Para prokurorisë së Tiranës, ka dëshmuar Taulant Tusha, i cili aktualisht është në burg nga Spak e ndëqrsanë kohën e marrjës së dëshmisë së tij ka qënë në cilësinë e drejtorit Puneve Publike në bashkinë.

Sa i takon proceduar për prishjen e pallatit nr 140 në kombinat ish drejtori Tusha është përgjigjut për frimën që ka marrë puën dhe dëtyrën që ka kryer në terren.

Tualant Tusha: Ne date 11.08.2021, eshte lidhur kontrata e sherbimit me subjektin ARB&TRANS shpk dhe “KLAJGER KONTRUKSION shpk per demolimin dhe evadimin e mbetjeve ndertimore edhe per kete objekt. I pyetur nese keni dijeni per kohen e prishjes se pallatit nr 140 me vendodhje ne rrugen “Haki Stermilli” dhe nese po kush subjekt ka qene i kontraktuar per kete qellim, ai ka deklaruar se Kerkesa per lidhjen e kesaj kontrate per demolim ka ardhur ne Drejtorine qe drejtoj une ne date 05.05.2021 nga Drejtoria e Pergjithshme Objekteve ne Bashkepronesi njesive Adminstrative dhe emergjencave civile, bashkia Tirane.

Pas perzgjedhjes me gare ne date 11.08.2021 I eshte nisur me shkrese po kesaj drejtorie dergimi per ndjekje te kontratave te mbikqyrjes dhe sipermarrjes me objektin demolimi dhe evadimi i mbetjeve ndertimore.

Me kalimin e kesaj shkrese Drejtoria e Puneve Publike ka kryer detyren e ngarkuar. Nuk kam dijeni per kohen kur eshte demoluar ky objekt, dhe nuk ka qene detyre e imja ndjekja e ketij procesi. Dua te theksoj nje fakt se ne dijeni time objektet per te cilat eshte lidhur kontrate sherbimi per demolim dhe evadim te metjeve ndertimore kane qene objekte per te cilat sipas ekspertizes se thelluar te Institutit te Ndertimit jane klasifikuar si objekte te pabanueshme dhe me rrezikshmeri te larte per banoret.

Referuar kontrates se lidhur subjekti I cili ehste kontraktuar per kete gellim, ka detyre te bej demolimin dhe evadimin e mbetjeve ndertimore brenda afateve te percaktuara ne kontrate. Lidhur me pallatin nr 140 nuk kam cfare te deklaroj me shume.

Gjithashtu ka deklaruar se Nuk jam ne gjendje te jap nje pergjigjje te sakte nese shtetasi Asqeri Xhanari ka perfituar nga grantet e rindertimit te objekteve te demtuara nga termeti , pasi eshte drejtori tjeter e ngarkuar per shyrtimin e dokumentacionit per banesat e demtuara.

The post Prishja e pallatit që i shkaktoi dëm buxhetit të Bashkisë /Zbardhet dëshmia e Taulant Tushës: Nuk ka qënë detyra ime ndjekja e procesit appeared first on Albeu.com.

Berisha ka nxjerrë dokumentat që vërtetojnë pasuritë e vëllezërve Tusha, si dhe ka akuzuar SPAK se po i fsheh këto vjedhje të pafundme, të kryera nga drejtorët e Erion Veliajt.

“Hajnat nuk ngopen kurrë! Taulant Tusha me hotel në Potam të Himarës në emër të vëllait! Shikoni foton dhe lexoni dokumentat. Vjedhje të pafundme. Krimet që fsheh Skrapi i partisë!”, shkruan Berisha në Facebook.

The post Dosja “5D”/ Taulant Tusha me hotel në Potam, Berisha nxjerr dokumetat: Vjedhje pa fund që fsheh Skrapi i partisë appeared first on Albeu.com.

