Operacioni i shpëtimit zgjati pothuajse një ditë ndërsa ministri i Brendshëm turk Ali Gerlikaya konfirmoi se pasagjerët e bllokuar ishin shpëtuar. Pati një mobilizim të menjëhershëm të helikopterëve dhe më shumë se 2000 anëtarëve të njësisë speciale të reagimit ndaj katastrofave dhe alpinistëve që larguan të lënduarit dhe u ngjitën me litarë në kabinat e imobilizuara për të nxjerrë banorët jashtë. Aksidenti ka ndodhur pasditen e së premtes, mes trafikut të rënduar për shkak të Bajramit në Turqi.

“Ne ishim shumë të frikësuar, sigurisht, çfarë mund të ndjenim tjetër? Për momentin jam më i qetë, po bërtisnim, po bërtisnim, por tashmë ka mbaruar”, tha një nga pasagjerët e shpëtuar.

Teleferiku transportonte turistët nga plazhi i Konyaltit deri në majën e malit Tunektepe, në lartësinë 618 metra me një platformë dhe restorant, nga i cili mund të shijohet pamja drejt gjirit të Antalias. Autoritetet po hetojnë shkaqet e aksidentit, teksa janë lëshuar urdhër-arreste për të paktën 13 persona.

The post Aksidenti me teleferikun në malet e Antalias në Turqi, shpëtohen 174 turistët e bllokuar appeared first on Albeu.com.

Video e aksidentit në Mottarone është pjesë e dosjes së hetimit dhe lejon të sqarohet dinamika e saktë e incidentit vdekjeprurës.

Pamjet e shpërndara sot në media janë regjistruar nga një kamera sigurie në një nga kullat e teleferikut.

Nga videoja, e marrë nga kamerat e sigurisë, kabina numër 3 mund të shihet duke arritur në një metër nga stacioni dhe duke u përmbysur duke treguar barkun e saj . Litari u prish papritur, teleferiku filloi të lëkundet me forcë dhe askush nga ata që ishin në bord nuk ishte në gjendje të ngrihej më.

Më pas kabina filloi të kthehej mbrapsht derisa u përplas me një shtyllë dhe ra pastaj në topkë.

Në imazhe mund të shihet edhe operatori i stacionit që largohet shpejt dhe thërret për ndihmë , por tashmë tragjedia kishte mbaruar.

The post Dalin pamjet e rrëzimit të teleferikut në Itali ku humbën jetën 14 persona (VIDEO) appeared first on Albeu.com.

Të dielën, kabina e një teleferiku që lidhte qytetin e Streza, në brigjet e Liqenit Maggiore, me malin Motarone, ra nga qindra metra lartësi, duke vrarë të gjithë personat që ndodheshin në të. I vetmi i mbijetuar i tragjedisë është një fëmijë 5-vjeçar, i një familje me origjinë nga Izraeli.

Teleferiku Stresa-Motarone transporton turistët nga qyteti në brigjet e liqenit në një lartësi prej 1300 metra, në krye të malit Motarone, dhe udhëtimi zgjaste 20 minuta.

Teleferiku Streza-Motarone u rihap kohët e fundit , pas heqjes graduale të kufizimeve për shkak të pandemisë Covid-19.

Maja e Motarone është një destinacion popullor për turistët, pasi ka një pamje panoramike të Liqenit Maggiore dhe Alpeve.

The post Tragjedia me 14 të vdekur në Itali, arrestohen tre persona appeared first on Albeu.com.