Përfaqësuesi i Tregtisë në Shtëpinë e Bardhë, Jamieson Greer, bëri të ditur se këto masa janë “pothuajse përfundimtare” dhe nuk parashikohet që të rishikohen në një të ardhme të afërt.

“Këto tarifa janë gati për zbatim dhe nuk do të jenë pjesë e ndonjë negociate në ditët në vijim,” u shpreh Greer për CBS, duke nënvizuar vendosmërinë e administratës për të ndjekur një qasje të ashpër në politikën tregtare, veçanërisht ndaj vendeve si Brazili.

Masa vjen pas nënshkrimit të një dekreti presidencial nga Donald Trump, të enjten, i cili parashikon nivele të ndryshme tarifore për importet që vijnë nga vende të ndryshme, që variojnë nga 10% deri në 41%, në varësi të origjinës dhe llojit të produktit. Tarifat do të hyjnë në fuqi më 7 gusht, për të lejuar autoritetet doganore kohë për përgatitje.

Lista e vendeve dhe tarifat përkatëse:

-Bashkimi Europian, Japonia, Koreja e Jugut – 15%

-Mbretëria e Bashkuar – 10%

-Indonezia – 19%

-Vietnami dhe Tajvani – 20%

Për vendet me të cilat SHBA ka marrëveshje tregtare ekzistuese si BE-ja dhe Japonia tarifat janë të fiksuara dhe nuk do të ndryshojnë, sipas këshilltarit kryesor ekonomik të Trump, Kevin Hassett.

Megjithatë, Hassett theksoi për NBC se për vendet që nuk kanë marrëveshje tregtare me SHBA-në, negociatat do të vazhdojnë, dhe tarifat mund të rishikohen në të ardhmen, në varësi të qëndrimeve reciproke.

Ky vendim pritet të ndikojë në dinamikat tregtare globale dhe të testojë qëndrueshmërinë e partneriteteve ekonomike të SHBA me vende të rëndësishme në Azi, Europë dhe më gjerë.

The post Tarifat e reja doganore hyjnë në fuqi së shpejti, Shtëpia e Bardhë: Masat janë thuajse përfundimtare appeared first on Albeu.com.

Trump u ka nisur letra të ngjashme liderëve të Afrikës së Jugut, Malajzisë, Mianmarit, Laosit dhe Kazakistanit, duke thënë se do t’i godasë me tarifa produktet e tyre, prej 25 deri në 40 për qind.

Presidenti ka thënë në fundjavë se duke nisur nga ditë e hënë ai do të dërgojë një mori letrash nëpër shtete të ndryshme për t’i informuar se do t’i zbatojë masat e ashpra që në prill i pati shtyrë për një periudhë kohore.

Në letrat dërguar liderëve të Japonisë dhe Koresë së Jugut, Trump ka thënë se rritja e tarifave do të ndodhë pasi marrëdhëniet tregtare me Uashingtonin, “fatkeqësisht janë larg reciprokes”.

Në letra është thënë se data e fundit për hyrje në fuqi të tarifave është 1 gushti dhe ka paralajmëruar për përshkallëzim të mëtejmë nëse shtetet e përfshira hakmerren me kundërmasa.

Aktualisht, këto shtete janë goditur me 10 për qind tarifë – masë që Trumpi e zbaton në pothuajse të gjithë partnerët tregtarë.

Megjithatë, presidenti amerikan ka thënë se është i gatshëm t’i ulë tarifat nëse shtetet i ndryshojnë politikat tregtare.

Kryeministri i Japonisë, Shigeru Ishiba, ka thënë të dielën se ai “nuk do të bëjë lehtësisht kompromis” në bisedimet tregtare me Uashingtonin.

Deri më tani, Uashingtoni ka arritur marrëveshje tregtare vetëm me Britaninë dhe Vietnamin, derisa Shtetet e Bashkuara dhe Kina janë pajtuar për t’i ulur përkohësisht tarifat në produktet e njëra-tjetrës, që shkonin në mbi 100 për qind./REL

The post Trump vendos tarifa prej 25 për qind ndaj Koresë së Jugut dhe Japonisë, më 1 gusht hyjnë në fuqi appeared first on Albeu.com.

Presidentja e Komisionit Evropian, Ursula von der Leyen thotë se blloku dëshiron t’i japë një shans negociatave, transmeton Telegrafi.

