Blerja e një televizori të ri zakonisht shoqërohet me entuziazëm. Pasi kalon faza e kërkimit, krahasimit të modeleve dhe përzgjedhjes së madhësisë së ekranit, pajisja më në fund mbërrin në shtëpi. Por pikërisht në këtë moment shumë veta bëjnë një gabim që ndikon negativisht në përvojën e shikimit: e vendosin televizorin në pozicionin e gabuar.

Gjetja e një muri bosh ose e një komodeje të përshtatshme mund të duket e mjaftueshme, por vendi ku pozicionohet televizori ka ndikim të drejtpërdrejtë te komoditeti, cilësia e figurës, si edhe te shëndeti i syve dhe i qafës. Për këtë arsye, ka rëndësi nëse ekrani është shumë lart, shumë pranë dritares apo në një largësi që nuk përputhet me madhësinë e tij.

Nëse po mendoni të riorganizoni dhomën e ditës ose të blini një televizor të ri, disa rregulla të thjeshta mund t’jua përmirësojnë ndjeshëm shikimin e filmave, serialeve dhe ndeshjeve sportive.

Sa i madh duhet të jetë televizori për hapësirën tuaj?

Një nga pyetjet më të zakonshme është sa i madh duhet të jetë televizori që do të blihet.

Përgjigjja nuk lidhet vetëm me preferencën personale, por mbi të gjitha me distancën nga e cila do të shihet ekrani. Sa më i madh të jetë televizori, aq më shumë hapësirë duhet të ketë mes tij dhe vendit ku rrini ulur.

Për ambiente më të vogla dhe për dhoma gjumi, zakonisht sugjerohen modele deri në 43 inç. Në dhoma dite mesatare, më të përhapur janë televizorët 50 deri në 55 inç, ndërsa në hapësira më të mëdha po shtohet kërkesa për modele 65, madje edhe 75 inç.

Falë rezolucionit shumë më të lartë, televizorët modernë 4K mund të shihen edhe nga një distancë më e afërt pa humbur cilësinë e figurës, transmeton Telegrafi.

Vendi ku televizori nuk duhet të qëndrojë

Shpesh televizori vendoset aty ku ka më shumë hapësirë të lirë, por kjo zgjedhje nuk rezulton domosdoshmërisht më e mira.

Një nga gabimet që përsëritet më shpesh është pozicionimi i ekranit përballë dritareve të mëdha. Rrezet e drejtpërdrejta të diellit dhe reflektimet mund ta dëmtojnë ndjeshëm cilësinë e figurës dhe ta bëjnë më të vështirë shikimin gjatë orëve të ditës.

Sipas ekspertëve, televizori duhet të orientohet drejt vendit ku qëndroni ulur dhe jo të vendoset në një kënd të theksuar. Gjithashtu, duhen shmangur zonat ku drita e fortë natyrore bie vazhdimisht mbi ekran.

Televizori mbi oxhak: po apo jo?

Në rrjetet sociale shfaqen shpesh fotografi me televizorë të montuar mbi oxhak, por ekspertët theksojnë se kjo nuk është gjithmonë zgjidhja më komode.

Arsyeja kryesore është se ekrani përfundon shpesh tepër lart, çka ju detyron ta mbani kokën të ngritur gjatë shikimit. Me kalimin e kohës, kjo mund të shkaktojë tension në qafë dhe në shpatulla.

Një tjetër problem lidhet me nxehtësinë që çliron oxhaku, e cila mund të ndikojë negativisht te elektronika e televizorit dhe t’ia shkurtojë jetëgjatësinë pajisjes.

Në çfarë lartësie duhet të jetë televizori?

Ky është një rregull që shumë njerëz e neglizhojnë.

Në mënyrë ideale, qendra e ekranit duhet të përkojë me nivelin e syve të personit që është ulur në divan. Për shumicën, kjo do të thotë një lartësi prej afërsisht 90 deri në 110 centimetra nga dyshemeja.

Nëse nuk është e mundur që ekrani të vendoset saktësisht në atë nivel, këshillohet që pjesa e sipërme e tij të mos kalojë më shumë se 15 centimetra mbi nivelin e syve.

