Monika Kolombo, ka zbuluar prapaskena të tjera nga ndeshja e fundit në “San Siro”, që u humb me rezultatin 1-2 ndaj Kaljarit.

Duke qenë pranë Milanit, gazetarja sportive zbulon detaje që duken të pabesueshme. Në fjalët e saj kuptohet se vetëm Tare e donte dhe po bënte tifozllëk për fitoren e Milanit.

“Thuhet se te goli i Salemakers në minutën e dytë të ndeshjes, vetëm Igli Tare u hodh në këmbë për të festuar avantazhin e Milanit. Drejtuesit e tjerë nuk lëvizën, pothuajse të bezdisur nga drejtimi që po merrte mbrëmja.

Skuadra ishte vënë në kushtet më të mira të mundshme për t’u kualifikuar në Ligën e Kampioneve, objektiv që i ishte kërkuar Masimiliano Alegrit dhe Igli Tares në fillim të sezonit. Me një rezultat të tillë do të ishte e pamundur të largohej trajneri dhe drejtori sportiv, pavarësisht se këshilltari i “RedBird”, Zlatan Ibrahimoviç, nuk duronte asnjërin prej tyre”, shkruan gazetarja italiane.

Dje ishte Xherri Kardinale që vendosi t’i shkarkonte të gjithë drejtorët dhe trajnerin Alegri. Mbijetoi vetëm Zlatan Ibrahimoviç, që duket edhe personi prapa gjithçkaje.

The post Zbulohen detaje të reja nga gazetarja pranë Milanit: Ibrahimoviç nuk duronte Taren, vetëm ai festoi kur… appeared first on Albeu.com.

Lajmet që qarkullojnë në Itali flasin gjithashtu për një “revolucion” në strukturën drejtuese të klubit kuqezi, ku përveç trajnerit, raportohet se janë larguar edhe figura të rëndësishme të menaxhmentit.

Mes emrave të përmendur janë CEO i klubit Giorgio Furlani, drejtori sportiv Igli Tare, si edhe shefi i skautingut Geoffrey Moncada.

Megjithatë, deri tani nuk ka një konfirmim zyrtar nga klubi për këto zhvillime, ndërsa pritet që orët në vijim të sqarojnë situatën e vërtetë në kampin e Milanit.

The post Milan shkarkon Allegrin, Taren dhe Furlanin pas dështimit për t’u kualifikuar në Champions appeared first on Albeu.com.

“Tani nuk mund të gabojmë më”, – theksoi trajneri Max Allegri pas humbjes së Milanit kundër Atalantës. Kuqezinjve nuk u falet më asnjë gabim, nëse duan të arrijnë objeiktivin minimal, Championsin. Kundër Genoa bën punë vetëm fitorja për të ruajtur vendin e 4-t.

Igli Tare foli për mundësinë e grumbullimit të skuadrës. “Është shumë e rëndësishme të jemi me mendje të ftohtë. Pranojmë kritikat, që janë të drejta, dhe duhet të reagojmë. Ndoshta mund të analizojmë gjithçka me ndonjë ditë grumbullim, duke qenë të gjithë bashkë pak para kohe”, – ka sugjeruar Tare.

Drejtuesi shqiptar i Milanit më tej ka shtuar: “Në ndeshjet e fundit ka munguar tensioni i duhur. Nuk mund të fshihemi, duhet të marrim përgjegjësitë. Fati gjithsesi është në duart tona. Duhet të analizojmë atë që ka ndodhur në 6 javët e fundit”.

Allegri nuk e konfirmoi dhe as e mohoi grumbullimin e ekipit: “Kur të mësojmë kur do të luajmë, do të bëj programin javor. Duhet të përgatitemi mirë për Genoan. Nuk na mbetet gjë tjetër, veçse të fitojmë”. Trajneri nuk u duk “entuziast” për propozimin e Tares, duke gjykuar se grumbullimi në këtë moment do të shtonte presionin mbi lojtarët.

The post Kriza e Milanit/ Igli Tare propozon “izolimin” e skuadrës, Allegri shumë i ftohtë appeared first on Albeu.com.

Bëhet fjalë për një takim rutinë, si ai i zhvilluar javën e kaluar në Milanelo, dhe që do të përsëritet sërish edhe sot në qendrën stërvitore, ku Furlani do të takojë grupin dhe stafin teknik.

ÇFARË KËRKON ALEGRI PËR TË ARDHMEN

Në fund të sezonit, temat për diskutim nuk mungojnë. Nga ndeshjet e mbetura, duke nisur nga përballja e rëndësishme ndaj Juventus, që janë vendimtare për objektivin Champions, deri te planet për sezonin 2026-27.

