I riu, i identifikuar me inicialet K.R., ndodhej në varkë së bashku me dy persona të tjerë. Shkaqet që e shtynë të hidhej në liqen nuk janë bërë ende të ditura. Megjithëse ra në ujë, ai nuk arriti të dilte në sipërfaqe dhe u mbyt.

Autoritetet kanë nisur hetimet për të sqaruar rrethanat e plota të ngjarjes. Në vijim pritet të merren edhe deklarimet e dy personave që ndodheshin me viktimën në momentin e incidentit.

The post Tragjedi në liqenin e Pogradecit, mbytet 30-vjeçari pasi u hodh nga varka appeared first on Albeu.com.

Gjatë një interviste për RTS, kreu i shtetit serb deklaroi se çështja e Ibrit i përket vetëm Serbisë.

“Kjo është çështja jonë e brendshme. Nuk e di çfarë lidhje ka Ibri me Shqipërinë”, u shpreh Vuçiç.

Duke iu referuar situatës në afërsi të fshatit Ribariçit, ai bëri të ditur se autoritetet do ta shqyrtojnë rastin për të sqaruar se për çfarë bëhet fjalë.

Qëndrimi i Vuçiçit pason reagimin e palës shqiptare në Kosovë ndaj ideve për ndërhyrje ose zhvendosje të rrjedhës së lumit Ibër. Kjo e fundit ka paralajmëruar se çështja do të adresohet në Bruksel.

Presidenti serb akuzoi gjithashtu autoritetet në Kosovë se po ushtrojnë presion dhe po keqtrajtojnë serbët.

“Ata duhet ta bëjnë këtë për të mbuluar të gjitha krimet e tyre kundër popullit serb, arrestimet, keqtrajtimet, ngacmimet e serbëve, shembjen e shtëpive dhe rrahjen e serbëve vetëm sepse janë serbë”, deklaroi ai.

Në të njëjtën intervistë, Vuçiç u ndal edhe te vizita e presidentit ukrainas në Serbi, të cilën e vlerësoi si të dobishme për interesat e vendit.

The post Vuçiç u përgjigjet reagimeve nga Tirana dhe Prishtina: Ibri është çështje e brendshme e Serbisë appeared first on Albeu.com.

Lleshaj shprehet se protestat kanë nxjerrë në pah nevojën për një ndryshim të thellë të sistemit dhe kërkon hartimin e një ligji të ri për partitë politike. Sipas tij, modeli aktual i qeverisjes dhe i funksionimit të demokracisë shqiptare duhet rishikuar nga themeli.

Ish-ministri socialist i përcjell një mesazh të drejtpërdrejtë kryeministrit Edi Rama, duke theksuar se dorëheqja nuk duhet parë si dramë, por si një vendim që mund të merret kur “koha është pjekur”.

Sa i takon çështjes së Belinda Ballukut, Lleshaj thekson se drejtësia nuk mund të funksionojë vetëm nëse dikush vendos të dorëzohet apo të dorëzojë një person tjetër.

Zoti Lleshaj, si e komentoni valën e protestave qytetare që kërkojnë dorëheqjen e kryeministrit Edi Rama? Çfarë mendoni se i ka nxitur shqiptarët të dalin sërish në rrugë?

Protestat kanë sjellë një lëvizje të re dhe të domosdoshme në jetën publike të vendit, pas një periudhe të gjatë plogështie politike dhe shoqërore. Përmasat e tyre dëshmohen edhe nga jehona e gjerë që kanë marrë në arenën ndërkombëtare.

Ndërsa në vendet demokratike parlamenti është hapësira ku veprojnë partitë politike dhe rruga u përket qytetarëve që nuk ndihen të përfaqësuar, Shqipëria e këtyre viteve ka përjetuar të kundërtën. Partitë parlamentare kanë protestuar në rrugë, ndërsa në Kuvend kanë pasur një rol pothuajse periferik.

Këtë herë duket se po ndodh diçka normale: qytetarët janë në rrugë, ndërsa politikanët që paguhen nga taksat e tyre duket se nuk kanë më vend aty. Për më tepër, nuk është e qartë se ku ndodhen sot këta politikanë.

A mund ta përkeqësojë situatën fakti që kërkesat e protestuesve nuk po marrin përgjigje?

Politika duhet të marrë seriozisht edhe protestën e një qytetari të vetëm. Përballë njerëzve që e financojnë me taksat e tyre, ajo duhet të tregojë respekt. Ky respekt nis me dëgjimin, pa komente dhe pa përpjekje për të relativizuar atë që po kërkohet.