Kjo ndihmon në shmangien e lodhjes së qafës dhe siguron këndin më natyral të shikimit.

Në mur apo mbi komodë?

Në shumë shtëpi mbetet e hapur dilema nëse televizori duhet montuar në mur apo vendosur mbi komodë.

Vendosja në mur krijon një pamje moderne, kursen hapësirë dhe e bën ambientin të duket më i rregullt. Megjithatë, ajo kërkon shpim të murit dhe është më pak praktike nëse më vonë doni të ndryshoni pozicionin e mobilieve.

Nga ana tjetër, komodja e televizorit e bën më të lehtë lëvizjen e pajisjes dhe ofron vend shtesë për konzola, ruterë dhe pajisje të tjera, por zë më shumë hapësirë në dhomë.

Zgjedhja varet kryesisht nga përmasat e ambientit dhe nga mënyra se si përdoret dhoma e ditës.

Çfarë nëse televizori duhet të qëndrojë në kënd?

Në apartamente më të vogla dhe në hapësira të hapura, këndi i dhomës shpesh duket alternativa e vetme.

Edhe pse nuk konsiderohet zgjidhja ideale, televizori mund të funksionojë mirë edhe në kënd nëse vendoset siç duhet. Rekomandohet përdorimi i mbajtëseve të posaçme këndore ose i komodave që lejojnë orientimin e ekranit drejt pjesës qendrore të dhomës.

Me rëndësi është që ulëset të organizohen në mënyrë të tillë që shumica e familjarëve ta kenë pamjen sa më të drejtpërdrejtë nga ekrani, pa qenë të detyruar ta kthejnë shumë kokën.

Ndryshimet e vogla bëjnë dallim të madh

Vendosja korrekte e televizorit nuk ndikon vetëm te pamja e dhomës së ditës, por edhe te rehatia e përditshme. Që nga madhësia e ekranit dhe distanca e shikimit, deri te lartësia e montimit, çdo element mund të bëjë diferencën mes një eksperience mesatare dhe një shikimi vërtet të këndshëm.

Para se të vendosni përfundimisht ku do të qëndrojë televizori, uluni në vendin tuaj të zakonshëm dhe përfytyroni si do ta ndiqni serialin, filmin ose ndeshjen tuaj të preferuar. Ndonjëherë mjafton një lëvizje prej vetëm pak centimetrash për të siguruar një kënd shumë më të mirë shikimi.

The post Mos e montoni TV-në menjëherë në mur: rregulli i thjeshtë që duhet të keni parasysh para vendosjes appeared first on Albeu.com.

Nivelet tuaja të melatoninës mund të ulen – Televizorët lëshojnë dritë blu. Kjo lloj drite dihet se prish ritmin tuaj cirkadian. Mënyra se si drita blu e bën këtë është duke shtypur prodhimin e melatoninës, i cili është hormoni që sinjalizon trupin tuaj se është koha për të fjetur. Një rishikim i vitit 2022 zbuloi se ekspozimi ndaj dritës blu mund të ketë “efekte negative si ulja e cilësisë së gjumit dhe kohëzgjatja e gjumit”.

Ai prish ciklin tuaj REM – Shikimi i televizorit natën vonë mund të “zgjatë fillimin e gjumit dhe të reduktojë gjumin me lëvizje të shpejtë të syve (REM). Gjumi REM ka një sërë funksionesh restauruese, duke përfshirë përpunimin e emocioneve dhe konsolidimin e kujtimeve. Kjo është faza e gjumit ku ne përjetojmë ëndrra.

Truri juaj stimulohet – Shikimi i TV do të stimulojë trurin tuaj. Rritja e aktivitetit të trurit do ta bëjë më të vështirë për ju që të relaksoheni. Studime të shumta kanë treguar se si përdorimi i pajisjeve elektronike para gjumit mund të ndikojë negativisht në sa kohë duhet për të fjetur, si dhe në kohëzgjatjen dhe cilësinë e gjumit. Një studim i vitit 2016 i botuar në revistën Dreaming zbuloi se përmbajtja që shikojmë ndikon gjithashtu në ëndrrat tona.