Nëse ish-drejtori i shitjeve në Ujësjellësin Tiranë, Elvin Tivari shfaqet si pronar tek hotel “La Brisa” në Dhërmi, së bashku me vëllanë e kryebashkiakut të Burrelit, Agron Malaj, prapa me pasuri hotele, ferma, biznese, apartamente e makina luksoze, nuk mund të mbetej Taulant Tusha.

Ish-drejtori i Punëve Publike në Bashkinë Tiranë ka zgjeruar pasurinë e tij, duke e vënë në emër të vëllait një seri biznesesh të suksesshme dhe regjistruar pasuri në apartamente në Tiranë.

SPAK ka zbuluar se në emër të vëllait të Taulant Tushes, Sokol Tushe, është një nga hotelet me luksoze në zonën e Potamit në Himarë, “Rapo So”.

Hapja e këtij biznesi hotelerie në Himarë është kryer në 21 dhjetor 2022, periudhë kjo kur përkon me suksesin në ngritje të Taulant Tushes në bashkinë e Tiranës.

Në këtë biznes, vëllai i Taulant Tushes, Sokoli ka 40 për qind të aksioneve të hotelit.

Ndërsa 40 për qind zotërohen nga Thanas Rapo, një biznesmen me lidhje të ngushta në bashkinë e Tiranës dhe pjesa tjetër prej 20 për qind zotërohet nga Besarta Dika, e cila kontrollon 60 për qind të aksioneve të kompanisë së sigurisë “Advanced”, në të cilën ka punuar si inxhinier elektrik dhe Taulant Tusha.

Hetimi ka zbuluar se në emër të Taulant Tusha, janë regjistruar dy apartamente në Tiranë, një automjet me vlerë mbi 30 mijë euro dhe një sasi e vogël parash në llogaritë bankare.

Ndërsa fijet e Tushes, shtrihen dhe tek një biznes agro-turizëm në Kashar, i regjistruar në emër të vëllait të tij, Sokol Tusha, biznes i cili është hapur në 9 janar 2019.

Ky investim në asete fizike të fermave bujqësore kap vlerën prej 374 mijë euro, por 196 mijë euro Sokol Tusha, i ka marrë nga projekti IPARD në Agjencinë e Zhvillimit Bujqësor Rural.

SPAK ka ngritur dyshime të forta se hija e ish-drejtorit të bashkisë Tiranë, Sokol Tusha, qëndron dhe tek aksionet e kompanisë së ndërtimit “Jon Konstruksion”.

Kjo është një kompani ndërtimi që është hapur në 2 tetor 2020 nga biznesmeni Thanas Rapo dhe Arben Maloku, kryetar i Njësisë Administrative në Zall Herr pranë bashkisë Tiranë.

11 ditë më vonë nga hapja e kompanisë Thanas Rapo dhe Arben Maloku paraqiten tek noterja Rezarta Koçi,duke ja dhurur 33 për qind të kompanisë Bardhok Lleshit nga Mirdita. Një dhurim i çuditshëm dhe aspak i justifikuar nga tre protagonistët.

Por dy vite më pas kontratat e dhurimit janë shkëmbyer, pasi siç mëson “Ora Neës” zyrtari i Bashkisë Tiranë, Arben Maloku dhe Bardhok Lleshi, në 10 shkurt 2022 ja dhurojnë 66 për qind të kompanisë së ndërtimit “Jon Construksion” Sokol Tusha, vëllait të Taulant Tushës.

Ky dhurim është i pajustifikuar, por që nga kjo datë dhe në vijim Sokol Tusha vijon të jetë pronari kryesor i kësaj kompanie ndërtimi, së bashku me aksionerin tjetër Thanas Rrapo.

Gjithashtu një tjetër kompani që merret me tregtimin e xhamave dhe ndërtimin e fasadave të xhamit është “Glas Construction” në Tiranë, e cila fillimisht është zotëruar nga Llambi Roçi dhe Besim Roçi.

Por në 21 shkurt 2021, të dy këta persona kanë vendosur t’ia lenë kompaninë Sokol Tusha, vëllait të ish-zyrtarit të Bashkisë së Tiranës, Taulant Tusha.

