Pas një përmirësimi të përkohshëm në tremujorin e pare 2025 papunësia e regjistruar te të rinjtë ka ndjekur një trajektore rritëse (shiko grafikun më poshtë).

Në tre tremujorët pasues, numri është rritur gradualisht, duke arritur në mbi 16.5 mijë persona në tremujorin e dytë të këtij viti.

Rritja e papunësisë së regjistruar te të rinjtë lidhet pjesërisht me vështirësitë e kësaj grupmoshe për t’u integruar në tregun e punës.

Edhe pse ekonomia ka krijuar vende të reja pune, një pjesë e tyre janë përqendruar në sektorë ku kërkohen më shumë punonjës me eksperiencë ose aftësi specifike, ndërsa shumë të rinj përballen me mungesë përvoje profesionale dhe kualifikimesh të përshtatura me kërkesat e bizneseve.

Vitet e fundit, një numër i konsiderueshëm të rinjsh kanë zgjedhur të kërkojnë mundësi punësimi jashtë vendit, ç`ka ka ulur ofertën e punës në disa sektorë, por njëkohësisht ka nxjerrë në pah vështirësitë e atyre që mbeten në tregun vendas për të gjetur punë të qëndrueshme.

Gjithashtu, një pjesë e të rinjve kalojnë periudha më të gjata në kërkim të punës pas përfundimit të shkollimit. Kjo lidhet me tranzicionin më të vështirë nga arsimi drejt punësimit, sidomos për ata pa eksperiencë të mëparshme.

Të dhënat nga Anketa e Forcave të Punës tregoi se në tremujorin e dytë të vitit 2026 kishte 36.7 mijë të papunë të moshës 15-29-vjeç, nga 31.6 mijë në të njëjtën periudhë të vitit 2025, teksa të dhënat nga burimet administrative tregojnë se gjysma e tyre janë regjistruar si të papune, pra duan të punojnë por nuk gjejnë pune.

Përkeqësimi i tregut të punës për të rinjtë po vjen në një kohë kur bizneset e konsiderojnë mungesën e fuqisë punëtore si pengesën më të madhe për të bërë biznes. Nga ana tjetër, grup-moshat më të mëdha po integrohen me shpejt, duke përfshirë edhe pensionistët.

Në tremujorin e dytë 2026 rreth 145 mijë pensionistë ishin duke punuar me rritje vjetore 10.4%. Ata përbënin 13 për qind të personave të punësuar gjithsej. Në të njëjtën periudhe numri i të rinjve të punësuar ra në 170.3 mijë persona, ose 4% më pak. / Monitor

The post Përkeqësohet punësimi për të rinjtë, u regjistruan si të papunë 4.3% më shumë në një vit appeared first on Albeu.com.

Siç shihet në pamje, protestuesit i janë drejtuar Çuçit me thirrjet “O hajdut”, “burg”, “burg”, “burg”. Por, bashkëshortja e tij ka reaguar ashpër dhe ka gjuajtur drejt tyre me pirun dhe shishe uji.

“Turp”, “turp” i thonë protestuesit gruas së deputetit.

“Rama në burg, Çuçi në burg, Berisha në burg”, shtojnë ata.

Kujtojmë që më herët protestuesit kanë “shënjestruar” edhe Belinda Ballukun, Taulant Ballën dhe Zegjine Çaushin.

The post “O hajdut”/ Studentët kapin Bledi Çuçin në lokal! Revoltohet Dalina Fico i godet me shishe uji dhe pirunj të rinjtë: Unë jam gruaja, t’ju vij turp (VIDEO) appeared first on Albeu.com.

Me pankarta në duar, protestuesit i kanë bërë thirrje SPAK-ut të mos lërë në harresë dosjet që, sipas tyre, ende nuk kanë marrë një përgjigje përfundimtare nga organet e drejtësisë.

Mes çështjeve të përmendura ishin dosja e Portit të Durrësit, çështja McGonigal, projekti në Zvërnec, patronazhistët dhe inceneratorët.

Sipas të rinjve, institucionet e drejtësisë duhet të hetojnë rastet që ata i cilësojnë si keqqeverisje dhe korrupsion. Ata kanë kërkuar gjithashtu përgjegjësi penale për zyrtarët që, sipas pretendimeve të tyre, janë përfshirë në këto çështje.

Ky nuk është tubimi i parë që i njëjti grup organizon përpara SPAK-ut. Edhe në disa raste të tjera, të rinjtë janë grumbulluar pranë institucionit, duke kërkuar hetimin e zyrtarëve të lartë të qeverisë, si edhe arrestimin e kryeministrit Edi Rama dhe ish-zëvendëskryeministres Belinda Balluku.

