Lëvizja e tyre do të realizohet me përfshirjen e strukturave të specializuara të rendit dhe shërbimeve penitenciare, me qëllim garantimin e rendit, sigurisë dhe mbarëvajtjes së procesit.

Burime jozyrtare bëjnë me dije se ky transferim do të kryhet në kuadër të rishpërndarjes së të dënuarve dhe forcimit të masave të sigurisë në institucionet penitenciare.

Megjithatë, transferimi i menjëhershëm pritet të sjellë sfida në drejtim të akomodimit dhe procesit të përshtatjes së të dënuarve në institucionin pritës, duke krijuar një ngarkesë të shtuar për strukturat e IEVP Peqin.

Operacioni është planifikuar në çdo detaj, me eskortë të posaçme dhe zbatim të protokolleve të përforcuara të sigurisë.

Autoritetet përgjegjëse po marrin masa për menaxhimin e situatës dhe garantimin e standardeve ligjore të trajtimit të të dënuarve, me qëllim që të mos cenohet rendi dhe siguria në institucion.

Mësohet se transferimi ishte planifikuar të kryhej gjatë orëve të natës që lamë pas, por për arsye organizative është shtyrë për pasditen e sotme.

The post Operacion nën masa të rrepta sigurie/ 90 të dënuar me rrezikshmëri të lartë transferohen sot pasdite drejt burgut të Peqinit appeared first on Albeu.com.

Bëhet fjalë për personin e identifikuar me inicialet I.G.. Ai ishte shpallur në kërkim pasi ishte dënuar me me 8 muaj burgim, për veprën penale “Ushtrimi i ndikimit të paligjshëm ndaj personave që ushtrojnë funksione publike”.

“I. G., banues në Krujë, pasi Gjykata e Posaçme e Shkallës së Parë për Korrupsionin dhe Krimin e Organizuar e ka dënuar me 8 muaj burgim, për veprën penale “Ushtrimi i ndikimit të paligjshëm ndaj personave që ushtrojnë funksione publike”,-njofton policia.

Ndërsa personi i identifikuar me inicialet E.A. ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë e ka dënuar me 1 vit e 6 muaj burgim, për veprën penale “Mashtrimi”.

Po ashtu, shtetasi i identifikuar me inicialet F.Z. ishte shpallur në kërkim pasi Gjykata e Apelit Tiranë, e ka dënuar me 9 muaj e 22 ditë burgim, për veprën penale “Prodhimi dhe shitja e narkotikëve”.

The post Krujë/ Të dënuar me burg për vepra të ndryshme penale, arrestohen 3 të shpallur në kërkim! Mes tyre një i dënuar nga GJKKO appeared first on Albeu.com.

Pakoja vinte nga një person anonim dhe i adresohej jo vetëm Arben Spahiut, por dhe një banori tjetër të asaj qelie, shtetasit Xhafer Deliu.

Ky i fundit njihet në Elbasan si lidhje e ngushtë e Erjon Alibej i arrestuar për “Dhunë në familje” dhe “Prodhim dhe shitje të lëndëve narkotike” të heroinës.

“Ora Neës” ka mësuar ekskluzivisht se Pakoja postare me tre kumblla dhe tre dardha, është përkthyer si një kërcënim nga Arben Spahiu dhe Xhafer Deliu, të cilën kanë nënkuptuar se ishte një mezazh kërcënues për jetën e tyre, se kundërshtarët jashtë burgut po i ndjekin nga pas dhe do i godasin me 3 plumba.

Me këtë situatë është njohur dhe Policia e Burgjeve, e cila ka referuar rastin në policinë kriminale të Elbasanit, duke ndjekur hetimet në bashkëpunim edhe me prokurorinë e qytetit.

Për rastin është hapur dosja penale me nr. 494 dhe pas gati 7 muaj verifikim, struktura e hetimit të krimeve në policinë e Elbasanit, zbuluan se njeriu që kishte zgjedhur këtë mekanizëm për të futur brenda në burg një pako me mesazh kërcënues, me kumbulla dhe dardha, ishte pikërisht Ervis Daka, i njohur ndryshe në Elbasan me nofkën “Dragoviçi”.

