Sipas parashikimeve meteorologjike, e hëna do të shënojë temperatura maksimale prej 40-41°C, ndërsa të martën termometri mund të ngjitet në 41-42°C, me vlera lokale që mund të prekin edhe 43°C. Edhe e mërkura do të mbetet nën ndikimin e të nxehtit intensiv.

Megjithatë, nga e enjtja, më 23 korrik, sinoptikanët parashikojnë një ndryshim të situatës atmosferike. Depërtimi i masave më të freskëta të ajrit pritet të sjellë ulje të temperaturave, ndërsa në disa zona të Ballkanit jugperëndimor mund të ketë reshje shiu dhe stuhi të izoluara.

Evropa po përjeton një nga verat më të nxehta të viteve të fundit. Temperaturat rekord kanë goditur veçanërisht vendet e rajonit, ndërsa që nga muaji qershor raportohet se mbi 12 mijë persona kanë humbur jetën në kontinent si pasojë e valëve ekstreme të të nxehtit.

The post I nxehti ekstrem, temperaturat deri në 43°C! Ja kur merr fund vala përvëluese appeared first on Albeu.com.

Një nutricioniste ka sfiduar besimin popullor se pijet e ftohta janë zgjidhja më e mirë për të përballuar temperaturat e larta të verës. Urata Rexhepi, gjatë një interviste në emisionin “Ora 7” në Klan Kosova, theksoi se pirja e çajit të ngrohtë në realitet mund të jetë një alternativë më efikase për të freskuar organizmin sesa konsumimi i ujit shumë të ftohtë.

Sipas shpjegimit të saj, logjika qëndron në mekanizmin e brendshëm të rregullimit të temperaturës trupore. Ajo tregoi se trupi i njeriut mban një temperaturë konstante rreth 37 gradë Celsius. Kur ne konsumojmë lëngje jashtëzakonisht të ftohta, trupi detyrohet të harxhojë energji shtesë për ta ngrohur lëngun dhe për ta sjellë atë në ekuilibër me temperaturën e brendshme. Ky proces, në vend që të na freskojë, e ngarkon organizmin.

Në anën tjetër, Rexhepi sqaroi se lëngjet në temperaturë ambienti ose të ngrohta, siç është çaji, nuk e detyrojnë trupin të ndërmarrë këtë përpjekje balancuese. Pikërisht për këtë arsye, shumë individë përjetojnë një ndjesi freskie më të theksuar pasi pijnë një filxhan çaj të nxehtë në një ditë përvëluese, një fenomen që duket paradoksal në pamje të parë.

The post Pse çaji i ngrohtë mund të jetë më freskues se uji i ftohtë në verë? Nutricionistja Urata Rexhepi shpjegon appeared first on Albeu.com.

Vala e të nxehtit do të vijojë edhe gjatë fundjavës, ndërsa temperaturat pritet të rriten më tej në mesin e javës së ardhshme.

“Vendi ynë do të ndikohet nga kushte atmosferike të qëndrueshme, si për ditën e sotme, për fundjavën, por edhe për fillimin e javës së ardhshme. Moti parashikohet i kthjellët në të gjithë territorin dhe me orë të shumta me diell.

Temperaturat, në orët e mesditës, do të kapin vlera nga 36-38 gradë Celsius. Gjithashtu, edhe temperaturat e mëngjesit do të kenë rritje graduale dhe nga 19-22 gradë Celsius, do të kalojnë në vlerat 22-24 gradë Celsius.

Për shkak të depërtimit të anticiklonit afrikan, duke filluar nga e mërkura ose e enjtja e javës së ardhshme, pritet të kemi një rritje të mëtejshme të temperaturave, deri në vlerat 39 apo 40 gradë Celsius.

Sa i përket elementit të erës, ajo do të fryjë e lehtë. Në ditët e hënë dhe të martë pritet erë intensive, me shpejtësi 10 m/s deri në 20 m/s përgjatë zonave bregdetare dhe luginore”, u shpreh sinoptikani Elvi Jaha

The post Vala e të nxehtit vijon edhe në fundjavë, sa pritet të shkojnë temperaturat në ditët në vijim appeared first on Albeu.com.

“Tirana ka shënuar 40.1 gradë, Shkodra ka kapërcyer 41 gradët dhe në fakt këto i takojnë muaj qershor, por ne presim jo vetëm 41 por më shumë se 41 gjatë muajit në të cilin sapo kemi hyrë në korrik.

Pritet korriku të jetë goxha më përvëlues se qershori. Presim 41-42 gardë gjatë korrikut, por intensiteti mund të jetë i lartë, pra vlera termike mund të arrihet 42.5 pesa apo 43”, tha Porja.

Sipas saj, freskimi i motit që nisi në ditët e para të korrikut do të zgjasë vetëm për pak ditë, me temperatura maksimale 34-36°C në pjesën më të madhe të vendit.