Përmes këtyre protestave të përsëritura, pjesëmarrësit synojnë që dosjet e shumëpërfolura të mbeten pjesë e vëmendjes publike, ndërsa kërkojnë nga institucionet e drejtësisë përgjigje lidhur me hetimet dhe përgjegjësitë që mund të rezultojnë prej tyre.

Të rinjtë kanë deklaruar se do të vazhdojnë të kërkojnë transparencë dhe drejtësi për të gjitha çështjet që ata i vlerësojnë ende të pazbardhura.

The post Dosjet numërohen shpejt/ Të rinjtë protestojnë para SPAK-ut dhe rikthejnë në vëmendje aferat e bujshme appeared first on Albeu.com.

Ata dëgjohen duke brohoritur thirrjen “Rama jepe dorëheqjen” që prej 42 ditësh dëgjohet çdo mbrëmje përpara Kryeministrisë.

Kujtojmë se qeveria financoi koncertin me 4 milionë euro nga fondi rezervë, një vendim që u shoqërua me debate dhe kritika të shumta për përdorimin e parave publike për një event privat.

The post VIDEO/ “Rama jepe dorëheqjen”, të rinjtë brohorasin thirrje kundër qeverisë në koncertin e Kanye West appeared first on Albeu.com.

Të dhënat e fundit zyrtare nga INSTAT tregojnë se brenda kësaj grup-moshe në Shqipëri, 38,5% e të rinjve rezultojnë të papunë aktivë, pasi janë duke kërkuar punë dhe janë të gatshëm të hyjnë në tregun e punës.

Pjesa tjetër 1,6 % mbetet jashtë tregut të punës pasi klasifikohen si të dekurajuar, ndërsa 19,5% janë të angazhuar në detyra familjare, duke rritur fëmijë apo duke u kujdesur për dikë në familje.

Një pjesë e konsiderueshme për 40,4%, renditet në kategorinë “të tjera”, ç`ka tregon një nivel të lartë informaliteti ose pasigurie në deklarimin e statusit të tyre ekonomik.

Në raport me vitin paraardhës, vërehet një përmirësim i lehtë në kategorinë e të dekurajuarve, me një ulje prej 0,4 pikë përqindje.

Megjithatë, ky ndryshim mbetet i kufizuar dhe nuk reflekton ende një transformim në integrimin e të rinjve në tregun e punës.

Të dhënat tregojnë se meshkujt janë më aktivë në tregun e punës sesa femrat. Rreth 46,5% e meshkujve NEET, janë në kërkim aktiv të punës dhe të gatshëm për punësim, ndërsa tek femrat kjo përqindje zbret në 31,9%.

Shqipëria ka përqindjen e të rinjve as në punës dhe as në shkollë gati dyfish mbi mesataren e BE-së dhe në nivele të larta rajonale.

Kosova rezulton me nivelet më të larta të NEET në rajon, që arrin rreth 30% ose, e ndjekur nga Shqipëria me rreth 20%. Maqedonia e Veriut dhe Mali i Zi lëvizin në intervalin 17%, ndërsa Bosnja dhe Hercegovina dhe Serbia regjistrojnë nivele më të ulëta, por ende dukshëm mbi standardet europiane.

Nga rritja ekonomike në aspektin e punësimit duket se po përfitojnë vetëm pensionistët, pasi papunësia vijon të jetë e lartë ndër të rinjtë.

Vitin e kaluar shkalla zyrtare e papunësisë është 8,4%, teksa ky tregues për grup-moshën 15–24 vjeç është 21,5%, gati trefish më shumë se në popullsinë e përgjithshme.

Në paradoks me të rinjtë, numri i të punësuarve në moshën mbi 65 vjeç ka pësuar rritje. Të dhënat e INSTAT tregojnë se nga 119,862 në 2024 numri i tyre arriti në 130,274 në 2025.

Këta persona edhe pse në moshë pensioni, janë kryesisht të vetëpunësuar në bujqësi pa kontribute, të cilët sipas metodologjisë vendase konsiderohen të punësuar edhe kur angazhohen në fermën e tyre të vogël dhe prodhojnë vetëm për vetë-konsum./ Monitor

The post INSTAT publikon të dhënat: Një e pesta e të rinjve as në punë dhe as në shkollë në vitin 2025 appeared first on Albeu.com.

Në videon, që u regjistrua pak para orës 12 të mesditës të së shtunës, të rinjtë shihen duke e grushtuar burrin, ndërsa pasagjerët e tjerë e shikojnë me tmerr.

Sipas një dëshmitari që ndodhej në tren në kohën e incidentit, të rinjtë po pinin vodka dhe po dëgjonin muzikë me zë të lartë kur burri dyshohet se u kërkoi me mirësjellje të ulnin volumin.

