Sipas të dhënave të Eurostat, gjatë vitit 2024, 18,697 fëmijë shqiptarë nën moshën 18-vjeç morën leje të para qëndrimi në një nga vendet e BE-së, duke e pozicionuar Shqipërinë në vendin e tretë në Europë për këtë kategori pas Ukrainës dhe Bjellorusisë.

Migracioni i të miturve shqiptarë drejt BE-së, është i përqendruar pothuajse tërësisht në tre shtete:

Itali – 8,254 leje (44.1%)

Greqi – 4,877 leje (26.1%)

Gjermani – 4,165 leje (22.3%)

Vendet e tjera të BE-së – vetëm 1,401 leje (7.5%)

Të dhënat e Eurostat, tregojnë se arsyeja dominuese për lëshimin e lejeve të para qëndrimi për të mitur në BE mbetet bashkimi familjar, ç`ka lidhet ngushtë me komunitetet e mëdha shqiptare në Itali dhe Greqi.

Këto dy vende kanë qenë tradicionalisht destinacione kryesore të emigracionit shqiptar që prej viteve ’90, duke vijuar të tërheqin valë të reja të migrimit familjar.

Ndërkohë, Gjermania është shndërruar në vitet e fundit në një destinacion të rëndësishëm si për punësimin e të rriturve, ashtu edhe për vendosjen e familjeve të reja.

Në Europë

Në vitin 2024, vendet e BE-së lëshuan 540,445 leje të para qëndrimi për qytetarë jo-BE nën moshën 18 vjeç.

Prej tyre, 356,554 leje (66%) u dhanë për arsye të lidhura me bashkimin dhe formimin e familjes. 160,618 leje (30%) u lëshuan për arsye të tjera, përfshirë mbrojtjen ndërkombëtare, ndërsa 21,179 (4%) u dhanë për arsye të lidhura me arsimin.

Shtetet që lëshuan numrin më të lartë të lejeve për të mitur ishin Gjermania me 138,692 leje (26% e totalit të BE-së), e ndjekur nga Spanja me 107,828 leje (20%) dhe Italia me 60,125 leje (11%).

Në terma relativë, raporti i lejeve të para për çdo 100,000 banorë nën 18 vjeç ishte më i lartë në Maltë (3,379), Qipro (2,584) dhe Luksemburg (1,861). Në Letoni, Kroaci, Estoni, Bullgari dhe Rumani ky raport ishte nën 200 për 100,000 fëmijë.

Duhet theksuar se Franca, e cila ka vlerën më të ulët prej vetëm 17 leje për 100,000 të mitur, zakonisht nuk lëshon leje qëndrimi për fëmijë.

Duke parë shtetësinë e të miturve që morën leje të para qëndrimi në BE për të gjitha arsyet, 37% ishin shtetas të vendeve aziatike, 27% europianë jo-BE, 21% nga vendet afrikane, 11% nga Karaibet, Amerika Qendrore dhe Amerika e Jugut, ndërsa 2% ishin shtetas të Amerikës së Veriut.

Siria përbënte 12% të totalit të lejeve të para të lëshuara për të mitur në BE, e ndjekur nga Maroku me 7% dhe Ukraina me 6%./ Monitor

The post Lejet e qëndrimit për të mitur në BE: Shqiptarët të tretët në Europë, gati gjysma e rasteve në Itali appeared first on Albeu.com.

“Raportohet se pas një mosmarrëveshje katër të dyshuar, të mitur meshkuj kosovarë janë rrahur mes veti, ku njëri nga viktimat ka pësuar lëndime të rënda trupore nga therja me thikë. Të lënduarit kanë pranuar tretman mjekësorë”, thuhet në raport.

Më tej bëhet me dije se një nga të miturit është arrestuar ndërsa dy të tjerë janë lënë të lirë.

The post 4 të mitur përleshen në Kosovë, njëri prej tyre pl*goset appeared first on Albeu.com.

Denoncimi është bërë nga 41-vjeçari me iniciale S. T., ditën e djeshme.

Ndërsa policia po punon për gjetjen e 25-vjeçares me iniciale K. T., dhe dy fëmijëve të denoncuar të zhdukur.