Kompania është shitur për një çmim qesharak prej 333 mijë lekë të vjetra dhe prej kësaj date e në vijim, Sokol Tusha, vijon të qëndrojë pronar i këtij biznesi.

The post Hetimi pasuror për Taulant Tushën, SPAK i gjen kompani ndërtimi, kontrata dhurim biznesi të vëllait, hotelin në Potam dhe apartamente appeared first on Albeu.com.

Më 8 dhjetor 2023, SPAK lëshoi 15 urdhër-arreste për inceneratorin e Tiranës, mes tyre edhe Taulant Tusha.

Ndërsa në njoftimin e sotëm të SPAK thuhet se Tusha akuzohet për veprën penale  “Shkelja e barazisë së pjesëmarrësve në tendera” në dy raste.

“Janë krijuar dyshime të arsyeshme se shtetasi T.T. në cilësinë e Drejtorit të Përgjithshëm të Drejtorisë së Planifikimit të Punëve Publike dhe të anëtarit të Komisionit të Vlerësimit të Ofertave, si dhe shtetasit E.P., J.Z. dhe A.J. në cilësinë anëtarit të Komisionit të Vlerësimit të Ofertave, në disa procedua prokurimi, e kanë favorizuar dhe i kanë krijuar këtij subjekti tregtar avantazhe dhe privilegje të padrejta në raport me operatorët e tjerë ekonomikë që kanë marrë pjesë në procedurat e prokurimit, duke e shpallur fituese të procedurës së prokurimit në mënyrë të parregullt dhe në shkelje të rregullave të prokurimit publik”, njoftoi SPAK.

Personat e arrestuar sot (28 mars 2024) nga SPAK 

Redi Molla (arrest me burg), ish drejtori i UKT-së Redi Molla.

Mariglen Qato (arrest me burg), ish drejtor i Inspektoriatit të Mbrojtjes së Territorit (IMT) në Bashkinë e Tiranës

Taulant Tusha (nën arrest per aferen e inceneratoreve)

Enton Punavija (detyrim paraqitje)

Julian Zanaj (detyrim paraqitje)

Albano Janku (detyrim paraqitje)

Nestor Muhamellari (detyrim paraqitje)

Eglantina Zere (detyrim paraqitje)

Deborah Keçi (detyrim paraqitje), drejtuese e “Klubit Sportiv Tirana.

Kujtojmë së më 1 gusht 2023, Gjykata e Posaçme me kërkesë të SPAK firmosi vendosjen e sekuestros preventive ndaj kompanisë “Integrated Energy B.V. S.P.V.” sh.p.k”, që është kompania koncesionare e inceneratorit të Tiranës si dhe të gjitha pasuritë e luajtshme dhe të paluajtshme të kësaj kompanie.

Hetimet kanë nisur në kuadër të procedimit penal nr.255 të vitit 2020, për veprat penale të “Mashtrim me pasoja të rënda”  në bashkëpunim, “Shpërdorim i  detyrës”, “Korrupsion pasiv i funksionarëve të lartë shtetërorë ose të zgjedhurve vendorë dhe “pastrimi i produkteve të veprës penale apo i veprimtarisë kriminale”.

Vënia nën sekuestro është akti i parë i ndërmarrë nga drejtësia për rastin e inceneratorit të Tiranës.

Ndërsa për Elbasanin dhe Fierin, në gjykatë po gjykohen ish ministri i Mjedisit, Lefter Koka, ish deputeti i PS-së Alqi Bllako.

Edhe ndaj Arben Ahmetajt është firmosur urdhërarresti por ende nuk është ekzekutuar dhe është shpallur në kërkim ndërkombëtar. /albeu.com

The post GJKKO firmos masë të dytë sigurie për Taulant Tushen, kush janë “te besuarit” e Veliajt që u arrestuan nga SPAK appeared first on Albeu.com.