Pas publikimit të videos autorët u arratisën, policia po kërkon informacione për t’i identifikuar ata, ndërsa kompania operative tha se kanë tolerancë zero për dhunën në rrjetet e transportit publik.

Siguria e pasagjerëve dhe stafit është përparësia më e lartë dhe do ta ndihmojnë policinë me çdo hetim.

“Sidnei është plot me adoleshentë si këta. Pyes veten pse”?

“Shpresoj vërtet që prindërit e tyre ta shohin këtë! Dhe nëse nuk bëjnë asgjë për këtë, atëherë qartësisht ata janë problemi më i madh këtu”.

“Pse njerëzit thjesht shikojnë dhe nuk bëjnë asgjë për këtë”?- shkruan komentuesit.

A group of teens were seen blasting music on a Sydney train, when a man reportedly asked them politely to turn it down.

He was then pushed and attacked by the thugs, leaving him injured and an ambulance called. The thugs fled the scene at Strathfield.#Sydney #Fight #Train pic.twitter.com/PZvX7fpb4i

— BNM Australia (@BibleNewsMedia) June 22, 2026

The post VIDEO/ Incident në një tren në Sydney, pasagjeri u kërkoi të ulnin muzikën, të rinjtë e dhunojnë me grushte appeared first on Albeu.com.

I riu që drejtonte panelin në një moment ftoi edhe ministren Delina Ibrahimaj, ndërsa Rama mes batutave tha; “na ftove për duet na i dhe fjalën të dyve njëkohësisht, kështu që hajde të këndojmë bashkë se nuk kemi rrugë tjetër”.

Më pas, kryeministri pyeti për një vajzë që ishte e pranishme në panel.

Rama: Po kjo vajza që nuk e ka marrë fjalën për ca është këtu, pse nuk i jep fjalën.

Drejtuesi i panelit: Ana është një nga përfitueset.

Rama: Pse nuk i jep fjalën.

Drejtuesi i panelit: E kishim lënë për një prezantim në fund.

Rama: Më fal nuk e dija që është ëmbëlsira, e keni lënë në fund, do durojmë.

The post Rama batuta me të rinjtë: Hajde të këndojmë bashkë, nuk kemi rrugë tjetër appeared first on Albeu.com.

Ajo i ftoi ata të japin kontributin e tyre dhe të jenë pjesë e programeve dhe nismave të reja të bashkisë, duke nisur me një pjesëmarrje aktive në diskutimet e platformave të dialogut me të rinjtë.

“Nëse do të bëjmë një gjë dhe do ta bëjmë në mënyrë konsistente është diskutimi në platformat e dialogut me të rinj për çdo vendimmarrje të bashkisë sepse të rinjtë, jo vetëm që duhet të jenë pjesë e politikave që bashkia ndërmerr, programeve, por të rinjtë duhet të kontribuojnë aktivisht në këto programe. Duhet të kontribuojnë aktivisht në punët e bashkisë, në punët e qytetit”, u shpreh Manastirliu, teksa vlerësoi se energjia e të rinjve është e jashtëzakonshme për t’i kthyer idetë në realitet.

Kandidatja e Partisë Socialiste për Bashkinë e Tiranës, u shpreh se Tirana e vitit 2030 do të jetë “një qytet i të rinjve dhe për të rinjtë”,

“Janë shumë të rinj sot që na bashkohen sepse shohin qëllimin e përbashkët, për të mirën e përbashkët dhe ajo që na bashkon të gjithëve sot këtu, është edhe një tjetër emërues. Është ajo që ne duam të bëjmë për fëmijët dhe për të rinjtë, sepse Tirana e 2030-ës është Tirana e së ardhmes që u përket ju, të rinjve”, tha Manastirliu ndërsa nënvizoi se Bashkia e Tiranës do të jetë me “derë të hapur” për çdo profesionist të ri që dëshiron të kontribuojë për qytetin, përmes programeve të praktikave të punës dhe angazhimeve vullnetare.

The post Kandidatja e PS-së, Ogerta Manastirliu: Bashkia do të jetë derë e hapur për çdo profesionist të ri që dëshiron të kontribuojë për qytetin appeared first on Albeu.com.

Sipas dosjes hetimore, ai kishte krijuar një grup për të hetuar persona të ndryshme, madje mbante dhe një shofer për të lëvizur dhe hante dreka dhe darka cilësore dhe dhoma hoteli, por pa paguar asnjëherë.

Një skemë e mirëfilltë mashtrimi u zbardh, ku 49-vjeçari Albano Muco përdorte titullin e prokurorit të SPAK-ut për përfitime personale.

