Duke bërë batuta, ai u përpoq të krahasonte kohët e brezit të vjetër kur ishin nxënës me ata të diteve te sotme, duke pranuar nëpërmjet etiketimit se “çerrat e sotëm kanë më shumë informacion”.

Epiteti i tij shkaktoi edhe të qeshura në sallë, teksa kreu i ekzekutivit theksoi se; “ky shok i ri në xhepat” e nxënësve i mban të lidhur pas shkolle në ato “budallallëqe” që u serviren në ekranet e celularëve.

“Krahasimi me çerrat sot është shumë i vështirë, sepse çerrat sot kanë informacion shumë më tepër, të pakontrolluar dhe të paorientuar. Dhe vijnë në shkollë me një shok në xhep dhe fshehin si të munden dhe sa të munden e sa dalin nga shkolla me atë shokun fillojnë bëjnë jetën tjetër. Na futen të gjithë bashkë nëpër shpia, ai shoku i vetë i thotë se është pa lidhje, por ata futen aty te ai ekrani me lloj-lloj budallenjsh që u tregojnë gjëra atyre çerrave”, tha Rama.

Dhe në fund të fjalës së tij, teksa pohoi se tashmë koha brezit të vjetër dhe atij vetë u kishte ndryshuar edhe ngjyrën e flokut, do i ndihmonte të rinjtë bëzit të ri me masa konkrete, së bashku me mësuesit.

“Por me ndihmën dhe punën tuaj do të jemi një ndihmë konkrete edhe për ata çerrra sot, ndaj edhe pak motivim sepse ne jemi edhe në mbështetjen tuaj”, përfundoi Rama.

The post Rama flet për nxënësit e varur nga telefonat: Çerrat sot shkojnë në shkollë me një shok në xhep, do u japim një ndihmë konkrete appeared first on Albeu.com.

Në fakt, ai ka gjetur një zëvendësues. Ai flet për një produkt që do të zëvendësojë “gradualisht” telefonat inteligjentë pasi orët inteligjente dështuan në përpjekjen e tyre. Ato nuk u zbatuan si të tilla dhe kanë mbetur si një aksesor i dobishëm.

Por Zuckerberg ka folur për elementin që do të ndryshojë peizazhin teknologjik. Bëhet fjalë për syze inteligjente.

“Ata do të bëhen platforma tjetër e madhe kompjuterike,” thotë Mark.

Sipas tij, ja çfarë do të ndodhë me syzet:

“Do të vijë një moment ku telefoni juaj inteligjent do të jetë më shumë në xhep sesa jashtë, mendoj se kjo do të ndodhë gjatë viteve 2030 dhe megjithëse mund të jeni në gjendje të kryeni detyrën në një mënyrë më të plotë ose më të mirë me telefonin tuaj, përdoruesit do të zgjedhin komoditetin e syzeve për ta bërë këtë.”

The post Mark Zuckerberg zbulon ‘fundin’ e celularëve, e ka të qartë se kush do i zëvendësojë appeared first on Albeu.com.

Në një pushim të merituar dhe të mirë-planifikuar, ne kemi mundësi të shumta për një foto perfekte në Instagram, kështu që telefonat inteligjentë padyshim do të jenë gjithmonë me ne.

Megjithatë, gjatë fluturimit ka faktorë që mund të ndikojnë në telefonat tanë – mbinxehja, rëra ose pamundësia për të lexuar një mesazh për shkak të dritës së tepërt, dhe për këto ose disa arsye të tjera humori ynë i mirë mund të kthehet shpejt në nervozizëm nëse telefoni ndalon së punuari. funksionon pak para perëndimit të diellit.

Mbinxehja e telefonit
Mund të duket ide e mirë të lundroni në ueb ndërsa bëni banjo dielli në plazh, por telefonat tanë nuk e shijojnë aspak nxehtësinë. Përkundrazi, pjesët e brendshme dhe ekranet LCD janë të ndjeshme ndaj nxehtësisë së tepërt dhe ekspozimi i telefonit dhe mbinxehja në rrezet e diellit direkte mund të shkaktojnë dëme të pariparueshme.

Ekspozimi i pajisjes ndaj temperaturave të larta mund të shkaktojë mbylljen e papritur të telefonit, dështimin e baterisë apo edhe dështimin e telefonit.

Gjatë funksionimit afatgjatë të telefonit në rrezet e diellit direkte, ndodh fikja spontane e sipërpërmendur, për shkak të mbinxehjes së pajisjes ose, në modelet më të reja, për shkak të shfaqjes së një paralajmërimi në ekran se temperatura e funksionimit është jashtëzakonisht e lartë dhe se ajo është e nevojshme për të fikur disa nga aplikacionet ose komponentët. Kjo nuk duhet t’ju trembë as juve dhe as situatën, por është një shenjë e shkëlqyer se është koha për ta hequr telefonin tuaj nga dielli dhe temperaturat jashtëzakonisht të nxehta.

