BalkanWeb, ka siguruar pamjet nga operacioni për transferimin e të burgosurve me rrezikshmëri të lartë nga paraburgimi i Durrësit drejt burgut të Fierit.

Transferimi i tyre u krye me dhjetëra automjete, ndërsa të burgosur të tjerë janë transferuar në burgun e sigurisë së lartë në Peqin.

Transferimi u krye pak pas mesnate, nën shoqërimin e dhjetëra mjeteve policore, me masa të shtuara sigurie dhe protokolle të rrepta, ndërsa kolona mbërriti në ambientet e burgut të Peqinit rreth orës 00:15.

Në fokus të operacionit ishin personat me rrezikshmëri të lartë, të cilët deri më tani qëndronin në Burgun e Durrësit, institucion i njohur ndryshe edhe si “burgu i VIP-ave”, për shkak të kushteve dhe profilit të disa të dënuarve.

The post Arratisja e Altin Ndocit nga spitali/ Jo vetëm në Peqin, të burgosurit me rrezikshmëri të lartë transferohen edhe drejt IEVP Fier appeared first on Albeu.com.

Burgu i Durrësit nuk klasifikohet si institucion me siguri të lartë. Ai kategorizohet si institucion paraburgimi, ndaj DPB ka vlerësuar të arsyeshme, pas ngjarjes së rëndë, që personat me rrezikshmëri të shtuar të mos qëndrojnë më në këtë strukturë.

Mësohet se masat kanë të bëjnë vetëm me transferimin e të dënuarve me rrezikshmëri të lartë dhe nuk përfshijnë zyrtarët e arrestuar, të cilët do të vijojnë të qëndrojnë në Durrës.

The post Arratisja e Altin Ndocit/ Të burgosurit me rrezikshmëri të lartë transferohen nga burgu i Durrësit në Fier appeared first on Albeu.com.

“Sot në mëngjes, më 1 janar, nënat dhe të afërmit raportuan lirimet e mëtejshme të të burgosurve politikë nga burgu i sigurisë maksimale të Tocoron”, në shtetin e Argua, rreth 134 kilometra nga Karakasi, njoftoi Komisioni për Lirinë e të Burgosurve Politikë (Clippve).

Mediat e huaja shkruajnë se të gjithë të liruarit ishin arrestuar mes krizës politike të shkaktuar nga rizgjedhja, në korrik 2024, e Nicolás Maduros për një mandat të tretë në presidencë. Opozita kishte denoncuar mashtrimin në atë kohë. Pasi Maduro u shpall fitues i zgjedhjeve, u organizuan protesta që çuan në arrestimin e rreth 2.400 personave, të cilët vetë presidenti i cilësoi si “terroristë”.

The post Venezuela liron 87 të burgosur politikë për shkak të natës së Vitit të Ri appeared first on Albeu.com.

Përmes një njoftimi zyrtar, Drejtoria e Burgjeve bën me dije se menjëherë pas publikimit të këtij rasti, në bashkëpunim me Shërbimin e Kontrollit të Brendshëm të Burgjeve dhe Prokurorinë e Posaçme kundër Korrupsionit dhe Krimit të Organizuar bënë të mundur identifikimin dhe arrestimin e komisariat me ininciale H.L, me detyrë shef i regjimit të brendshëm në IEVP Lushnje.

Këtij shtetasi iu kërkua disa dite leje për një person që ishte burgosur për “lëndë narkotike”, dhe ra dakord për 5-7 dite leje kundrejt një shume prej 700 euro.

“Në lidhje me pamjet e transmetuara në emisionin investigativ “Stop”, ku shfaqet një punonjës i Policisë së Burgjeve duke marrë vlera monetare në këmbim të një leje shpërblyese, Drejtoria e Përgjithshme e Burgjeve, në bashkëpunim me Shërbimin e Kontrollit të Brendshëm të Burgjeve, dhe nën drejtimin e Prokurorisë Kundër Korrupsionit dhe Krimit të Organizuar, ka ndërmarrë menjëherë veprimet për identifikimin dhe arrestimin e tij”, thuhet në njoftim.

Njoftimi i plotë i Drejtorisë së Burgjeve:

Në lidhje me pamjet e transmetuara në emisionin investigativ “Stop”, ku shfaqet një punonjës i Policisë së Burgjeve duke marrë vlera monetare në këmbim të një leje shpërblyese, Drejtoria e Përgjithshme e Burgjeve, në bashkëpunim me Shërbimin e Kontrollit të Brendshëm të Burgjeve, dhe nën drejtimin e Prokurorisë Kundër Korrupsionit dhe Krimit të Organizuar, ka ndërmarrë menjëherë veprimet për identifikimin dhe arrestimin e tij.

