temperaturave Archives - Albeu.com

Parashikimi i motit 9 Korrik 2025, bien ndjeshëm temperaturat

V K — Wed, 09 Jul 2025 05:36:00 +0000

Këtë të mërkurë në vendin tonë, depërtimi i një masë ajrore të freskët dhe të lagësht me origjinë Veriore, do të diktojë kushtet atmosferike, duke sjellë alternim të kthjellimeve dhe vranësirave të dendura gjatë orëve të paradites.

Në zonat veriore priten edhe rrebeshe shiu. Orët e pasdites do të sjellin zhvillim të vranësirave, duke gjeneruar shira me intensitet të ulët deri mesatar në zonat malore përgjatë shtrirjes Lindore, gjatë mbrëmjes pritet përmirësim i dukshëm i kushteve atmosferike në vend.

Temperaturat e ajrit do të pësojnë rënie të ndjeshme, duke luhatur vlerat ditore nga 10°C vlera minimale në Verilindje të territorit, deri në 32°C pritet maksimumi në rang territori.

Era do të fryjë mesatare deri e fortë përgjatë gjithë ditës, duke arritur shpejtësinë deri në 55 km/h nga drejtimi Jugor; duke gjeneruar në brigjet detare dallgëzim 4 ballë.

The post Parashikimi i motit 9 Korrik 2025, bien ndjeshëm temperaturat appeared first on Albeu.com.

I nxehti afrikan në Shqipëri/ Meteorologia zbulon se kur pritet rënia e temperaturave

V K — Mon, 07 Jul 2025 07:45:28 +0000

Ditët e fundit, valët e të nxehtit afrikan kanë përfshirë Shqipërinë duke çuar temperaturat deri në 41°C në disa zona, kryesisht në qendër dhe jug të vendit. Moti përvëlues ka krijuar vështirësi në lëvizje dhe ka shtuar rrezikun për probleme shëndetësore tek të moshuarit dhe fëmijët.

Por sipas meteorologes Lajda Porja nga MeteoAlb, kjo situatë pritet të ndryshojë. Ajo deklaroi se duke filluar nga dita e mërkurë, do të ketë një ulje graduale të temperaturave, falë depërtimit të masave ajrore më të freskëta nga veriperëndimi i Europës.

Edhe pse pritet freskim, temperaturat mbeten verore, ndërsa netët dhe mëngjeset do të ndihen më të freskëta duke sjellë lehtësim nga kjo vapë ekstreme që ka përfshirë vendin.

The post I nxehti afrikan në Shqipëri/ Meteorologia zbulon se kur pritet rënia e temperaturave appeared first on Albeu.com.

Parashikimi i motit 18 Janar 2025, rritje e lehtë e temperaturave

V K — Sat, 18 Jan 2025 06:30:29 +0000

Ditën e sotme vendi ynë, prite të jetë mot i kthjellët dhe me vranësira të lehta e kalimtare.Më të theksuara kthjellimet paraqiten në zonat e ulëta dhe bregdetare, ndërsa me kthjellime dhe vranësira disi më të shpeshta do të jenë zonat malore, megjithatë nuk priten reshje.

Pjesa e dytë e ditës, do të mbetet nën dominimin e motit të kthjellët dhe vranësirave të herë pas-herëshme në të gjithë territorin e vendit.

Temperaturat e ajrit do të rriten lehtë si në vlerat minimale dhe maksimale, duke u luhatur nga -3°C vlera minimale e shënuar në qytetin e Pukës, deri në 16°C vlera maksimale e cila pritet në Jug të territorit.

Era do të fryjë e lehtë si në tokë dhe në det me shpejtësi deri në 35 km/h nga drejtimi përmanent veriperëndimor, duke krijuar në brigjet detare dallgëzim të ulët.

The post Parashikimi i motit 18 Janar 2025, rritje e lehtë e temperaturave appeared first on Albeu.com.

Parashikimi i motit 15 Prill 2024, si do të ndryshojnë temperaturat

V K — Mon, 15 Apr 2024 05:28:45 +0000

Vendi ynë, do të vijojë nën ndikimin e kushteve të qëndrueshme atmosferike, duke bërë që moti i kthjellët dhe i ngrohtë të jenë dominant.

Kjo situatë meteorologjike, do të vijojë edhe gjatë orëve në vijim ku kthjellimet do të jenë të pranishme pothuasje në të gjithë territorin, por vranësirat do të jenë të pranishme si edhe do të rritet ndjeshëm lagështira në ajër.

Temperaturat e ajrit do të mbeten kostante gjatë mëngjesit, por ulen ndjeshëm në mesditë duke luhatur vlerat ditore nga 9°C deri në 30°C.

Era do të fryjë mesatare deri e fortë me shpejtësi 45 km/h nga drejtimi Jugor, duke bërë që në brigjet detare të gjenerohet dallgë deri në 3 ballë.

The post Parashikimi i motit 15 Prill 2024, si do të ndryshojnë temperaturat appeared first on Albeu.com.