Ok, është momenti për t’u qetësuar pasi është thjesht panik i rremë. Edhe nëse po kaloni një situatë të sikletshme me tamponin tuaj, nuk ka asnjë shans që të ngecë brenda trupit apo edhe më keq të humbasë.

Tamponi vendoset në vaginë dhe vagina nuk komunikon me pjesën abdominale, që do të thotë se ai ndodhet vetëm në zonën rreth vaginës dhe askund tjetër. Nëse diçka ndodh, fija humbet, tamponi thyhet (gjëra që ndodhin shumë rrallë), ka mënyra të ndryshme për ta hequr, prandaj duhet vetëm të ruani qetësinë.

Sipas gjinekologëve, një prej tyre është të përdorni një ose dy nga gishtat tuaj për të ndjerë tamponin dhe pastaj për ta nxjerrë jashtë, por sigurohuni që duart të jenë të pastra.

Një tjetër formë është të uleni në tualet, të merrni frymë thellë dhe të përpiqeni ta hiqni duke ruajtur qetësinë. Në rast se as pas përpjekjeve tuaja tamponi nuk del, e mira është të shkoni tek mjeku. Përveç stresit dhe parehatisë, një tampon që qëndron për një kohë të gjatë, mund të shkaktojë infeksione vaginale. Mos harroni që maksimumi për të mbajtur një tampon/lines është 8 orë.

The post A ka shanse që një tampon të ngecë brenda trupit? Ç’duhet bërë në një situatë të tillë appeared first on Albeu.com.

Karantina do të jetë 5 ditë dhe tamponi do të jetë i detyrueshëm në momentin e hyrjes në Itali. Pas përfundimit të karantinimit 5 ditor bëhet i detyrueshëm edhe një tjetër tampon.

Nga ana tjetër, kryeministri Italian, Mario Draghi i ka drejtuar një thirrje rajoneve duke i kërkuar të punojnë të gjithë së bashku, si mënyra e vetme për të fituar betejën mbi koronavirusin.

Draghi ka kërkuar që të lidhen mënjane polemikat dhe të ndërtohet një raport konstruktiv me shtetin.

“Duhet të shohim përpara drejt së ardhmes me optimizëm. Fushata e vaksinimit po përmirësohet vazhdimisht dhe me shpejtësi. objektivat e parashikuar për muajt prill dhe maj lidhur me imunizimin, në referim me furnizimin e vaksinave dhe numrin e vaksinimeve, e që janë tek gjysmë milionë të vaksinuar në ditë, nuk duken më aq të largëta sa përpara”, u shpreh Draghi.

Draghi thotë se vendit i duhet dhënë sërish shpresë, dhe duhet filluar të mendohet për rihapjen. Optimizmi i kreut të qeverisë italiane bazohet tek numrat. Ai shpjegoi se dozat në mbërritje të vaksinave duhet të jenë të mjaftueshme që në muajin korrik, në të gjithë Europën të arrihet imuniteti.

Duke iu kthyer edhe një herë rajoneve, Draghi i siguroi se shteti do të bëjë gjithçka për t’iu përgjigjur nevojave të tyre e për ti ndihmuar në arritjen e objektivave në luftën kundër pandemisë, që në fund, janë të njëjta për të gjithë.

The post Italia ashpërson masat: Karantinë dhe tampon të detyrueshëm për vendet e BE-së appeared first on Albeu.com.