Presioni juaj i gjakut mund të rritet – Fjetja me televizorin ndezur mund t’ju vendosë në një rrezik më të lartë për hipertension. Drita dhe zëri ka më shumë gjasa të prishin gjumin dhe të ndryshojnë prodhimin e hormoneve, gjë që rrjedhimisht mund të çojë në hipertension. Si përmbledhje, gjumi më pak mund të rrisë presionin e gjakut.

Mund të ndikojë në shëndetin tuaj mendor – Një studim i vitit 2010 i bërë mbi minjtë zbuloi se ata që ekspozoheshin ndaj dritës së zbehtë gjatë gjumit filluan të shfaqnin ndryshime në hipokampus, gjë që përkthehej në simptoma të depresionit. Shikimi i TV në përgjithësi mund të ketë një ndikim në nivelet e stresit dhe të rrisë ndjenjat e ankthit, depresionit dhe të çojë në pagjumësi, përfundoi një studim i vitit 2021 i publikuar në Psychology Research and Behavior.

The post Çfarë i ndodh trupit tuaj nëse flini me televizor ndezur appeared first on Albeu.com.

Lajm i mirë është që ekrani i televizorit pastrohet goxha lehtë, mirëpo ka një proces i cili ju siguron që të mos e dëmtoni elektronikën tuaj të çmuar.

Pastrimi i rregullt jo vetëm që do të mbrojë ekranin, por edhe potencialisht do t’ia zgjasë jetën televizorit tuaj.

Këshilla

Kurrë asgjë mos spërkatni drejtpërdrejt në ekran. Gjithmonë fillimisht spërkatni në leckë. Spërkatja drejtpërdrejtë mund të dëmtojë ekranin dhe elektronikën.

Me rastin e pastrimit gjithmonë përdorni një leckë të butë e cila nuk lë qime.

Mos përdorni kimikate të forta kur pastroni ekranin e televizorit. Këto janë sipërfaqe delikate dhe çdo gjë, përveç një tretjeje të thjeshtë 1:1 të uthullës së bardhë, është shumë e fortë për sipërfaqen e ekranit dhe mund ta dëmtojë atë.

Ju gjithashtu dëshironi të siguroheni që ta thani ekranin sa më shumë që të jetë e mundur përpara se ta ndizni përsëri. Më mirë akoma, lëreni ekranin të thahet plotësisht për të paktën një orë tjetër përpara se ta ndizni përsëri televizorin. Tharja e plotë është një hap tjetër drejt paqes shpirtërore në mbrojtjen e pjesës së brendshme të televizorit nëse lagështia futet brenda.

Kur pastroni, mos e shtypni fort pasi kjo mund të dëmtojë sipërfaqen e ndjeshme të ekranit.

Si të pastroni telekomandën e televizorit

Siç e dini ndoshta, telekomanda mund të mbledhë shumë papastërti, veçanërisht në hapësirat e vogla midis butonave.

Së pari, hiqni bateritë nëse telekomanda juaj i ka ato. Përdorni të njëjtën zgjidhje të holluar uthull në një leckë për të fshirë pjesën e jashtme të telekomandës. Mund të ushtroni presion të lehtë në pikat e mbërthyera.

Lëreni telekomandën të thahet me kokë poshtë për të paktën një orë për të lejuar që lagështia të avullojë.

The post Një mënyrë e lehtë për pastrim të televizorit appeared first on Albeu.com.

Mund të ketë qenë dje, sot, ose para një kohë të gjatë, duke marrë parasysh se telefoni dhe kompjuteri po zëvendësojnë dalengadalë një nga objketet më të dashura për shumë familje.

Megjithatë në artikullin e sotëm ju propozojmë si të pastroni ekranin e tij, i cili shpeshherë mbledh të gjitha pluhurat dhe papastëritë që qarkullojnë në shtëpi.

1.Fikni televizorin: Përpara se të procedoni me pastrimin e tij, duhet ta fikni pasi vetëm në këtë mënyrë mund të dalloni pluhurat ose shenjat e gishtërinjve që gjenden mbi të.

