Rezultatet treguan se 24 për qind e shqiptarëve, ishin shumë të shqetësuar pasi nuk ishin në gjendje të përballonin kostot financiare për kujdes mjekësor rutine dhe mjekim.

Ky shqetësim ishte i pranishëm ne një përqindje më të ulët ndër qytetarët e Bosnjës 16%, Kosovës 9%, Maqedonia e Veriut 16%, Mali i 20% dhe Serbia 20%.

Përgjithësisht, qytetarët në Rajon kanë nivele të lartë të pasigurisë financiare për shpenzimet shëndetësore, ku me shumë se gjysma e tyre 53% janë të shqetësuar.

Nivelet e larta të shqetësimit tek qytetarët shqiptarë, lidhen me të ardhurat e ulëta dhe nga ana tjetër me nivelet e ulëta të shpenzimeve publike për rimbursimin e medikamenteve.

Të sëmurët kronikë në vend dhe ato më sëmundje të rralla, paguajnë nga xhepi terapitë pasi ato mungojnë në listat e rimbursimit.

Teksa nevojat për shërbime spitalore po rriten nga plakja e popullsisë dhe rritja e nivelit të sëmundjeve kronike në popullatë, buxheti i shëndetësie në vend që të rritet shkurtohet.

Në ndryshimet e fundit që ju bënë buxhetit të shtetit në dhjetor 2024, fondi i Ministrisë së Shëndetësisë u shkurtua me 2.3 miliardë lekë ose me 3%.

Në vitin 2024, shpenzimet për shëndetësinë sipas ndryshimeve të fundit arritën në 75,9 miliardë lekë nga 77,9 miliardë lekë në aktin e dytë normativ.

Vit pas viti buxheti për shëndetësinë po rritet me ritme më të ulëta se shpenzimet e përgjithshme buxhetore, edhe pse vendi po përballet me nevoja më të mëdha për trajtime mjekësore.

Sipas të dhënave nga Ministria e Financave, shpenzimet buxhetore me 2025 arrijnë në 822 miliardë lekë rreth 8,2 miliardë euro, ndërsa buxheti për Ministrinë e Shëndetësisë është projektuar 80,7 miliardë lekë ose sa 9.8 për qind e shpenzimeve të përgjithshme.

Në 2024 buxheti i Ministrisë së Shëndetësisë, ishte sa 10.1 për qind e shpenzimeve të përgjithshme buxhetore. Në vitin 2021 shpenzimet për shëndetësinë zinin 10.7 % të shpenzimeve totale.

Në vitin 2025 shpenzimet totale nga buxheti do të rriten me 6.7 % ndërsa shpenzimet për shëndetësinë me 3.6 %.

Pavijonet në qendrat spitalore të vendit, aktualisht trajtojnë më së shumti simptomat e lehta të gripit dhe temperaturës, teksa qindra mijëra të tjerë që vuajnë nga sëmundje autoimune dhe neoplazmat orientohen të kurohen jashtë vendit.

Çdo vit miliona euro dalin jashtë vendit për trajtuar sëmundjet e rralla, duke i kushtuar ekonomisë dhe mbi të gjitha shëndetit të popullatës

Prej 10 vitesh fondet në shëndetësi po orientohen shpesh në investime jo-eficiente, teksa rimbursimi i barnave mbetet në vendnumëro dhe investimet në pajisje mbeten të pakta.

Spitalet publike ende nuk kanë “Pet skaner” që indentifikon sëmundjet në faza fillestare, teksa edhe Qendra Universitare e Prishtinës në Kosovë e ka një tillë./ Monitor

The post Shqiptarët më të shqetësuarit në rajon për kostot shëndetësore appeared first on Albeu.com.

Sipas të dhënave të Eurostat që i takojnë vitit 2022, rezulton se Shqipëria kishte numrin më të ulët të studentëve të huaj në Europë me vetëm 1872 të tillë. Vendi ynë, ka renditje shumë më të dobët se edhe vendet e tjera të Rajonit. Në Maqedoninë e Veriut, u numëruan mbi 4700 studentë të huaj, ndërsa në Serbi mbi 11,200 të tillë.