Punonjësi i identifikuar është komisar H. L, me detyrë shef i regjimit të brendshëm në IEVP Lushnjë.

Drejtoria e Përgjithshme e Burgjeve dënon me forcë çdo akt të paligjshëm dhe korruptiv që bie ndesh me etikën dhe misionin e sistemit penitenciar.

Distancohemi qartësisht nga veprime të tilla individuale, që nuk përfaqësojnë strukturën dhe angazhimin tonë për një administratë të ndershme, transparente dhe të përgjegjshme.

The post “Më jep 700 euro dhe le të dalë”, leje me lekë për të burgosurit në Lushnjë, shefi bie në grackë, SPAK prangos komisarin appeared first on Albeu.com.

“Është e qartë se këta robër u keqtrajtuan rëndë pasi disa prej tyre u dërguan për trajtim në një spital”, tha zyrtari palestinez për AFP.

Ushtria izraelite nuk komentoi lirimin e të burgosurve, por theksoi se është “absolutisht e ndaluar” keqtrajtimi i të burgosurve.

Grupi i të burgosurve u çua jashtë territorit izraelit përmes pikës kufitare Kerem Shalom, sipas një reporteri të AFP-së dhe Autoritetit Palestinez për Kufijtë.

Pasi kaluan në territorin palestinez, ata morën ndihmën e parë në spitalin Rafah në pjesën jugore të Rripit të Gazës. Një nga të burgosurit e liruar tha se ai dhe një shok i tij janë rrahur dhe torturuar gjatë ndalimit të tyre.

“Ushtria lëshoi ​​qen mbi ne për të na sulmuar. Na rrahën dhe na torturuan”, tha ai.

Muajin e kaluar, agjencia e kalimit kufitar tha se 56 palestinezë të liruar nga burgjet izraelite “kishin prova” se ishin torturuar në paraburgim. Ushtria izraelite e mohoi.

Agjencia e Kombeve të Bashkuara për Refugjatët Palestinë (UNRWA) shprehu gjithashtu shqetësimin e saj për fatin e të burgosurve të Gazës.

The post Të burgosurit palestinezë të liruar nga Izraeli : Na rrahën dhe na torturuan, ushtria lëshoi ​​qen mbi ne appeared first on Albeu.com.

200 policë të Drejtorisë së Përgjithshme të burgjeve kanë ushtruar kontroll në burgun e Reçit.

Sipas Burimeve,  bëhet me dije se kontrollet po ushtrohen në regjim dhe në qeli.

“Kemi ndryshuar qasjen për sigurinë në burgje”- tha një burim pas ngjarjes në burgun e Peqinit.

Deri tani kanë gjetur 6 të burgosur me doza hashashi.

The post Kontrolle në burgun e Reçit, kapen disa të burgosur me doza hashashi appeared first on Albeu.com.

Ky veprim vjen pas marrëveshjes së arritur mes dy qeverive që është konkretizuar këtë javë. Ministri i Drejtësisë Ulsi Manja, ka dhënë detaje të kësaj marrëveshjeje, e cila sipas tij do të kalojë në disa faza.

Ai tha se transferimi bëhet me pëlqimin e të dënuarve, por marrëveshja ka edhe një përjashtim tjetër, pasi personat të cilat krahas dënimit me burg u është shqiptuar edhe pjesa e dëbimit mund të largohen nga Britania edhe pa pëlqimin e tyre.

Ministri tha se kthimi i të burgosurve shqiptarë nga Britania e Madhe do të bëhet në grup, për shkak të kostove financiare. Ai shtoi se asnjë i transferuar nuk do mund t’i shpëtojë dënimit në Shqipëri pasi marrëveshja do të zbatohet e plotë.

Fjala e ministrit Ulsi Manja:

Baza e kësaj marrëveshjeje janë parimet e humanizmit, riintegrimit dhe risocializimit të të dënuarve shqiptarë në shoqërinë shqiptare. Kjo marrëveshje pason marrëveshjen e vitit 2021, që është ratifikuar në Kuvendin e Shqipërisë, po ashtu edhe në Mbretërinë e Bashkuar. E para, kjo marrëveshje ka si bazë dhënien e pëlqimit të personave të dënuar në Mbretërinë e Bashkuar, të cilët dëshirojnë dhe vijnë dhe ta vuajnë pjesën tjetër të dënimit në Shqipëri, në institucioneve tona të ekzekutimeve penale, pranë familjarëve dhe familjeve të tyre.

