Nëse ka një xhevahir mbi të cilin e gjithë Anglia shpreson për të ardhmen, ai është Foden.

Guardiola, ai që ka parë kaq shumë kampionë,  e thotë pa hezitim: “Foden është talenti më i madh që kam parë ndonjëherë, si lojtar dhe si trajner. Ai ka gjithçka që të bëhet një nga më të mirët në botë. Do ta ndihmoj unë nëse do”.

Dhe nëse e thotë një trajner i cili në karrierën e tij ka stërvitur Lionel Messi nga 2008 në 2012, kur Pulce ishte vetëm 21 vjeç, atëherë duhet ta besoni atë.

Të gjithë bien dakord që një kampion po rritet, se Atalanta e di mirë që është përballur me të në edicionin e fundit të Ligës së Kampionëve në fazën e grupeve, kur talenti në lulëzim ishte përjashtuar në fund ( 5- 1 për britanikët, më 22 tetor 2019).

Por edhe me atë rast Pep e mbrojti atë: “Ai do të mësojë të jetë i kujdesshëm sepse kur mer të verdhë, duhet të jesh i kujdesshëm. Fjala përvojë do të thotë këtë. A do ta gjobis? Jo, unë i ndëshkoj lojtarët vetëm për budallaqe, jo për kartonat, të cilat janë pjesë e lojës. Në të vërtetë, mbase jam unë që duhet ta paguaj për atë që luajti mirë”.

Foden është një talent që është rritur në Akademinë e City. Ai arriti në ekipet e të rinjve 9 vjeç dhe më 6 dhjetor 2016 u thirr nga Guardiola në ekipin e parë për ndeshjen me Celtic, por pa luajtur, por tashmë duke shënuar rekordin e parë duke qenë më i riu në historinë e Manchester City të thirret për një ndeshje të kompeticionit maksimal kontinental si Champions.

Talenti i ri i futbollit anglez i verboi tifozët në verën e vitit 2017, në para-sezon, para se të bënte debutimin e tij më 21 nëntor të atij viti në ndeshjen e Ligës së Kampionëve kundër Feyenoord. Që nga ai moment, Foden është në rrethin e madh dhe për të ky është sezoni i katërt: 102 ndeshje të luajtura (58 në Premier League) dhe 25 gola të shënuar.

Filmi i tij i preferuar është “Jimmy Grimble”, historia e djalit të vogël që ëndërron të bëhet një futbollist profesionist dhe arrin sukses (pikërisht me City, rastësi?) Me këpucë që duken magjike. Siç u kishte thënë trajneri i tij, Joe Makin (koordinatori aktual i rekrutimit i Akademisë), për Reddish Vulcans, ekipi satelitor i Qytetarëve nga ku ai filloi: “Mos harroni këtë emër, ai ka një të majtë përtej normales. Ai do të jetë një kampion”.

Një talent që i dha atij pseudonimin “Këmba e sheqerit” me të mbërritur në akademinë e të rinjve të klubit anglez.

Dhe tani Guardiola nuk ndalet duke e inkurajuar atë dhe duke u përqëndruar tek ai, siç shihet në suksesin e jashtëzakonshëm në Anfield Road kundër Liverpool (1-4) të dielën 7 Shkurt. Një ndeshje në të cilën Foden ishte më i miri në fushë. Një lloj kushtrimi. Për lumturinë e një Mbretërie të tërë.

The post Historia si në përralla e talentit anglez, Phil Foden (FOTO LAJM) appeared first on Albeu.com.