Si një skenar filmi përngjan rrëfimi i gazetarit gjatë hyrjes në Kiev. Kopliku tregon mes emocionesh edhe një ndodhi që kishte përjetuar ai dhe grupi i xhirimit të ABC, ku ju ishte dashur të përballen me një grup vullnetarësh ukrainas. Edhe pse grupi i xhirimit u kishte treguar dokumentet, ata dyshonin se mund të ishin të infiltruar të Rusisë. Kopliku rrëfen se u është dashur 45 minuta sqarimet dhe verifikime për të vijuar më pas rrugën.

E teksa kujtonte momentet e vështira që po kalojnë ukrainasit, gazetari nuk i ka mbajtur dot lotët duke thënë se ana njerëzore është ajo që të mbizotëron atje, pavarësisht misionit si gazetar.

“I kemi rënë gjatë për të mos pasur probleme me rusët. Kemi udhëtuar ditën e natën. Shoqëruesi bënte telefonata dhe kemi pritur pa lëvizur shumë herë, për të kaluar në rrugicën e duhur. I vetmi problem ishte me një skuadër të forcave vullnetar ukrainase. Për 45 minuta na ndaluan dhe kishin frikë mos ishin spiunë rus. Ka ndodhur kjo edhe me dy trupa të tjerë të mediave. Njëri grup nga Argjentina, është shpëtuar nga tatuazhi i Maradonës se gazetarit që e kishte në krah. Se forcat vullnetare janë grupe lagjesh apo fshati dhe nuk pyesin për komandat e tjera. Ne u tregojmë dokumentin dhe nuk kanë intelektin e një komandanti. Verifikuan dhe bën telefonat dhe më në fund u sqaruan. Ky ishte problemi i vetëm që kishim” u shpreh Kopliku.

Gazetari u shpreh se i vetmi moment që kanë veshur masa mbrojtëse ka qenë në frontin e luftës, pasi sipas tij, masat mbrojtëse do të ishin të pa nevojshme në vende të tjera për shkak se rusët sulmonin me raketa.

“Guida e njihte rrugën. Personalisht kisha një filozofi dhe me grupin. Në ati zona i vetmi problem ishin rakete dhe mortajat. Nuk do na qëllonin me armë. Diskutimi ynë ishte i tillë se po u goditëm me një raketë nuk na duhet më gjë anti-plumbi. I vetmi moment me kaskë mbrojtëse ishte në front me një kaskë në kokë. Na ka ndihmuar personin në fjalë për të shkuar në front. Dhe ushtria e ka konfirmuar. Ne kemi pritur atje. Kemi pamje gjatë rrugës dhe nuk të linin të filmosh” tha Kopliku.

Kopliku mes të tjerash rrëfen se ka pasur momente që forcat ruse i kishin vetëm 500 metra larg.

“E përcaktonin ata vendin ku do raportojmë. Janë pamje “të vjedhura”. Ne lëviznim drejt frontit dhe rusët i kishim vetëm 500 metra distancë në krahun tjetër. Ka disa gazetar në Mariopol, kanë ngecur aty. Hakun e Kievit ato po e marrin në qytete të tjera.”

“Kievi do mbrohet. Nuk ka asnjë mundësi që rusët të hyjnë në Kiev. Kështu besojnë ata. Zelensky po i motivon ushtarët. Prania e tij në Kiev i motivon. Kam parë djem të ri 20 vjeç që qeshnin dhe ishin optimist. Kemi qëndruar 3 ditë në Kiev. Hoteli ndërsa palestra nëntokë ishte se vendstrehim.”

Teksa rrëfente vuajtjet e ukrainasve nga kjo situatë lufte, gazetari është përlotur në studio duke thënë se në ato momente kur shikon gjendjen atje, “zhvishesh” si gazetar dhe shfaqet vetëm ana njerëzore.

“Më dukej e turpshme të intervistoja njerëzit atje. Hyn njerëzorja pastaj. Kur shkon atje hyn pjesa njerëzore dhe nuk është gazetari brenda teje po njeriu.” u shprehe Kopliku.

