Ai u shpreh se guximin e protestuesve nuk e ndal dot një regjim sipas tij i kalbur, ndërsa shtoi se zgjedhja para qytetarëve është e qartë, dinjitet përballë skllavërisë.

“Liria na thërret, vdekja nuk na tund! Regjimet bien vetëm kur vendosim të paguajmë çdo çmim për lirinë. Kur ndajmë mendjen të mos pranojmë vjedhjen, dhunën dhe gënjeshtrën si normalitet. Liria fitohet me guxim, kurajë dhe përballje. Guximin tuaj nuk ka fuqi që e ndal e jo më një regjim kalbësirë si ai i Ramaduros.
Edhe sa duhet ti durojmë këta banditë? Të rinjtë që nuk blejmë një shtëpi, por që shohin Belinda Ballukun me 300 apartamente meritojnë një rrugëzgjidhje nga ne.
Sot vendimi ynë është i qartë, dinjitet e jo skllavëri, komb e jo shkombëtarizim. Ja vdekje ja liri, ky është misioni ynë!
Kurrë nuk mund të pranojmë që nevoja e Ramës për të pirë drogë të helmojë fëmijët e shqiptarëve”, tha ai.

The post “Liria na thërret, vdekja nuk na tund!”/ Tedi Blushi: Balluku ka 300 apartamente, të rinjtë shqiptarë nuk blejnë dot një shtëpi appeared first on Albeu.com.

Blushi deklaroi se në terren nuk ekziston asnjë ndërtim dhe se zona është aktualisht një livadh, në kundërshtim me projektin 3D të prezantuar nga kryeministri Edi Rama në prill të vitit të kaluar. Sipas tij, qeveria kishte njoftuar asokohe se parku ishte funksional dhe se rezidentët e parë kishin marrë edhe certifikatat përkatëse.

Sipas denoncimit, “Durana Tech Park” gëzon status të veçantë ligjor bazuar në ligjin nr. 58/2021 dhe vendime të Këshillit të Ministrave, duke u ofruar kompanive përfituese lehtësira të konsiderueshme fiskale. Blushi pretendon se dhjetëra kompani, të cilat sipas tij nuk operojnë realisht në këtë zonë, janë regjistruar si rezidente për të përfituar përjashtime nga tatimi mbi fitimin, TVSH-ja, taksat mbi pagat, sigurimet shoqërore dhe taksat e pasurisë, për periudha nga 10 deri në 15 vite.

Ai akuzoi Korporatën Shqiptare të Investimeve, e drejtuar nga Elira Kokona, si dhe Shoqatën e Kompanive të Teknologjisë së Informacionit, për përfshirje në atë që e cilësoi si një “skemë abuzimi financiar”. Në deklaratë u përmendën gjithashtu emra dhe çështje nën hetim nga SPAK, për të cilat Blushi kërkoi verifikim të lidhjeve të mundshme me këtë projekt.

Blushi e krahasoi situatën me çështjen e inceneratorëve, duke theksuar se, sipas tij, parku teknologjik ekziston vetëm në dokumente dhe prezantime digjitale, ndërsa në realitet mungon çdo investim fizik. Ai i bëri thirrje Strukturës së Posaçme kundër Korrupsionit dhe Krimit të Organizuar (SPAK) të kryejë një verifikim në terren dhe të hetojë përfitimet fiskale të akorduara.

The post Tedi Blushi denoncon projektin “Durana Tech Park”: Është vetëm një livadh ku janë regjistruar 46 kompani që nuk paguajnë taksa appeared first on Albeu.com.

Gjatë takimeve, Blushi ka theksuar se varfëria ka arritur kulmin në këtë zonë dhe ka premtuar një përmbysje spektakolare të situatës, duke paraqitur paketën e partisë për përmirësimin e kushteve të jetesës dhe zhvillimin ekonomik.
Ai ka nënvizuar angazhimet për garantimin e një minimumi jetik prej 200 eurosh, rritjen e pagës mesatare në 1200 euro dhe ndihmë konkrete për çdo familje në nevojë.

The post Tedi Blushi takon qytetarët në Selitë: Varfëria po arrin kulmin, përmbysja më 11 Maj do jetë spektakolare appeared first on Albeu.com.