Arrestimi i Dakës, është kryer në muajin korrik 2023 dhe po këtë muaj gjyqtari i Elbasanit Elis Dine, ka caktuar masën e sigurisë “arrest në burg” për Ervis Daka.

I gjithë operacioni është mbajtur në fshehtësi të plotë, pasi njëri nga personat e kërcënuar Arben Spahiu, tashmë i liruar nga burgu, ka hyrë në programin e mbrojtjes shtetërore, pasi kunati i tij, Erjon Alibej, është kthyer në i penduar dhe po bashkëpunon me prokurorët e SPAK, për të zbardhur krimet e rënda në Elbasan.

Tre vite më parë Ervis Daka alias “Dragoviç” u arrestua nga forcat special RENEA. Informacionin për të se në banesë kishte armë e ka dhënë Erion Alibej, tek shefi i sektorit të hetimeve të krimeve në policinë e Elbasanit, Leonard Palushi.

Më tej ky i fundit ka kërkuan ndërhyrjen e policisë RENEA duke sjellë arrestimin dhe burgosjen e “Dragoviçit”, të cilit ju sekuestruan dhe armët.

“Dragoviçi”, ka qenë një nga personat e listës së ekzekutimeve të përpiluar nga Erjon Alibej, Arjan Spahiu dhe Nuredin Dumani. Ai njihet si krahu i vëllezërve “Çopja” në Dubai, Talo Çelës dhe Mikael Qoses alias “Keli i Kicit”.

The post Tre kumbulla dhe tre dardha, kërcënimi i pazakontë në burgun e Elbasanit! Kush janë dy të dënuarit që po u “numërohen ditët” (EMRAT) appeared first on Albeu.com.

Prania e të akuzuarve për vrasjen e të riut, ka sjellë reagime të forta dhe të qara tek familjarët e viktimës.

Mamaja dhe motra e Santiago Malkos kanë shpërthyer në ulërima kundrejt të dënuarit. Bukurije Malko, iu drejtua Blendi Tetës me fjalët “maskara më vrave djalin”. Ka qenë ndërhyrja e gjyqtares Atalanta Zeqiri për të qetësuar palët për shkak të ndjeshmërisë së ngjarjes.

Së fundmi është zbardhur edhe një pjesë nga dëshmia e të dënuarit Blendi Teta, i cili u qëndroi të njëjtave deklarime të mëparshme.

“Nuk dëshiroj që të jap deklarime, u qëndroj atyre thënieve që kam dhënë në 19.7.2021 kur kam folur para gjykatës në procesin tim. Nuk dua që deklarimet të lexohen pa praninë e avokatit tim, sepse nuk duhet të merren për bazë ato deklarime të dhëna në drejtorinë e policisë Tiranë, sepse i kanë bërë siç u deshi qejfi. Po ashtu kam një kërkesë të merret në mbrojte gruaja ime dhe fëmijët e mi sepse janë kërcënuar vazhdimisht dhe po kërcënohen nga zonja dhe banda mbrapa saj” tha ai.

Kjo fjali e thënë nga Blendi Teta ka bërë që motra e Santiago Malkos të shpërthente në lot duke i kërkuar llogari se fëmijët e vëllait të saj të vdekur se ku ishin, ajo u ngrit në këmbë duke bërtit dhe fyer Tetën çka bëri që policia e burgjeve ta nxirrte me forcë nga salla e gjyqit në mënyrë që të vijonte seanca normalisht. Prokuroria kërkoi që të lexohen deklarimet e dhëna në fazën paraprake por kërkesa u kundërshtua nga mbrojta e Ilir Selmanit.

Trupa gjykuese u tërhoq për vendim në dhomë këshillimi dhe vendosi të pranonte Kërkesën e Blendit Tetës për tu larguar nga salla e gjyqit dhe të rrëzonte kërkesën e prokurorit për të lexuar thëniet e Blendi Tetës. Ilir Selamani nuk ishte i pranishëm në seancë ndërkohë që prokuroria kërkon në seancën e radhës që të merren deklarimet e tij në lidhje me këtë ngjarje.

The post Vrasja e Santiago Malkos, lot dhe ulërima në GJKKO, nëna e viktimës shpërthen ndaj të dënuarit: Maskara, më vrave djalin appeared first on Albeu.com.

