Duket se Spanja Jugore, është rajoni më i prekur me temperatura rreth 40 gradë celsius, të regjistruara në Sevilje dhe zonat fqinje.

Një rekord i ri nxehtësie për qershorin prej 46 gradësh, u shënua të shtunën në qytetin e El Granados, sipas Shërbimit Kombëtar Meteorologjik të Spanjës, i cili tha gjithashtu se ky muaj pritet të jetë qershori më i nxehtë i regjistruar ndonjëherë.

Paralajmërimet për vapë janë në fuqi në pjesë të Portugalisë, Italisë dhe Kroacisë, me paralajmërime të shumta të kuqe që mbulojnë zona të Spanjës, Francës, Austrisë, Belgjikës, Bosnjës dhe Hercegovinës, Hungarisë, Serbisë, Sllovenisë dhe Zvicrës.

Por si parashikohen temperaturat në Shqipëri?

Metereologia Lajda Porja, në një lidhje direkte me studion e lajmeve të “Ora News”, solli të rejat më të fundit nga të dhënat e analizuara nga “Meteoalb”.

“Këto masa të nxehta që kanë përfshirë Evropën do të prekin edhe Shqipërinë të paktën deri në datën 10 korrik dhe do të jenë dominante në pjesën më të madhe të Ballkanit.

Sot temperaturat parashikohen të ngjiten në 38 gradë, dita e martë dhe në vijim do të sjellë çdo ditë rritje të temperaturave, ku ditët më të nxehta do të jenë kryesisht e mërkura dhe e enjtja ku na presin temperatura 40 gradë që do shënohen në 3 qarqet: Berati, Elbasani dhe zonat e Mbi Shkodrës, Kopliku dhe pjesa më e madhe e zonave e Ultësirës Perëndimire, nga Shkodra deri në Fier, ku termometri do të shënojë temperatura deri në 38-39 gradë, edhe Tirana po ashtu.

Pak më e freskët paraqitet vija bregdetare deri në 37 gradë. Zonat malore ngjiten në 32-33 gradë, por edhe Kukësi dhe Hasi ngjiten në 36 gradë.

Ajo që dua të them është se e gjithë java do të jetë e thatë dhe e nxehtë, duke përjashtuar të shtunën, ku do jenë disa rrebeshe vetëm në skajin verilindor për disa minuta, dhe më pas do të kemi diell.

Rrezikohen nga zjarret zonat veri-perëndimore, për shkak se gjatë këtyre dy ditëve do të kemi erëra të relativisht të forta dhe kjo bën që të zgjerohet harta e zjarreve në vend.

Megjithatë pritet që nga mes-jave të kemi një rënie të shpejtësisë së erës. Do të kemi temperatura mjaft të larta gjatë gjithë javës. Orari i pikut nga ora 11:00 deri në orën 15:00 – 16:00 të pasdites është dhe intervali ku do të jetë dhe më i nxehti.

Temperaturat minimale nga nesër do të rriten, kryesisht në zonat tropikale në vijën bregdetare, kryesisht jugu, pjesa e qarkut të Vlorës.

Ne flasim për temperatura të matura në hije, nën 40 gradë, që do të thotë se në vendet e zhveshura ku nuk ka hije dhe vetëm diell, të paktën ne e ndjejmë si 45 gradë.

Kujdesi duhet të jetë shumë i madh për të gjithë moshat e treta dhe fëmijët sidomos, të mos dalin jashtë nga intervali nga ora 11:00 deri në 15:00 – 16:00 të pasdites, ose dhe dalja për të gjithë njerëzit që janë të detyruar, të kujdesen të ecin në vende poshtë pemëve dhe hijeve, pasi në hije janë 3-4 gradë më të ulëta temperaturat. Dhe patjetër duhet të mbajmë gjithmonë një shishe ujë me vete.

Përdorni veshje me ngjyra të çelëta dhe mundësisht të bardha, pasi nuk thithin shumë rreze, sepse le të themi që sa herë ka temperatura të larta ka problematika të theksuara tek njerëzit, sidomos tek ata që janë të sëmurë kronikë, fëmijë dhe të moshuar të paktën të mos dalin në intervalin e sipërpërmendur”, u shpreh sinoptikania Lajda Porja.

The post Temperatura përvëluese/ Meteorologia Lajda Porja zbulon oraret e pikut, të moshuarit dhe fëmijët të qëndrojnë në shtëpi appeared first on Albeu.com.

Moti parashikohet i kthjellët në të gjithë territorin, si dhe vranësira të pakta deri mesatare kalimtare në relievet malore në orët e mesditës.

Përjashtim bën dita Martë, ku moti pritet të jetë fillimisht i kthjellët e me vranësira në shtim nga orët e mesditës e pasdite kryesisht në jug të territorit.

