Pamjet janë publikuar nga gazetari Flamur Vezaj në emisionin “MaShqip”, ku dallohet një grup personash me precedentë kriminalë, të cilët ndodhen brenda një qelie që sipas tij ndodhet në burg të sigurisë së lartë në vend, duke konsumuar alkool, duke dëgjuar muzikë dhe duke përdorur telefona celularë.

Në video shfaqen figura të njohura të botës së krimit, si Lulzim Berisha, Fehmi Mziu dhe Islam Kasa, të cilët shfaqen të relaksuar, duke festuar së bashku me persona të tjerë, të konsideruar si të afërt apo “të besuar” të Kel Arapi.

“Video-skandali në burgun e sigurisë së lartë… festë në qeli me telefon, alkool e ‘mall’…”, shkruan gazetari Vezaj krahas pamjeve.

Po ashtu, në sfond të videos vihet re një televizor i madh, muzikë në volum të lartë dhe një numër i konsiderueshëm të burgosurish të grumbulluar në të njëjtën qeli, ndërsa disa prej tyre bëjnë video, flasin në ‘videocall’, kërcejnë dhe konsumojnë pije alkoolike.

Pas publikimit të videos, ka reaguar edhe Drejtoria e Përgjithshme e Burgjeve, e cila thotë se video është filmuar para janarit në Burgun e Durrësit dhe se një pjesë e të burgosurve që shfaqen në pamje janë identifikuar, por disa rezultojnë të jenë liruar ose transferuar në burgje të Sigurisë së Lartë, si Lul Berisha.

Drejtoria e Përgjithshme e Burgjeve bën me dije se menjëherë pas publikimit të videos është vënë në lëvizje Shërbimi i Kontrollit të Brendshëm në Sistemin e Burgjeve, i cili ka nisur një hetim të plotë administrativ dhe penal.

Hetimi, sipas tyre, përfshin jo vetëm të burgosurit e identifikuar, por edhe verifikimin e zinxhirit komandues në IEVP Durrës, për të përcaktuar përgjegjësitë në çdo nivel drejtues.

Deklaratë e Drejtorisë së Përgjithshme të Burgjeve

Në lidhje me videon e publikuar në rrjetet sociale nga gazetari Flamur Vezaj, sqarojmë si vijon:

Së pari, falenderojmë gazetarin për informacionin e bërë publik dhe inkurajojmë çdo qytetar apo gazetar të denoncojë çdo akt të paligjshëm apo shkelje që cenon sigurinë në institucionet penitenciare.

Së dyti, sqarojmë se personat e shfaqur në video janë identifikuar nga strukturat tona dhe rezulton se një pjesë e tyre janë liruar ose transferuar përpara muajit janar 2026.

Menjëherë pas qarkullimit të videos është njoftuar Shërbimi i Kontrollit të Brendshëm në Sistemin e Burgjeve dhe kanë nisur procedurat për hetim të plotë. Hetimi përfshin të gjithë personat e identifikuar në video, si dhe verifikimin e plotë të zinxhirit komandues në IEVP Durrës, me qëllim përcaktimin e përgjegjësive në çdo nivel. Paralelisht, strukturat e IEVP Durrës vijojnë kontrollet intensive me qëllim identifikimin e plotë të përgjegjësive dhe fillimin e çështjeve penale për personat e përfshirë.

Situata aktuale nuk është ajo që paraqitet në video. Kontrollet janë intensifikuar dhe vijojnë në mënyrë të pandërprerë. Në vijim të kontrolleve të ushtruara gjatë muajit prill, gjatë ditës së sotme janë zhvilluar kontrolle të befasishme dhe të imtësishme në disa institucione.

Në IEVP Durrës janë kapur në flagrancë dhe sekuestruar 3 telefona celularë. Poseduesit e këtyre pajisjeve janë ndër personat e identifikuar në video. Ndaj tyre janë marrë masa të menjëhershme, duke u kaluar në veçim dhe duke u proceduar penalisht.

Drejtoria e Përgjithshme e Burgjeve nuk toleron asnjë shkelje. Çdo rast trajtohet me masa konkrete, përgjegjësi individuale dhe ndjekje penale.