Ai shfrytëzonte njerëz si shoferë, por edhe lokale dhe restorante për gatime të shtrenjta.

Sipas dosjes hetimore, Muco kishte mashtruar të paktën tre persona, të cilët, sipas tij, ishin pjesë e një “minisoni” të Ministrisë së Drejtësisë. Nëse kushërinjtë e tyre flisnin me persona të tjerë, urdhri i supozuar i prokurorit ishte i prerë, duke parashikuar denimin me 10 vjet burg për nxjerrje të sekreteve.

Pasi krijoi rrjetin, mashtruesi, i prezantuar si prokuror me emrin Luan Muco, hapi një grup në WhatsApp të titulluar “Gjuetia”. Në grup ruheshin procesverbale me shkrim dore për vëzhgimet në terren dhe për personat që do të arrestoheshin. Madje, ata kishin një kontratë pune me të ashtuquajturin prokuror, ku për çdo mision të kryer parashikoheshin përfitime financiare deri në 600,000 lekë.

Përveç lëvizjeve të kryera me shofer personal, 49-vjeçari kujdesej edhe për ushqimin e shtrenjtë. Sipas dëshmisë së një gruaje, qiradhënëse e tij, Albano Muco i ishte prezantuar si prokuror në Tiranë. Pagesa e qirasë ishte 60,000 lekë në muaj, dhe për ushqimin 50,000 lekë, në total 110,000 lekë në muaj. Më datë 2, kur duhej të bëhej pagesa e qirasë, ai nuk i dha lekët, pasi kishte frikë mos personi ishte vërtet prokuror dhe të mund të bënte ndonjë gjë të keqe.

Ai i kërkoi gruas të gatuante gjëra të shtrenjta, si mish dhe peshk, dhe vetëm për ushqimin shpenzoi rreth 200,000 lekë. Për ta bërë rolin e tij më të besueshëm, prokurori i supozuar, i prezantuar si Hermes Muco, lëvizte me shofer personal në vende të ndryshme në Tiranë dhe rrethina.

Sipas dëshmisë së shoferit, ai vizitonte institucione si Gjykata e Apelit, SPAK, Ministria e Drejtësisë dhe Këshilli i Lartë i Prokurorisë. Në të gjitha këto institucione qëndronte afërsisht 5 deri në 10 minuta dhe dilte gjithmonë me fletë formati në duar, të cilat dukeshin si dokumente zyrtare.

Përveç këtyre vizitave, prokurori i supozuar lëvizte edhe në qytete të tjera dhe kryente shëtitje me Jet-Ski. Kjo skemë u zbulua pas disa kallëzimeve, dhe më pas ndodhi arrestimi i tij në flagrancë.

The post Misione sekrete dhe lëvizje me shofer / Si u mashtruan të rinjtë nga “prokurori” mashtrues i SPAK appeared first on Albeu.com.

U bë me dije se 34-vjeçari me inciale K.M., ka përndjekur ish të dashurën në rrjetet sociale dhe ka lënë 2 fishekë arme gjahu, në oborrin e banesës së familjarëve të kësaj shtetaseje, me qëllim kanosjen.

Po ashtu në pranga ra edhe një 28-vjeçar i cili akuzohet se ka përndjekur në rrjete sociale, ish të dashurën e tij.

Njoftimi:

“Si rezultat i kërkimeve të bazuara te informacionet e inteligjencës policore, me qëllim kapjen e shtetasve të shpallur në kërkim, si dhe falë bashkëpunimit ndërmjet shërbimeve të komisariateve të Policisë Nr. 2, Nr. 5 dhe Nr. 6, u lokalizuan dhe vunë në pranga shtetasit:

-K. M., 34-vjeç, i cili ishte në kërkim policor, për veprat penale “Përndjekja” dhe “Falsifikimi kompjuterik”.

Ai dyshohet se ka përndjekur ish të dashurën e tij, në rrjete sociale. Gjithashtu, dyshohet se ky shtetas, ka lënë 2 fishekë arme gjahu, në oborrin e banesës së familjarëve të kësaj shtetaseje, me qëllim kanosjen. Fishekët u sekuestruan me cilësinë e provës materiale;

-E. P., 28-vjeç, pasi Gjykata e Tiranës i ka caktuar masën e sigurisë “Arrest në burg”, për veprën penale “Përndekja”, sepse akuzohet se ka përndjekur në rrjete sociale, ish të dashurën e tij”, thuhet në njoftimin e policisë.

Materialet procedurale iu referuan Prokurorisë së Tiranës, për veprime të mëtejshme.

The post Përndoqën dhe kërcënuan ish-të dashurat, arrestohen dy të rinjtë në Tiranë (VIDEO) appeared first on Albeu.com.