SHA EMV ka realizuar së fundmi blerjen e tretë të qymyrit nga furnizues të jashtëm për termocentralin pranë Manastirit. Kontrata e nënshkruar më 21 korrik parashikon furnizimin me 150.000 ton qymyr nga “Protergia Energy”.

Nga EMV kanë konfirmuar për “Faktor” se, në procedurën publike me sistem të hapur për blerjen e 150.000 tonëve qymyr për TEC Manastir, është përzgjedhur operatori ekonomik “PROTERGIJA ENERGY DOOEL” Shkup. Marrëveshja është lidhur më 21 korrik me çmim prej 449 denarësh për gigaxhul, ndërsa vlera e përgjithshme e furnizimit arrin në 493.877.550.00 denarë.

Gjatë dy muajve të fundit, EMV kishte kontraktuar edhe 200.000 ton qymyr për termocentralin në Novaci, TEC Manastir, po nëpërmjet sistemit të thirrjes së hapur. Më 4 qershor u përzgjodh furnizuesi për 100.000 ton, ndërsa më pas u zgjodh edhe kompania që duhej të siguronte të njëjtën sasi. Kjo kompani ishte shfaqur për herë të parë në prokurimet e mëparshme dhe u përmend vitin e kaluar. Sipas raportimeve të mediave, “Energy Max” kishte tashmë një kontratë në vitin 2025 për furnizimin me 150.000 ton qymyr, me vlerë 7.8 milionë euro.

Sipas EMV-së, 100.000 tonët e parë do të transportohen nga kompania e njohur greke “Protergia Energy”, kurse për 100.000 tonët e tjerë është përzgjedhur “Energy Max”, me seli në Shkup. Kostoja e përgjithshme e kësaj sasie qymyri pritet të jetë rreth 10.5 milionë euro. Duke përfshirë edhe prokurimin më të fundit prej 8 milionë eurosh, vlera e kontratave të lidhura në më pak se dy muaj arrin në 18.5 milionë euro./Telegrafi/

The post TEC Manastir siguron 350.000 ton qymyr brenda më pak se dy muajsh appeared first on Albeu.com.