2.Krijoni një solucion larës në kushte shtëpie duke bashkuar 100 ml uthull molle me 500 ml ujë të vakët.

Njomni pjesën e butë të sfungjerit në larësin e mësipërm dhe fërkoni gjithë sipërfaqen e tij dhe kornizën e jashtme. Më pas fshijeni atë me ndihmën e një lecke të thatë me mikrofibra.

3.Nëse vini re se në sipërfaqen e ekranit të televizorit ka tek-tuk ndonjë shenjë gërvishtjeje, mund ta pastroni me një tampon pambuku dhe vazelinë. Do të habiteni, por edhe do të na falenderoni kur të shihni rezultatin përfundimtar./albeu.com

The post Nuk e keni ditur këtë metodë? Ja si të largoni pluhurin dhe shenjat e gishtave nga televizori appeared first on Albeu.com.

Ndryshoni llambat e zakonshme duke vendosni llamba ekologjike. Një ndër mënyrat më të thjeshta për të zvogëluar konsumin e energjisë elektrike është të zëvendësoni llambat e zakonshme me ato ekonomike. Në Shqipëri ka filluar prej vitesh tregtimi i llambave të tilla, madje edhe llambat fluoreshente. Konsumojnë pak energji dhe janë të madhësive të ndryshme , 12 herë më afatgjata se ato të zakonshmet.

Izoloni ngrohësin e ujit. Izoloni papafingon, muret dhe cilindrin e ujit të ngrohtë. Pjesa më e madhe e energjisë elektrike konsumohet më kot, pasi shërben për të ngrohur hapësirën. Kjo mënyrë është shumë e thjeshtë. Tubat e ngrohësit të ujit mund t’i mbështillni me ngjitës plastikë. Muret nxjerrin jashtë nxehtësinë dhe ajrin e ftohtë, prandaj nëse keni mundësi do të bëni mirë t’i izoloni. Edhe pse fillimisht mund t’ju kërkojë shumë mundësi financiare, do t’ju kursejë më pak energji për ngrohje edhe për ftohje.

Frigoriferi.Ky elektroshtepiak kaq i domosdoshem për ne, është një nga konsumatoret më të medhenj të energjise. Konsumon edhe me shumë së kondicioneri. Prandaj keshillohet që dera e tij të mos qëndrojë për një kohë shumë të gjatë e hapur, të mos vendosen gjera të ngrohta në frigorifer dhe të mos lejohet formimi i akullit në pjesën e pasme të tij. Gjithashtu, nëse jeni në kërkim të një frigoriferi te ri, kini parasysh diçka: sa më i madh frigoriferi, aq me shumë harxhon.

Kondicioneri.Shumë i nevojshem ne ambientet familjare, sidomos gjatë diteve të nxehta të verës. Keshillohet që, në verë,temperatura e kondicionerit të qendrojë stabel në 25 grade Celsius, kurse në dimer temperatura perfekte është 20 grade Celsius. Gjatë verës keshillohet që të përdoret edhe freskuesja, në mënyrë që ajri i ftohtë të shpërndahet në të gjithë dhomën.

Dushi.Instaloni nje kokë dushi të vogel: sa më i ulet presioni aq më pak ujë të ngrohte harxhon dhe për rrjedhojë kursen energji. Te termostati i dushit caktojeni temperaturen në 50 grade Celsius. Uji i fortë krijon copeza të ngurta rreth rezistences se dushit, duke e ulur efiçencen e saj, prandaj këshillohet që rezistenca e dushit të pastrohet çdo 6 muaj. Kur nuk jeni në shtepi, mos e mbani dushin në prizë.

Televizori. TV Plazma janë konsumatoret me të mëdhenj të energjisë, prandaj nese doni të kurseni, zgjidhni një LCD. Por ndryshimi qendron edhe tek madhesia, prandaj midis nje 32” dhe një 55”, zgjidhni të parin.