Mësohet se është firmosur masa  “arrest burg” ndaj Mariglen Qato, ish-drejtor i Inspektoriatit të Mbrojtjes së Territorit (IMT) në Bashkinë e Tiranës dhe ish-drejtorin e UKT-së Redi Molla. SPAK ka kërkuar masë të dytë sigurie “arrest me burg” edhe për Taulant Tusha, ish-drejtor i Punëve Publike – Bashkia e Tiranës.

Sipas SPAK për 4 vite Redi Molla ka ushtruar funksionin e Drejtorit të Përgjithshëm të shoqërisë “Ujësjellës Kanalizime Tiranë” sh.a, ka shpallur fitues kompaninë që ai dhe Mariglen Qato ishin ortakët e vërtetë dhe pronarët “de facto” të shoqërisë “5D Konstruksion” sh.p.k.

Detyrim për t’u paraqitur është caktuar ndaj Deborah Keçi, drejtuese e “Klubin Sportiv Tirana”, pranë Bashkisë Tiranë, e pezulluar nga ky post.

EMRAT

Arrest me burg

Mariglen Qato
Redi Molla
Taulant Tusha

Detyrim paraqitje

Enton Punavija
Julian Zanaj
Albano Janku
Nestor Muhamellari
Elantina Zere
Deborah Keçi

Njoftimi i SPAK 

Prokuroria e Posaçme kundër Korrupsionit dhe Krimit të Organizuar, mbi bazën e verifikimeve të kryera kryesisht, ka filluar hetimet lidhur me procedimin penal nr.75, datë 27.04.2023, për veprat penale “Shkelja e barazisë së pjesëmarrësve në tendera dhe në ankande publike” dhe “Korrupsioni pasiv i personave që ushtrojnë funksione publike”, të parashikuara nga nenet 258/2 dhe 259/2, të Kodit Penal.

Po kështu, Prokuroria e Posaçme mbi bazën e kallëzimit penal të kryer nga shtetasi Belind Këlliçi, ka rregjistruar procedimin penal nr.121, datë 23.05.2023. Të dy procedimet penale janë bashkuar në një procedim penal të vetëm, të numërtuar me nr.75 viti 2023.

Lidhur me këtë procedim penal, për një periudhë disa mujore dhe në mënyrë të pandërprerë, janë kryer veprimet e nevojshme hetimore, ku janë përfshirë administrimi dhe verifikimi i informacioneve nga burimet e hapura, kryerja e veprimeve hetimore proaktive, kryerja e kontrolleve të vendeve dhe kontrolleve të personave, sekuestrime të provave materiale, administrimi i dokumentacionit të një sërë procedurash prokurimi, kryerja e ekspertimeve teknike e kompjuterike, shqyrtimi dhe analizimi i të gjitha provave dhe dokumenteve të administruara.

Nga burimet e provave të mbledhura në kuadër të hetimeve të këtij procedimi penal janë krijuar dyshime të arsyeshme se shtetasit R.M. dhe M.Q. janë ortakët e vërtetë dhe pronarët “de facto” të shoqërisë “5D Konstruksion” sh.p.k. Shtetasit R.M. dhe M.Q. e kanë zotëruar këtë shoqëri tregtare  në mënyrë indirekte, duke përdorur persona të tjerë, shtetasit E.M., M.P. dhe N.M., si ortakë fiktiv në aktet e rregjistrimit dhe funksionimit të shoqërisë, me të cilët ortakët e vërtetë të shoqërisë kanë pasur lidhje shoqërore dhe lidhje miqësore.

Së pari, nga hetimet e kryera është provuar fakti se në periudhën 2016-2020, gjatë kohës që shtetasi R.M. ka ushtruar funksionin e Drejtorit të Përgjithshëm të shoqërisë “Ujësjellës Kanalizime Tiranë” sh.a, shoqëria tregtare “Igor Elektrik” sh.p.k e njëjtë me “V.A.S Konstruksion” sh.p.k e njëjtë me “5D Konstruksion” sh.p.k, ka marrë pjesë dhe është shpallur fituese në shkelje të rregullave të prokurimit publik në 7 (shtatë) procedura prokurimi, të realizuara nga autoriteti kontraktor “Ujësjellës Kanalizime Tiranë” sh.a.