“Arben Kacos., 52 vjeç, ( i kapur nga sherbimet e Policisë Kavajë) pasi Gjykata e Shkallës së Parë Tiranë, e ka dënuar me 4 vite burg, për veprën penale “Fshehja e të ardhurave””, njofton Policia.

Gjithashtu është arrestuar dhe një 25 vjeçar i dënuar me 6 muaj burg për falsifikim dokumetash.

“Mario Prenga., 25 vjeç, sepse Gjykata e Rrethit Gjyqësor Tiranë, e ka dënuar me 6 muaj burg, për veprën penale “Falsifikimi i letërnjoftimeve, pasaportave apo vizave””, thuhet në njoftimin e Policisë.

Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.

The post Të dënuar me burg, kapet në Tiranë 52 vjeçari për fshehje pasurie dhe një tjetër për falsifikim pasaportash appeared first on Albeu.com.

Në një vit u premtua se në këtë regjim do të mbylleshin 200 të dënuar të cilësuar të rrezikshëm, por sot pas gati 365 ditësh atje ndodhen vetëm 7 prej tyre.

Avokati Bledar Meminaj, po kalon rrethin e parë të 313, ku më pas do kapërcejë në një tjetër, atë të 41 biss, aty ku në regjim të ashpër përveç tij askush nuk ka të drejtë ta takojë të burgosurin.

“Regjimi i ashpër u prezantua me buje jo vetëm nga autoritete shqiptare, por edhe të huaja. Ky proces kulmoi me mbylljen e 7 të dënuarve dhe paraburgosurve, kyçja e të cilëve u njoftua në një konferencë për shtyp korrikun e 2020”.

Por pavarësisht këtij premtimi, 41 bissi është harruar edhe nga SPAK edhe nga institucionet e tjera përfshi edhe Ministrinë e Drejtësisë. Të dhënat zyrtare tregojnë se vetëm për akuzën e organizatës kriminale mbahen në qeli 74 shtetas. Të vetmit që janë mbyllur në regjim të ashpër vijojnë të jenë Genci Balla, Arbjon Aliko, Gilmando Dani, Endrit Zela, Emiljano Shullazi, Blerim Shullazi dhe Endrit Qyqja.

Pas hyrjes në fuqi të ligjit, Gjonaj llogariti se numri i të burgosurve që përfshiheshin nga 41 biss ishte mbi 200 persona të dyshuar se mbajnë kontakte me botën e krimit jashtë qelive.

Mirëpo veç të shtatëve, për askënd tjetër përfshi edhe të dënuarit që dyshohet se po lirohen me telefonata nga qelia, institucionet e ngarkuara me ligj nuk kanë hasur në prova që t’i konsiderojë ata të rrezikshëm./TCh/

The post Harrohet “41 biss”: U premtua për 200 të dënuar në regjimin më të ashpër në burgje në 1 vit, por janë vetëm 7 appeared first on Albeu.com.

600 të dënuar të formës së prerë si trafikantë dhe kultivues droge, 755 të dënuar si vrasës, 39 të dënuar si anëtarë të organizatave kriminale dhe 36 të dënuar si shfrytëzues prostitucioni janë informuar nga institucionet e burgjeve se ndalohen përkohësisht të votojnë referuar ligjit të dekriminalizimit.

Zv. Drejtori i përgjithshëm i burgjeve, Femi Sufaj, shpjegon se çfarë do të ndodhë ditën e votimit.

“Janë rreth 1600 të dënuar që nuk votojnë përkohësisht, të tjerët që votojnë janë rreth 2 mijë të dënuar që ju lejohet”.

Por a do të votojnë të burgosurit në sistemin e ashpër 41 bis. Ata që janë të dënuar të formës të prerë për terrorizëm nuk do të votojnë. Të paraburgosur si Emiliano Shullazi, së bashku me katër të tjerë, për shkak se nuk janë të dënuar të formës së prerë janë të lirë të votojnë.

“Për shkak se ka hyrje të reja, dje dhe sot u jemi drejtuar gjykatave me 140 kërkesa të paraburgosurish që kanë hyrë rishtazi dhe i kërkohet gjykatës të shprehet për votimin e tyre”, u shpreh Sufaj./Tch

The post Të dënuar për krime të rënda, kaq qytetarëve iu hiqet e drejta e votës appeared first on Albeu.com.