Me zë të fuqishëm dhe energji të jashtëzakonshme skenike, Aulona mori “po”-në vendimtare nga të gjithë anëtarët e jurisë, përfshirë edhe reperen e famshme Loredana, e cila është pjesë e jurisë këtë sezon.

“Talenti i të rinjve tanë nuk njeh kufij. I tillë është edhe shembulli i Aulona Morinës, e cila me pjesëmarrjen e saj në spektaklin prestigjioz ‘Deutschland sucht den Superstar’ dëshmoi potencialin dhe energjinë e jashtëzakonshme të rinisë sonë”, shkruan Ajeti në Instagram.

Ky është një tjetër sukses ndërkombëtar për të rinjtë kosovarë që po lënë gjurmë në arenën ndërkombëtare të muzikës dhe artit.

The post Vajza shqiptare mahnit jurinë, shkëlqen në spektaklin gjerman të talenteve muzikore (VIDEO) appeared first on Albeu.com.

Pasi ka shijuar një rilindje në karrierë me Orlando Cityn në MLS, ku është çiftuar mirë me Nanin, Pato ka më shumë qartësi në ngjarjet që ndoshta e penguan atë të arrijë potencialin e tij me kuqezinjtë.

“E di se çfarë po mendoni, e kam dëgjuar për 10 vjet”, ka shkruar Pato në “The Players’ Tribune”.

“Çfarë ndodhi me Paton? Pse Pato nuk e fitoi Topin e Artë? Pse Pato ishte gjithmonë i dëmtuar? Këtyre pyetjeve duhet t’u kisha dhënë përgjigje shumë kohë më parë. Kishte kaq shumë thashetheme, sidomos në Milano. Unë bëra shumë festë, nuk kisha dëshirë, jetoja në një botë fantazi, isha thjesht një fëmijë. A bëra shumë festë? Jo aq sa do të donin të besoni.”

Siç ka ndodhur me një numër lajmesh të shkruara nga futbollistët në “The Players’ Tribune”, Pato u përpoq të korrigjonte disa nga besimet që të tjerët kanë për karrierën e tij.

“Pra, mendoj se është koha për t’i rregulluar gjërat, tani jam 32 vjeç, jam i lumtur, jam në formë dhe nuk jam i hidhëruar për asgjë dhe askënd”, vazhdoi ai.

“Gjëja e parë që duhet të kuptoni është se unë u largova nga shtëpia shumë herët, ndoshta shumë herët. Vjen dita e madhe dhe ne jemi në provë në Internacional, shansi i jetës, arrijmë atje dhe babai im e kupton se nuk mund të përballojë një hotel të duhur, çfarë bën ai? Ai na regjistron në një hotel seksi.”

Zgjedhja e Milanit ndaj Barcelonës dhe Real Madridit

Megjithatë, kur Pato përfundimisht u largua nga Brazili pasi fitoi Kupën e Botës për Klube me Internacionalin, ai kishte zgjedhjen e tij të klubeve evropiane, por ai zgjodhi AC Milanin në vend të dy gjigantëve nga LaLiga Santander.

“Pas kësaj mund të kisha shkuar te Barcelona, ​​Ajax, Real Madrid”, deklaroi ai.

“Pse Milani? Epo, më lejoni t’ju bëj një pyetje. A keni luajtur ndonjëherë me atë ekip të Milanit në PlayStation? Ata ishin jorealë!! Kaka, Seedorf, Pirlo, Maldini, Nesta, Gattuso, Shevchenko, ata sapo kishin fituar Champions League, Milani ishte ekipi në atë kohë. Isha se kur është fluturimi tjetër? Carlo Ancelotti më çoi në dhomën e ngrënies “Ky është Pato, sulmuesi ynë i ri”, të gjithë u ngritën për të më shtrënguar dorën. Secili,  Ronaldo, Kaka, Seedorf…”.

Suksesi i shkoi në kokë Patos

Siç ndodh me shumë talente të rinj, suksesi i menjëhershëm në Milano i la brazilianit ndjenjën sikur kishte arritur majën.

“Më pëlqeu vëmendja, doja të flisja për mua, por e dini çfarë ndodhi? Fillova të ëndërroja shumë, imagjinata ime po më merrte në të gjitha llojet e vendeve,” vazhdoi ai.