Në këto procedura prokurimi shtetasi R.M. ka patur cilësinë e titullarit të autoritetit kontraktor, ka urdhëruar kryerjen e prokurimit, ka urdhëruar përbërjen e Njësisë së Prokurimit, ka urdhëruar përbërjen e Komisionit të Vlerësimit të Ofertave (duke caktuar në katër raste si anëtar të këtij komisioni shtetasin M.Q. që është ortaku tjetër indirekt i shoqërisë), ka nënshkruar kontratat e sipërmarrjes, si dhe ka kryer çdo veprim tjetër që lidhet me cilësinë e titullarit të autoritetit kontraktor, me shoqërinë tregtare në zotërim të tij.

Së dyti, është provuar fakti se në periudhën 2016-2018, gjatë kohës që shtetasi M.Q. ka ushtruar funksionin e Drejtorit të Departamentit Mbështetës në shoqërinë “Ujësjellës Kanalizime Tiranë” sh.a, subjekti tregtar i mësipërm ka marrë pjesë dhe ka fituar në kundërshtim me rregullat e prokurimit publik në 4 (katër) procedura prokurimi. Në këto procedura prokurimi shtetasi M.Q. ka patur cilësinë e anëtarit të Komisionit të Vlerësimit të Ofertave dhe ka qënë pjesë e marrjes së vendimit për shpalljen e fituesit të procedurës së prokurimit, për shoqërinë tregtare në zotërim të tij.

Së treti, nga veprimet hetimore të kryera është provuar fakti se shoqëria tregtare “V.A.S Konstruksion” sh.p.k e njëjtë me “5D Konstruksion” sh.p.k, ka marrë pjesë dhe është shpallur fituese në kundërshtim me rregullat e prokurimit publik, në disa procedura prokurimi të organizuara nga autoriteti kontraktor Bashkia Tiranë.

Janë krijuar dyshime të arsyeshme se shtetasi T.T. në cilësinë e Drejtorit të Përgjithshëm të Drejtorisë së Planifikimit të Punëve Publike dhe të anëtarit të Komisionit të Vlerësimit të Ofertave, si dhe shtetasit E.P., J.Z. dhe A.J. në cilësinë anëtarit të Komisionit të Vlerësimit të Ofertave, në disa procedua prokurimi, e kanë favorizuar dhe i kanë krijuar këtij subjekti tregtar avantazhe dhe privilegje të padrejta në raport me operatorët e tjerë ekonomikë që kanë marrë pjesë në procedurat e prokurimit, duke e shpallur fituese të procedurës së prokurimit në mënyrë të parregullt dhe në shkelje të rregullave të prokurimit publik. Ekzistojnë dyshme të bazuara se shtetasi T.T. ka pasur dijeni në lidhje me ortakët e vërtetë të shoqërisë “5D Konstruksion” sh.p.k dhe ka favorizuar këtë shoqëri tregtare duke ditur se cilët persona kanë qënë zotëruesit indirekt të aksioneve të shoqërisë.

Së katërti, janë mbledhur provat e nevojshme që provojnë faktin se shtetasja E.Z. në cilësinë e titullarit të autoritetit kontraktor “Tirana Parking”, ka favorizuar në një procedurë prokurimi operatorin ekonomik “V.A.S Konstruksion sh.p.k” e njëjtë me “5D Konstruksion” sh.p.k, duke i krijuar avantazhe dhe privilegje të padrejta, si dhe duke e shpallur fitues në mënyrë të parregullt. Shtetasja E.Z. ka pasur komunikime direkte me shtetasin N.M. administrator i shoqërisë “5D Konstruksion” sh.p.k dhe vlerësimin e ofertave të pjesëmarrësve në tender e kanë bërë vetë punonjës të shoqërisë “5D Konstruksion” sh.p.k.