Vranësirat priten të shoqërohen me reshje shiu me intensitet të ulët (pika) e lokal në qendër, ndërsa në juglindje kryesisht në relievet malore reshje shiu me intensitet të ulët e lokalisht mesatar në formën e shtrëngatave afatshkurtra shoqëruar hera-herës me shkarkesa elektrike e lokalisht breshër.

Era do të fryjë kryesisht nga kuadrati i perëndimi dhe shpejtësi mesatare 2-8 m/sek, ndërsa përgjatë vijës bregdetare e zonave luginore në momentin e zhvillimit të vranësirave era fiton shpejtësi deri në 10-13 m/sek, valëzimi në dete 1-3 ballë.

The post I nxehti afrikan sjell temperatura përvëluese në vend, ja sa do të shënojë termometri gjatë javës appeared first on Albeu.com.

Ndikimi i anticiklonit afrikan do të sjell mot të kthjellët në të gjithë territorin dhe temperatura shumë të larta.

Orët e gjata me diell dhe masat ajrore të nxehta do të bëjnë që termometri të regjistrojë vlera deri në 43 gradë celsius kryesisht në qytetet Berat, Elbasan dhe Gjirokastër.

Era do të jetë kryesisht nga veriperëndimi me shpejtësi mesatare deri në 7m/sek. Valëzimi në dete pritet të jetë i ulët i forcës 1-2 ballë.

The post I nxehti përvëlues “ulet këmbëkryq” në Shqipëri, temperaturat këtë javë do të shënojnë rekord të ri appeared first on Albeu.com.

Para seancës , Xavi Hernandez dhe Robert Lewandowski janë planifikuar të dalin para mediave . Me siguri ata do të jenë në gjendje të shpjegojnë vështirësitë e shtuara të stërvitjes në këtë vapë intensive, e cila është afër 44 gradë në disa faza të ditës. Dhe si në Las Vegasi ashtu edhe Dallasi po përjetojnë rekorde historike në javët e fundit.

Nuk ka dyshim se ky lloj turneu ka një kundër ndikim për përgatitjen korrekte të një futbollisti në parasezon. Dhe jo vetëm për shkak të nxehtësisë mbytëse, por edhe për shkak të lodhjes së kaq shumë orëve të fluturimit, akteve dhe ngjarjeve publicitare të pafundme dhe përndjekjes së madhe nga fansat.

Në çdo rast, Xavi është i pari që supozon se institucioni, tani më shumë se kurrë, ka nevojë që të gjithë të bëjnë pjesën e tyre. Dhe në rastin e skuadrës, ajo konsiston në kërcimin nëpër rrathë dhe udhëtimin në Amerikë për tifozët e Barçës dhe për të eksportuar markën e Barçës./albeu.com

The post Xavi anulon për herë të tretë stërvitjen në turne, kjo është arsyeja appeared first on Albeu.com.

Përveç bezdisjeve që sjell rritja e temperaturës, valët e të nxehtit mund të jenë të dëmshme për shëndetin tonë. “Efektet më serioze janë 3, – shpjegon Dr. Federico Furlan, mjek internist i Departamentit të Urgjencës “San Raffaele” për “Gazzetta dello Sport”. – Goditja e nxehtësisë, goditja e diellit dhe dehidratimi”.

Nga të tria, goditja e nxehtësisë është më e fshehta. Një formë e rëndë e mbinxehjes në të cilën trupi nuk mund të ftohet më dhe truri gjithashtu përfundon duke u prekur. Mund të shoqërohet me simptoma të tilla si konfuzion, të fikët, madje edhe kriza. Ata që punojnë ose ushtrojnë aktivitet fizik jashtë në orët e nxehta duhet të jenë më të kujdesshëm.

Shtatzënia dhe mosha janë gjithashtu faktorë rreziku, siç janë disa ilaçe që i bëjnë njerëzit të ndjeshëm ndaj temperaturave të larta. Kjo është arsyeja pse me avancimin e nxehtësisë duhet të njihni shenjat e para të mbinxehjes, që i paraprijnë goditjes së nxehtësisë, në mënyrë që të mund të korrigjoni menjëherë atë që nuk shkon me ju.

Goditja nga nxehtësia, SIMPTOMAT E PARA – Ka të paktën 5 simptoma që mund të parashikojnë një goditje nga nxehtësia. Por ato nuk ndodhin domosdoshmërisht të gjitha së bashku ose në një rend të caktuar.

Dobësi dhe lodhje? Po, ka edhe lodhje nga nxehtësia. Një lloj shqetësimi i përgjithshëm që ndodh para fillimit të goditjes nga nxehtësia. Lodhja dhe dobësia ndihen, megjithëse temperatura e trupit nuk është ende jashtë kontrollit. Një zile alarmi që megjithatë nuk duhet nënvlerësuar. Lodhja e tepërt na tregon se ndoshta jemi të dehidratuar dhe në rrugën e mbinxehjes.