Deklaratë për mediat e Sekretarit të Përgjithshëm, Tedi Blushi

Vendimi i Kuvendit për të hedhur poshtë për herë të tretë vendimin e Gjykatës Kushtetuese për Olta Xhaçkën është konfirmim i asgjësimit të Gjykatës Kushtetuese dhe të vetë Kushtetutës të Republikës së Shqipërisë, është prova e asgjësimit të Kuvendit dhe shtetit të së drejtës.

Shkelja e dhunshme e Kushtetutës nga Edi Rama dhe deputetët bedelë të “Rilindjes” për të mbrojtur me çdo kusht interesat korruptive dhe mafioze të Olta Xhaçkës që prevaluan mbi autoritetin e Gjykatës Kushtetuese është konfirmimi se në Shqipëri mafia e ka tashmë shtetin e vet, përfshi edhe drejtësinë e kapur për fyti që po i garanton pandëshkueshmërinë, imunitetin politik dhe goditjen e kundërshtarëve politikë sipas agjendës dhe interesave elektorale të Kryeministrit.

Ky puç shumë i rëndë kushtetues i ndërrmarë nga mafia qeveritare dhe i diktuar nga interesat e parave të pista të narkotrafikut dhe trafiqeve të çdo lloji, është akti final i rënies “de jure” dhe “de facto” të shtetit.

Siç me të drejtë konstatoi së fundmi edhe prestigjozja gjermane “Der Spiegel”, si më herët RAI 3, Bild dhe “The Times”, sot Shqipëria është një autokraci e dominuar nga paratë e drogës dhe mafia, që vetëm SPAK-u nuk e sheh.

Mbyllja e syve para provave ulëritëse të korrupsionit skozfrenik dhe inkriminimit në nivele të larta, me të vetmin qëllim që të mos ndëshkohet Edi Rama dhe Erion Veliaj, të cilët i kanë kthyer zyrat e shtetit në strofulla të krimit të organizuar, të mafias ndërkombëtare, të Sinaloas, Ndranghetas dhe karteleve më të rrezikshme të trafikut të drogës, provon se SPAK është një organizatë kriminale në duart e Edi Ramës dhe mafias ndërkombëtare, që kërkon të shuajë sovranitetin e popullit shqiptar dhe të Republikës së Shqipërisë.

Në kushtet kur mafia ka kapur shtetin, ka asgjësuar Kushtetutën dhe ku drejtësia politike e SPAK-ut nuk bën gjë tjetër vetëm garanton pandëshkueshmërinë e Edi Ramës ndërkohë që izolon pa prova liderin e Partisë Demokratike, Prof.Dr. Sali Berisa dhe shantazhon drejtuesit e opozitës, çdo veprim qytetar kundër mafias në pushtet është legjitim.

Përshkallëzimi i aksionit opozitar në të gjitha frontet, mbështetja dhe nxitja e protestave kombëtare me qëllim rrëzimin e Narkoshtetit është mision kombëtar dhe Partia e Lirisë është e vendosur për t’i prirë kësaj beteje me çdo çmim në mbrojtje të demokracisë, pluralizmit politik dhe dinjitetit njerëzor, të lirisë dhe sovranitetit të Shqipërisë.

The post “Mafia e ka tashmë shtetin e vet”/ Blushi: Interesat korruptive dhe mafioze të Olta Xhaçkës prevaluan mbi autoritetin e Kushtetueses appeared first on Albeu.com.

Fillimisht ai ka deklaruar se kanë tentuar që t’i bllokojnë llogaritë bankare. Meta tha se qeveria po tenton të bllokojë aktivitetin e PL. Herë pas here, Meta ngrinte tonet e zërit dhe përplaste dorën mbi tavolinë.

Por Ilir Meta nuk ka kursyer as të vetët nga shënjestrimet. Ai i është drejtuar Sekretarit të Përgjithshëm të Partisë së Lirisë, Tedi Blushi, duke i thënë se “nuk më dukesh i qartë”, “më dukesh i butë”.
“Po ja i bllokuan llogaritë? Do fshehin aferën e Bashës me Ramën? Hë mo Tedi e fshehin dot? Kjo qënie e pështirë që ka marrë peng njerëz të Partinë e Lirisë, me korrupsionin e tyre… Hë mo Tedi, e qartë? S’më dukesh shumë i qartë! Më dukesh shumë i butë”, iu drejtua dje Meta, Tedi Blushit.

The post Çfarë po ndodh në PL? Ilir Meta kapet me Tedi Blushin: Je shumë i butë! Më dukesh… appeared first on Albeu.com.