Taulant Malaj akuzohet për vrasje të dyfishtë me dashje dhe vrasje të rëndë në tentativë. Përveç vrasjes së vajzës së tij, Malaj vrau edhe fqinjin e tij Massimo De Santis sepse besonte, se gruaja e kishte tradhtuar me të.

Taulant Malaj u largua nga salla e gjyqit

Videoja e parë e shfaqur para gjyqtarëve është regjistruar nga kamerat e shtëpisë, ndërsa tjetra me celularin e Malajt. Në këtë të fundit shfaqet edhe trupi i De Santis në shkallët e pallatit. I akuzuari qëndroi në sallën e gjyqit vetëm për disa minuta. Disa sekonda pas videove (që zgjasin gjithsej 15 minuta) ai filloi të bërtiste dhe të përplaste kokën pas hekurave kafazit në sallën e gjyqit.

Kryetari i Gjykatës së Lartë më pas urdhëroi largimin e tij nga salla e gjyqit. Videot u shfaqën me kërkesë të prokurorëve Sabrina Cicala dhe Antonio Laronga, për të mbështetur dëshminë e një karabiniere nga njësia operative e kompanisë San Severo, ndër të parët që mbërritën në vendngjarje dhe kryen hetimet.

Pamjet pasqyrojnë si momentet e masakrës, të kapura nga kamerat e vendosura në shtëpi nga Tefta Malaj, ashtu edhe sjelljen e Taulant Malajt pas këtij akti të rëndë. Malaj, në fakt, ka filmuar kufomat dhe gruan e tij pasi ngjarjes. Duke pasur parasysh imazhet e rënda, Gjykata vendosi që seanca të zhvillohet me dyer të mbyllura.

Gruaja në sallën e gjyqit

E pranishme në sallën e gjyqit ishte edhe bashkëshortja e tij Tefta, me avokatin Roberto de Rossi. Të pranishëm ishin edhe avokati Matteo Tenace, i cili përfaqëson familjarët e Massimo De Santis.

“Ishte shumë e vështirë për klienten time, video riktheu ato momente dramatike në mendjen e saj dhe qau gjatë gjithë kohëzgjatjes së videove”, komentoi avokati De Rossi.

Avokati tha se Tefta Malaj kërkon drejtësi për vajzën e saj, ndërsa seanca e radhës mbahet më 7 qershor.

The post Vrau të bijën dhe italianin, video tronditëse shfaqet në sallën e gjyqit! Shqiptari Taulant Malaj nis të bërtasë dhe godet me kokë kafazin appeared first on Albeu.com.

“Shiko këtu, kjo është vrasja, këto janë. Tashmë të kam falur një herë, mjafton. Ku është djali? Shikoni, i kam goditur me thikë dhe do t’i godas përsëri”, ka thënë Taulant Malaj në videon e regjistruar pasi vrau vajzën e tij Xhesika Malaj, 16-vjeç, dhe italianin Massimo De Santis.

Malaj plagosi me thikë edhe bashkëshorten e tij, Tefta Malaj, pasi dyshonte se kjo e fundit e tradhëtonte me italianin 51-vjeçar.

Në raportin e policies italiane, shkruhet që Malaj ka shkuar në dhomën e gjumit dhe ka goditur gruan e tij e cila ka qenë në shtrat, duke e plagosur rëndë në pjesën e sipërme të trupit. E bija e tij, Xhesika ka bërë përpjekje që të mbrojë të ëmën, por fatkeqësisht ai e ka goditur 4 herë në gjoks me thikë, në organet vitale.

45-vjeçari ka thënë para hetuesve se pas i kishte marrë jetën Massimo De Sanits, 51-vjeç, kishte shkuar në dhomën e gjumit për të vrarë Tefta Malajn, aty ka ndërhyrë vajza e tyre e mitur.

“Fatkeqësisht Jessica ishte në kohën e gabuar aty, të dyja u arratisën nga shtrati në kuzhinë, ku unë vazhdova t’i godisja”, është shprehur 45-vjeçari. Në raport shkruhet se djali 5-vjeçar i tyre e ka për të gjithë ngjarjen e tmerrshme, dhe nga frika është fshehur pas divanit.

Malaj nuk është penduar sipas gjykatësit që ka vërtetuar paraburgimin. Sipas gjyqtares Roberta Di Maria Malj ai vrau për shkak të një xhelozie obsesive dhe morbide ndaj gruas së tij. /Albeu.com.