Është e vjetëruar përpjekja për t’i delegjitimuar protestuesit duke kërkuar motive të tjera përtej faktit se janë qytetarë që shprehin pakënaqësinë e tyre. Në fund të fundit, qeveria ka përgjegjësi edhe për garantimin e sigurisë së protestës së qytetarëve të vet.

Ajo duhet ta mbrojë protestën edhe nga ndikimet apo infiltrime të mundshme të huaja, për të cilat janë bërë shumë aludime, por pa prova. Edhe gjatë protestave dhe ngjarjeve tragjike të vitit 1997, qeveria e asaj kohe ia atribuonte me lehtësi përgjegjësinë shërbimeve të huaja, sikur të mos kishte detyrimin të mbronte vendin prej tyre.

Në rrethanat e sotme, rruga është vetëm një: protestat duhet të dëgjohen, të kuptohen dhe të mirëkuptohen.

A duhet, sipas jush, Edi Rama të japë dorëheqjen për t’i hapur rrugë një zgjidhjeje politike?

Po të kisha ende komunikim me kryeministrin dhe po të shfaqte vullnet për të marrë një këshillë, ndoshta do t’ia kisha dhënë. Por koha ka sjellë edhe përfundimin e këtij komunikimi. Për këtë arsye, në kushtet e sotme, më takon vetëm heshtja etike dhe profesionale që lidhet me marrëdhënien e dikurshme politike me kryeministrin.

Megjithatë, bindja ime personale është se dorëheqja nuk përbën ndonjë dramë. Ajo mund të jetë një lloj bekimi që njeriu e përjeton kur momenti është pjekur. Këtë ndjesi e kam provuar vetë në vitin 2020, kur lashë detyrën e ministrit të Brendshëm, pasi njëri prej mijëra punonjësve të policisë kreu një krim në mesnatë, gjatë shërbimit në patrullë.

Çdo ditë që ka kaluar prej asaj kohe vetëm ma ka forcuar bindjen se ai vendim ishte një bekim.

Si ish-ministër i Brendshëm, si e vlerësoni mënyrën se si shteti po administron protestat e mëdha qytetare, veçanërisht në kushtet kur janë shënuar edhe raste dhune ndaj protestuesve?

Dikur, në një intervistë, më pyetën se si do të sillej policia nëse populli do të sulmonte qendrat e votimit gjatë ditës së zgjedhjeve. Përgjigjja ime ishte se policia nuk do të bënte asgjë, sepse nuk e ka mision të pengojë popullin të shprehë vullnetin e tij, cilido qoftë ai.

Kjo është edhe përgjigjja ime sot. Misioni i policisë është të garantojë zhvillimin normal të protestave. Në të njëjtën kohë, ajo duhet të përballet me krimin dhe çdo shkelje të ligjit, gjithmonë duke respektuar parimin e proporcionalitetit dhe të vetëpërmbajtjes.

Unë e kam përmbledhur këtë qasje në atë që e quaj parimi 110. Ai nënkupton se policia duhet të reagojë një hap në kohë më vonë ndaj veprimeve të dhunshme, një nivel force më poshtë se ai me të cilin përballet dhe se bilanci i ndërhyrjes policore duhet të jetë zero viktima.

Kjo është e gjithë strategjia: 110. Policia është e qytetarëve përpara se të jetë e shtetit. Më vjen keq që nuk pata mundësi të çoja deri në fund një nismë që kisha menduar dikur për ndryshimin e emrit të saj, nga “Policia e Shtetit” në “Policia Shqiptare”. Një polici që historikisht ka qenë vetëm e shtetit duhet të shndërrohet gjithnjë e më shumë në një polici të qytetarëve.

Protestuesit kërkojnë transformimin e sistemit, largimin e klasës së vjetër politike dhe ndërtimin e një Shqipërie të re, që duhet të drejtohet nga të rinjtë. Si e shihni këtë kërkesë?

Protestat kanë nxjerrë në pah problemin më themelor të Shqipërisë: konsumimin e plotë të klasës politike të trashëguar nga Partia e Punës së Shqipërisë, në formën e partive bija që ajo krijoi në fundin e ekzistencës së saj.

Ky është në të vërtetë problemi i parë dhe i fundit me të cilin duhet të merret vendi. Por, në vend që të përqendrohej te kjo çështje, protesta është shtrirë në një numër kaq të madh temash dhe propozimesh, saqë ka arritur në nivelin e kakofonisë.