Kompjuteri.Fikeni kompjuterin nese nuk do e perdorni per me shume se 20 min. Reduktoni kontrastin/ndriçimin e ekranit. Nderroje desktop-in per nje lap-top, sepse harxhon me pak energji. Nderroje ekranin e vjeter te kompjuterit me nje LCD, per te njejten arsye.

Ndryshoni ngrohësin e ujit. Nëse keni një ngrohës uji të vjetër, atëherë me siguri ju kërkon shumë energji, dhe rrjedhimisht edhe shumë para.

Teknologjia sa vjen dhe përparon, duke ndikuar njëkohësisht edhe te ngrohësit e ujit, që çdo familje i ka. Prodhimet më të fundit janë më ekonomike se të parat, prandaj nëse i juaji i ka bërë vitet e veta, blini një me valvula termostatike.

Termoizolimi /Dopio xham për dritaret. Xhamat e zakonshme të dritareve dhe kornizat e paizoluara lëshojnë një të pestën e nxehtësisë apo të ajrit të ftohtë jashtë. Dopio xhamat zvogëlojnë këtë humbje me 50 për qind, duke kursyer në të njëjtën kohë shumë kilovat energji.  Rreth 60 % e konsumit të energjisë për një apartament familjar tipik shkon për ngrohjen, si te ambientit, ashtu edhe – të ujit. Edhe në rastet e ftohjes së ambientit në verë, termoizolimi luan nje rol shumë të rendësishëm. Sa më i mirëizoluar të jetë një ambient, aq me gjatë e ruan nxehtësine apo freskinë. Si te kursejme energji elektrike ne shtepi, Menyra per te kursyer enegjine elektrike, Si te kursejme energjine elektrike, Si te kursejme korrentin, Energjia elektrike kursimi,

Asnjëherë mos e vini në përdorim lavatriçen apo pjatalarësen kur ajo nuk është mbushur, nëse nuk keni njëlarëse me program ekonomik. Këta artikuj të nevojshëm në shtëpi janë gjërat që konsumojnë më shumë energji, prandaj kur të vijë dita e larjes së rrobave bëni një kontroll nëpër shtëpi që të grumbulloni gjithçka, duke kursyer njëkohësisht ujë dhe energji. Mos harroni gjithashtu të lani në temperatura deri në 30 gradë, nëse është e nevojshme, duke përdorur temperatura të larta vetëm nëse është e nevojshme. Kështu edhe kurseni energji, por edhe zgjasni jetëgjatesinë e rrobave tuaja. Për të evituar rrudhosjen e rrobave dhe të kurseni disa kilovat, bëni centrifugen në shkallen më të ulet.

Kurseni energjinë kur gatuani. Ndajeni ushqimin në copa të vogla kur gatuani, pasi do të gatuhet më shpejt dhe do të harxhojë më pak energji. Është e rëndësishme të kini kujdes që tenxheret apo tiganët të jenë në madhësinë e duhur dhe ta shpërndajnë nxehtësinë njëtrajtësisht. Nëse doni të ngrohni shtëpinë, mund ta mbani hapur derën e kuzhinës pasi të keni përfunduar, që nxehtësia e sobave elektrike të shpërndahet edhe në pjesën tjetër.

Mos i lini ndezur aparatet shtëpiake apo abazhurët nëse nuk është e nevojshme. Drita e vogël e kuqe e aparaturave të lëna ndezur harxhon 10 deri 60 për qind energji, prandaj do të bëni mirë të tregoheni të kujdesshëm dhe ta fikni. Gjithashtu mos harroni edhe të fikni dritat ashtu si dhe çdo aparaturë tjetër kur dilni nga shtëpia, që të mos shpenzohet pa qenë e nevojshme energji e vyer dhe para të vlefshme.

Sytë te etiketa. Përpara se të blini një elektroshtepiake të re, kontrolloni etiketen e furnizmit me energji për klasifikimin e aparatures në piramiden e efiçenses së konsumit të energjisë. Eletroshtepiaket që kanë etiketen A+ janë me efiçente dhe kursimtare me konsumin e energjisë.

The post Nëse fatura e energjisë elektrike vjen e lartë, këto janë 5 paisjet që duhet të keni parasysh appeared first on Albeu.com.