The post Masakra në Itali, Taulant Malaj nuk është penduar, goditi vajzën katër herë me thikë 18 centimetra appeared first on Albeu.com.

Taulan Malaj vrau me thikë vajzën e tij të mitur, një italian për të cilin pretendonte se kishte lidhje me gruan e tij dhe këtë të fundit e plagosi.

Viktima mbetën Massimo De Santis, 51 vjeç dhe vajz e tij Xhesika, 16 vjeç.

Djali 5-vjeçar shpëtoi mrekullisht pasi u fsheh pas divanit në momentin e ngjatrjes horror.

Malaj me origjinë nga Vlora ndodhet në brug dhe akuzoeht për vrasje të dyfishtë dhe tentativë vrasjese.

Bashkëshortja e tij, Tefta ka folur nga spitali.

“Burri im është një përbindësh. Deri para dy vitesh ai ngacmonte seksualisht vajzën tonë. Ka ndodhur disa herë… Vajza ime nuk donte të fliste më me të dhe për këtë ai jo vetëm që i shkatërroi jetën, por edhe e vrau”.

Nga shtrati i spitalit ku ndodhet e shtruar, gruaja tha: “Xhesika kishte dy vite që nuk komunikon me të atin dhe nuk e denoncoi vetëm për të mos pasur një emër të keq: e dini si është”.

“Burri im e kishte planifikuar gjithçka, ne ishim të gjithë në gjumë në atë kohë”, tregon ajo. Ai nuk punonte atë natë, po pushonte në shtëpi.Me thikë në dorë ai mori djalin dhe donte ta vriste.Unë u hodha për të shpëtuar fëmijën. I vogli flinte në krevatin e ngjitur me krevatin tonë dopio. Pastaj më dha aq shumë goditje me thikë, sa nuk mbaj mend. Ai bëri video duke më goditur me thikë. Vajza ime po flinte, dëgjoi zhurmat dhe u ngrit. Ai kurrë nuk e donte vajzën tonë”./Albeu.com/

The post Tragjedia në familjen shqiptare në Itali, gruaja akuzon burrin nga spitali: Ai e ngacmonte seksualisht vajzën tonë appeared first on Albeu.com.

Ajo tha se ai kishte si qëllim edhe vrasjen e djalit të tij 5 vjeçar. Referuar pamjeve të kamerave të vendosura në shtëpi, avokatët thonë se nuk ka dashur të vrasë djalin pasi ky i fundit nuk u fsheh pas divanit, siç shkruajnë mediat.

 “Ai gradualisht po ndërgjegjësohet për tragjedinë që ka ndodhur. Ka shprehur dhimbje për vajzën që e vrau aksidentalisht pasi ajo kërkoi të mbronte nënën. Shpesh herë ka pasur gjendje shoku dhe disa herë e ka ndërprerë dëshminë para hetuesve“, thanë më tej avokatët duke shprehur shqetësim për gjendjen e klientit.

Ngjarja e rëndë ndodhi më 6 maj kur 45-vjecari shqiptar Taulant Malaj, pasi u kthye në shtëpi kreu një masakër duke vrarë një shtetas italian, vajzën e tij si dhe plagosi bashkëshorten.

Taulant Malaj nga Selenica e Vlorës, para dhe pasi i ka qëlluar me thikë, i ka filmuar viktimat dhe videon ia ka dërguar miqve të tij.

Këtë video ua kishte dërguar njerëzve të afërt për t’i treguar krimin horror, por edhe për të justifikuar veprimin e tij.

/Albeu.com/

The post Masakra në Itali, flasin avokatët e Taulant Malajt: Nuk donte të vriste djalin, çfarë kanë regjistruar kamerat appeared first on Albeu.com.

“Nuk di gjë për tradhti…”, flet kunata e Taulant Malajt: Nuk donte të vriste djalin, ja çfarë më tha ditën e ngjarjes

“Të vërtetën e dinë vetëm ata të dy (Taulant dhe Tefta Malaj)”, kështu deklaron nusja e vëllait të Taulant Malajt, në një bisedë për News24.

Kunata e autorit tha se Taulanti nuk donte të vriste djalin e tij 6-vjeçar.