Çfarë duhet të bëni : Sigurohuni që telefoni të mos lihet në diell për një kohë të gjatë. Nëse mendoni se pajisja juaj është më e nxehtë se zakonisht, mbyllni të gjitha aplikacionet, aktivizoni kursimin e energjisë ose modalitetin e aeroplanit dhe vendoseni telefonin në hije. Nëse kjo nuk ju ndihmon, fikeni dhe kështu parandaloni dëmtimin e baterisë.

Ekran i vështirë për t’u lexuar
Kur dielli është i fortë, ndonjëherë nuk mund të vendosim nëse do ta shkyçim fare ekranin apo jo. Shpesh presim derisa të arrijmë një hije për të përdorur telefonin tonë ose për ta mbuluar me dorë për të parë se çfarë shkruhet në ekran.

Çfarë duhet të bëni : Rritja e ndriçimit të ekranit do të na ndihmojë të lexojmë mesazhe dhe të shfletojmë imazhe edhe në rrezet e diellit direkte. Në pjesën e sipërme të ekranit ka një mundësi për të rregulluar ndriçimin. Vini re se ndriçimi më i lartë konsumon më shumë bateri, kështu që është një ide e mirë ta ktheni cilësimin në ndriçim më të ulët në hije. Shumë pajisje kanë rregullim automatik të ndriçimit, i cili rregullon ndriçimin duke përdorur një sensor në varësi të kushteve të dritës, kështu që ne nuk duhet ta rregullojmë atë me dorë. Aktivizoni atë opsion.

Rritni kontrastin për lexim më të lehtë
Nëse vërtet duhet të lexoni ekranin e telefonit për një kohë të gjatë ose të përdorni një nga opsionet e tij dhe nuk keni një hije afër – mos u shqetësoni, ekziston një mundësi për të rritur kontrastin, të cilin pothuajse çdo telefon e ka sot. , i cili ju lejon të rregulloni ekranin në mënyrë që të mund të lexohet edhe në rrezet e diellit direkte. Ky opsion nuk është i zakonshëm dhe përdoret vetëm në raste të caktuara, prandaj sigurohuni që ta fikni kur nuk ju nevojitet, sepse nuk rekomandohet që të gjithë ta përdorin për një kohë të gjatë.

The post Nga mbinxehja te uji dhe rëra, si ta mbroni telefonin tuaj në plazh appeared first on Albeu.com.

Klan Kosova ka mësuar nga disa familjarë që kanë pasur të planifikuar kontaktin përmes video-lidhjes, se kjo nuk është realizuar sipas planit pa u dhënë asnjë arsye paraprakisht, apo njoftim i mëvonshëm për mos-lejimin e kontaktimit. Ndërkaq veç video-lidhjes e telefonatave, janë anuluar edhe vizitat siç ka konfirmuar vëllai i ish-presidentit Hashim Thaçi, Blerimi.

“Sot, deri sa ishim nisur për të shkuar në Hagë dhe i kishim bërë të gjitha rezervimet e nevojshme atje, pasi që nesër kishim vizitë të konfirmuar te vëllai ynë, na ka ardhur një njoftim që na është anuluar vizita, pa na e dhënë asnjë arsye, asnjë sqarim. I njëjti njoftim u kishte shkuar edhe vizitorëve të tjerë. Për ne si familje, kjo sjellje është vërtet e papranueshme. Jo vetëm që po i mbajnë të paraburgosur jashtë çdo praktike juridike, duke ua shkelur edhe të drejtat njerëzore, por tash po na penalizojnë edhe neve, familjarëve të tyre, duke mos na lejuar as që t’i vizitojmë e takojmë familjarët tonë.

Përpos që po i mbajnë padrejtësisht në burg që tri vjet, tash po mundohen t’i izolojnë edhe më shumë, duke mos iu lejuar as vizitorë. Kjo nuk ka lidhje me drejtësi’’, ka thënë Blerim Thaçi. Kufizime të tilla kishte pasur vetëm gjatë vitit të parë të qëndrimit në paraburgim për krerët e UÇK-së, si pjesë e masave të marra gjatë kohës së pandemisë.

The post Ndalohen telefonatat dhe vizitat në Qendrën e Paraburgimit në Hagë appeared first on Albeu.com.

