Lista e Forbes përmban 200 njerëzit më të pasur në botë, por ne po të sjellim 10 prej tyre.

Lista kryesohet nga Bernard Arnault dhe familja

75-vjeçari Bernard Arnault dhe familja është personi më i pasur në planet, me një pasur neto prej 233 miliardë dollarësh. Ai jeton në Francë dhe ka në pronësi 75 marka të mirënjohura në botë, duke nisur që nga moda e deri te kozmetika. Arnault, nën ombrellën e LVMH, ka në pronësi edhe Louis Vuitton dhe Sephora.

Elon Musk

Elon Musk, ndonëse nuk është më në vendin e parë, sërish qëndron bindshëm në listë. CEO i Tesla dhe SpaceX ka një vlerë prej 195 miliardë dollarësh.

Jeff Bezos

Themeluesi i Amazon, ka një pasuri prej 194 miliardë dollarësh.

Mark Zuckerberg

Themeluesi i Facebook dhe grupit META është gjithashtu pjesë e listës dhe posedon një pasuri prej 177 miliardë dollarësh, në moshën 39-vjeçare.

Larry Ellison

Ai është themeluesi i softuerit Oracle. Me një pasuri me vlerë prej 177 miliardë dollarësh, ai ka përdorur bizneset e tij për të ruajtur dhe marrë informacion.

Warren Buffett

Investitori dhe CEO i konglomeratit shumëkombësh “Berkshire Hathaway”, 93 vjeç, ka një pasuri me vlerë 133 miliardë dollarë.

Bill Gates

Gates vijon të mbetet në listën e 10 njerëzve më të pasur në botë dhe ka një pasuri neto prej 128 miliardë dollarësh.

Steve Ballmer

Steve ka qenë CEO i Microsoft, një shkallë poshtë Gates, por duket se e ka pozicionuar veten në listën e famshme të Forbes. Ai posedon një pasuri prej 121 miliardë dollarësh.

Mukesh Ambani

Kompania e tij, “Reliance Industries”, është korporata më e madhe e sektorit privat në Indi, me interesa në shitje me pakicë, shërbime financiare, naftë dhe gaz, petrokimike, telekomunikacion dhe shërbime financiare, duke e bërë atë me vlerë 116 miliardë dollarë. Ai është edhe i ati i Anant Ambani, i cili ftoi për të performuar në dasmën e tij Rihanna-n dora vetë.

The post FOTO/ Njihuni me 10 njerëzit më të pasur në botë, sipas Forbes appeared first on Albeu.com.

Gazetari Artan Hoxha, ka treguar sonte në “Më lër të flas”, disa ide të ndryshme se si mund të pastrohen paratë në Shqipëri, por edhe më gjerë.

Ai tha se një mënyrë për të pastruar para është të organizosh një koncert dhe të thuash se biletat kishin një kosto shumë të lartë, dhe në këtë mënyrë do të rezultojnë fitime marramendëse.

“Ftoni tek emisioni tjetër Fevziun, thoni që e ka koston shumë të lartë për të ardhur dhe e faturoj që e ka koston 500 mijë euro për të ardhur në emision dhe kështu pastrohen paratë. Bëni një koncert dhe pastroni më shumë, thoni se kushton 5 mijë euro bileta. Hap një kompani kateringu byrekët i bën plaka, miellin ta sjellin kristal, lumi i Vlorës bën hithra super cilësi e mirë, ca do më.”-tha Hoxha

The post Si dhe ku i pastrojnë lekët të fortët e Shqipërisë? Artan Hoxha e thotë troç appeared first on Albeu.com.

Ndonëse shumë persona janë përballur me varfëri, numri i milionerëve është rritur për 5.2 milionë, në 56.1 milionë në nivel global, ka thënë kompania për investime Credit Suisse.

Më 2020, më shumë se 1 për qind e të rriturve në botë kanë qenë milionerë për herë të parë.

Rritja e çmimeve të aksioneve dhe rritja e çmimeve të pronave shtëpiake, ka ndikuar në rritjen e vlerës së pasurisë.

Anthony Shorrocks, ekonomist dhe autor i Raportit për Pasuri Globale, ka thënë se pandemia ka pasur “ndikim afatshkurtër në tregjet globale”, mirëpo ka shtuar se ky trend është përmbysur “në fund të qershorit të vitit 2020”.

“Pasuria globale jo vetëm që ka mbetur stabile në këtë trazirë, mirëpo në fakt është rritur shpejt në gjysmën e dytë të vitit”, ka thënë ai.

Pasuria globale në total është rritur për 7.4 për qind, ka thënë raporti.

Prej fillimit të shekullit 21, numri i personave me pasuri ndërmjet 10,000 dollarë deri në 100,000 dollarë, është më shumë se trefishuar, përkatësisht nga 507 milionë më 2000, në 1.7 miliard në mesin e vitit 2020./REL

The post Jo vetëm dëme ekonomike, mbi 5 milion persona u bënë milionerë gjatë pandemisë appeared first on Albeu.com.