Ish-lojtari kuqezi ka njoftuar se ka përfunduar me sukses dhe ka marrë licencën e trajnerit në kategorinë UEFA A, duke e konsideruar këtë si një moment me rëndësi të veçantë në rrugëtimin e tij profesional.

Në reagimin e publikuar, Xhaka shpreh kënaqësinë për këtë arritje dhe e sheh atë si një mundësi me perspektivë për t’u zhvilluar më tej në futboll, tashmë në një rol tjetër.

Ai ka vlerësuar gjithashtu ndihmën e profesorëve që e shoqëruan gjatë këtij procesi, duke përmendur Alban Tafaj, Sulejman Starovën dhe Ardi Beharin për njohuritë dhe mbështetjen e dhënë.

Sipas Xhakës, motivimi për të vijuar të japë kontribut në futboll mbetet maksimal, ndërsa ky rol i ri i sjell përgjegjësi të tjera dhe pritshmëri për rezultate.

POSTIMI:

“Me shumë krenari dhe kënaqësi ndaj me ju lajmin se kam përfunduar me sukses Licencën UEFA A. Ky është një moment shumë i rëndësishëm në rrugëtimin tim si trajner dhe rezultat i punës, përkushtimit dhe dëshirës për t’u zhvilluar vazhdimisht.

Një falënderim i veçantë shkon për profesorët e mi Alban Tafaj, Sulejman Starova dhe Ardi Behari, për mbështetjen, profesionalizmin dhe njohuritë e vlefshme që na kanë përcjellë gjatë këtij rrugëtimi.

Falënderoj gjithashtu Federatën Shqiptare të Futbollit (FSHF) për organizimin e shkëlqyer dhe mundësinë që na dha për t’u zhvilluar në nivelin më të lartë.

Jam krenar për këtë arritje dhe i motivuar të vazhdoj të jap maksimumin tim në futboll.”

The post Taulant Xhaka nis rrugën si trajner, ish-mesfushori kuqezi pajiset me licencën UEFA A appeared first on Albeu.com.

Stafi i skuadrës dhe shokët e tij janë rreshtuar për hyrjen e Taulantit. Tifozëria i ka kushtuar një koreografi spektakolare. Me shkronja të mëdha shkruan “Tauli”.

Në stadium janë të pranishëm dhe emra si Breel Embolo, Beni Huggel, Valentin Stocker dhe Marco Streller. Të gjithë përqafohen sërish me Xhakën në mes të fushës në St. Jakob-Park. Edhe vëllai, Graniti ka ardhur dhe menjëherë lëshon bombën: “Një Xhaka po ikën, por së shpejti tjetri kthehet”.

Taulant Xhaka i bie shkurt sepse në të kundërt bëhet “shumë emocional”, siç thotë ai vetë. E mbyll fjalimin e tij me: “Mund të shikohem në pasqyrë dhe të them: ‘Kam dhënë gjithçka për këtë fanellë’.

The post FOTO/ Spektakël në stadium, Taulant Xhaka i jep lamtumirën futbollit appeared first on Albeu.com.

Kapiteni i skuadrës nga Zyhrihu ka uruar tifozët për festat e fundvitit pas një fitoreje të madhe në transfertën e vështirë të Bazelit.

Në këtë takim spikati dueli i kapitenëve pasi në ekipin e Bazelit këtë përgjegjësi e ka Taulant Xhaka.

Pas 18 takimesh të luajtuar Bazeli gjendet në vendin e dytë me 31 pikë ndërsa Grasshopers mban vendin e parafundit (11) në kuotën e 15 pikëve.

The post Abrashi fiton duelin e kapitenëve me Taulant Xhakën dhe uron tifozët për festat e fundvitit appeared first on Albeu.com.

Baseli mori një fitore të madhe 2:0 ndaj Lausenn-Sport, por pas pjesës së parë ndodhi një incident mes lojtarëve.

Kapiteni i Baselit Xhaka vrapoi nga gjysma e fushës në kabinë për t’u përleshur me portierin Jeremy Vachoux, i cili ngacmojë tifozët e skuadrës kundërshtare.

Duke parë mënyrën si Xhaka iu afrua kundërshtarit, lojtarët e dy skuadrave reaguan menjëherë për t’i ndarë e qetësuar situatën.