Çfarë duhet bërë? Pirja e ujit të freskët ose përdorimi i një lecke të lagur në lëkurë ndihmon në përshpejtimin e procesit natyral të ftohjes së trupit.

Ndjenja e etjes pasi kaloni kohë në vapë është një shenjë e pagabueshme që trupi ka nevojë për më shumë ujë. Kur jemi të mbinxehur humbim lëngje me djersë, edhe pa e kuptuar. Pra, është e rëndësishme të pimë ujë, veçanërisht nëse punojmë ose ushtrohemi jashtë. Sipas “Johns Hopkins Medicine”, goja e thatë e vazhdueshme dhe ndryshimet në urinim (frekuencë më e ulët dhe ngjyrë e errët) mund të tregojnë gjithashtu dehidrim të vazhdueshëm.

Nxehtësia ekstreme shoqërohet shpesh me faqet e skuqura dhe lëkurën e djegur nga dielli, por fazat e hershme të rraskapitjes nga nxehtësia mund të shkaktojnë humbje të ngjyrës. Kështu, njerëzit që janë mbinxehur mund të duken të zbehtë dhe ngjitës në prekje, një shenjë se trupi po përpiqet të ftohet duke djersitur. Nëse, nga ana tjetër, lëkura është e thatë dhe e kuqe, ka të ngjarë që temperatura e trupit të rritet dhe djersitja nuk ka mundur të na ftohë. Çfarë duhet bërë? Ekspertët rekomandojnë që të spërkateni me ujë të ftohtë ose të përdorni një leckë të ftohtë në kombinim me ventilatorin për t’u ftohur.

Dhimbjet e kokës dhe marramendja na paralajmërojnë se truri ka filluar të ndjejë efektet e nxehtësisë ekstreme. Të dyja janë shenja dehidrimi, ndaj edhe në këtë rast është mirë të pini ujë. Vlen edhe për ata që nuk kanë probleme shëndetësore. Në kushtet e nxehtësisë ekstreme çdokush mund të dehidrohet dhe të mbinxehet, edhe pse të moshuarit janë ata që rrezikojnë më shumë.

Nxehtësia na heq kripën dhe elektrolitet përmes djersës. Kjo, përveç lodhjes, mund të shkaktojë disa simptoma të bezdisshme, si marramendje dhe të përziera. Jo vetëm kaq. Elektrolitet ushqejnë disa nga funksionet thelbësore të trupit tonë dhe një çekuilibër mund të shkaktojë gjithashtu ngërçe në krahë, këmbë ose bark. Fatmirësisht, ngërçet e nxehtësisë janë mjaft të rralla tek njerëzit e shëndetshëm. Por është diçka për t’u kujdesur veçanërisht kur ushtroheni në nxehtësi ekstreme.

Goditja e nxehtësisë, SI PARANDALOHET – Rekomandimet për parandalimin e goditjes nga nxehtësia mbështeten në sensin e përbashkët. Dr. Furlan sugjeron: “Kërkoni diçka për freskim, bëni një dush të freskët, shmangni aktivitetin fizik në orët më të nxehta, ajroseni shtëpinë. Me pak fjalë, kundër goditjes nga nxehtësia duhet të zbatojmë një sërë strategjish që na lejojnë të parandalojmë që nxehtësia të bëhet e dëmshme”.

Ai që merret me sport, si duhet të sillet? “Nëse ushtroheni jashtë, duhet ta bëni atë në orët më të freskëta: herët në mëngjes ose në mbrëmje. Më pas pini ujë mjaftueshëm. Dhe nëse djersitni shumë, drejtohuni edhe tek kripërat minerale, të cilat trupi i humbet me djersën”.

The post Temperaturat përvëluese, disa këshilla se si t’i bëjmë ballë këtij moti appeared first on Albeu.com.

Por qeveria ende po i këshillon njerëzit që të përdorin kondicionerin për të shmangur goditjen e nxehtësisë pasi rastet e shtrimit në spital rriten me të nxehtin.

Zyrtarët e motit paralajmërojnë se vapa do të vazhdojë edhe në ditët në vijim.

Valët e të nxehtit janë bërë më të shpeshta, më intensive dhe zgjasin më shumë për shkak të ndryshimeve klimatike të shkaktuara nga njerëzit.

Bota tashmë është ngrohur me rreth 1.1C që nga fillimi i epokës industriale dhe temperaturat do të vazhdojnë të rriten nëse qeveritë në mbarë botën nuk bëjnë shkurtime të mëdha të emetimeve./albeu.com

The post Japonia “digjet” nga vapa, përjeton valën më të nxehtë që nga viti 1875 appeared first on Albeu.com.