Taulant Seferi po kalon një formë të shkëlqyer në futbollin turk. Sulmuesi shqiptar spikati në triumfin e thellë 4-0 të Kayserisporit kundër Istanbulsporit.

29-vjeçari realizoi dy herë, duke hapur dhe mbyllur serinë e golave në këtë përballje. Seferi zhbllokoi rezultatin në minutën e 25-të, ndërsa në minutën e 83-të shënoi golin e tij të dytë personal dhe vulosi fitoren e skuadrës.

Falë kësaj dopiete, sulmuesi shqiptar e ka çuar në 7 numrin e golave të shënuar këtë sezon. Ky bilanc e ka ngjitur atë në vendin e dytë të renditjes së golashënuesve të kampionatit.

Paraqitjet e tij javë pas jave po tregojnë se Seferi është ndër sulmuesit më të rrezikshëm të kampionatit turk. Njëkohësisht, forma e 29-vjeçarit po i jep Kayserisporit një shtysë të rëndësishme në synimin për të siguruar rezultate sa më të mira.

Tashmë me shtatë gola, futbollisti shqiptar kërkon të marrë edhe kryesimin e listës së golashënuesve, në një moment kur sezoni sapo ka hyrë në fazën e tij të parë.

The post Taulant Seferi shkëlqen në Turqi, arrin kuotën e shtatë golave appeared first on Albeu.com.

Taulant Seferi po kalon një formë të shkëlqyer në fillim të këtij sezoni. Sulmuesi nga Kumanova fillimisht asistoi në transfertën ndaj Erokspor, ku Kayserispor po fiton 0-3.

Por paraqitja e tij nuk u mbyll me asistin. Në minutën e 68-të, 29-vjeçari realizoi edhe gol, duke e çuar në 5 numrin e golave të shënuar në këtë fillim sezoni. Përveç tyre, Seferi ka regjistruar edhe dy asiste.

Ky është një sinjal pozitiv edhe për Kombëtaren shqiptare, e cila ndodhet në prag të ndeshjeve të Nations League. Trajneri Ronaldo Maran mund të llogarisë tashmë te një sulmues në formë të mirë dhe që po gjen rregullisht rrugën e rrjetës.

The post VIDEO/ Taulant Seferi shënon sërish, arrin në 5 gola që në nisje të sezonit appeared first on Albeu.com.

Taulant Seferi e ka nisur me gol aventurën te Kayserispor. Sulmuesi realizoi në transfertën ndaj Vansporit, në takimin e vlefshëm për javën e parë të ligës së dytë turke.

Lojtari i Kombëtares shqiptare dërgoi topin në rrjetë që në minutën e 9-të, duke ndezur atmosferën në stadium dhe kurorëzuar një debutim perfekt.

Pjesë e Kayserisporit është edhe Florent Hasani, një tjetër futbollist shqiptar i afruar nga skuadra turke.

The post VIDEO/ Debutim ëndrrash në Turqi, Taulant Seferit i duhen vetëm 9 minuta për të shënuar me ekipin e ri appeared first on Albeu.com.

Seferi asistoi golin e radhës me Bodrumspor, që u vendos përballë Boluspor që në minutën e tretë.

29-vjeçari dha një asist perfekt për Brazaon, që nuk mund të gabonte. Ky ishte asisti i tetë si dhe numëron 15 gola.

Silvinjo pritet ta rikthejë në Kombëtare për ndeshjet e marsit, ndërsa rikujtojmë që gjatë vitit 2025 nuk pati ftesë për Seferin. Ky duket edhe momenti i duhur, pasi Shqipëria është në nevojë në sulm..

The post FOTO/ Pritet të rikthehet te Kombëtarja shqiptare, sulmuesi kuqezi vlerësohet në Turqi appeared first on Albeu.com.

Një nga protagonistët e javës ishte Taulant Seferi, i cili vazhdon të jetë vendimtar për Bodrumspor. Sulmuesi shqiptar gjeti rrugën e rrjetës në ndeshjen ndaj Igdir FK, duke realizuar nga pika e bardhë e penalltisë.

Lajme të mira vijnë edhe nga Italia, ku Stiven Shpendi shënoi për Empolin, duke arritur shifrën e 11 golave këtë sezon dhe duke konfirmuar formën e tij të mirë para grumbullimit me Kombëtaren.

Një tjetër zhvillim pozitiv është rikthimi në fushë i Armando Brojës me Burnley. Sulmuesi kuqezi u aktivizua pas një dëmtimi që e kishte mbajtur jashtë për pesë ndeshje radhazi, duke shtuar opsionet në repartin ofensiv të Kombëtares.

Gjatë kësaj jave, minuta si titullarë me skuadrat e tyre morën edhe Thomas Strakosha, Berat Gjimshiti, Arlind Ajeti, Ardian Ismajli, Mario Mitaj, Kristjan Asllani, Ylber Ramadani, Ernest Muçi, Juljan Shehu, Rey Manaj, Nazmi Gripshi, Myrto Uzuni, Cristian Shpendi dhe Klisman Cake.