Para ligjeve për investimet strategjike, zonat e mbrojtura, zgjedhjet dhe çështje të tjera të ngjashme, Shqipëria duhet të ndryshojë sistemin politik që ka prodhuar anomalitë e këtyre dekadave.

Protesta duket se po ndjek shumë objektiva njëkohësisht dhe dihet se çfarë rezultati sjell përpjekja për të goditur dy objektiva me një gur. Në bazë të legjislacionit të ndërtuar gjatë tri dekadave, Shqipëria është, de jure dhe de facto, peng i partive politike, ose më keq akoma, peng i kryetarëve të tyre.

Këta kryetarë kanë të drejtë ligjore të përcaktojnë vetë listat e kandidatëve për të cilët qytetarët shqiptarë duhet të votojnë. Si pasojë, Kuvendi është mbushur me persona të emëruar nga drejtuesit e partive parlamentare.

Kjo situatë është më shumë se alarmante. Nëse parlamenti nuk mbrohet si tempulli i demokracisë, nuk mund të mbrohet asgjë tjetër: as lagunat si “tempull” i flamingove, as pasuritë natyrore dhe as pronat publike.

Nëse protesta do të arrinte të sillte një përfitim real për shoqërinë, ai do të ishte imponimi i një ligji të ri për partitë politike. Ky ligj duhet t’u heqë atyre ekskluzivitetin e përfaqësimit dhe të vendosë standarde ligjore për zgjedhjen demokratike të kryetarëve, forumeve dhe, mbi të gjitha, të kandidatëve që partitë paraqesin në zgjedhje, ashtu siç ndodh në Europën që synojmë.

Për sa kohë qytetarët shqiptarë nuk mund ta ushtrojnë të drejtën kushtetuese për t’u zgjedhur dhe për të zgjedhur pa qenë të varur nga vullneti i kryetarëve të partive politike, demokracia në Shqipëri do të mbetet vetëm një shprehje propagandistike.

Sa i përket idesë së “pushtetit të të rinjve”, do të thosha se kemi të bëjmë me një klishe që, edhe pse tingëllon bukur, mund të jetë e rrezikshme. Është e ngjashme me klisheen se gratë janë të pakorruptueshme.

Të rinjtë kanë padyshim të drejtë dhe detyrë të marrin pjesë në ndërtimin e së ardhmes së vendit, e cila është edhe e ardhmja e tyre. Por kjo nuk justifikon asnjë lloj diskriminimi mbi bazën e moshës.

Çështja nuk shtrohet si një zgjedhje mes largimit të të vjetërve dhe ardhjes së të rinjve. Në administratën shtetërore dhe në sektorin privat, njerëzit duhet të angazhohen në përputhje me aftësitë dhe kapacitetet e tyre.

Dituria dhe përvoja e “të vjetërve” nuk mund të përjashtohen vetëm për t’i hapur rrugë energjisë së “të rinjve”. Të dyja këto cilësi duhet të ndërthuren për të arritur rezultatin më të mirë.

Pas sloganeve për promovimin e të “rinjve” dhe të “grave” fshihet shpesh rreziku i keqpërdorimit të tyre. Në raste të caktuara, pikërisht mungesa e kualifikimit dhe e përvojës bëhet pika e dobët ku nisin dështimi dhe korrupsioni.

A nuk e kemi kuptuar ende se eksperimentet në këtë drejtim na kanë turpëruar në tryezat ndërkombëtare? Në jo pak raste, zyrtarë të rinj, të kuruar në pamje, por pa dije dhe përvojë të mjaftueshme, kanë lënë përshtypje shumë të keqe përballë zyrtarëve ndërkombëtarë me eksperiencë në çështjet e shtetit.

A nuk kemi kuptuar se në dështimet e shumta të këtyre dekadave ka edhe gjurmën e shumë të rinjve të promovuar vetëm për shkak të moshës, të cilët dështuan pikërisht për këtë arsye? Shqipëria ka në parlament dhe në të gjitha zyrat e shtetit një numër jashtëzakonisht të madh të rinjsh, krahasuar me vendet e tjera, por kjo nuk e ka ndihmuar vendin.

Të rinjtë duhet të kenë çdo hapësirë dhe mundësi për të treguar talentin e energjinë e tyre. Por vendosja e tyre me shpejtësi në poste që normalisht kërkojnë përvojë është e dëmshme për të gjithë.