“Më datë 06.06.2025, shtetasi S. T., 41 vjeç, kallëzon se i është larguar nga banesa bashkëshortja e tij shtetasen K. T., 25 vjeçe, e cila ka marrë me vete dhe dy fëmijët e tyre. Punohet për gjetjen e tyre”, njoftoi policia.

The post Gruaja merr dy fëmijët e mitur dhe largohet nga banesa, 41-vjeçari ngre alarmin appeared first on Albeu.com.

Psikologia Krisalda Sauli rendit një sërë faktorësh që ndikojnë në përfshirjen e të miturve në aktivitete të paligjshme, duke vënë theksin kryesisht te mungesa e komunikimit në familje.

Psikologia Sauli pohon se grupmosha më delikate është 13- 18 vjeç, ndërsa procesin e riintegrimit në shoqëri e sheh si tepër të vështirë, duke iu referuar edhe rasteve konkrete të ndjekura nga vetë ajo.

Ndërkohë në statistikat e Policisë Fier për vitin 2024 për përfshirjen e të miturve në veprimtari të paligjshme kryeson drejtimi i mjetit në mënyrë të parregullt dhe pa leje drejtimi me 44 raste, por shqetësuese mbeten edhe të dhënat e përfshirjes së adoleshentëve në krime kundër shëndetit, pasurisë dhe narkotikëve.

The post Fier/ 100 të mitur në pranga vetëm për 2024! Psikologia: Problem, mungesa e komunikimit në familje appeared first on Albeu.com.

Nga konflikti është dëmtuar lehtë me gur njëri prej tyre, i cili po merr mjekim në spital pa probleme për jetën.

12-vjeçari tjetër, së bashku me prindin, është shoqëruar në Komisariat.

Grupi hetimor po punon për sqarimin e rrethanave të rastit.

The post Tjetër sherr mes të miturve, përfundon në spital 12-vjeçari në Korçë appeared first on Albeu.com.

Në Prishtinë, dyshohet se një e mitur është dhunuar nga pesë persona. Policia e Kosovës thotë se po kryhen hetime: “Policia e Kosovës në bashkëpunim me prokurorinë kompetente është duke bërë hetime intensive. Me vendim të prokurorit viktima femër kosovare është dërguar për ekzaminim mjekësor.”

Nga raportimet e deritanishme mësohet se të dyshuarit ende nuk janë identifikuar. Rasti tjetër është shënuar në qytetin e Pejës, dyshohet se një nëntë vjeçare është përdhunuar nga një 26 vjeçar.

“Dyshohet se është kryer vepra penale e “dhunimit” ndaj një të miture me ç’rast personi i dyshuar është arrestuar dhe prokurori i rastit brenda afatit ligjor ka bërë kërkesë për caktimin e masës së paraburgimi. Viktimës i është dhënë mbrojtja e nevojshme, përfshirë mbrojtësin e viktimave, psikologun, prokurorin e shtetit dhe zyrtarët policor, gjithashtu viktima do të dërgohet për ekzaminim mjekësor. Lidhur me këtë çështje kemi mbledhur prova që janë duke u analizuar dhe do të shërbejnë në procedurë penale”, ka thënë zëdhënësi i prokurorisë së Pejës, Shkodran Nikçi.

Lidhur me rastet e përdhunimit ka reaguar edhe Rrjeti i Grupit të Grave në Kosovë që kërkojnë hetim të menjëhershëm nga ana e institucioneve.

“Nuk duhet të lejojmë assesi që dhuna të normalizohet, prandaj, kërkojmë edhe një herë me ngulm nga institucionet përgjegjëse t’i hetojnë rastet me prioritet dhe me seriozitetin më të lartë, ndërsa përgjegjësit, të marrin dënimet e merituara”.

The post E rëndë në Kosovë! Përdhunohen dy të mitura brenda një dite appeared first on Albeu.com.

