Presidenti i Federatës Shqiptare të Futbollit, Armand Duka, ka komentuar nëpërmjet një postimi në rrjetet sociale ndryshimin që do të hyjë në fuqi gjatë sezonit 2026/27 të “Abissnet Superiore”.

Rregulli, i miratuar sot nga Komiteti Ekzekutiv i FSHF-së, i detyron klubet të aktivizojnë futbollistë të rinj në kampionatet kombëtare. Sipas Dukës, kjo nismë synon t’u krijojë talenteve më shumë hapësira dhe besim për të treguar vlerat e tyre në futbollin shqiptar.

“E ardhmja nuk pret. Ajo ndërtohet me vendime të guximshme. Më shumë besim te talentet tona. Më shumë mundësi për brezin e ri. Një vizion i qartë për zhvillimin e futbollit shqiptar”, shkruan presidenti Duka.

The post Duka për rregullin e ri në Superiore: Më shumë mundësi për talentet dhe vizion i qartë për futbollin shqiptar appeared first on Albeu.com.