“Në kokën time po mbaja tashmë Topin e Artë. Është shumë e vështirë të mos prekem, gjithashtu kisha vuajtur si dreqin për të arritur atje. Pse të mos e shijoja? Pastaj në vitin 2010 fillova të dëmtohesha gjatë gjithë kohës. Humba besimin në trupin tim, u frikësova se çfarë do të thoshin njerëzit për mua, do të shkoja në stërvitje duke menduar se nuk mund të dëmtohesha dhe nëse do ta bëja, nuk do t’i tregoja askujt. Edhe unë shkova në rrugën e gabuar. Pas qëndrimit në Kinë isha ende beqar, ndaj vendosa të shijoja lirinë time. Shkova në Los Anxhelos. Doja hotelin më të mirë, makinën më të mirë, festat më të mira. Përfundova në këtë vend ku një vajzë po gërhiste pranë meje. Papritur m’u duk “Çfarë po bëj këtu?” Kjo nuk ishte ajo që doja. Ishte një botë boshe. E pyeta një mik: “A do ta kaloj vërtet pjesën tjetër të jetës sime vetëm?”

Në atë moment, Pato ndryshoi rrugë dhe takoi një mikeshë të vjetër Rebeka, e cila tani është gruaja e tij.

“Që atëherë kam jetuar në një realitet tjetër,” tha ai.

“Por këto gjëra ndodhin në kohën e Zotit. Unë jetoj vetëm për sot. Pjesa tjetër varet nga Ai.”/Perkthyer nga Hergi Llupi

The post Ngritja dhe rënia e menjëhershme e Alexandre Pato, braziliani që bënte jetën e Adriano “perandorit” appeared first on Albeu.com.

Shifrat e tij, jo vetëm të golave, por sidomos rasteve të krijuara dhe goditjeve drejt portës imponojmë një respekt maksimal duke tërhequr vëmendjen e klubeve të mëdha.

Për yllin “kuqezi” së fundmi ka folur edhe legjenda angleze, Alan Shaerer, golashënuesi më i mirë në historinë e Premier League, i cili i ka dhënë “bekimin:

“Më lejoni t’ju them, ky djalë është klinik. Goli i tij kundër Brentfordit e bëri atë lojtarin më të ri në historinë e Premier League-s që shënon në secilin prej katër ndeshjeve të tij të para si titullar në shtëpi. Si sulmues, gjithçka ka të bëjë me marrjen e rasteve dhe shënimin e golave, kështu që statistikat si kjo më tregojnë se ai mund të lulëzojë në Premier League. Ai gjithashtu shënon lloje të ndryshme golash. Broja është një sulmues i ri me sytë drejt golit dhe ka një të ardhme të ndritur në Premier League”, u shpreh Alan Shearer për BBC Sport.

The post “Ky djalë është klinik”, legjenda angleze thur elozhe për Brojën: Ka të ardhme të ndritur appeared first on Albeu.com.

Një nga këta është Armando Broja që po mahnit botën e futbollit në Angli, aty ku ai luan me klubin e Southampton. Manaj, Djimsiti, Kumbulla etj të cilët po shkruajnë emrin e tyre me ekipet përkatëse në Seria A janë disa të tjerë prej yjeve tanë.

Së fundmi, një emër tjetër është duke shkruajtur emrin e tij në fletën e bardhë të botës së futbollit. 19-vjeçari Eljon Toçi ëhstë duke spikatur me cilësitë e tij.

Djaloshi i talentuar luan për Fiorentinën në ekipin e moshave. Ai luante për Shqipërinë U-19 por me aftësitë e tij mbresëlënëse, bëri që U-21 ta merrte në ekip.

Ai ka dhënë një intervistë për fshf.org duke treguar se si e nisi futbolli, kush e këshillon, ëndërrat e tij dhe kë ka si shëmbull për t’ia ndjekur hapat.

-Eljon, si ka nisur për ju lidhja me futbollin? Kush është njeriu që ju ka shtyrë drejt këtij sporti?

– Lidhja ime me futbollin ka nisur që në moshën 6-vjeçare. Njeriu që më ka afruar më shumë me këtë sport ka qenë babai, por edhe shoqëria e së njëjtës moshë më ka tërhequr nga futbolli. Luanim gjithmonë së bashku dhe aty më lindi pasioni për futbollin.

-Çfarë ju shtyn që të rriteni edhe më shumë në këtë profesion?

– Futbolli është ëndrra e jetës sime dhe kjo është një shtysë për mua. Që 6 vjeç ëndërroja të debutoja në Serie A. Kjo është ambicia ime dhe e gjithë familjes. Kjo më motivon të vazhdoj e të rritem në këtë profesion.

-Kush është personi që ju këshillon më së shumti në lidhje me futbollin dhe që ju qëndron më afër?

– Personi që më këshillon më shumë normalisht është trajneri i skuadrës. Gjithsesi para ndeshjeve gjithmonë në mbrëmje flas me familjarët dhe ata më japin më shumë motivim në aspektin mendor, se sa në anën taktike. Familjaret janë ata që më rrinë më afër, absolutisht.

