Kjo ishte nata e dytë radhazi që ushtria izraelite kryen bombardime të rënda në Gazë. Ndërkohë, një sulm tjetër ajror në veri të territorit palestinez la të vdekur më shumë se dhjetëra njerëz, thanë autoritetet.

Sulmet ndodhën derisa presidenti i Shteteve të Bashkuara, Donald Trump, ndodhet në Lindjen e Mesme, ku po i viziton vendet e Gjirit, por jo edhe Izraelin.

Ka pasur shpresa të mëdha se vizita rajonale e Trumpit mund të çonte në një marrëveshje armëpushimi, ose në rifillimin e rrjedhës së ndihmave humanitare për Gazën. Izraeli e ka ndaluar futjen e ndihmave në Gazë tash e tre muaj.

Një kameraman i Associated Press në Han Junis numëroi 10 sulme ajrore mbi këtë qytet gjatë natës deri në mëngjesin e së enjtes dhe pa shumë trupa të dërguar në morgun e spitalit Nasser.

Ushtria izraelite nuk i ka komentuar këto sulme deri tani. Kjo ishte nata e dytë e bombardimeve të rënda, pas sulmeve ajrore të së mërkurës në veri dhe jug të Gazës që vranë të paktën 70 njerëz, përfshirë dhjetëra fëmijë.

Izraeli zotohet se do ta përshkallëzojë luftën
Të martën, kryeministri i Izraelit, Benjamin Netanyahu, tha se “nuk ka shanse” që Izraeli ta ndalë luftën në Gazë, duke shuar shpresat për arritjen e ndonjë armëpushimi.

Në komunikatën e publikuara nga zyra e Netanyahut të martën, kryeministri tha se forcat izraelite janë vetëm disa ditë larg përshkallëzimit të premtuar të forcës dhe do të futën në Gazë “me forcë të madhe për ta përfunduar misionin… Kjo do të thotë shkatërrimin e Hamasit”.

Hamasi është i shpallur organizatë terroriste nga Shtetet e Bashkuara dhe Bashkimi Evropian. Izraeli e ka ndaluar plotësisht importin në Gazë, përfshirë importimin e ushqimit dhe ilaçeve, për më shumë se 10 javë.

Organizatat humanitare thonë se furnizimet me ushqime janë drejt përfundimit dhe uria është përhapur gjerësisht. Izraeli thotë se po e bën këtë në mënyrë që të ushtrojë trysni ndaj Hamasit për t’i liruar pengjet.

Ushtria izraelite e rifilloi ofensivën në mars, duke e prishur armëpushimin që kishte mundësuar lirimin e më shumë se 30 pengjeve.

Lufta në Gazë filloi kur militantë të udhëhequr nga Hamasi sulmuan Izraelin jugor, duke vrarë 1.200 njerëz dhe duke marrë rreth 250 pengje. Izraeli thotë se 59 pengje mbeten në Gaza, megjithëse besohet se rreth 35 prej tyre janë të vdekur.

Lufta e Izraelit i ka vrarë më shumë se 52.000 njerëz në Gazë, shumë prej tyre gra dhe fëmijë, sipas zyrtarëve shëndetësorë palestinezë./REL

The post Të paktën 54 të vrarë në Gazë nga bombardimet e pareshtura izraelite appeared first on Albeu.com.

Ndërsa 80,000 persona kanë mbetur të plagosur.

Izraeli vazhdoi ofensivën e tij brutale në Rripin e Gazës, pavarësisht një rezolute të Këshillit të Sigurimit të OKB-së që kërkonte një armëpushim të menjëhershëm në enklavë.

Më shumë se shtatë muaj pas luftës, zona të mëdha të Gazës janë të shkatërruara mes një bllokade të ushqimit, ujit të pastër dhe ilaçeve.

Izraeli akuzohet për “gjenocid” në Gjykatën Ndërkombëtare të Drejtësisë, e cila ka urdhëruar Tel Avivin të sigurojë që forcat e tij të mos kryejnë akte gjenocidi dhe të marrin masa, për të garantuar dërgimin e ndihamave humanitare për civilët në Gaza.

The post Mbi 35 mijë palestinezë janë vrarë që nga fillimi i luftës appeared first on Albeu.com.

Mediat e huaja, shkruajnë se ngjarja ka ndodhur në një zonë që njihet për konflikte të vazhdueshme mes b*ndave rivale.

Theksohet se pa jetë janë gjetur pesë burra dhe dy gra, në një rrugë në qytetin Aculzingo në shtetin e Veracruz.

Ndërkohë, në zonë janë mobilizuar forca të ushtrisë dhe policisë dhe po punojnë për kapjen e autorit dhe zbardhjen e plotë të ngjarjes.

Pak ditë më parë, u gjetën dy automjete dhe disa persona që ishin goditur me thikë. 

Në urën ku ishin braktisur makinat, autorët kishin lënë një mesazh kërcënues drejtuar një bande rivale.

