Tatjana Radoja, e cila ka interpretuar edhe në filma si “Përballimi”, “Ndërgjegjja”, “Streha e Re”, u nda nga jeta në moshë të re nga një sëmundje e rëndë. Profesor Radoja që pas ndarjes nga jeta të bashkëshortes nuk u martua më dhe jetën e tij ia dedikoi dy djemve që ata kishin së bashku.

“Bashkëshortja ime iku e re. Më dhuroi dy djem të bukur. Ishte mësuese frëngjishteje. Fati nuk i buzëqeshi për jetën”, tha ai, teksa shtoi se e ka njohur që fëmijë në korin e Pallatit të Pionierëve, ku ishte edhe soliste, dhe më pas janë ritakuar në Festivalin e 11 të Këngës.

“Djemtë u rritën pa nënë”, tha profesori mes emocionesh, por shtoi se nuk ka asgjë në jetë që nuk përballohet. Djali i madh i tij jeton në Gjermani dhe merret me art, madje drejton një grup, ndërsa i vogli punon në media, montazhier dhe ilustrim muzikor.
Profesor Radoja u shpreh se është një baba krenar për të dy djemtë e tij./bw

The post “Fati s’i buzëqeshi për jetën”, Robert Radoja kujton bashkëshorten e ndjerë: Dy djemtë u rritën pa nënë, iku e re appeared first on Albeu.com.