Ndoshta do të ishte e dobishme të kuptonim domethënien e fjalës “senior” në anglisht, e cila përdoret për të përcaktuar shumë poste të larta në ekonomi, administratë dhe politikë.

Një nga kërkesat e protestuesve është edhe krijimi i një qeverie teknike me mandat njëvjeçar. Çfarë mendoni për këtë propozim?

Ky është një tjetër element që e shton kakofoninë e protestës. Një qeveri teknike do të ishte thjesht humbje kohe dhe mënyra më e mirë për ta mbyllur pa rezultat vetë protestën.

Shqipëria ka nevojë për ndryshimin rrënjësor politik që përmenda më parë: për një ligj të ri për partitë politike. Nëse kjo nuk ndodh, një qeveri teknike vetëm do t’u krijonte mundësinë kryetarëve të partive të katapultojnë në parlamentin e ardhshëm të njëjtët kamikazë politikë dhe të ndërtojnë një kopje të parlamentit aktual.

Vendi nuk ka nevojë për një cikël tjetër politik me aktorë të rinj, por për ndryshimin themelor të sistemit që prodhon parlamentin shqiptar.

Protestuesit kërkojnë edhe heqjen e imunitetit të Belinda Ballukut dhe arrestimin e saj. Përse, sipas jush, Drejtësia nuk po vepron ndaj ish-zv.kryeministres? A është bindës argumenti se PS-ja nuk po e dorëzon?

Drejtësia nuk duhet të varet nga vullneti i dikujt për të dorëzuar një person apo për t’iu dorëzuar një procesi. Nëse dorëzimi ose vetëdorëzimi janë kushte paraprake për funksionimin e drejtësisë, atëherë duket se drejtësia mungon.

A mendoni se SPAK po përdor të njëjtin standard ndaj të gjithë zyrtarëve të lartë? Çfarë do të përcillte hetimi i çdo zyrtari për të cilin ekzistojnë prova ose indicie të mjaftueshme?

Mendoj se pritshmëritë e publikut ndaj SPAK-ut janë shndërruar në një formë naiviteti dhe iluzioni të madh. SPAK-u ka detyrimin të çojë përpara drejtësisë personat që shkelin ligjin, por nuk mund të presim prej tij zgjidhjen e problemeve themelore që lidhen me mungesën e legjitimitetit demokratik të institucioneve më të larta se vetë SPAK-u.

SPAK-u nuk mund t’i japë legjitimitet apo kredibilitet një parlamenti të diskredituar. Nga ky parlament, në rastin më të mirë, dalin anekdota dhe histori qesharake për vendin, ndërsa në rastin më të keq miratohen ligje që dëmtojnë interesin publik.

Pa një parlament dinjitoz, i cili zgjidhet nga shqiptarët dhe jo nga kryetarët e partive, nuk do të mjaftonte as SPAK-u dhe as krijimi i njëmijë strukturave të tjera. Gjërat do të vazhdonin të ndiqnin të njëjtën rrjedhë.

Vijon nesër…

The post INTERVISTA/ Sandër Lleshaj mbështet protestuesit dhe i drejtohet Ramës: Dorëheqja nuk është tragjedi, momenti është matur! Për Ballukun: Drejtësia nuk mund të presë vullnetin e dikujt appeared first on Albeu.com.

Disa prej mbishkrimeve evidentonin vijimësinë e lëvizjes, ndërsa të tjerat ironizonin hapur deklaratat më të fundit të kryeministrit, duke nënvizuar se e vërteta nuk zhbëhet.

Një nga pankartat më të spikatura ishte ajo që përmbante foton e Edi Ramës dhe dokumentin e tij të quajtur “BESA”, shoqëruar me mbishkrimin: “Nuk jemi pjesë e librit tuaj. Jemi pjesë e historisë sonë”. Ky mesazh ishte një përgjigje ironike ndaj prezantimit që i bëri Rama këtij shkrimi, duke e cilësuar si një reflektim dhe një angazhim të përtërirë qeverisës.

Gjatë tubimit u panë edhe pankarta të tjera me tekste si: “59, Historia vazhdon.”, “59 ditë. Çdo ditë në rrugë. Çdo ditë në anën e duhur të historisë.”, “59 ditë. Historia u përket atyre që dalin në shesh” dhe “Asnjë algoritëm nuk mund ta fshijë realitetin.”

The post Protesta e 59-të antiqeveritare: “Historia i takon atij që del në shesh”, mesazhet ironike për Ramën dhe dokumentin “BESA” appeared first on Albeu.com.