“Ndërsa finalizojmë miratimin e kundërmasave të BE-së që panë mbështetje të fortë nga vendet tona anëtare, ne do t’i pezullojmë ato për 90 ditë,” thotë ajo.

“Nëse negociatat nuk janë të kënaqshme, kundërmasat tona do të fillojnë”, shtoi Von der leyen.

Madje sipas saj, puna përgatitore për kundërmasa të mëtejshme vazhdon.

Ndryshe, Trump goditi BE-në me një tarifë prej 20% në “Ditën e Çlirimit”.

Kundërtarifat e BE-së përfshinin një taksë prej 25% për një gamë të gjerë produktesh amerikane, duke përfshirë bajamet, lëngun e portokallit, shpendët, fasulet e sojës, çelikun, aluminin, duhanin dhe jahtet.

The post BE pezullon tarifat hakmarrëse ndaj SHBA-së appeared first on Albeu.com.

Sidomos për bimët mjekësore ku tregu amerikan zë peshën më të madhe të eksporteve të tyre.

Nga një tarifë zero që është aktualisht, eksportuesit e bimëve medicinale do të përballen me një tarifë 10%.

“Për ne ka qenë pak si e pabesueshme sepse nuk e prisnim. Ne kemi qenë si shtet, ka qenë i preferuar nga Amerika dhe kemi qenë pa tarifa doganore. 35% të eksporteve shqiptare shkojnë drejt Shteteve të Bashkuara të Amerikës dhe esencat. Një pjesë e bimëve armatike mjekësore përdorin si të thuash Turqinë si trampolinë, po përsëri, sherebelat, 1 mijë tonë sherebelë që eksportohet përfundon në Shtetet e Bashkuara të Amerikës”, u shpreh kryetari i EPCA-s, Xhevit Hysenaj.

Kryetari i Shoqatës së Prodhuesve dhe Eksportuesve të Esencave dhe Bimëve Mjekësore të Shqipërisë, Xhevit Hysenaj, tha se e rëndësishme është të mbrohen fermerët, ndaj janë në diskutime me palën amerikane.

“Është e pamundur t’u kalosh fermerëve një ngarkesë të tillë. Fermerët shqiptarë janë në pikën më të keqe të tyre, ku ata janë në dilemë, të vazhdojnë kultivimet apo të ndërpresin prodhimin e tyre. Ne do të bëjmë të pamundurën që të negociojmë me partnerët dhe blerësit tanë që të ndajmë këtë kosto dhe do shohim se çfarë mundësish dhe alternativash mund të krijojmë nëse do përballojmë apo jo”, shtoi më tej Xhevit Hysenaj.

Sipas Hysenajt, sektori i bimëve aromatike dhe mjekësore janë më të prekurit edhe nga kursi i këmbimit.

“Ne kemi tre vite, dy vite e gjysmë që vuajmë nga rënia drastike e Dollarit, mbi 20 e ca për qind. Vështirësitë pothuajse të gjitha kompanitë vitin e kaluar kanë dalë me humbje, pikërisht për këtë efekt të Dollarit. Ka patur dhe probleme që kanë ndikuar në mënyrë drastike ka qenë dhe largimi i fuqisë punëtore”, tha Hysenaj.

Eksportet drejt Amerikës për vitin 2024 zënë 2% të totalit të eksporteve të vendit, me një vlerë prej 7 miliardë Lekëve, ku peshën më të madhe e zë eksporti i gizës dhe çelikut, ndërsa bimët mjekësore përbëjnë 23% të eksporteve në SHBA, me vlerë 1.6 miliardë Lekë.

The post Tarifa 10% e Trump, eksportuesit shqiptarë kërkojnë ndihmën e qeverisë appeared first on Albeu.com.

Tarifat e reja do të jenë të diferencuara, bazuar në një listë faktorësh që lidhen me vjetëresinë e mjetit dhe historikun e aksidenteve të shoferëve.

I ftuar në studion e Euronews Tonight, gazetari Neritan Gjergo sqaroi se do të ketë disa faktorë të përcaktuar nga Autoriteti i Mbikëqyrjes Financiare, që do të ndikojnë në çmimin e sigurimit të makinës.

“Deri para 10 vitesh flitej vetëm për historikun e dëmve, ndërkohë që me propozimin e Autoritetit të Mbikëqyrjes Financiare, janë një sërë faktor të tjerësh në përcaktimin e çmimeve.

