollave, arrestohet 44-vjeçari në Sarandë appeared first on Albeu.com.