Sipas raportimeve të mediave greke, policia kishte ndërmarrë veprime të posaçme kundër futjes dhe shpërndarjes së lëndëve narkotike në vend. Pas shfrytëzimit të informacioneve të siguruara, efektivët identifikuan në një zonë të Follorinës një automjet privat që drejtohej nga 68-vjeçari.

Kontrolli në makinë zbuloi 2 çanta udhëtimi dhe 1 thes, brenda të cilëve ndodheshin 50 pako me marijuanë. Lënda narkotike kishte një peshë të përgjithshme bruto prej 55 kg e 422 gramë.

Gjatë operacionit, policia konfiskoi gjithashtu 3 telefona celularë.

The post FOTO/ Kapet 68-vjeçari shqiptar me 55 kg drogë në makinë pranë kufirit greko-shqiptar, pakot ishin vendosur në çanta dhe thes appeared first on Albeu.com.

Në dokumentin e datës 23 qershor, të përcjellë në Kuvend, Avokatura vinte në dukje se megjithë rekomandimet e Strasburgut, Gjykata Kushtetuese nuk kishte mbajtur asnjë qëndrim zyrtar. Si pasojë, GJEDNJ kishte vijuar të gjente shkelje në lidhje me të drejtën e aksesit në gjykatën kushtetuese dhe mënyrën e llogaritjes së afatit për ankimin individual.

Në përgjigjen e saj, Gjykata Kushtetuese sqaron që në krye se aktiviteti i saj nuk udhëhiqet nga sugjerimet e Avokaturës apo ndonjë organi tjetër shtetëror. Ajo nënvizon se baza ligjore për zbatimin e praktikës së GJEDNJ-së është ekskluzivisht Kushtetuta, përkatësisht nenet përkatëse që sanksionojnë këtë detyrim.

“Duke respektuar ndarjen e pushteteve, ndonëse e hapur për bashkërendim institucional, Gjykata nuk aktivizohet nga rekomandimet e institucioneve të tjera publike, përfshirë Avokaturën, dhe as nuk i merr parasysh vendimet e GJEDNJ-së për shkak të njoftimeve të saj. Për Gjykatën, si për çdo organ publik, zbatimi i këtyre vendimeve dhe jurisprudencës buron drejtpërsëdrejti nga nenet 5, 17 dhe 122 të Kushtetutës,” theksohet në deklaratë.

Gjykata sqaron se problematikat e ngritura për të cilat Strasburgu ka konstatuar shkelje lidhen me interpretimin e afatit të ankimit pas reformës kushtetuese të 2016-ës, kur ky afat u reduktua në katër muaj nga dy vjet që ishte më parë. Ajo tregon se pas çështjes “Supergrav kundër Shqipërisë” në 9 maj 2023, praktika e brendshme ndryshoi për t’u harmonizuar me kërkesat e Konventës.

Për çështjet ku GJEDNJ ka vërtetuar shkelje procedurale, Gjykata Kushtetuese konfirmon se ka riçelur proceset me kërkesë të palëve, pa rishikuar çështjet tashmë të gjykuara nga Strasburgu.

“Menjëherë pasi GJEDNJ-ja gjykoi se interpretimi ynë i mëparshëm ishte në kundërshtim me KEDNJ-në, sidomos pas vendimit ‘Supergrav’ të 9 majit 2023, Gjykata ndërroi qasje, duke përputhur zbatimin e ligjit organik me standardet evropiane. Tani, për çdo ankim kushtetues individual, ne kërkojmë zyrtarisht informacion nga Gjykata e Lartë mbi komunikimin e vendimit të ankimuar. Nëse nuk sillen prova zyrtare, barra e provës nuk i transferohet qytetarit dhe ankimi konsiderohet se është depozituar në afat,” sqaron më tej njoftimi.

Sa i përket kritikës mbi arsyetimin e vendimeve, Gjykata Kushtetuese argumenton se raporti i Avokaturës nuk thekson se çështja “Frroku kundër Shqipërisë” u trajtua në një periudhë kur institucioni nuk kishte trupë të plotë gjykuese. Sipas ligjit organik, kur mungon shumica e nevojshme prej 5 gjyqtarësh, kërkesa automatikisht rrëzohet.

Institucioni thekson se, që nga viti 2021, qasja ka evoluar dhe tashmë çdo vendim shoqërohet me arsyetim të plotë, duke përfshirë dhe qëndrimet e ndara të gjyqtarëve, në rastet kur nuk arrihet shumica e duhur, një situatë kjo e ndikuar edhe nga fakti se aktualisht gjykata funksionon me vetëm tetë anëtarë.