Mesazhi është i qartë: siguria nuk negociohet. Çdo shkelje do të goditet pa kompromis dhe kontrolli në institucionet penitenciare do të vijojë të forcohet çdo ditë.

The post VIDEO/ Me telefona, “mall” dhe alkool, të dënuarit në burgun e sigurisë së lartë festë brenda qelive! Reagon Drejtoria e Burgjeve appeared first on Albeu.com.

Njoftimi:

Në orët e mëngjesit të sotëm, forcat operacionale të Drejtorisë së Përgjithshme të Burgjeve kanë zhvilluar një kontroll të befasishëm në Institucionin e Ekzekutimit të Vendimeve Penale (IEVP) Durrës.

Gjatë kontrollit janë gjetur pesë aparate telefoni celular të markës iPhone, të cilat përbëjnë sende të ndaluara në ambientet e institucionit.

Sendet janë gjetur të fshehura në dyert e dusheve (ambient i përbashkët), në Godinën “A”, kati i tretë, Sektori 1.
Dyshohet se këto telefona i përkisnin të dënuarve me inicialet F. K., A. P. dhe V. I.

Në lidhje me rastin, po vijon puna hetimore për identifikimin e plotë të personave përgjegjës dhe mënyrën se si janë futur sendet e ndaluara në institucion.

The post EMRAT/ Kontroll i befasishëm në Burgun e Durrësit, 5 iPhone të fshehur në dyert e dusheve appeared first on Albeu.com.

Në veçanti, telefonat që përdorin sistemin operativ Android KitKat, i cili u lançua më shumë se 10 vite më parë, nuk do të kenë më akses me aplikacionin. Për ata që ende përdorin këtë sistem, një përditësim në një version më të ri të Android mund t’i shpëtojë nga ky kufizim.

Ja disa nga pajisjet Android që do të preken:

– Samsung: Galaxy S3, Galaxy Note 2, Galaxy Ace 3, Galaxy S4 Mini
– Motorola: Moto G (Gjenerata e parë), Razr HD, Moto E 2014
– HTC: One X, One X+, Desire 500, Desire 601
– LG: Optimus G, Nexus 4, G2 Mini, L90
– Sony: Xperia Z, Xperia SP, Xperia T, Xperia V

Ndryshimi nuk prek vetëm pajisjet Android. Në maj të vitit 2025, WhatsApp do të ndalojë së funksionuari edhe në iPhone që përdorin iOS 15.1 ose më të vjetër. Kjo përfshin modele të tilla si iPhone 5s, iPhone 6 dhe iPhone 6 Plus.

Lajmi ka shkaktuar reagime në rrjetet sociale, me përdorues që shprehin habinë e tyre që WhatsApp ka vazhduar të mbështesë sisteme kaq të vjetra deri tani.

The post Me fillimin e vitit 2025 këta telefona nuk do të mund të përdorin më WhatsApp appeared first on Albeu.com.

Ai theksoi se do të vendosen bllokues valësh në institucione arsimore. Gjatë takimit me Presidenten e Republikës, Katerina Sakellaropoulou, ai tha se ky është një vendim që ai e ka diskutuar me ministrin e Arsimit.

“Unë e konsideroj shumë të rëndësishëm angazhimin për ndalimin e përdorimit të celularëve gjatë shkollës. E kuptojmë kur themi celularin në çantë. Çështja është se ne të gjithë e kuptojmë se kjo ndihmon vetë procesin e të mësuarit. Kemi diskutuar për furnizimin e shkollave me bllokues valësh, në mënyrë që nxënësit të mbyllin celularët dhe t’i marrin kur të dalin ”, tha konkretisht Kyriakos Mitsotakis.

Përveç kësaj, kryeministri grek theksoi se ekziston mundësia që nxënësve t’iu merren celularët në nisje të mësimit dhe t’i marrin në përfundim.

The post Qeveria greke merr masa ndaj telefonave në shkollë: Do vendosim bllokues valësh nëpër klasa appeared first on Albeu.com.

