Në qendër të vëmendjes këtë herë janë vendosur ish-drejtori sportiv Tefik Osmani dhe përgatitësi atletik i Egnatias, Aurel Locaj. Gjithçka nisi nga një publikim i Locajt në rrjetet sociale, ku ai njëkohësisht konfirmon edhe eksperiencën e tij më të fundit, atë te kampionët e Shqipërisë, Egnatia.

“Në fund, triumfi i përket durimit”, shkruan Locaj në postimin e tij. Në seksionin e komenteve ndërhyn edhe Osmani, i cili e pyet nëse me këtë status ka pasur synim të “godasë” persona me emra konkretë. Përgjigjja e përgatitësit atletik vjen me ironi: Emrat i nxjerr deti avazh avazh në breg.

Si Osmani, ashtu edhe Locaj, kanë qenë më herët pjesë e Vllaznisë në periudha të ndryshme. Nisur nga reagimet që ka sjellë ky status, nuk mungojnë interpretimet se mesazhet e tyre përmbajnë nënkuptime që shihen si “thumba” ndaj klubit shkodran.

The post Ish-figurave të Vllaznisë nuk u ndalen “thumbat” pas sezonit, Locaj dhe Osmani ndezin rrjetin me një postim: Në fund fiton… appeared first on Albeu.com.