“Ne besojmë se akti i njohjes zyrtare të qeverisë së Emiratit Islamik të Afganistanit do t’i japë shtysë zhvillimit të bashkëpunimit produktiv dypalësh midis vendeve tona në fusha të ndryshme”, tha Ministria e Jashtme ruse në një deklaratë.

Ministria e Jashtme e Afganistanit gjithashtu konfirmoi vendimin, duke thënë se ambasadori rus, Dmitry Zhirnov u takua me ministrin e jashtëm taleban, Amir Khan Muttaqi, dhe i përcolli vendimin e qeverisë që nënvizon “rëndësinë e këtij zhvillimi”. Zhirnov e quajti atë një hap historik drejt forcimit të marrëdhënieve midis dy vendeve.

The post Rusia bëhet shteti i parë në botë që njeh qeverinë e talebanëve, ambasadori rus në Afganistan: Hap historik drejt forcimit të raportit tonë appeared first on Albeu.com.

Ata kanë mbajtur paradë ushtarake me pajisjet që i kanë lënë mbrapa forcat amerikane.

Kjo ngjarje është zhvilluar në bazën ajrore Bagram në veri të kryeqytetit afgan, Kabulit, e cila është kontrolluar nga forcat amerikane për dy dekada.

Kjo bazë është përdorur për të planifikuar operacione ushtarake kundër talibanëve.

Data 31 gusht është shpallur ditë pushimi nga talibanët, të cilët kanë lëshuar edhe fishekzjarrë në orët e para të mëngjesit.

Talibanët kanë ardhur në pushtet vitin e kaluar, por udhëheqësia e tyre nuk njihet nga asnjë shtet.

Përgjatë një viti ata janë kritikuar nga organizatat ndërkombëtare për abuzime me të drejta të njeriut, veçanërisht të grave.

Duke folur në këtë organizim, kryeministri i talibanëve, Mullah Hassan Akhund, ka thënë se ata kanë luftuar 20 vjet për këtë ditë.

Megjithatë, ai e ka pranuar se ekonomia e shtetit është paralizuar për shkak të sanksioneve.

Ushtari i fundit amerikan është larguar nga Aeroporti Ndërkombëtar i Kabulit më 30 gusht, duke i dhënë fund një evakuimi kaotik./REL

The post Talibanët shënojnë përvjetorin e largimit të trupave të huaja nga Afganistani appeared first on Albeu.com.

Zyrtarët amerikanë janë cituar të kenë thënë më 15 gusht se diplomatët po evakuohen me helikopterë nga Ambasada amerikane dhe po dërgohen për në aeroport.

Mediat kanë raportuar se helikopterët janë parë duke fluturuar nga Ambasada amerikane, si dhe janë parë edhe automjete të blinduara.

Zyrtarët e Ambasadës amerikane janë udhëzuar që të shkatërrojnë materialet e ndjeshme, por edhe gjëra të tjera, siç është logoja e ambasadës, flamujt amerikanë ose edhe gjëra të tjera që “mund të përdoren për propagandë”, tha CNN, duke cituar një njoftim që i është dërguar punonjësve të ambasadës.

Kontingjenti i parë prej 3.000 trupave amerikane arriti në Kabul më 13 gusht për të ndihmuar në evakuimin e stafit dhe sigurinë e aeroportit. Zëdhënësi i Pentagonit, John Kirby ka thënë se do të dërgohen edhe trupa shtesë në mënyrë që “mijëra persona” brenda ditës të mund të tërhiqen nga Afganistani.

Britania, Gjermania, Italia dhe shtete të tjera evropiane po ashtu kanë përshpejtuar përpjekjet e tyre për të evakuuar diplomatët dhe punonjësit e tjerë të ambasadave të tyre. Por, zyrtari i Ministrisë së Jashtme ruse, Zamir Kabulov tha se Moska nuk ka plane të tilla.

Ai tha për mediat ruse se ishte në “kontakt të drejtpërdrejtë” me ambasadorin rus në Kabul dhe se punëtorët e ambasadës ruse po vazhdojnë të punojnë “me qetësi”.

Sipas agjencisë ruse të lajmeve TASS, talibanët kanë garantuar siguri për misionin rus.

Kjo agjenci citoi një zëdhënës të zyrës politike të talibanëve në Katar të thotë se organizata ka “raporte të mira me Rusinë” dhe “politika në përgjithësi është që të sigurohen kushte sigurie për funksionimin e misionit rus dhe misioneve të tjera”.

Ndërkaq, mediat në Brtiani kanë raportuar se ambasadori britanik në Afganistan është evakuuar përmes ajrit, pas frikës se talibanët do ta merrnin menjëherë nën kontroll aeroportin.

Një avion i Forcave Mbretërore Ajrore raportohet se ka evakuuar diplomatët dhe civilët më 14 gusht.

Javën e kaluar, autoritetet britanike thanë se 600 trupa janë dërguar në Kabul për të evakuuar rreth 3.000 shtetas britanikë dhe 2.000 afganë të cilët kanë punuar me forcat britanike.

Ndërkaq, mediat gjermane kanë raportuar se Gjermania ka dërguar avionë transportues ushtarakë për të tërhequr stafin afgan që ka punuar në Ambasadën gjermane.

Ndërkaq, shumica e personelit të Ambasadës italiane në Kabul raportohet se po transferohet për në aeroportin e Kabulit, në pritje të evakuimit. Gazeta Corriere della Sera ka raportuar se rreth 50 punonjës italianë dhe 30 punëtorë afganë dhe familjet e tyre, së bashku me trupat italiane do të evakuohen.

Suedia po ashtu do të evakuojë stafin e ambasadës së saj, ka raportuar radioja shtetërore./REL

The post Perëndimi nxiton që të evakuojë stafin e ambasadave në Kabul appeared first on Albeu.com.