Në fund të reagimit të saj, Gjykata Kushtetuese apelon që Avokatura e Shtetit të përgatisë raporte të cilësisë së lartë, të cilat janë të plota dhe të paanshme dhe rikonfirmon përkushtmin e saj për të zbatuar me rigorozitet vendimet e GJEDNJ-së dhe për të mbrojtur të drejtat themelore të individit.

“Avokatura e Shtetit është organi ligjërisht përgjegjës për përfaqësimin dinjitoz, transparent dhe profesional të Shqipërisë në Strasburg. Për të kryer këtë detyrë, ajo duhet domosdoshmërisht të zotërojë informacion të plotë, të përpiktë dhe të përditësuar,” përmbyllet deklarata.

The post Kushtetuesja i përgjigjet Avokaturës së Shtetit: Nuk na vihet në lëvizje nga rekomandimet tuaja, zbatojmë drejtpërdrejt Kushtetutën dhe Strasburgun appeared first on Albeu.com.

Një nga aktivistët theksoi se kjo protestë e ka fituar tashmë betejën e numrave dhe ka dëshmuar qëndrueshmëri.

Ai shtoi se Rama dhe qeveria po gërryen çdo ditë e më shumë, gjë që, sipas tij, pasqyrohet qartë edhe në postimet e tyre në rrjetet sociale.

Aktivisti: Mos u futni në kurthin e atyre që duan ta reduktojnë protestën në një garë numrash. Kjo përballje është fituar prej nesh, sepse kemi organizuar protestat më të mëdha që ka parë ky vend. Nëse dikush mendon se ekziston një tubim më i madh në numra se ky, le ta tregojë. Kjo është luftë qëndrueshmërie. Është rezistencë, sepse qëndrueshmëria jonë këtu prej 41 ditësh po i konsumon këta dita-ditës. Ata ndodhen në një proces të vazhdueshëm gërryerjeje. Mjafton të shihni postimet e tyre të përditshme në rrjete sociale, janë mesazhe paniku, janë postime të dikujt që e ka shpinën pas murit. Dua të them se këta që premtojnë Europën, ndërsa Europën nuk po e sjellin, na akuzojnë si agjentë të Iranit, por në fakt po sillen si Irani. E keni parë që kanë ngritur një polici virtuale morali, me në krye Taulant Ballën, që del e na shpjegon si duhet të jetë një protestues. A mund të na japë moral një qeveri e inkriminuar? Ky kryeministër e nis mëngjesin duke publikuar fletë rruge digjitale. Duhet ta largojmë këtë mendësi komuniste që na ka udhëhequr për më shumë se 36 vite.

The post Aktivisti: Kjo protestë nuk matet me shifra, por me qëndrueshmëri! Rezistenca jonë po e lodh përditë pushtetin dhe po i afrohet fundit! Një qeveri e korruptuar nuk na jep dot leksione morali! appeared first on Albeu.com.

Sipas njoftimit të Prokurorisë së Posaçme, Adi Çoba dyshohet si drejtues i një organizate kriminale që merrej me trafikimin e kokainës në Itali.

Autoriteti bën me dije se operacioni është zhvilluar në bashkëpunim me DIA-n e Barit.

Po ashtu, SPAK njofton se në momentin e prangosjes, Adi Çobës iu gjet me vete një armë zjarri tip pistoletë.

The post SPAK jep hollësi për ndalimin e Adi Çobës në Durrës: Aksioni i BKH u krye në koordinim me DIA-n e Barit, iu sekuestrua edhe një pistoletë appeared first on Albeu.com.

Ai thotë me ironi se i përkrah këto protesta sepse paguhet nga Putini, nga ajatollahët e Iranit, nga Vëllazëria Myslimane, madje edhe pak nga greku. Sipas tij, ai ishte përpjekur të siguronte edhe ndonjë lek.

The post Kim Mehmeti shpjegon pse mbështet protestat në Tiranë appeared first on Albeu.com.

Në një postim të Braçes, Dea Mishel reagoi me ironi duke bërë koment për ngjarjen dhe për sulmin ndaj makinës së deputetit.

“Erion mirëdita, si je? Vinte shumë”

The post Dea Mishel ironizon Erion Braçen pas vezëve ndaj makinës, deputeti i kthen përgjigje appeared first on Albeu.com.