Autoritetet planifikojnë të paraqesin ndalimin pasi të diskutohet me parlamentin, tha ministrja Athena Michaelidou.

Qiproja do të ndjekë disa shtete evropiane në miratimin e një ndalimi pas rekomandimeve nga agjencia e OKB-së UNESCO, tha ajo.
“Është e qartë se përdorimi i një telefoni celular i shpërqendron studentët nga mësimet e tyre, por kryesisht, lidhet me një rritje të sjelljes antisociale,” tha Michaelidou.

Nxënësve nuk do t’u ndalohet të marrin telefonat e tyre në shkollë, por nuk do të mund t’i ndezin ato, tha ajo.

Të dhënat zyrtare tregojnë se pak më shumë se 1.4 milionë telefona celularë funksionojnë në Qipro – më shumë se popullsia e saj prej pak më pak se 1 milion njerëz në zonat e kontrolluara nga qeveria.

The post Qipro do të ndalojë përdorimin e telefonave celularë në shkolla appeared first on Albeu.com.

“Mbani telefonat afër sepse kam një super lajm sot për të gjithë!”- shkruan ai.

Siç duket, Mozzik do të publikojë projektin e tij muzikor më të ri, që me siguri do të kthehet në hit ashtu sikurse çdo këngë tjetër e tij.

Rikujtojmë që kudo nëpër rrjet po përflitet se këngëtari ka nisur një kapitull të ri dashurie me vajzën e një politikani të njohur shqiptar, Lotina Hazirin. Mirëpo ende nuk kemi një konfirmim prej çiftit. Kjo mbetet për t’u parë në vazhdim…

The post “Mbani telefonat afër”/ Ç’po paralajmëron Mozzik? appeared first on Albeu.com.

Sipas një studimi të ri të botuar në revistën shkencore BMC Psychology, ai argumenton se ndërsa rrjetet sociale ndërthuren gjithnjë e më shumë me jetën e njerëzve, ndikimi i tyre shtrihet përtej orëve të zgjimit dhe mund të ndikojë në ëndrrat e tyre. Në hulumtim, i referohet një shkalle, e cila mund të përcaktojë sasinë se si mediat sociale mund të kontribuojnë në makth. “Studimi ynë prezanton konceptin e maktheve të lidhura me rrjetet sociale, të cilat përkufizohen si makthe që përfshijnë tema të lidhura me rrjetet sociale, të tilla si ngacmimi kibernetik, urrejtja kibernetike ose varësia,” tha një nga autorët.

Dhe ndërsa ankthet që lidhen me rritjen e përdorimit të mediave sociale janë relativisht të rralla, ata që përdorin më shumë mediat sociale në jetën e tyre të përditshme kanë më shumë gjasa të kenë ankthe të lidhura me temat e paraqitura në mediat sociale , madje mund të çojnë në depresion. Megjithatë, sipas një studimi tjetër britanik, të publikuar në “Cyberpsychology, Behavior and Social Networking”, njerëzit që ndalojnë përdorimin e rrjetet sociale mund të shohin një përmirësim të ndjeshëm në disponimin e tyre.

Hulumtimi, i kryer nga Universiteti i Bath, ka marrë në shqyrtim 154 persona të moshës 18 deri në 72 vjeç. Të gjithë përdornin rrjetet sociale çdo ditë, por pas një jave frenim, ata vunë re një reduktim të simptomave të ankthit dhe depresionit . “Përdorimi i mediave sociale është aq i zakonshëm sa që shumë prej nesh e përdorin atë për shumë orë pa menduar, që nga momenti kur zgjohemi deri sa mbyllim sytë gjatë natës”, theksuan autorët e studimit.

The post Përdorimi i tepërt i rrjeteve sociale mund të shkaktojë makthe, thotë një studim i ri appeared first on Albeu.com.

Këtë herë, vetëm dy modele iPhone do të humbasin aksesin në aplikacionin e mesazheve së bashku me një mori telefonash të vjetër inteligjentë Android.