The post E rëndë, gjenden të vrarë me armë zjarri 7 persona në një makinë appeared first on Albeu.com.

Konflikti shpërtheu kur një patrulle ushtarake në komunën e Miguel Aleman, në kufirin me SHBA-në u sulmua, tha Departamenti i Sigurisë së Shtetit në rrjetet sociale.

“Elementet e SEDENA -s (të ushtrisë) u sulmuan nga civilë të armatosur të cilët ishin fshehur mnes bimëve” dhe “janë neutralizuar 12 sulmues”, tha i njëjti burim për incidentin, i cili ndodhi rreth orës 14:00 me orën lokale.

Burime qeveritare konfirmuan për AFP se 12 sulmues, që besohet se ishin anëtarë të një karteli droge, u vranë gjatë përleshjes me ushtrinë, anëtarët e së cilës përdorën drone dhe një helikopter.

Tamaulipas është ndër shtetet e prekura nga dhuna e krimit të organizuar. Qyteti shpesh kthehet në një teatër konfliktesh midis bandave rivale, që konkurrojnë për kontrollin e rrugëve të arta të trafikut të drogës në SHBA.

Më shumë se 420,000 vrasje janë regjistruar zyrtarisht në Meksikë që kur filloi e ashtuquajtura “lufta kundër drogës” në vitin 2006 , me vendosjen e forcave të armatosura brenda vendit për të goditur kartelet.

Që atëherë, shkalla e vrasjeve në vend është trefishuar, duke arritur në 25 për 100,000 banorë. Janë regjistruar gjithashtu mbi 110,000 zhdukje me forcë, shumica që nga viti 2006. Shumica e vrasjeve dhe zhdukjeve me forcë i atribuohen nga autoritetet bandave të krimit të organizuar.

The post “Luftë” mes bandave të drogës dhe policisë në Meksikë, 12 të vrarë appeared first on Albeu.com.

Ministria tha se kishte pasur 178 vdekje në 24 orët e fundit, duke e bërë atë një nga ditët më vdekjeprurëse në luftë deri më tani.

Ndërsa luftimet vazhduan, kryeministri izraelit Benjamin Netanyahu përsëri kundërshtoi krijimin e një shteti palestinez.

Shtëpia e Bardhë ka thënë se SHBA-ja dhe Izraeli “i shohin qartë gjërat ndryshe” kur bëhet fjalë për një zgjidhje me dy shtete.

Izraeli filloi ofensivën e tij pas sulmit të 7 tetorit, në të cilin luftëtarët e Hamasit vranë 1300 njerëz në Izraelin jugor dhe morën peng më shumë se 240.

Në rrëfimin e tij të parë publik për sulmin e tetorit, botuar të dielën, Hamasi e përshkroi atë si një “hap të domosdoshëm” kundër pushtimit izraelit të territoreve palestineze dhe një mënyrë për të siguruar lirimin e të burgosurve palestinezë.

Operacioni ajror dhe tokësor i Izraelit aktualisht po përqendrohet në Gazën jugore, pasi ushtria është e bindur se komandantët e lartë të Hamasit janë të strehuar në qytetin e Khan Younis.

Pikërisht aty, Forcat e Mbrojtjes të Izraelit (IDF) thanë se kishin zbuluar një tunel tjetër, rreth 830 metra i gjatë dhe që përmbante kurthe.

Më shumë se tre muaj që nga shpërthimi i konfliktit, Izraeli, ushtria e të cilit tejkalon shumë aftësitë e Hamasit, ende po përballet me rezistencë të konsiderueshme në të gjithë Gazën.

Agjencitë e inteligjencës amerikane thuhet se vlerësojnë se ushtria izraelite ka vrarë 20-30% të luftëtarëve të Hamasit, gjë që është shumë larg qëllimit të deklaruar të zotit Netanyahu për “shkatërrimin e plotë” të grupit të armatosur./albeu.com

The post Shifra dramatike nga Gaza, më shumë se 25 mijë të vrarë që nga nisja e konfliktit Hamas-Izrael appeared first on Albeu.com.

Organizata Botërore e Shëndetësisë tha se 1 mijë njerëz në Gaza kanë nevojë për dializë, 30 foshnja të lindura para kohe janë në inkubatorë dhe 2,000 pacientë me kancer kanë nevojë për trajtim urgjent. I gjithë ky trajim i specializiar mjekësor bëhet i pamundur pa karburantin e nevojshëm për funksionin e gjeneratorëve spitalorë.

OBSH deklaroi se ka pasur 18,482 lëndime, përsëri një pjesë e konsiderueshme e tyre janë fëmijë. Agjencia tha se 23 nga 35 spitalet ishin ende pjesërisht duke funksionuar, të tjerët, si dhe klinikat e komunitetit, janë dashur të mbyllen.

Një zyrtar i OBSH-së foli për kushte të dëshpëruara brenda spitaleve që ende funksionojnë, me pacientë të plagosur rëndë që operohen në korridore pa anestezi.

