Në kuadër të operacionit ‘Shady snake’, u arrestuan shtetasit R. J., 25-vjeç, B. M., 36-vjeç, M. F., 38-vjeç, K. B., 30-vjeç, dhe Q. Sh., 42-vjeç, të gjithë banues në Tiranë.

Gjatë kontrolleve të ushtruara në disa subjekte të vëna në dispozicion për organizimin e lojërave të fatit, u konstatuan këta shtetas, në celularët e të cilëve shërbimet e Policisë gjetën faqe dhe linqe që shërbenin për vënien e basteve sportive.

Gjatë operacionit u sekuestruan në cilësinë e provës materiale, 7 celularë që shërbenin për këtë veprimtari të paligjshme.

Materialet procedurale i kaluan Prokurorisë, për veprime të mëtejshme.

The post Tiranë/ Organizonin lojëra fati në mënyrë të paligjshme, vihen në pranga pesë persona appeared first on Albeu.com.

Joe Biden ka kritikuar “pretendimet e rreme të aneksimit” të Moskës dhe u zotua të mbledhë komunitetin ndërkombëtar për ta mbajtur Rusinë përgjegjëse.

Një deklaratë nga presidenti amerikan u lëshua pasi u njoftuan sanksione të tjera kundër regjimit të Vladimir Putin.

Presidenti Biden tha: “Mos bëni gabim, këto veprime nuk kanë legjitimitet.

Shtetet e Bashkuara do të respektojnë gjithmonë kufijtë e Ukrainës të njohur ndërkombëtarisht.

Ne do të vazhdojmë të mbështesim përpjekjet e Ukrainës për të rimarrë kontrollin e territorit të saj duke forcuar dorën e saj ushtarakisht dhe diplomatikisht, duke përfshirë edhe ndihmën shtesë prej 1.1 miliardë dollarësh për sigurinë që Shtetet e Bashkuara njoftuan këtë javë.”

Presidenti Biden tha se Shtetet e Bashkuara nuk do të jenë të dekurajuara në ofrimin e armëve për Ukrainën.

“Unë u bëj thirrje të gjithë anëtarëve të bashkësisë ndërkombëtare të refuzojnë përpjekjet e paligjshme të Rusisë për aneksim dhe të qëndrojnë me popullin e Ukrainës për aq kohë sa duhet.”

The post Aneksimi i 4 rajoneve të Ukrainës, reagon Biden: Pretendimet e Moskës janë të rreme dhe nuk kanë legjitimitet appeared first on Albeu.com.