Shumica e telefonave që do të përjashtohen janë lancuar në treg më shumë se dhjetë vjet më parë, midis 2012 dhe 2013. Me ardhjen e vitit të ri, WhatsAppi do të kërkojë sisteme më të avancuar të android dhe IOS.

“Për të vazhduar me avancimet më të fundit të teknologjisë, ne rregullisht ndalojmë mbështetjen e sistemeve operative më të vjetra për të fokusuar burimet tona në risitë e fundit. Nëse ndalojmë së mbështeturi sistemin tuaj operativ, do të njoftoheni dhe do t’ju kujtohet disa herë që të përmirësoni pajisjen tuaj për të vazhduar përdorimin e WhatsApp”, njoftoi kompania.

The post Që nga sot, Whatsappi nuk do të funksionojë më në këto telefona appeared first on Albeu.com.

Mësohet se dyqani ndodhet në “Don Bosko” ndërsa materialet i kaluan Prokurorisë për veprime të mëtejshme.

Njoftim policie

Goditet një tjetër rast i tregtimit të aparateve celulare të kontrabanduara.

Finalizohet, nga Seksioni për Hetimin e Krimeve Ekonomike dhe Financiare, operacioni policor i koduar “Phones 5”.

Sekuestrohen 36 aparate celulare, vihet në pranga 32-vjeçari që i tregtonte në dyqanin e tij.

Specialistët e Seksionit për Hetimin e Krimeve Ekonomike dhe Financiare, në vijim të kontrolleve të dedikuara, në subjekte të ndryshme tregtare, me qëllim evidentimin dhe goditjen e krimeve ekonomiko-financiare, në kuadër të operacionit policor të koduar “Phones 5”, kanë goditur një rast tjetër të tregtimit të mallrave të kontrabanduara. Si autor i dyshuar i kësaj veprimtarie të kundërligjshme, u arrestua shtetasi:

– B. K., 32 vjeç, banues në Tiranë.

Gjatë kontrollit të ushtruar në dyqanin në pronësi të 32-vjeçarit, në rrugën “Don Bosko”, shërbimet e Policisë gjetën dhe sekuestruan, në cilësinë e provës materiale, 36 aparate celulare të llojeve të ndryshme, të dyshuara të kontrabanduara.

Materialet i kaluan Prokurorisë, për veprime të mëtejshme procedurale./albeu.com

The post Me 36 celularë të kontrabanduar, policia vë në pranga 32-vjeçarin në Tiranë appeared first on Albeu.com.

Vlerësimi i tij, bazuar në të dhënat e tregtisë globale, nxjerr në pah problemin mjedisor në rritje të “mbeturinave elektronike”, transmeton Telegrafi.

Shumë njerëz mbajnë telefona të vjetër, në vend që t’i riciklojnë ato, sugjeron hulumtimi.

Mineralet e çmuara që nuk nxirren nga mbeturinat e elektronikës, si bakri në tel ose kobalti në bateritë e ringarkueshme, duhet të minohen.

“Njerëzit priren të mos e kuptojnë se të gjitha këto artikuj në dukje të parëndësishme kanë shumë vlerë dhe së bashku në një nivel global përfaqësojnë vëllime masive”, tha drejtori i përgjithshëm i WEEE, Pascal Leroy.

Ka rreth 16 miliardë telefona celularë në mbarë botën – dhe në Evropë, pothuajse një e treta nuk janë më në përdorim.

WEEE thotë se hulumtimi i saj tregon se “mali” i mbeturinave elektrike dhe elektronike – nga makinat larëse dhe tostierët te kompjuterët tabletë dhe pajisjet e sistemit të pozicionimit global (GPS) – do të rritet në 74 milionë ton në vit deri në vitin 2030.

Në fillim të këtij viti, Shoqëria Mbretërore e Kimisë nisi një fushatë që promovonte minierat e mbeturinave elektronike për të prodhuar produkte të reja, duke theksuar konfliktin global, duke përfshirë luftën në Ukrainë, kërcënon zinxhirët e furnizimit me metale të çmuara.

The post Pesë miliardë telefona do të përfundojnë në “kosh” në vitin 2022 appeared first on Albeu.com.