Së pesti, nga hetimet e kryera është provuar edhe fakti se shtetasja D.K. në cilësinë e titullarit të autoritetit kontraktor Klubi Sportiv “Tirana”, ka favorizuar në një procedurë prokurimi operatorin ekonomik “V.A.S Konstruksion sh.p.k” e njëjtë me “5D Konstruksion” sh.p.k, duke i krijuar avantazhe dhe privilegje të padrejta, si dhe duke e shpallur fitues në mënyrë të parregullt. Shtetasja D.K. ka pasur komunikime direkte me shtetasin N.M. administrator i shoqërisë “5D Konstruksion” sh.p.k dhe vlerësimin e ofertave të pjesëmarrësve në tender e kanë bërë vetë punonjës të shoqërisë “5D Konstruksion” sh.p.k, duke i dhënë titullari i autoritetit kontraktor shtetasit N.M user-at e anëtarëve të KVO-së.

Me kërkesë të Prokurorisë së Posaçme, Gjykata e Posaçme e Shkallës së Parë për Korrupsionin dhe Krimin e Organizuar Tiranë, me vendimin nr.28, datë 28.03.2024, ka vendosur:

1. Caktimin ndaj personit nën hetim R.M. të masës së sigurimit “arrest në burg”, e parashikuar nga neni 238 i K.Pr.Penale, i dyshuar për veprat penale: (i) “Korrupsioni pasiv i personave që ushtrojnë funksione publike”, në 7 (shtatë) raste, nga këto 4 (katër) raste të kryera në bashkëpunim, të parashikuar nga neni 259 dhe 25 të Kodit Penal, sipas përmbajtjes së kësaj dispozite para ndryshimeve të kryera me ligjin nr.43/2021, datë 23.03.2021; (ii) “Refuzimi për deklarimin, mosdeklarimi, fshehja ose deklarimi i rreme i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, të kryer në 5 (pesë) raste, të parashikuar nga neni 257/a/2 i Kodit Penal.

2. Caktimin ndaj personit nën hetim M.Q. të masës së sigurimit “arrest në burg”, e parashikuar nga neni 238 i K.Pr.Penale, i dyshuar për veprat penale: (i) “Korrupsioni pasiv i personave që ushtrojnë funksione publike”, në 4 (katër) raste, të kryera në bashkëpunim, të parashikuar nga neni 259 dhe 25 të Kodit Penal, sipas përmbajtjes së kësaj dispozite para ndryshimeve të kryera me ligjin nr.43/2021, datë 23.03.2021; (ii) “Refuzimi për deklarimin, mosdeklarimi, fshehja ose deklarimi i rreme i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, të parashikuar nga neni 257/a/2 i Kodit Penal.

3. Caktimin ndaj personit nën hetim T.T. të masës së sigurimit “arrest në burg”, e parashikuar nga neni 238 i K.Pr.Penale, i dyshuar për veprat penale: (i) “Shkelja e barazisë së pjesëmarrësve në tendera apo ankande publike”, të kryer në bashkëpunim, të parashikuar nga neni 258 dhe 25 i Kodit Penal, sipas përmbajtjes së kësaj dispozite para ndryshimeve të kryera me ligjin nr.43/2021, datë 23.03.2021; (ii) “Shkelja e barazisë së pjesëmarrësve në tendera apo ankande publike”, të kryer në bashkëpunim, e kryer dy herë, të parashikuar nga neni 258/2 dhe 25 i Kodit Penal.

4. Caktimin ndaj personave nën hetim E.P.  të masës së sigurimit “detyrimi për tu paraqitur në policinë gjyqësore”, e parashikuar nga neni 234 i K.Pr.Penale, i dyshuar për veprat penale: (i) “Shkelja e barazisë së pjesëmarrësve në tendera apo ankande publike”, të kryer në bashkëpunim, të parashikuar nga neni 258 dhe 25 i Kodit Penal, sipas përmbajtjes së kësaj dispozite para ndryshimeve të kryera me ligjin nr.43/2021, datë 23.03.2021; (ii) “Shkelja e barazisë së pjesëmarrësve në tendera apo ankande publike”, të kryer në bashkëpunim, e kryer dy herë, të parashikuar nga neni 258/2 dhe 25 i Kodit Penal.