Run, Tauli, run!#rotblaulive#fcbasel1893#allizaemme#fcbslo pic.twitter.com/yno4qAuP4W

— sali zämme (@salizaemme) May 14, 2024

The post VIDEO / Taulant Xhaka nuk e duron provokimin kundërshtarit, e ndjek deri në zhveshtore appeared first on Albeu.com.

Xhaka, pas ceremonisë ka dhënë një intervistë për mediat zvicerane, duke përmendur formën e mirë te Bayer Leverkuseni dhe realizimin e ëndrrës që të luajë së bashku me vëllain Taulantin te Baseli, përcjell Klankosova.tv.

“Krenari dhe kënaqësi. Është shpërblimi për punën e vështirë të përditshme. Si futbollist ke edhe ditë të zeza. Nëse, si unë në Londër, ju shajnë mbi 60,000 njerëz në stadium”, ka thënë Xhaka.

“Sapo hyra në dhomën e zhveshjes ditën e parë, ndjeva: Ky është një ekip i mirë, një shpirt i mirë ekipor. Ne gjithashtu kemi një trajner fantastik në Xabi Alonso”.

Futbollisti me prejardhje nga Kosova ka folur edhe në lidhje se si ka reaguar familja e tij pas kthimit në Gjermani.

“Edhe pse gruaja ime është nga Dyseldorfi, ajo ishte kundër që ne të largoheshim nga Londra. Sigurisht, kjo i bëri gjërat edhe më të vështira. Gjithsesi, nuk është e lehtë të largohesh nga ky qytet i madh pas shtatë vitesh. Leverkusen më ofroi një kontratë afatgjatë. Dhe nëse gjërat vazhdojnë të shkojnë siç kanë shkuar, padyshim që ishte vendimi i duhur”, thotë Xhaka.

Xhaka ka treguar edhe çka ka mësuar nga përvoja në Angli te skuadra e Arsenalit.

“Në Angli kam mësuar shumë përsa i përket mentalitetit. Unë jam 31 vjeç tani, jo më i riu. Por unë jam si vera e kuqe – gjithmonë më mirë”.

A do të thotë kjo se tifozët në Basel mund të shpresojnë për një rikthim në fund të karrierës së tyre?

“Kur të mbarojë kontrata ime me Leverkusenin, do të jem gati 36 vjeç. Le të shohim nëse kam akoma dëshirë të luaj futboll. Por të luaj sërish bashkë me Taulantin me fanellën e Baselit është një ëndërr. Dhe deri më tani pothuajse të gjitha ëndrrat e mia janë realizuar”.

Ai në fund u pyet nëse do të zgjidhte titullin e kampionit në Gjermani apo Kampionatin Evropian.

“Eh, pyetje e vështirë! Le ta themi kështu: Nëse do të kisha një nga titujt me siguri, do të firmosja menjëherë”, përfundoi Xhaka. /Klankosova.tv.

The post Granit Xhaka: Jam si vera e kuqe, gjithmonë e më i mirë – ëndërroj të luaj së bashku me Taulantin te Bazeli appeared first on Albeu.com.

Kur kanë kaluar rreth dy vite, ka një përpjekje nga Shqipëria për ta rikthyer atë në Kombëtare, pasi shihet si element shumë i vlefshëm në repartin e mesfushës. Ka qenë media zvicerane ‘4-4-2.ch‘ që ka raportuar se FSHF po mundohet ta bindë Xhakën të rikthehet te Shqipëria dhe t’i ndihmojë kuqezinjtë për kualifikim në Euro 2024.

Sipas informacioneve nga Zvicra, brenda FSHF-së është rritur bindja se Xhaka ka qenë pjesë e rëndësishme e skuadrës në të kaluarën dhe se do të përdorte përvojën e tij për të bërë hapin e madh drejt Kampionatit Evropian. Xhaka është prioritet kryesor i FSHF-së dhe është pikërisht presidenti Armand Duka që ka marrë përsipër punën për ta rikthyer Taulantin me fanellën kuqezi. Xhaka ka luajtur 30 ndeshje me Kombëtaren dhe ka shënuar 1 gol.