Fuqia motorike do përcaktojë çmimin. Mosha e të sigururarit, dmth nëse një individ është i ri në moshë gjatë dy viteve të para do paguajë më shumë.

Përvoja në drejtimin e mjetit, nëse e merr lejen e drejtimit të mjetit në moshë të madhe, dy vitet e para do të paguajë më shumë. Qarku ku është regjistruar mjeti, mosha e mjetit, sa më e vjetër makina, aq më shumë paguhet.” –sqaroi Gjergo.

Më tej, sa i takon dëmeve të shkakatuara ndaj makinës në raport me çmimin e sigurimit, gazetari shpjegoi se në varësi të dëmit të makinës gjatë viti, vendoset një koeficient, i cili shumëzohet me çmimin e sigurimit të makinës.

“Me sistemin bonus-malus ishte vendosur një prioritet ku të gjithë drejtuesit kishin një koficent një. Nëse kishin një histori të drejtimit të mirë të mjetiti nga viti në vit paguanin më pak.

Tashmë më asnjë dëm të raportuar gjatë vitit e ul çmimin e siguracionit duke e shumëzuar me 0,95. Sot çmimet e policave të sigurimit qëndrojnë midis 16 mijë dhe 18 mijë.

Pra nëse një individ nuk ka dëme shumëzohet me 0.95. Një dëm i raportuar gjatë vitit shumëzohet me 1,25 dhe dy ose më shumë dëme gjatë 3 viteve të fundit shumëzohet me deri në 1,5,” –tha gazetari.

Rregullat e reja janë caktuar nga Autoriteti i Mbikëqyrjes Financiare, si pjesë e një projekti të diskutuar disa vite më parë, por kompanitë e sigurimeve nuk ishin gati ta zbatonin.

Vetëm vitin e kaluar, kompanitë mblodhën 141 mln euro nga sigurimi motorik, ndërsa paguan për dëmet e makinave 49 mln euro.

The post Shifrat: Ja sa do të rritet siguracioni për makinat vitin e ardhshëm appeared first on Albeu.com.

Të gjitha ata që tre vitet e studimit i mbarojnë me notën mesatare 10 dhe provimet e maturës me mbi 9.5, e përfitojnë bursën dhe përjashtimin nga tarifat, edhe pse zgjedhin çdo lloj dege që preferojnë.

Kategoria e dytë e maturantëve që përfitojnë, janë ata me mesatare minimumi 8.5 dhe zgjedhin një nga programet prioritare (që rrezikojnë të mbyllen). Një tjetër kategori përfituese janë maturantët që kanë zënë një nga 3 vendet e para në olimpiada ndërkombëtare, në të cilat ka të paktën 15 vende pjesëmarrëse. Programi që ata zgjedhin lidhet me fushën ku ka marrë çmim.

Një tjetër vendim që ishte ai për uljen e mesatares për degët e mësuesisë në fakultete ka shkaktuar konfuzion dhe reagime. E ftuar në Radarin Informativ, ministrja Kushi sqaroi se nga 7.5 nota mesatare e pranimit në universitet ulet në 6.5. Ky ndryshimi i notës mesatare sipas saj përshin vetëm maturantët që nuk duan të bëhen mësues. Për ketë të fundit nota mesatare nuk ndryshon.

“Pasi miratuam vkm në daljen që bëjmë unë e theksova dhe e përsërita 2 herë. Ne i qëndrojmë kritereve për mësues sepse duam që fëmijët tanë të kenë mësuesit më të mirë. E mban mend kam qenë e kujdesshme që edhe kur e kam pasqyruar në rrjete sociale lajmin ta theksoj edhe aty. Për mësuesit nuk ka ndryshim të kritereve.

Ka shumë debat në aspektin e mesatares. Ne i kemi rritur pagat. Të jetë për mua dua që mësuesve tu rritet paga më shumë se të gjitha profesioneve të tjera. E kam ngritur zërin por s’është nevojë se e kam këtë dakordësi në qeveri se të gjithë janë dakord që mësuesit të kenë pagat më të larta. Ne kemi mësues të shkëlqyer. Ju nuk i jepni lajm mësuesit e mirë por jepni një mësues që gabon diku. Ne kemi mësues shumë të mirë në këtë sistem. Ne kemi dhënë mundësinë që edhe ata që nuk duan të bëhen mësues por duan të vazhdojnë për mësuesi, për shembull duan të bëhen gazetare”.