Në zinxhirin e institucioneve që përfshihen në këtë proces sipas kësaj marrëveshjeje, përveç Ministrisë së Drejtësisë dhe Drejtorisë së Burgjeve dhe homologëve tanë në Britani, është edhe gjykata shqiptare, e cila do bëjë njohjen dhe konvertimin e dënimit të dhënë nga gjykata britanike për çdo të dënuar sipas legjislacionit shqiptar për të gjitha efektet e vendimeve të dhëna nga drejtësia britanike. Nuk do ketë shmangie të dënimit për çdo person që do transferohet nga Britania në Shqipëri.

E treta, e që është e rëndësishme ka të bëjë me faktin se këto të dënuar nuk do vijnë të gjithë njëherësh, por ky proces do të kondiciohohet nga vendimet e konvertimeve dhe të njohjes që do bëjnë gjykata shqiptare, por edhe nga kapacitete e lira që ne do kemi në institucionet tona të vuajtjes së dënimit.  Për efekt të zbatimit të kësaj marrëveshjeje sa i takon efekteve financiare, pavarësisht se gjykata shqiptare mund t’i japin këto vendime në mënyrë individuale në kohë të ndryshme, ne kemi rënë dakord me palën britanike, që ata do vijnë në grup dhe sapo të vijë grupi i parë, qeveria shqiptare dhe autoritetet e burgjeve do marrin pagesën e parë për grupin e parë që do transferohen dhe më pas Ministria e Drejtësisë do t’i hapë rrugë grupit tjetër, gjithmonë në varësi të vendimeve të gjykatës shqiptare.

Pjesë e kësaj marrëveshjeje janë të dënuarit shqiptarë që japin pëlqimin për të ardhur në Shqipëri, por marrëveshja parashikon si rast përjashtimi edhe mosdhënien e pëlqimit, janë ato raste që drejtësia britanike përveç dënimit me burg, ka shqiptuar edhe si dënimi me dëbim nga Britania e Madhe. Në këto raste, sipas kësaj marrëveshjeje, autoritetet britanike mund t’i përcjellin autoriteteve shqiptare njohjen dhe konvertimin e dënimit edhe pa pëlqimin e të dënuarve. Kjo është e shprehur në marrëveshjen e 2021, por edhe në marrëveshjen e majit 2023 dhe që tashmë është dokument zyrtar dhe është i aksesueshëm sepse është botuar në Fletoren Zyrtare

The post Marrëveshja me Britaninë, Manja tregon se kur do të bëhet transferimi i të burgosurve shqiptarë appeared first on Albeu.com.

Kjo marrëveshje pritet të firmoset nga të dyja palët në Shtator ose nga kryeministrat Edi Rama dhe Rishi Sunak ose nga ministri britanik i drejtësisë me homologun shqiptar Ulsi Manja.

“Në mbështetje të nenit 100 të Kushtetutës dhe të nenit 10, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e ministrit të Drejtësisë, Këshilli i Ministrave, vendosi:

Miratimin, në parim, të marrëveshjes zbatuese të marrëveshjes, ndërmjet Republikës së Shqipërisë dhe Mbretërisë së Bashkuar të Britanisë së Madhe dhe Irlandës së Veriut, për transferimin e personave të dënuar, sipas tekstit që i bashkëlidhet këtij vendimi dhe është pjesë përbërëse e tij. Ky vendim hyn në fuqi menjëherë.“-thuhet në VKM.

Kjo marrëveshje mundëson kthimin e atyre që morën të drejtën e transferimit dhe të atyre që u kanë mbetur mbi 4 vjet dënim. të burgosurit do të kryejnë pjesën e mbetur të dënimit të tyre pranë familjes.Kështu, 200 të burgosur shqiptarë në burgjet e Anglisë dhe Uells që vuajnë dënime prej katër vjetësh ose më shumë do të kthehen në dy vitet e ardhshme për të kryer pjesën e mbetur të dënimit në burgjet shqiptare. Falë marrëveshjes, pala britanike do të paguajë kostot e strehimit të të burgosurve për gjatë gjithë kohëzgjatjes së dënimit të tyre në vendin tonë.