The post E bujshme nga Zvicra, FSHF kthen Taulant Xhakën në Kombëtare appeared first on Albeu.com.

Taulant Xhaka, ish-mesfushori i kombëtares shqiptare për “Blick” ka dhënë një intervistë kur ka folur për këtë ndeshje. Taulanti ka dhënë disa këshilla për Granitin, ku i ka thënë që të ruajë qetësinë.

“Të them të drejtën, nuk isha i kënaqur me shortin. Por kam diskutuar me Granitin rreth kësaj ndeshje. Unë i thashë atij që çfarëdo që të ndodhë në këtë ndeshje, nëse shënon ose humb, vetëm ruaj gjakftohtësinë dhe luaj lojën tënde siç di ti. Në fund të fundit, nuk ka të bëjë me politikë, është një ndeshje futbolli”, ka thënë Taulant Xhaka për “Blick”./ h.ll/albeu.com

The post Granit Xhaka do të ndeshet ndaj Serbisë, vëllai i tij ka një mesazh appeared first on Albeu.com.

Lojtari i cili ka lindur dhe është rritur në Basel, ishte pjesë e të gjithë kombëtareve të moshave të Zvicrës, por në fund zgjodhi të përfaqësojë kombëtaren e madhe shqiptare.

Xhaka ishte pjesë e ekipit “KuqeZi” në momentin më të mirë të saj, kur arriti të kualifikohej edhe në EURO 2016. Në këtë ishte edhe periudha më e mirë për vetë lojtarin në aspektin personal pasi vlera e tij në treg kapi shiftën e 4 milion eurove, ndërsa tani vlerësohet me vetëm 300 mijë euro.

Të gjithë e njohim Xhakën për shpirtin e tij  luftarak në fushë, ku padyshim në mendje do të na mbetet ai moment në Serbi ku i patrembur u përball me të gjithë lojtarët serb.

31-vjeçar tanimë, mesfushori difensiv nuk është më pjesë e Kombëtares, teksa kontrata me klubin aktual i skadon në qershor të 2024. /albeu.com

The post Dje festoi ditëlindjen, sa vjeç mbushi Taulant Xhaka? appeared first on Albeu.com.

Mesfushori shqiptare nëpërmjet një postimi në rrjete sociale ka bërë të ditur se ai dhe partnerja Arbnora do të bëhen sërish prindër, teksa çifti kanë edhe një djalë të cilin e kanë quajtur Klevis.

“Dhurata më e madhe që mund t’i bëni dikujt është koha, vëmendja dhe dashuria juaj dhe një mrekulli e re”, shkruan Taulanti në fotot e publikuara.

Taulanti dhe Arbnora nuk kanë zbuluar akoma se cila është gjinia e bebit, duke vendosur ta mbajnë sekret, ndërsa familja e tyre do të zgjerohet.

 

View this post on Instagram

 

A post shared by Taulant Xhaka (@tx.34)

The post Xhaka bën “gol” jashtë fushe, ndan lajmin e ëmbël me ndjekësit (FOTO LAJM) appeared first on Albeu.com.

Taulant Xhaka nuk ka dyshime që pranë fundit të karrierës së tij, Graniti do të kthehet që të luajë për disa vite te Bazeli, klub nga i cili mesfushori i përfaqësues shqiptare nuk ka ndër mend të lëvizë.

“Nëse Graniti do të jetë 32 apo 33 vjeç, ai padyshim që do të dëshirojë të kthehet edhe një herë te Bazeli, edhe qoftë për një vit. Ne do të dëshironim të luanim përsëri bashkë në këtë stadium. E nisëm bashkë këtu dhe do të dëshironim që ta mbyllnim këtu”, tha 30-vjeçari në një intervistë për mediat zvicerane.

Por kush do të ketë fanellën me numrin 34, të cilin të dy vëllezërit e mbajnë prej vitesh në klubet përkatëse? “Unë ia kam thënë Granitit. Ai ka luajtur vetëm dy vite këtu, unë kam luajtur pak më shumë, ndaj jam në avantazh të qartë”, tha Taulant Xhaka.

The post Taulant Xhaka tregon planin me Granitin për të luajtur bashkë: Unë jam në avantazh appeared first on Albeu.com.