“Ajo zonja që u vra ka nënë dhe familje. Pse i hapni këto budallallëqet. Mos kruani në kurriz të të tjerëve. Djali nuk ka dashur që të fshihet dhe nuk është fshehur. Babai nuk ka dashur që të theri djalin. Të voglin e kam unë. Atë e di vetëm ai dhe ajo, të falënderoj shumë. Kaq.”, tha ajo.

Ajo tha se burrë e grua nuk ishin në dijeni të asnjë problemi mes çiftit.

“Prej 8 vitesh jetojmë në këtë zonë të Italisë. Këtu Tefta më ka sjellë. Ishin një familje e rregullt, dy fëmijë të mrekullueshëm. Nuk e dinim se do vriste familjen e vetë. Ai punonte natën në furra, dhe ditën në furrë. Punonte dy ditë. E takuam ditën e ngjarjes, më solli bukën. I thash; Eja brenda të pish kafe. Nuk pranoi, më tha se; kam punë.”, tha ai.

Taulant Malaj goditi për vdekje me thikë të bijën 16-vjeçare, Xhesika, dhe fqinjin e tyre italian, 51-vjeçarin Massimo De Santis.

The post “Nuk di gjë për tradhti…”, flet kunata e Taulant Malajt: Nuk donte të vriste djalin, ja çfarë më tha ditën e ngjarjes appeared first on Albeu.com.

Mediat italiane kanë zbardhur deklaratën e vëllait të italianit i cili u vra nga 43-vjeçari shqiptar Taulant Malaj.

Sipas dëshmisë së tij nuk vëllai i tij nuk kishte asnjë lidhje me Teftën, gruan e 43-vjeçarit.

“Nuk kishte asnjë lidhje fare me vëllain tim, as nuk e takonte zonjën! As në lokal kur ajo erdhi me shoqet e saj për të ngrënë mëngjes, pasi i çoi fëmijët në shkollë, nuk janë parë! Massimo ishte ende në gjumë, sepse ai bënte gjithçka në lokal, nga pastiçeri e deri te sporteli”, tha Gianluca De Santis, vëllai i 51-vjeçarit të vrarë.

Gianluca përjashton çdo lloj lidhjeje mes vëllait të tij dhe 39-vjeçares Tefta.

“Massimo jetoi në atë godinë për 43 vjet me nënën tonë, e cila tani ishte 80 vjeç dhe e ve! Marrëdhëniet me atë familje ishin të shkëlqyera, marrëdhënie normale mes fqinjëve, ata përshëndeteshin dhe respektonin njëri-tjetri. Edhe me Taulantin: E pa dhe e përshëndeti, asnjëherë sherr, asgjë”, thotë Gianluca./albeu.com/

The post Shqiptari i vrau vëllanë, flet italiani: S’kishte asnjë lidhje me gruan e tij appeared first on Albeu.com.

Bëhet fjalë për një 45-vjeçar shqiptar, Taulant Malaj, bukëpjekës, i cili tashmë është ndaluar nga karabinierët.

Sipas një rikonstruksioni fillestar, 16-vjeçarja u godit me thikë pasi ndërhyri për të mbrojtur nënën e saj nga agresioni i babait të saj, i cili donte ta vriste. Në momentet e ngjarjes u plagos edhe bashkëshortja e vrasësit të dyshuar, e cila tashmë ndodhet në spitalin e Foggia.

Nga hetimet e para, motivi i krimit mund të gjurmohet në një lidhje të dyshuar mes 51-vjeçarit dhe gruas së vrasësit.

Krimi ka ndodhur rreth orës dy të mëngjesit dhe sipas asaj që mësojmë burri është goditur me thikë në shkallët e pallatit ku ndodhej. Më pas, vrasësi i dyshuar hyri në shtëpi me qëllim që të vriste gruan e tij, por 16-vjeçarja ndërhyri për të mbrojtur nënën e saj dhe u vra. Gruaja ka arritur të arratiset dhe të lajmërojë policinë.

Kur policët mbërritën në vendngjarje, ata bllokuan 45-vjeçarin, i cili sipas hetuesve po endej në zonë në kërkim të djalit tjetër pesëvjeçar me të njëjtën grua. Është gjetur arma e vrasjes, një thikë kuzhine. Pesëvjeçari iu besua përkohësisht dajave të tij.

The post EMRI/ E rëndë në Itali, shqiptari vret të bijën 16-vjeçare, plagos një italian dhe ish-gruan appeared first on Albeu.com.