The post Qeveria miraton marrëveshjen, të burgosurit shqiptarë në britani do të kthehen në atdhe appeared first on Albeu.com.

I ftuar në studion e emisionit “Opinion” në Tv Klan, ministri Manja ka dhënë dhe më shumë detaje sa i përket marrëveshjes së arritur me Britaninë e Madhe për kthimin e të dënuarve në burgjet e Shqipërisë.

Manja ka thënë se do të jenë gjykatat shqiptare që do të përcaktojnë pjesën e mbetur të dënimit të këtyre shtetasve.

Blendi Fevziu: Çfarë po ndodh me të burgosurit në Britaninë e Madhe. Sa shqiptarë ka të burgosur në Britaninë e Madhe?

Ulsi Manja: 1336 shtetas shqiptarë që janë të paraburgosur në pritje të dënimit. Nuk ka vetëm shqitarë në burgjet e Britaninë së Madhe. Në raport me shtetasit e huaj që janë të paraburgosur në Britaninë e Madhe, shqiptarët kanë një numër të konsiderueshëm. Dinamika e veprave penale që jsanë të dënuar ose në hetim e sipër kanë të bëjnë në drogë, narko-trafiku. Ky është kryesisht natyra e veprave. Ka edhe krime kundër personit, kjo është kryesisht.

Blendi Fevziu: Çfarë marrëveshje keni arritur me Britaninë e Madhe?

Ulsi Manja: Marrëveshja që kemi arritur me Britaninë e Madhe merr në konsideratë vetëm shtetasit shqiptarë të dënuar me vendim të formës së prerë në Britaninë e Madhe. Marrëveshje teknike që pason marrëveshjen e vitit 2021 që është ratifikuar në Kuvendin e Shqipërisë dhe që ka të bëjë me transferimin e të dënuarve shqiptarë nga Britania e Madhe në Shqipëri për të vuajtur pjesën e mbetur të dënimit. Marrëveshja e 2021-shit nuk kishte një aneks teksnik se si do të zbatohej. Janë parashikuar kushtet ligjore të transferimit, por nuk kishte një marrëveshje.

Blendi Fevziu: Pra, e thënë ndryshe, një shtetas shqiptar i dënuar në Britaninë e Madhe me 10 vjet për një vepër penale që në Shqipëri dënohet 5 vjet, a do e rivlerësojë?

Ulsi Manja: Sigurisht, do të jenë gjykatat shqiptare ata që do të bëjnë konvertimin e dënimit. Ky transferim nuk do të jetë administrativ. Autoritetet e drejtësisë në Shqipëri do të bëjnë konvertimin e dënimit dhe do të përcaktojnë pjesën e mbetur të dënimit që ai do të duhet të vuajë në Shqipëri./tvklan.al

The post Marrëveshja me Britaninë për kthimin e të burgosurve, Manja: Gjykata shqiptare do të përcaktojnë dënimin e mbetur appeared first on Albeu.com.

Pas mbledhjes së qeverisë, Manja tha për mediat se marrëveshja është 2-vjeçare, ndërsa kostoja e gjithë do të mbulohet nga Britania e Madhe.

“Kemi një marrëveshje, marrëveshje teknike, që plotëson marrëveshjen e ratifikuar në Kuvend në vitin 2021. Kriteret janë të përcaktuara në marrëveshjen e 2021. Marrëveshja që kemi arritur tani, udhëhiqet nga parimet e humanizmit, që këta shtetas të vijnë ta vuajnë dënimin pranë familjarëve të tyre. Ata për vite e vite me radhë nuk kanë kontakte me familjarët e tyre në Shqipëri. Marrëveshja nuk krijon asnjë kosto për Drejtorinë e Burgjeve apo dhe buxhetit të Shqipërisë, pasi shpenzimet do të paguhen nga Mbretëria e Bashkuar, për çdo ditë qëndrimi këtu të të dënuarve.

Marrëveshja parashikon një kohëzgjatje dy-vjeçare, për t’u parë pas dy viteve. Ata shqiptarë që do të duan të vijnë në Shqipëri, do të nisemi nga kapacitet tona. Kjo do të jetë në varësi të vendeve që kemi në dispozicion. Ka marrë përsipër që të na ndihmojë për shtimin e kapaciteteve tona, pra dhe për krijimin e kapaciteteve të tjera.”, tha Manja.

The post Manja sqaron marrëveshjen me Britaninë për të burgosurit: Shpenzimet nuk mbulohen nga ne appeared first on Albeu.com.