The post LUFTA/ OKB: Më shumë se 40% e të vrarëve në Gaza janë fëmijë appeared first on Albeu.com.

Ndër të vdekurit janë 2360 fëmijë, sqaroi Ministria e Shëndetësisë e Hamasit, duke theksuar se 704 palestinezë humbën jetën vetëm në 24 orët e mëparshme.

Të lënduarit arrijnë në gjithsej 16.297, përfundoi ai.

The post Hamasi: Nga 5791 të vdekur në Gaza, 2360 janë fëmijë appeared first on Albeu.com.

Numri total i punëtorëve të UNRWA të vrarë në Gaza ka shkuar në 35.

“Ne vajtojmë humbjen e tyre dhe qëndrojmë me kolegët që bëjnë gjithçka që munden për të ndihmuar ata në nevojë”, shkroi në X të hënën Sekretari i Përgjithshëm i OKB-së, Antonio Guterres.

Ndërkohë Forcat e Mbrojtjes së Izraelit (IDF) kanë deklaruar se janë goditur më shumë se 400 objektiva në Gaza gjatë 24 orëve të fundit.

Në një përditësim të postuar në X, IDF thotë se objektivat e saj përfshinin njerëz të armatosur të Hamasit që ngriheshin për të gjuajtur raketa drejt Izraelit dhe një bosht tuneli që lejon Hamasin të depërtojë në Izrael përmes detit.

Ai gjithashtu thotë se qendrat e komandës të përdorura nga operativët dhe armatimet e vendosura në xhami u goditën.

IDF shton se do të “vazhdojë të veprojë për të garantuar sigurinë e civilëve të pafajshëm”./Albeu.com

The post Goditen 400 objektiva gjatë natës në Gaza, vriten 6 punonjës të OKB-së appeared first on Albeu.com.

Këto përfshijnë, ndër të tjera, vendet e lëshimit të raketave antitank, boshtet e tunelit, infrastrukturat e inteligjencës, tha ushtria.

Ushtria shtoi se një numër luftëtarësh palestinezë që udhëhoqën inkursionin e 7 tetorit në Izrael u vranë, si dhe dhjetë anëtarë të tjerë të grupit të armatosur.

Al Jazeera nuk ishte në gjendje të verifikonte në mënyrë të pavarur këto pretendime.

Shifrat e të vrarëve që nga fillimi i konfliktit janë tronditëse.

Bëhet fjalë për 4950 të vrarë dhe mbi 17165 të plagosur në të dyja anët e konfliktit.

Shifrat që nga fillimi i konfliktit të fundit më 7 tetor.

Gaza
të vrarë: 3,478
të plagosur: 12,065

Bregu Perëndimor i pushtuar
Të vrarë: 69
të plagosur: 1300

Izraeli
të vrarë: 1403
të plagosur: 3800

The post Shifra tronditëse nga konflikti Izrael-Palestinë, rreth 5 mijë të vrarë e mbi 17 mijë të plagosur appeared first on Albeu.com.

Bilanci është tragjik. Tre viktima dhe pesë të plagosur rëndë.

Fatjon Dervishi u ekzekutua me breshëri plumbash brenda automjetit në Sukth ditën e sotme.

38-vjeçari u dërgua në spital, por nuk i mbijetoi plagëve të marra.

Ai ndodhej me shokun e tij në makinë në momentin e atentatit, por ky i fundit nuk u prek nga plumbat.

Rreth orës 19:15 në Dukagjin mbeti i vrarë Zef Guri dhe djali i tij Gjin Guri u plagos rëndë, si pasojë e një atentati mafioz.

Autori/autorët u larguan nga vendi i ngjarjes dhe policia nuk ka ende asnjë gjurmë.

Tre orë më vonë, sërish në Shkodër një person mbeti i plagosur si pasojë e të shtënave me armë.

Ngjarja ndodhi pas një konflikti mes  3 personave në fshatin Grizhë.

Në polici është shoqëruar një person ndërsa një tjetër është shpallur në kërkim.

Ndërsa ditën e djeshme, në qytetin e Rrëshenit u ekzekutua  Martin Bardhi (Marku) i cili sapo kishte dalë nga burgu.

Ai u vra në lokalin e tij që ndodhet në hyrje të spitalit të Rrëshenit, 50 metra përballë komisariatit të qytetit.

Ai ndodhej në ambientet e jashtme të lokalit bashkë me tre të afërm të tij, Oltion Gjini, ish-drejtor në bashkinë e Mirditës, Ilir Bardhoku,pronar i një lokali aty dhe Indrit Bardhi të cilët mbeten të plagosur nga breshëria e kallashnikovit.

Të tre ndodhen në spitalin e Traumës dhe iu nënshtruan ndërhyrjeve kirurgjikale./Albeu.com/

The post Shqipëria nën pushtetin e plumbave/ Katër atentate në 48 orë, bilanc tragjik: Tre të vrarë e 5 të plagosur appeared first on Albeu.com.