“Duhet të mendojmë jo për dy-tre muajt e ardhshëm, por për një ose dy vite”, ishte deklarata e Alegrit para ndeshjes me Veronën. Trajneri është i bindur se Milani nuk është prapa në projektin e tij dhe këto takime shërbejnë pikërisht për të përcaktuar strategjitë e së ardhmes, përfshirë edhe merkaton.”Kam nisur një rrugëtim këtu dhe dua ta vazhdoj”, kishte theksuar ai pas fitores së fundit.

Në këtë drejtim, pas punës së bërë këtë sezon, ku skuadra është ngjitur nga vendi i nëntë në të dytin, Alegri kërkon garanci për investime në lojtarë cilësorë dhe me eksperiencë. Për të vazhduar rritjen, Milani ka nevojë për përforcime të nivelit të lartë.

The post Takim në selinë e Milanit, Furlani, Tare dhe Alegri planifikojnë të ardhmen kuqezi appeared first on Albeu.com.

Duka e cilësoi këtë si një arritje të rëndësishme për futbollin shqiptar dhe një sfidë të re për Taren në një nga klubet më legjendare të Evropës.

Më tej ai shprehet i bindur se profesionalizmi, përkushtimi dhe vizioni i Tares do ta ndihmojnë Milanin të rikthehet në nivelet më të larta, duke kujtuar sukseset e tij të mëparshme në ndërtimin e një projekti të qëndrueshëm me Lazion.

The post Igli Tare emërohet Drejtor Sportiv i Milanit, Duka: Vizoni yt do ta ndihmojë këtë klub legjendar! appeared first on Albeu.com.

Ai tha se Kina ka shprehur ambicie për të hyrë në lidershipin arktik gjatë 20-30 viteve të fundit, duke investuar dhe bërë kërkesa për investime të mëdha në Groenlandë.

Tare u shpreh se danezët dhe groenlandezët e kanë kundërshtuar idenë e Donald Trump, ndërsa theksoi se nëse presidenti amerikan do të kishte thënë të njëjtën gjë për Shqipërinë, nuk do të kishte asnjë kundërshtim nga shqiptarët.

“Edhe groenlandezët edhe danezët publikisht po e kundërshtojnë këtë gjë. Ndërkohë imagjinoni nëse Donald Trump do kishte thënë të njëjtën gjë për shqiptarët. Mendoj se sot do kishim bërë një emision sa mirë do ishte Shqipëria nën ombrellën amerikane, nuk do kishte asnjë kundërshtime nga asnjë shqiptar”, tha Tare në emisionin “Open” në News24.

The post Deklaratat e Donald Trump për Groenaldën, Auron Tare: Imagjinoni nëse do kishte thënë të njëjtën gjë për Shqipërinë, nuk do kishte asnjë kundërshtim appeared first on Albeu.com.

Në ndeshjen në Tiranë ishte edhe Igli Tare, ish-futbollisti i kombëtares shqiptare. Gazetarët e takuan në dhe e pyetën se çfarë grupi do të donte për Euro 2024. “Para së gjithash, dua që Italia të kualifikohet,” – tha Tare duke qenë se ishte pyetur përpara përfundimit të ndeshjes mes Italisë dhe Ukrainës e cila u mbyll në barazim më pas dhe kualifikoi axurrët. “Do të doja një grup Gjermaninë, Italinë, dhe Serbinë kundër Shqipërisë”, tha Igli Tare.

Igli Tare kaloi një pjesë të mirë të karrierës së tij si lojtar në Gjermani dhe Itali, ndaj dëshirat e tij janë të kuptueshme. Ndërkohë mediat serbe i bëjnë jehopnë faktit se përse edhe Igli Tare kërkon Serbinë në grup. Megjithatë diçka e tillë mund të ndodhë pasi Gjermania do të jetë në vazon e parë, Shqipëria në të dytën, Italia në të tretën dhe Serbia në të katërtën.

Që nga pavarësia, Serbia ka luajtur dy herë kundër Shqipërisë. Ose më mirë një herë. Dueli i parë mes dy skuadrave i luajtur më 14 tetor 2014 në Beograd u ndërpre për shkak të dronit të famshëm dhe barbarisë së tifozëve serb që treguan duke hyrë në fushë dhe dhunuar lojtarët shqiptarë. Ajo ngjarje e rëndë më pas solli rezultatin në favor të kuqezinjëve pas vendimit të Gjykatës së Arbitrazhit sportive të Lozanës.

Ndeshja e kthimit u luajt më 8 tetor 2015 dhe Serbia fitoi 2-0 në Elbasan. Golat më pas u shënuan nga Aleksandar Kolarov dhe Adem Ljajić. “Nuk ka dyshim se kjo ndeshje do të sillte tensione të mëdha, ndaj nuk dihet pse ish-futbollisti shqiptar e do Serbinë në veçanti,” – shkruajnë mediat serbe.