5. Caktimin ndaj personit nën hetim J.Z. të masës së sigurimit “detyrimi për tu paraqitur në policinë gjyqësore”, e parashikuar nga neni 234 i K.Pr.Penale, i dyshuar për veprat penale “Shkelja e barazisë së pjesëmarrësve në tendera apo ankande publike”, të kryer në bashkëpunim, të kryer dy herë, të parashikuar nga neni 258/2 dhe 25 i Kodit Penal.

6. Caktimin ndaj personit nën hetim A.J. të masës së  sigurimit “detyrimi për tu paraqitur në policinë gjyqësore”, e parashikuar nga neni 234 i K.Pr.Penale, i dyshuar për veprën penale “Shkelja e barazisë së pjesëmarrësve në tendera apo ankande publike”, të kryer në bashkëpunim, të parashikuar nga neni 258 dhe 25 i Kodit Penal, sipas përmbajtjes së kësaj dispozite para ndryshimeve të kryera me ligjin nr.43/2021, datë 23.03.2021.

7. Caktimin ndaj personit nën hetim N.M. të masës së sigurimit “Detyrim për tu paraqitur në policinë gjyqësore”, e parashikuar nga neni 234 i K.Pr.Penale, i dyshuar për veprën penale “Korrupsioni aktiv ndaj personave që ushtrojnë funksione publike”, të kryer dy herë, të parashikuar nga neni 244 i Kodit Penal, sipas përmbajtjes së kësaj dispozite para ndryshimeve të kryera me ligjin nr.43/2021, datë 23.03.2021.

8. Caktimin ndaj personit nën hetim E.Z të masës së sigurimit “Detyrim për tu paraqitur në policinë gjyqësore” të parashikuar nga nenet 234 i K.Pr.Penale dhe “Pezullimi i ushtrimit të një detyre a shërbimi publik”, të parashikuar nga neni 242 i K.Pr.Penale, duke e pezulluar nga funksioni publik “Drejtor” në Drejtorinë e Përgjithshme të Pastrimit dhe Gjelbërimit, në Bashkisë Tiranë, e dyshuar për veprën penale “Shkelja e barazisë së pjesëmarrësve në tendera apo ankande publike”, të parashikuar nga neni 258 i Kodit Penal, sipas përmbajtjes së kësaj dispozite para ndryshimeve të kryera me ligjin nr.43/2021, datë 23.03.2021.

9. Caktimin ndaj personit nën hetim D.K. të masave të sigurimit “Detyrim për tu paraqitur në policinë gjyqësore”, të parashikuar nga neni 234 i K.Pr.Penale dhe “Pezullimi i ushtrimit të një detyre a shërbimi publik”, të parashikuar nga neni 242 i K.Pr.Penale, duke e pezulluar nga funksioni publik “Drejtor” në “Klubin Sportiv Tirana”, pranë Bashkisë Tiranë, e dyshuar për kryerjen e veprës penale “Shkelja e barazisë së pjesëmarrësve në tendera apo ankande publike”, të parashikuar nga neni 258 i Kodit Penal, sipas përmbajtjes së kësaj dispozite para ndryshimeve të kryera me ligjin nr.43/2021, datë 23.03.2021.

Hetimet paraprake lidhur me këtë procedim penal ende nuk kanë përfunduar, vazhdojnë hetimet për fakte të tjera penale apo për persona të tjerë që mund të përfshihen në objektin e hetimeve të këtij procedimi penal./albeu.com

The post EMRAT/ Kush janë ish-zyrtarët e bashkisë së Tiranës të arrestuar me urdhër të SPAK, akuzat appeared first on Albeu.com.