Duket se bëhej fjalë për një grup të strukturuar të vrasjeve me pagesë, që ra në dorën e policisë, falë dëshmive të vëllezërve Beqiraj.

Por jo vetëm këtë herë të penduarit e drejtësisë çojnë pas hekurave persona të shumtë të botës së krimit, raporton albeu.com.

Kujtojmë se vetëm pak kohë më parë, “zbërthimi” i Nuredin Dumanit para oficerëve të policisë, nxori në pah me dhjetëra vrasje të porositura nga emra të njohur të botës së krimit.

Në dëshminë e tij morën vëmendjen më të madhe porositë e Ervis Martinajt për të vrarë Endrit Doklen dhe porositë e Erion Alibejt për të eliminuar kundërshtarët.

Gjithashtu një tjetër i penduar që dëshmoi veprimtaritë kriminale të bandave përpara policisë ka qenë Luftar Reçi. Reçi I dënuar me 25 vite burg rrëfeu vrasjen e biznesmenit Vajdin Lame dhe Klodian Saliut, ngjarje e ndodhur në vitin 2005.

Rrëfimet e tij ai i bëri në datat 21 tetor, 31 tetor dhe 26 nëntor të vitit 2020, ku tregoi të gjithë veprimtarinë kriminale që ka pasur me Lulzim Berishën dhe anëtarët e tjerë të bandës së tij, me qëllim për të zbutur dënimin.

Një tjetër rast i pendimit të autorëve të krimeve ka qenë rasti i Ndriçim Gjokonas, i cili “shkriu” grupin e vrasësve me pagesë, pjesë e të cilit ishte dhe bashkëpunëtori tjetër i drejtësisë Julian Sinanaj. Nga ky shërbim Gjokonaj përfitoi ulje dënimi me 17 vite burg nga Apeli i Krimeve të Rënda pasi gjykata ka vlerësuar statusin e tij si i penduar në zbardhjen e krimeve të bandës së tritolit në Vlorës, por dënimi për vrasësin me pagesë të bandës, Julian Sinanaj, me 30 vite burg, mbeti i pandryshuar. Gjithashtu edhe Andon Mëhillaj, kreu i këtij grupi kriminal po vuan dënimin me burgim të përjetshëm.

Ndërsa rasti më i bujshëm që një “i penduar” rrëfen ngjarjet, ishte rasti i Bujar Buzanit, i cili rrëfeu vrasjen e 6 gardistëve dhe plagosjen e 16 të tjerëve në Cërrik të 1997, një ngjarje e njohur si “Masakra e Cërrikut”, raporton albeu.com.

Gjithçka ndodhi në orët e parë të mëngjesit, kur një autokolonë me blinda të Gardës së Republikës dhe të forcave speciale ranë në një pritë të armatosur në qendrën e qytetit të Cërrikut, ku vdiqën 6 persona. Autokolona u qëlluar me artileri të rëndë nga tarracat e pallateve që rrethonin qendrën e qytetit dhe kishin zonën nën kontroll./albeu.com/

The post Nga Dumani te vëllezërit Beqiraj, kush janë “Il pentitot” që “fundosën” bosët e krimit! Si u qëlluan gardistët me artileri appeared first on Albeu.com.

Meta është shprehur se qeveria po operon me paratë e taksapaguesve shqiptarë.

Kreu i Shtetit i bëri thirrje të arrestuarve që të kthehen në të penduarit të drejtësie dhe të tregojnë urdhrat që kanë marrë për këtë veprimtari kriminale.

“Nuk ka thënë Presidenti që lekët dhe paratë e shqiptarëve të shkojnë në koncesionet e miqve të tuaj. Përkundrazi, nuk është Presidenti ai që ka thënë të bëhen tendera sekretë me dhjetëfishin e çmimit në kohë pandemie. Nuk ka thënë presidenti që shkatërroni sigurinë energjetike. Nuk ka thënë Presidenti që e shisni lirë fare dhe e shisni dyfishin e çmimit. Po të rriten rrogat dhe pensionet do të zvogëlohet mundësia për koncensionet korruptive. Duhej të shpikej një fajtor për mos arritjet e qeverisë që na qenka Presidenti aktual.

Këto kanë merak të kenë një President të mirë për popullin. Po t’ia lënë popullit për të zgjedhur presidentin, do të zgjedhë një president të gabuar. Rilindja po bën përpjekjet e saj për t’i gjetur popullit një president të mirë.

Presidenti ka disa detyra para se të largohet. Edhe për aferën e inceneretaorëve nuk kemi të bëjmë me përgjegjësi individuale, por me grup. Nuk ka censurë që e ndalon këtë relivatizim. Ajo që ka faktuar Presidenti nuk është përpara drejtësisë. Treshja e famshme ka dalë jashtë vendit, paratë vazhdojnë dhe zotërinjtë që janë ndaluar do të bëjnë sikur do të marrin disa dënime për të shpëtuar disa gjëra të tjera. Unë i them të bëhen të penduar dhe të tregojnë kush ka dhënë urdhër për veprimtari kriminale”, tha Meta.

The post “Pendohuni”, Meta: Kam edhe disa detyra para se të lë Presidencën appeared first on Albeu.com.