The post Euro 2024, Shqipëria në një grup me Serbinë? Tare “nxeh” situatën: Do të ketë tensione të mëdha kjo ndeshje appeared first on Albeu.com.

Eksperimenti i drejtimit nga dyshja Lotito-Sarri, pa shqiptarin që koordinonte merkaton dhe situatat brenda klubit, po sjell një atmosferë kaotike dhe divorci mes palëve duket shumë afër.

Humbja e fundit përballë Milanit ka thelluar edhe më shumë hendekun mes presidentit dhe trajnerit, i cili ankohet për gjithçka e tashmë nuk ka Taren që të mund të fajësojë.  Kështu, Lotito po mendon realisht largimin e trajnerit, edhe pse një kontratë prej 4 milionë eurosh në vit e tij është e vështirë të prishet pa penaltitete të rënda.

“Corriere Dello Sport”, në një analizë të situatës së bardhekaltërve, i cilëson të “pashërueshme” ndasitë që janë krijuar te Lacio. “Nuk ka hapësira diplomatike për të vendosur brenda ndasive të krijuara”, thekson ajo.

“Sarri thyen gjithçka, por ecën përpara, nuk është një tip që jep dorëheqjen, nuk e ka bërë kurrë. “Lojtarët e kërkuar nuk kanë ardhur, unë kërkova A, por më sollën X dhe Y”. Lotito nuk e ndan, për momentin. Por tani nuk mund të shohë klasifikimin dhe të qëndrojë shurdh ndaj disa sulmeve”, shkruhet në artikull.

“Duhej të ishte dyshja më e bukur e merkatos, e tregoi veten si një dyshe e pamundur. dhe vazhdon që nga qershori përshkallëzimi i mosmarrëveshjeve dhe inkoherencës mes presidentit dhe trajnerit. Dhe mbetet, e gjithmonë do të jetë e tillë, çështje raportesh të besimit të tradhtuar, fuqie. Sarri, pa Taren, kishte besuar (ose e kishin bërë të besonte) se mund të bëhej Ferguson i Lacios”, shkruante ndër të tjera artikulli i gazetës sportive italiane.

The post Mediat italiane ironizojnë Sarrin: Pa Taren mendonte se do bëhej si Fergusoni appeared first on Albeu.com.

Më fund të majit të kaluar, Klose, në një festë të klubit bardhekaltër, deklaroi se ishte larguar nga kjo skuadër pasi nuk i ishte ofruar kurrë rinovimi, ndërsa ish-drejtori sportiv, shqiptari Tare, u shpreh në lidhje me këto deklarata se nuk është e thënë se pas një futbollisti të madh të jetë një njeri i madh (kuptohet, referenca ishte për Klosen).

Në një prononcim të fundit për “Il Messaggero”, ish-sulmuesi i kombëtares gjermane iu kthye sërish kësaj teme.

“Nuk dua të bëj polemika, thjesht thashë që nëse një klub vendos të ndërpresë një marrëdhënie me një lojtar, duhet t’i tregosh paraprakisht e jo të presësh ditën e fundit siç ndodhi me mua, Lulic, Maurin, Bizzarrin, lista është e gjatë…”.

Gjermani vijon: “Kur nuk më komunikuan asgjë, mora vendimin të ndalesha dhe të largoja shqetësimin, por e tregova historinë time që këto keqkuptime të mos përsëriten në të ardhmen, që të ndryshojë “modus operandi” (metoda e punës) te Lazio.

U ndamë keq, sepse (Tare) nuk është një person që i thotë gjërat në fytyrë, por duhet pranuar që ka bërë një punë të madhe te Lazio, më mori mua dhe shumë talente si Felipe Anderson dhe Milinkovic”.

The post Vijon përplasja Klose-Tare, gjermani: Ai nuk t’i thotë gjërat në sy appeared first on Albeu.com.

“Il Messaggero” madje e bën fakt të kryer largimin e Igli Tares dhe shprehet se Claudio Lottito ka nisur nga puna për zëvendësuesin e tij. Në “pole position” qëndron drejtori sportiv i Napolit, Cristiano Giuntoli, por ky i fundit ka një akord verbal me Juventusin.

Ndërkohë që alterinativat e tjera janë Pasquale Foggia dhe Açardi, me këtë të fundit që ka në dorë merkaton e Empolit. Javët e ardhshme pritet të jenë vendimtare për të ardhmen e Igli Tares, por gjithashtu edhe për drejtorin e ri sportiv të Lazios.

The post Igli Tare dhe Lazio drejt “divorcit”, kush pritet ta zëvendësojë shqiptarin appeared first on Albeu.com.