Ndër vendet europiane, Franca, Gjermania dhe Turqia, kryesojnë Europën për numrin e lartë të studentëve të huaj. Në vitin 2022 mbi 263 mijë studentë kishin zgjedhur Universitetet franceze për studime, të ndjekur nga Gjermania me 252 mijë studentë të huaj dhe Turqia me 244 mijë të tillë.

Polonia, Spanja, Italia ishin ndër vendet e tjera me numrin me të lartë e studentëve të huaj me nga rreth 90 mijë secila. Nga vendet e Gadishullit Ballkanit bie në sy Rumania me rreth 38 mijë studentë të huaj.

Të rinjtë kur vendosin të studiojnë në një vend të huaj, nisën nga cilësia arsimore dhe nga kostot ( të tilla si tarifat e studimeve-kostot e jetesës si qiratë dhe ushqimi). Vende të tilla si Gjermania dhe Franca ofrojnë arsim të lartë cilësor dhe tarifa të ulëta, ndërsa vendet e lindjes zakonisht zgjidhen për kostot e ulëta të jetesës.

Shqipëria në krahasim me vendet e tjera të Europës, ofron kosto të ulëta jetese po nuk ka ofertë arsimore të cilësisë së lartë. Universitet shqiptare renditen të fundit në listat e akreditimit dhe vendi duket se nuk po bën hapa para, për të rritur cilësinë edhe për vendasit.

Ekspertët e arsimit sugjerojnë se Shqipëria, duhet të mendojë fillimisht të përmirësojë ofertën e arsimit të lartë, për të frenuar ikjen e të rinjve shqiptarë për të studiuar jashtë vendit.

Të dhëna nga OECD-së, tregojnë se një stok prej rreth 18 mijë studentësh shqiptare ndjekin studimet në universitet jashtë vendit. Megjithatë, Universitetet private në kushtet kur numri i të rinjve po bie me shpejtësi po përpiqen, të ndërtojnë oferta dhe programe mësimore për të huajt. P.sh në Universitetin Zonja e Këshillit të Mirë, ka shumë studentë italianë që ndjekin studimet në Shqipëri, për shkak të kostove më të lira, kundrejt një programi me cilësi të njëjtë me Universitet italiane./Monitor

The post Universitetet shqiptare të fundit në listat e akreditimit/ Eurostat: Shqipëria me numrin më të ulët të studentëve të huaj në Europë appeared first on Albeu.com.

-Në Kiev , trupat ruse kanë arritur në pjesët veriore të qytetit, thotë Ukraina.

-Videoja e postuar në rrjetet sociale tregon mjete të blinduara ruse në kryeqytet.

-Qyteti u përball me një breshëri të vazhdueshme sulmesh ajrore këtë mëngjes, të cilat shpërthyen dritaret nga disa blloqe apartamentesh dhe lanë kratere në rrugët e qytetit.

-Diku tjetër në Ukrainë , një numër i madh civilësh janë në lëvizje, duke ikur nga luftimet dhe avancimi i forcave ruse.

-Hungaria thotë se ka radhë makinash rreth tre deri në pesë kilometra në anën ukrainase të kufirit të tyre.

-Në një ishull në Detin e Zi, 13 roje kufitare refuzuan t’i dorëzoheshin një luftanijeje ruse dhe u vranë.

-Të paktën 25 civilë janë vrarë dhe 102 janë plagosur në sulmet ajrore në të gjithë vendin, thotë OKB.

-Komuniteti ndërkombëtar po reagon ndaj luftës së parë të madhe tokësore në Evropë në dekada.

-Finalja e Ligës së Kampionëve të vitit 2022 do të luhet në Paris pasi Rusia u hoq nga ndeshja pas pushtimit të Ukrainës.

-Rusisë i është hequr edhe gara e Formula 1

-OKB-ja ka dënuar arrestimin e qindra protestuesve kundër luftës në Rusi. Rreth 1800 persona raportohet se janë arrestuar.

-Presidenti ukrainas Volodymyr Zelensky zhvilloi bisedime në mëngjes me Boris Johnson dhe liderë të tjerë botërorë. Kryeministri britanik tha se Mbretëria e Bashkuar ishte “plot admirim” për guximin e forcave të Ukrainës dhe dyshja diskutuan sanksionet ndaj Rusisë.

The post PËRMBLEDHJE/ Zhvillimet e fundit në terren dhe ndërkombëtarisht në Ukrainë appeared first on Albeu.com.