Mes të vrarëve të tragjedisë raportohej se ishin një vëlla e motër me moshë respektivisht 6 e 16 vjeç. Tridhjetë e shtatë pasagjerë të autobusit që shkonte drejt Meksikës, u dërguan në spitalet e  qytezave Vicksburg e Jackson me plagë të ndryshme, njoftonte policia e Mississippi.
Autobusi tip Volvo i vitit 2018 u përmbys jashtë autostradës pranë Bovina. “Është tragjike në një situatë të tillë me shumë të vdekur e të plagosur,” tha sherifi vendas Martin Pace për rrjetin CNN.

Autobusi i përkiste linjave Autobuses Regiomontanos, të cilat transportojnë pasagjerë mes Meksikës e SHBA. Nuk është ende e qartë nga cili qytetet mjeti ishte nisur, por disa nga pasagjerët kishin pasaporta meksikane.

“Pasagjerët kalojnë kontrollet përkatëse të emigracionit duke treguar pasaportat ose vizat për të hyrë në Meksikë ose në Shtetet e Bashkuara. Disa prej tyre kishin dokumente meksikane”, tha kreu i patrullave të Mississippi, Kervin Stewart.

Shoferi i mjetit tërheqës Keith Allison tha për rrjetin vendas WAPT se autobusi kishte ndaluar në një pellg dhe disa pasagjerë kishin përfunduar jashtë mjetit, shkruan CNN. Rrjeti NTSB tha se autobusi kishte pësuar një shpuarje gome por shkaku i aksidentit tragjik është ende nën hetim.

The post Dy të mitur mes 7 viktimave të përmbysjes të autobusit në autostradën e SHBA appeared first on Albeu.com.

Zëdhënësi i Policisë për rajonin e Gjakovës, Sheremet Elezaj ka deklaruar se të përfshirë në konflikt kanë qenë tre persona të moshës 13-vjeçare.

Regjistrimi i popullsisë në Kosovë, Agjencia e Statistikave: Ka kërkesë për shtyerjen e procesit

“Dyshohet se janë lënduar me mjete të forta”, tha ai, duke treguar se pas marrjes së ndihmës shëndetësore ata kanë dalë nga spitali. “Rasti është duke u hetuar”, përfundoi ai.

The post Për*gjaken adoleshentët në Kosovë, të miturit u lënduan në kokë e fytyrë me mjete të forta në ambientet e shkollës appeared first on Albeu.com.

Dy projektligje të deputetëve socialist Erion Braçe dhe Etilda Gjonaj, synojnë të ashpërsojnë masat ndëshkuese për shkelësit e ligjit, të cilët u shesin ose ofrojnë duhan të rinjve nën 18-vjeç.

Konkretisht në Kodin Penal propozohet të shtohet një nen 288/c, ku përcaktohet se ata persona që tregtojnë këto produkte tek të rinjtë nën 18 vjeç që janë ndëshkuar më parë do të gjobiten nga 100-300 mijë lekë ose burg deri në 6 muaj. Në rast të përsëritjes së shkeljes, gjoba do të jetë 300-500 mijë ose burg nga 6 muaj deri në 1 vit.

Kur si pasojë e kryerjes së veprës penale të parashikuar në paragrafin e parë dhe të dytë të këtij neni, ka ardhur si pasojë dëmtimi i rënde i shëndetit të të miturit, dënimi është nga 4 deri në 8 vjet burgim. Ndërsa në rastet kur shkaktohet vdekje prej këtyre produkteve, dënimi – thuhet në projektligj – do të jetë 8 deri ne 16 vjet burgim.

Në relacion theksohet se këto masa shtrënguese propozohen për shkak se përdorimi i duhanit, cigareve elektronike apo produkteve të tjera të duhanit nga fëmijët e të rinjtë është në rritje vitet e fundit.

“Vitet e fundit ka pasur një rritje alarmante te përdorimit te duhanit dhe produkteve te duhanit tek fëmijët dhe te rinjtë. Konsumimi i nikotinës tek fëmijët dhe adoleshentet ka ndikime negative ne zhvillimin e tyre. Ajo sjell pasoja negative afatgjata për zhvillimin e trurit dhe mund te shkaktoje çrregullime ne te mësuarin dhe gjithashtu shkakton ankth. Po ashtu edhe ekspozimi i drejtpërdrejtë apo aksidental i fëmijëve ndaj lëngjeve qe cigaret elektronike përmbajnë, paraqet rrezik serioz për ta, pasi pajisjet mund te rrjedhin dhe fëmijët mund te gëlltisin lëngun, i cili është helmues”, thuhet në relacion.