The post Raportoi nga fronti i luftës mes dramave njerëzore, gazetari: Më vinte keq t’i intervistoja nga gjendja e tyre appeared first on Albeu.com.

Kompliku në fjalën e tij në ABC Live ka dhënë detaje në lidhje me vështirësinë e rrugëtimit të tij bashkë me operatorin Arjan Kamberi në Ukrainë, ku qëllimi i vetëm ishte të zbarkonin në Kiev dhe jo vetëm të shkonin në Ukrainë.

Sipas tij të shkosh në një vend lufte është sfidë e madhe dhe duhet vendosmëria për të mos e kthyer kokën pas.

“Jemi të tensionuar nga ajo që kemi parë dhe kemi komunikuar me ato persona që janë atje që ndodhen mes rrezikut, shumë persona janë larguar nga vendi. Ukraina po përjeton dramën më të madhe të këtij shekulli. Unë kam qenë dhe dy herë të tjerë na Siri, një vend post Lufte, pas rënies së ISIS.

Përgatitja para se të shkosh në këto vende duhet që të jetë e madhe, pikësynimi jonë ishte që ne të shkonim në Kiev. Unë operatorit Ardjanit i kam thënë se dua që të shkoj direkt në Kiev pasi nuk e njohja më parë atë. Doja që ai të futej aty ku futesha unë. Ai kishte qenë vetëm pak ditë më parë me gazetaren Linda Karadaku por tashmë situata kishte ndryshuar”, ka thënë Kopliku.

Ndër të tjera gazetari i ABC shprehet se momenti më i vështirë që ato kanë pas në këtë rrugëtim është fakti që mundtë përballeshin me forcat ruse, të cilët janë shumë të ashpër ndaj gazetarëve perëndimorë.

“Pjesa më e vështirë ishte kontakti për gjetjen e një personi që të na ndihmonte. Ai do të na siguronte lëvizjen që nga momenti i parë e deri në fund të rrugëtimi tonë. Ai ishte guida jonë dhe në vendet në konflikt dhe pse nuk janë gazetarë ato janë fiks për atë punë.

Në rastin e Sirise për të hyrë në pikën e kurdistanit nëse nuk ke një person të tillë ngel aty. Në Ukrainë vetëm duheshin dokumente tona, dhe një akreditim nga ambasada ukrainase në Tiranë dhe ndonjë shkresë që na jepnin nëpër postoblloqe të cilët theksonin se ne ishim të autorizuar për këtë.

Forcat ruse janë të në gjithë territorin përreth Kievit dhe nëse ndeshesh me to ishte shumë agresive, si për të gjithë mediat e tjera perëndimore. Një grup i medias britanike Sky News janë sulmuar, po ashtu dhe gazetarët turq”, shprehet ai.

The post Udhëtimi i ekipit të ABC mes luftës në Kiev, gazetari: Rreziku më i madh ishte përballja me forcat ruse appeared first on Albeu.com.

Ekipi i ABC ndodhet në krahun e ushtarëve ukrainas, të cilët i kanë kërkuar që të mos vijojë më raportimin pas situata është shumë e rrezikshme.

Pasi raportoi LIVE për disa minuta, ndërkohë që rusët bombardonin, ushtarët ukrainas iu afruan ekipit të ABC duke i kërkuar që të largohen menjëherë nga aty pasi po rrezikonin shumë.

Gjatë raportimit të tij Kopliku tha se ndodhej në veri-perëndim të Kievit dhe se rusët kishin rinisuar bombardimet gjatë ditës së sotme me qëllim marrjen e kryeqytetit të Ukrainës. Lufta duket të jetë e ashpër atje pasi qielli është mbuluar nga shtëllunga të zeza tymi pas bombardimeve nga të dyja palët.

The post Po raportonin nga fronti, ekipi i ABC detyrohet të ndërpresë lidhjen LIVE pas bombardimit të rusëve (VIDEO) appeared first on Albeu.com.

The post Dëshiron të luaj sërish me dy shoqet që ka në Tiranë, flet mes lotësh vogëlushja shqiptare në kampin e ISIS appeared first on Albeu.com.