Megjithatë, pas datës 7 korrik pritet një valë e re e të nxehtit, e shkaktuar nga depërtimi i masave ajrore shumë të nxehta nga Afrika e Veriut.

“Ndërsa vala e parë e korrikut që ne presim pas pak ditësh, nga data shtatë ose përtej datës 7 korrik dhe në vijim, ne presim një tjetër valë të nxehti, e cila ka dhënë sinjale që do të jetë me intensitet më të lartë, çfarë nënkupton që ka një hyrje, një depërtim të masës ajrore të nxehtë të veriut të Afrikës shumë më lartë sesa Ballkani. Do të shkojë deri lart në verilindje të Europës dhe sa më lart drejt verilindjes së Europës të ngjitet kjo masa ajrore aq e nxehtë, aq më problematike do të jetë ajo për Shqipërinë dhe për Ballkanin. Duke bërë që temperatura tipike të veriut të Afrikës të shënohen në Italinë e jugut në Greqi, Turqi, në këto ishujt e Mesdheut, rrjedhimisht edhe në territorin shqiptar”, shprehet meteorologia.

Gjithashtu, Porja shpjegoi se, ndryshe nga vala e gjatë e qershorit, e cila ushtroi stres të vazhdueshëm termik mbi organizmin, vala e parë e korrikut pritet të jetë më intensive, por me kohëzgjatje më të shkurtër, rreth 4-5 ditë.

Meteorologia paralajmëroi se temperaturat e larta do të favorizojnë formimin e stuhive lokale me reshje intensive, breshër dhe erëra të forta, veçanërisht në zonat malore dhe kodrinore, duke rrezikuar edhe dëmtimin e kulturave bujqësore.

Ajo theksoi se lagështira e lartë e ajrit do ta bëjë vapën të ndihet edhe më e rëndë, duke rritur ndjeshëm temperaturën e perceptuar.

Sipas Porjas, kushtet më të favorshme klimatike për pushime gjatë verës mbeten zonat malore dhe liqenore, veçanërisht Pogradeci dhe Puka.

Sipas parashikimeve, edhe gushti pritet të jetë shumë i nxehtë, ndërsa temperaturat mbi normalen mund të vijojnë edhe gjatë 10 ditëve të para të tetorit.

The post Paralajmërimi i meteorologes Tanja Porja: Korriku do jetë “përvëlues”, temperaturat pritet të kalojnë mbi 41 gradë celsius appeared first on Albeu.com.

Kur sistemi i ftohjes nuk punon, hapësirat e brendshme shndërrohen në “sera”, ku nxehtësia depërton nga dritaret dhe muret, ndërsa ajri i nxehtë mbetet i bllokuar brenda.

Brenda vetëm pak orësh, temperatura në ambientet e mbyllura mund të ngjitet ndjeshëm mbi atë të jashtme, veçanërisht në katet e sipërme dhe në hapësirat që ekspozohen drejtpërdrejt ndaj diellit.

Studimet tregojnë se pjesa më e madhe e vdekjeve nga nxehtësia ekstreme ndodhin brenda ndërtesave.

Sipas ekspertëve, trupi përpiqet të ftohet përmes djersitjes dhe qarkullimit të gjakut në lëkurë, por në kushte me temperaturë dhe lagështi të lartë ky proces dobësohet.

Nëse temperatura e trupit kalon rreth 40 gradë Celsius, funksionet e tij fillojnë të dështojnë, ndërsa temperaturat mbi 42 gradë mund të jenë fatale, raporton The Independent, transmeton Klankosova.tv.

Një tjetër vështirësi është se jo çdo ndërtesë reagon njësoj ndaj të nxehtit. Godinat e reja me izolim të mirë e ruajnë freskinë më gjatë, ndërsa ato me izolim të dobët dhe dritare të thjeshta mund të ngrohen shumë shpejt.

Një studim i zhvilluar në ShBA, që analizoi qindra mijëra ambiente dhe simuloi skenarë me valë të nxehti dhe ndërprerje të energjisë, zbuloi se një pjesë e madhe e ndërtesave mund të arrijnë temperatura të rrezikshme për jetën, jo vetëm për të moshuarit, por edhe për të rriturit e rinj dhe të shëndetshëm.

Për ta ulur rrezikun gjatë valëve të të nxehtit, ekspertët këshillojnë qëndrimin në katet më të ulëta të ndërtesës, mbylljen e perdeve gjatë orëve me diell dhe pirjen e ujit në mënyrë të rregullt.

Ekspertët paralajmërojnë se, me rritjen e temperaturave globale, ndërtesat duhet të projektohen jo vetëm për të kursyer energji, por edhe për të mbrojtur jetën e banorëve gjatë valëve ekstreme të të nxehtit.