Ndërkohë, nga stoli u aktivizuan Arbër Hoxha, Armando Broja dhe Indrit Tuci.

Performancat pozitive të futbollistëve shqiptarë vijnë në një moment kyç, vetëm pak ditë përpara publikimit të listës së trajnerit dhe përballjes së rëndësishme ndaj Polonisë në fazën play-off.

The post Legjionarët/ Seferi shënon me Bodrumspor, Stiven Shpendi realizon për Empolin appeared first on Albeu.com.

Futbollisti 29-vjeçar nga Kumanova zhbllokoi rezultatin në minutën e 18-të, duke u treguar i saktë nga pika e bardhë e penalltisë dhe duke i hapur rrugën suksesit të skuadrës së tij.

Ky ishte goli i 15-të i sezonit për Seferin në kampionat, një shifër që konfirmon formën e tij të mirë gjatë këtij edicioni, ku ka zhvilluar 29 ndeshje.

Performancat e fundit kanë rikthyer edhe diskutimet për një ftesë të mundshme në Kombëtare. Sulmuesi nuk është grumbulluar prej më shumë se një viti nga trajneri Sylvinho.

Megjithatë, situata në repartin ofensiv të Shqipërisë mund të hapë rrugë për rikthimin e tij. Dëmtimet e sulmuesve Armando Broja, Mirlind Daku dhe Rey Manaj kanë krijuar mungesa të rëndësishme në sulm.

Trajneri Sylvinho pritet të shpallë javën e ardhshme listën për ndeshjen play-off të Kupës së Botës kundër Polonisë, ndërsa emri i Seferit është ndër kandidatët që mund të rikthehen në skuadrën kuqezi.

The post VIDEO/ Taulant Seferi përshëndet me gol Sylvinhon, shënon në Turqi appeared first on Albeu.com.

Në ndeshjen e sotme ndaj Igdir në transfertë, Seferi la përsëri gjurmën e tij duke tundur rrjetën që në minutat e para. Ai transformoi me qetësi një penallti, duke i dhënë avantazhin e përkohshëm 1-0 ekipit të tij.

SHIH VIDEON

Ky ishte goli i 15 i këtij kampionati për Seferin, i cili është në pritje të ftesës për t’u bërë përsëri pjesë e Kombëtares shqiptare pasi ishte lënë paksa në harresë nga Silvinjo gjatë kualifikuesve të Botërorit.

Ndërkaq, në këtë ndeshje për Bodrumspor shënoi edhe ish-mesfushori i Shpresave, Omar Imeri, i cili në pjesën e dytë mori topin në gjysmëfushën e vet dhe arriti deri në zonën kundërshtare për të realizuar një gol spektakolar pas një sprinti të gjatë.

SHIH VIDEON

The post VIDEO/ Taulant Seferi shënon golin e 15 të sezonit të Turqi, shënon edhe ish-futbollisti i Shpresave appeared first on Albeu.com.

29-vjeçari Seferi ka luajtur 23 ndeshje në këtë sezon, ndërsa ka shënuar 13 gola dhe numëron 4 asiste. Seferi u transferua te Bodrumspor në gusht të vitit 2024 dhe ka kontratë deri në 2027-tën.

The post Taulant Seferi shkëlqen te Bodrumspor, gol dhe asist në fitoren 0-5 ndaj Demirspor appeared first on Albeu.com.

Ndeshja ishte i vlefshme për javën e 23-të të Superligës turke. Skuadra bëri më të mirën e saj pasi shënoi që në pjesën e parë, e më pas 2 gola të tjerë në atë të dytën. Padyshim protagonist edhe Taulant Seferi i cili i dhuroi skuadrës së tij golin e 3-të dhe të fundit për të përmbyllur mjaft bukur sfidën.

Sulmuesi shqiptar i shtoi edhe një “yll” tjetër performancës së tij sot, duke e çuar në 12 numrin e golave dhe në 4 atë të asiteve sa i takon 22 paraqitjeve të tij në Ligën e Parë turke. Megjithatë edhe “SofaScore” e rendit atë në mesin e më të mirëve më një notë prej 7.3.

Një paraqitje e denjë e cila duhet ti bjerë në sy edhe trajnerit të Kombëtares shqiptare, pasi Sylvinho ka kohë që nuk e grumbollon më.

The post Nuk shënojnë më sulmuesit e eliminatoreve të shkuara, por të “harruarit” e Sylvnhos, po e bëjnë rregullisht appeared first on Albeu.com.

Sulmuesi shqiptar ka shënuar golin e dytë për skuadrën e tij në sfidën kundër Adana Demirspor në minutën e 54-t (aktualisht ndeshja është 2-1 për Bodrumsporin).

Ky është goli i dytë radhazi për Seferin me skuadrën e tij të re. Në fushë me fanellën e Bodrumsporit është edhe mbrojtësi i kombëtares Arlind Ajeti.

The post VIDEO / Seferi “abonohet” me golin, sulmuesi kuqezi shënon sërish në kampionat appeared first on Albeu.com.