Projektligji i dytë i propozuar parashikon rishikimin e disa neneve të ligjit “Për mbrojtjen e Shëndetit Nga Produktet E Duhanit”. Deputetët propozojnë që për personat nën 18 vjeç të jetë e ndaluar shitja jo vetëm e duhanit, por edhe e cigareve elektronike, shishave, nargjileve dhe produkteve të tjera të përcaktuara në nenin 3 të këtij ligji.

Po ashtu propozohet të ndalohet ofrimi falas apo shitja me ofertë e këtyre produkteve, si dhe në të gjitha pikat e shitjes duhet të vendoset në një vend të dukshëm tabela ku të shkruhet: “Ndalohet shitja e produkteve te duhanit, cigareve elektronike, shishave/nargjileve personave nen 18 vjeç”.

Nëse këto rregulla nuk zbatohen, parashikohen gjoba dyfish më të larta. Nga 100 mijë lekë që është gjoba aktualisht bashkë me konfiskim të produkteve të duhanit, në projektligj propozohet që përpos konfiskimit të produkteve gjoba të arrijë deri në 500 mijë lekë, dhe kur cigaret elektronike i janë shitur një të mituri nën 15 vjeç, gjoba do jetë dyfish më e lartë.

Neni 20, shkronja b) ndryshohet si vijon:

1. b) Shkelja e nenit 9 dënohet me:

– konfiskim te produkteve te duhanit, cigareve, cigareve elektronike, dhe për te gjitha produktet e parashikuara ne nenin 3 “Përkufizime” te këtij ligji, dhe gjobe 200.000 leke për subjektin shitës me shumice apo pakice apo subjektit qe e ofron falas sipas kushteve te nenit 9.1 dhe nenit I 0;

-500.000 leke gjobe kur kjo shkelje përsëritet nga subjekti sipas kushteve te nenit 9 dhe nenit 10;

-Dyfishim te gjobës se parashikuar ne piken (i) ne rastin e shitjes ose ofrimit te cigareve elektronike nen moshën 15 vjet.

Në projektligj thuhet se do ndalohet reklamimi në median e shkruar dhe atë televizive jo vetëm i duhanit por edhe i të gjitha produkteve të tjera. Kohët e fundit është ekspozuar ndjeshëm nëpër programe televizive, konsumi i produkteve të duhanit apo cigaret elektronike.

Shkaku kryesor i ashpërsimit të këtyre ligjeve thonë deputetët është fakti që konsumi i këtyre produkteve është kthyer në burimin kryesor të sëmundshmërisë dhe vdekshmërisë në vend.

“Prevalenca e duhanpirjes ngelet ende e larte në vendin tonë dhe është e rëndësishme të reduktohet në mënyrë që të ulet numri personave me sëmundje kronike”, thuhet në relacionin e projektligjit “Për mbrojtjen e Shëndetit Nga Produktet E Duhanit”.

The post DRAFTI/ Kush u shet cigare të miturve burg deri 8 vite! Dënohen me 16 vite nëse shitja e paligjshme sjell vdekje appeared first on Albeu.com.

Policia ka bërë me dije se bëhet fjalë për një 13-vjeçare nga Bullgaria, e cila ka mbetur shtatzënë nga vëllai i saj 15-vjeçar.

Madje, dy fëmijët kanë deklaruar  në polici se çdo gjë është bërë me pëlqimin e të dyve dhe kanë shtuar se janë të dashuruar.

Por, sipas ligjit, në këtë rast kemi të bëjmë me incest, dhe tashmë do të jenë autoritetet që do të veprojnë.

Lajm në përditësim…

The post E rëndë në Greqi/ 13-vjeçarja mbetet shtatzënë nga vëllai i saj, të miturit para efektivëve: Jemi të dashuruar appeared first on Albeu.com.