The post Përjashtim tarifash dhe bursa për studentët ekselentë, kush janë 3 kategoritë që përfitojnë appeared first on Albeu.com.

Sipas këtij vendimi, qytetarët e Kosovës gjatë qëndrimit në njërin nga gjashtë shtetet e Ballkanit Perëndimor, nga sot nuk do të paguajnë asnjë çmim shtesë për thirrjet e realizuara telefonike dhe mesazhet e pranuara e të dërguara.

Në lidhje me këtë çështje ka reaguar ditën e djeshme edhe Majlinda Bregu, sipas të cilës, ky është vetëm hapi i parë, ndërsa shton se, atë që arritëm me roam free, shpresojmë ta arrijmë me lëvizjen e lirë për qytetarët dhe bizneset e Ballkanit.

Tarifat Roaming:

Tarifat e Roaming-ut i referohen shërbimeve që qytetarët shfrytëzojnë në një shtet tjetër, nga qendra e operatorit të telefonisë mobile ku janë të regjistruar.

“Roaming-u ka të bëjë me çështjen e zërit. Nuk do të aplikohet tarifë shtesë nëse një qytetar i Republikës se Kosovës, konsumatorë i ndonjërit nga operatorët e telekomunikacionit që operojnë në Kosovë, do të telefonojë nga ndonjë operatorë që vepron në Ballkanin Perëndimor. Me fjalë të tjera, një qytetar i Republikës se Kosovës, që ka kartë të konsumatorit të Vala-s, nga Shqipëria do të telefonojë në Kosovë me pako të njëjtë sikurse që është në Kosovë”.

Sipas tarifave të publikuara nga operatorët vendor, klientët për çdo minutë thirrje telefonike brenda operatorit të njëjtë, paguajnë 13 centë, ndërkaq dërgimi i mesazheve kushton 6 centë. Aktualisht, tarifat shtesë për shërbimet Roaming për thirrje të realizuara për 1 minutë janë 5 centë, kurse për një SMS është 2 centë.

Autoriteti Rregullativ të Komunikimeve Elektronike dhe Postare (ARKEP) tashmë ka njoftuar për miratimin e Rregullores për zbatimin e politikës së përdorimit të drejtë dhe metodologjinë e vlerësimit të qëndrueshmërisë së heqjes së tarifave të Roaming-ut.

Në këtë rregullore thuhet se, “obligohen operatorët e telefonisë mobile në Republikën e Kosovës që të ofrojnë shërbimet me pakicë të rregulluara të Roaming-ut sipas çmimit të aplikuar në nivel kombëtar për parapaguesit e tij, të cilët zakonisht janë rezidentë ose kanë lidhje të qëndrueshme”.

Këto tarifa do të eliminohen në bazë të marrëveshjes së Roamingut mes vendeve të Ballkanit Perëndimor (Kosovës, Shqipërisë, Maqedonisë së Veriut, Malit të Zi, Bosnje e Hercegovinës dhe Serbisë).

Kjo marrëveshje ishte arritur në prill të vitit 2018, në Samitin e Parë Dixhital të mbajtur në Shkup. Zbatimi i kësaj marrëveshjeje është paraparë të bëhet në dy faza.

Pikërisht më 1 korrik 2021, kur eliminohen tarifat për shërbimet e roaming-ut në vendet e Ballkanit Perëndimor, do të nisin bisedimet për të arritur marrëveshje të njëjtë edhe me vendet e Bashkimit Evropian,

Faza e parë e zbatimit të marrëveshjes për roaming mes vendeve të Ballkanit Perëndimor ka filluar në vitin 2019, ku ka pasur një ulje të çmimeve deri në 80 për qind, kurse faza e dytë, apo eliminimi i tërësishëm i tarifave, është paralajmëruar se do të zbatohet më 1 korrik 2021.

Heqjen e tarifave të telekomunikimit për vendet e Ballkanit Perëndimor e ka kërkuar Bashkimi Evropian, si formë lehtësimi për komunikimet ndërmjet qytetarëve.

The post Tarifat e reja të Roaming-ut për vendet e Ballkanit Perëndimor, si do të komunikoni nga sot kur udhëtoni jashtë vendit appeared first on Albeu.com.