The post Nxehtësia ekstreme: rreziku më i madh mund të fshihet brenda appeared first on Albeu.com.

Temperaturat do të jenë tipike për fillimin e tetorit. Në orët e para të mëngjesit minimalet do të zbresin deri në 9°C, ndërsa gjatë mesditës dhe pasdites maksimalet do të ngjiten deri në 17°C.

Era do të fryjë e lehtë deri mesatare, duke krijuar kushte të favorshme për lëvizjen në zonat urbane dhe bregdetare. Në përgjithësi, dita do të sjellë kushte të përshtatshme për aktivitetet e fundjavës.

The post Temperatura të ulta dhe vranësira/ Ja si do të jetë moti këtë të shtunë appeared first on Albeu.com.

Ditën e mërkurë vendi ynë do të ndikohet nga kushte atmosferike të qëndrueshme.

Moti parashikohet i kthjellët dhe me kohëzgjatje të orëve me diell në të gjithë territorin.

Era do të fryjë me drejtim veriperëndim – verilindje me shpejtësi mesatare 6 m/s, ndërsa në zonat
luginore dhe përgjatë vijës bregdetare hera-herës do të fitojë shpejtësi 7-14 m/s.

Deti – Valëzimi forcës 1-2 ballë.

The post Edhe sot temperaturat mbi 41 gradë C, si parashikohet moti këtë të mërkurë appeared first on Albeu.com.

Përsa i përket kushteve atmosferike, mot i kthjellët dhe i nxehtë do të dominojë në të gjithë territorin e vendit. Orët e pasdites do të sjellin kalime vranësirash të lehta në zonat malore përgjatë shtrirjes Lindore.

Temperaturat e ajrit mbeten të larta si në mëngjes dhe në mesditë duke luhatur vlerat ditore nga 16°C vlera më e ulët në Peshkopi deri në 43°C pritet vlera maksimale në qarkun e Beratit dhe zona të izoluara të qarkut Elbasan.

Era do të fryjë e lehtë deri mesatare me shpejtësi maksimale mbi 28 km/h nga drejtimi kryesisht Perëndimor duke krijuar në brigjet detare dallgëzim të ulët.

The post “PËRCËLLOHET” SHQIPËRIA/ Sot arrin kulmin, termometri pritet të shënojë temperatura deri në 43 gradë appeared first on Albeu.com.

Mjekët rekomandojnë konsum të bollshëm të ujit gjatë ditës, edhe në mungesë të ndjesisë së etjes, për të shmangur dehidratimin. Qytetarët këshillohen gjithashtu të qëndrojnë në ambiente të freskëta dhe të shmangin ekspozimin në diell gjatë orëve të nxehta të ditës, nga ora 11:00 deri në 16:00.

Ushqimi duhet të jetë i lehtë dhe i pasur me lëngje, si fruta dhe perime të freskëta. Rekomandohet gjithashtu përdorimi i kremrave mbrojtës për lëkurën dhe veshja me rroba të lehta, me ngjyra të çelura.

Ministria thekson rëndësinë e mbrojtjes së fëmijëve, të moshuarve dhe personave me sëmundje kronike, të cilët janë më të rrezikuar nga nxehtësia ekstreme.

Ministrja e Shëndetësisë deklaron se ekipet mjekësore janë në terren për të garantuar ndihmën e nevojshme dhe u bën thirrje qytetarëve që të kërkojnë asistencë në çdo rast nevoje.

The post Temperaturat e larta përfshijnë vendin, Ministria e Shëndetësisë apel qytetarëve: Ja këshillat për të përballuar vapën appeared first on Albeu.com.

Gjithashtu u bëhet thirrje qytetarëvë të tregojnë kujdes të shtuar, në veçanti të moshuarit dhe personat me probleme shëndetësore.

POSTIMI I PLOTË: 

Agjencia Kombëtare e Mbrojtjes Civile, bazuar në parashikimet e IGJEO dhe ERCC paralajmëron se në ditët në vijim temperaturat do të arrijnë deri në 40°C, duke rritur ndjeshëm rrezikun për zjarre në pyje dhe zona rurale.

U bëhet thirrje qytetarëve të tregojnë kujdes të shtuar, veçanërisht të moshuarit dhe personat me probleme shëndetësore. Shmangni qëndrimin në diell gjatë orëve të nxehta dhe tregoni kujdes me përdorimin e zjarrit në ambiente të hapura.

Raportoni çdo zjarr apo tym në numrin 128 ose 112!
Respektimi i masave parandaluese shpëton jetë, pronë dhe natyrën! Bashkëpunimi juaj është jetik për një verë të sigurt .

The post “KINI KUJDES!”/ Agjencia e Mbrojtjes Civile paralajmëron qytetarët: Në ditët në vijim temperaturat do të arrijnë deri në 40°C appeared first on Albeu.com.