Por për ekspertin e sigurisë dhe kriminalistikës, Ervin Karamuço, nuk ka vend aspak për entuziazëm të tepruar.

Sipas tij aplikacioni SKY ECC është mbyllur në mars të vitit 2021, ndërsa Ervis Martinaj është zhdukur në 9 Fusht tië vitit 2022.

Për Karamuçon e vetmja gjë që do të dilte nga kodet sekrete të telefonave të Martinajt, gjithmonë nëse do të hetohej me seriozitet, do të ishte listëpagesa me emrat e policëve dhe politikanëve të korruptuar.

“Aplikacioni Sky ECC është mbyllur në Mars 2021. Zhdukja e Vis Martinit ka ndodhur në Gusht 2022. Mendoj se çdo kod sekret i dhënë nga familjarët, ka pas gjasë të zbulojë fatin e tij. Ato kode nëse do të hetohen me seriozitet, do të zbulojnë listë pagesën e tij me policë dhe politikanë”, shkruan Karamuço në Facebook.

Prej disa ditësh në media dorëzimi i telefonave të Ervis MArtinjt në SPAK ishte lajmi më i rëndësishëm, pasi vetë familjarët shpresonin se mund të zbulohej diçka e re për fatin e “Mbretit të Basteve”.

Ervis Martinaj është zhdukur pa gjurmë që prej 9 Gushtit të viti të shkaur, ku për herë të fundit ëhstë parë në Durrës.

Edhe pse kryeministri Edi Rama i vendosi një afat 100 ditor Drejtorit të ri të Policisë së Shtetit, Muhamet Rrumbullakut, për të zbardhur fatin e Ervis Martinajt, ende nuk ka asgjë të re.

The post Telefonat e Ervis Martinajt në SPAK, a do të zbulohet fati i tij? Eksperti: Nëse hetohet me seriozitet del lista me emrat e policëve dhe politikanëve korruptuar, por … appeared first on Albeu.com.

Hoxha tha se nëse hapen telefonat, do të gjenden biseda mes Belerit dhe autoriteteve greke, politikanëve grekë apo personazhe të cilët janë ‘non grata’ në Shqipëri.

“Ka një çështje tjetër përse është e interesuar Athina për çështjen Beleri. Kur është arrestuar Fredi Beleri në flagrancë janë kapur celularët, nëse hapen celularët e Fredi Belerit dhe komunikimet me kë ka komunikuar Fredi Beleri gjatë fushatës elektorale, me autoritetet greke, me politikanë grekë, me personazhe të cilët janë ‘non grata’ në Shqipëri, të padëshirueshëm, që janë përfshirë në incidente qoftë me drejtues të policisë apo shërbimeve sekrete të vendit fqinj. Unë do të kërkoja që autoritetet shqiptare, Shërbimi Informativ me sa di unë e ka çuar këtë informacion atje ku duhet ta çojë, nuk e di sa do e marrë parasysh. Çfarë të keqe ka që gjykata shqiptare të marrë një vendim të drejtë, një vendim. Kjo është një çështje që e vendos drejtësia, jo politika”, tha Artan Hoxha.

The post “Ka komunikuar me persona non-grata në Shqipëri”, Hoxha: Nëse hapen telefonat e Belerit, do shohim çudira appeared first on Albeu.com.

Ndërkohë që të gjithë janë bërë të varuar nga përdorimi i telefonit dhe kanë merak se mos humbasin ndonjë telefonatë apo mesazh, Apple raporton se është një rrezik tepër i madh pasi karikimi i baterisë mund të rezultojë në zjarr, goditje elektrike, lëndim apo dëmtim të iPhone dhe sendeve të tjera.

Të flesh me telefonin poshtë jastekun ose batanijes është ndoshta rreziku më i madh pasi në momentin që telefoni karikohet, ai ka nevojë të marrë ajër, duke shmangur nxehjen.

Një tjetër lajmërim i rëndësishëm nga Apple është se duhet të përdoren karikuesit origjinal pasi karikuesit e lirë nuk i plotësojnë standartet e sigurisë dhe karikimi me këto adaptor mund t’ju rrezikojë jetën.

The post Apple jep alarmin: Ç’ndodh nëse flini pranë telefonave kur janë duke u karikuar appeared first on Albeu.com.

Vlera e një ekzemplari shkonte në 5500 euro, ndërsa në total ai shpërndau 26. Veprim që është frymëzuar nga ai i Lionel Messit që pas suksesit në Kupën e Botës u bleu shokëve të skuadrës te Argjentina nga një iPhone të veshur me ar 24 karat me vlerë totale deri në 200 mijë euro.

Falë veprimit të De Bruyne, kompania amerikane është interesuar për të nisur një bashkëpunim marketingu me klubin kampion të Europës.

The post De Bruyne ju dhuron telefona të veshur me platin shokëve, sa kushtuan appeared first on Albeu.com.

Policia nisi hetimet dhe doli në vendin e ngjarjes pas një telefonate të pranuar më 2 gusht.

“Na erdhi një telefonatë për një sulmues aktiv. Duket se ishte informacion i rremë. Nuk ka të lënduar dhe asnjë sulmues nuk është lokalizuar”, tha zëdhënësi i policisë në Uashington, Hugh Careë.

Senati amerikan është në pushim veror dhe shumica e ligjvënësve nuk gjenden në Uashington. Megjithatë, në zyrat e Kongresit ka staf.

Po ashtu, dhjetëra punonjës në kafiteritë dhe pikat e kontrollit në Senat punojnë gjatë verës, sikurse edhe punonjësit e mirëmbajtjes. Kjo ndërtesë po ashtu vizitohet edhe nga turistë.

Më herët, policia u bëri thirrje personave që gjendeshin brenda zyrave të Senatit që të mos dilnin.

“Nëse jeni brenda ndërtesës së Senatit, të gjithë që gjenden brenda duhet të qëndrojnë brenda pasi ka raportim për një sulmues të mundshëm aktiv. Theksojmë se nuk kemi asnjë raport të konfirmuar për të shtëna”, tha policia e Kapitolit përmes një postimi në rrjetet sociale.

Më herët, një këshilltar i policisë së Kongresit amerikan u bëri thirrje personave që gjenden brenda zyrave të qëndrojnë brenda dhe të pajisjen me pajisje për emergjenca. Po ashtu, ai kërkoi që ata të ndalin zërin e pajisjeve elektronike.

Jashtë ndërtesës së Kongresit amerikan u pa prani e madhe e forcave policore./REL

The post “Nuk kishte njeri…”, telefonata që alarmoi policinë në SHBA se dikush kishte hyrë i armatosur në senat appeared first on Albeu.com.

Koreja e Veriut ka telefonat inteligjentë të saj të ndërtuar me porosi për të ndihmuar në mbajtjen e qytetarëve të Mbretërisë Hermite të përditësuar – por jo shumë, pasi nuk ka internet.

Megjithatë, telefonat inteligjentë të Koresë së Veriut (të quajtur “telefonat me prekje” në vend) mund të jenë më ekskluzivët në botë dhe përfshijnë disa aplikacione të veçanta, shkruajnë mediat e huaja

Modeli i parë vendas, Arirang 171, u lavdërua nga lideri Kim Jong-Un për ‘pikselët e tij të lartë’ dhe teknologjinë e tij të fundit.

Sipas një zhvilluesi danez të softuerit, i cili kontrabandoi një nga telefonat jashtë vendit të izoluar në vitin 2018, telefoni Arirang është i mbushur plot me veçori, duke përfshirë Bluetooth, lidhjen 3G, një kamerë dhe një slot microSD.

Christian Budde Jensen tha se megjithëse nuk ka qasje në internet ose WiFi, telefoni inteligjent numër një i Koresë së Veriut vjen i mbushur plot me lojëra.

Jensen mendon se është një telefon gjenerik Android që ka të instaluar softuer special të Koresë së Veriut.

Ai tha se ishte ‘i impresionuar’ me atë se sa ‘e vështirë’ ishte përdorimi me teknologjinë e huaj.

“Ndërsa munda të bëja një lidhje me një kompjuter përmes Bluetooth, nuk munda të shkëmbeja me sukses asnjë informacion”, ka thënë ai, përcjell Telegrafi.

“Kur futja një kartë SIM, telefoni thjesht fikej”.

Megjithatë, telefoni vjen me një bonus shtesë: një video propagandistike 500 MB që zë afërsisht 25% të kapacitetit të ruajtjes së telefonit prej 2 GB.

Që nga lëshimi i Arirang, Koreja e Veriut ka lëshuar një numër celularësh të tjerë.

Telefoni kryesor ‘Pyongyang’ ka disa veçori që do të prisnim në pjesën tjetër të botës, të tilla si njohja e fytyrës, kamera më të mira dhe madje edhe veçori të realitetit të shtuar.

Më e mira nga të gjitha, telefonat inteligjentë të Koresë së Veriut vijnë me një modalitet ‘të koduar’ për t’ju dhënë privatësi shtesë për mesazhet tuaja. /Telegrafi/

The post Njihuni me telefonat inteligjentë të Koresë së Veriut, janë më të rallët në botë (FOTO LAJM) appeared first on Albeu.com.