-Si jeni ndjerë kur morët për herë të parë ftesën nga Shqipëria U19? Çfarë kujtoni nga grumbullimi dhe ndeshja e parë?

– Kur mora ftesën nga Kombëtarja U-19 për herë të parë, u ndjeva shumë krenar unë dhe familjarët e mi. Kujtoj që në grumbullimin e parë njihja shumë lojtarë, pasi luanin në Itali. Ishin shumë lojtarë me cilësi dhe nivel. Aty arrita të kuptoj që futbolli shqiptar çdo vit përmirësohet. Më kujtohet ndeshja e parë, kundër Italisë. Italia është skuadër e fortë, por ne e mbajtëm rezultatin duke luajtur mirë. Të gjithë më komplimentuar.

-Çfarë mund të veçoni deri më tani nga jeta juaj futbollistike? Ka një arritje për të cilën jeni krenar?

– Jeta ime futbollistike ka qenë e thjeshtë, kam kaluar të gjitha moshat. Ajo që më ka veçuar nga të tjerët është se luaja me më të mëdhenj se vetja. Shokët e skuadrës ishin një vit ose dy vite më të mëdhenj. Kjo është gjëja që më ka veçuar më shumë. Arritja ime personale për të cilën jam krenar është fakti që më ka ftuar Fiorentina, një klub i Serie A.

– Çfarë ndjesie ishte të grumbulloheshit me ekipin e parë të Fiorentinës?

– Grumbullimi i parë ka qenë emocion i papërshkrueshëm. Luajtëm në Romë në “Olimpico” dhe për mua ishte e pabesueshme që ëndrra e një jete u realizua. I shikoja të gjithë lojtarët, që deri para tre viteve i shikoja në TV, pesë metra nga unë. Ishte emocion tepër i fortë.

-Kush është lojtari shqiptar që ju motivon më së shumti, që e keni si shembull? Po lojtari i huaj?

– Lojtari që më motivon më shumë është Broja, absolutisht. Kjo sepse është një lojtar që ka arritur gjëra të rëndësishme  për moshën që ka. Unë e marr si shembull sepse nuk është e lehtë jashtë Shqipërie të arrish në ato nivele, për një lojtar shqiptar. Kurse lojtari i huaj që e kam si shembull le të themi, është Zlatan Ibrahimoviç. Ai është lojtar i skuadrës që e kam në zemër, Milani, dhe është sulmuesi më i fortë.

– Në Itali tani ka një numër të madh shqiptarësh që po luajnë në Serie A. Si ndjeheni për këtë dhe sa besim ju jep që shumë shpejt dhe ju do u bashkoheni atyre?

– Unë jam shumë krenar kur shoh lojtarë shqiptarë që luajnë në Serie A. Kjo më jep motivim dhe kurajo që edhe unë në të ardhmen të bashkohem me ata.

-Duke parë që ju luani jashtë dhe shumë elementë të tjerë të rinj luajnë në kampionate të rëndësishme europiane, a mendoni se Shqipëria ka një të ardhme të ndritur?

– Sipas meje Shqipëria ka një të ardhme shumë të ndritur, sepse çdo vit e më shumë rritet niveli i skuadrave shqiptare, kombëtareve, rritet niveli i lojtarëve që kanë. Për mua kombëtarja shqiptare do të shkojë shumë përpara, sikurse futbolli shqiptar.

-Vetë ju personalisht, cilin keni synimin më të madh në futboll? Ka një futbollist në gjurmët e të cilit do të donit të ecnit?

– Synimi më i madh për mua është të arrij në Serie A, pasi është ëndrra ime. Do të doja të “imitoja” Ibrahimoviç, të arrij në majat e futbollit italian dhe jashtë tij. Dua të jem një idhull për gjithë lojtarët shqiptarë që luajnë anembanë botës./ h.ll/albeu.com

The post Një yll duke ‘lindur’ te Fiorentina, talenti shqiptar ndjek shembullin e Brojës appeared first on Albeu.com.

I riu ka qenë ylli i padyshimtë i versionit të 52-të të Kupës së Juniorve në Sao Paulo. Është një konkurs vjetor shumë prestigjioz për moshën nën 20 vjeç. Filloi këtë vit me 128 ekipe. Kanë mbetur vetëm dy dhe Endrick është golashënuesi më i mirë për skuadrën e Palmeiras që përgatitet të përballet me Santosin. Që një lojtar të jetë në gjendje të mbajë veten në moshën 15-vjeçare do të ishte e jashtëzakonshme. Që ai të shkëlqejë aq sa po bën Endrick është vërtet sensacionale.

Endrick është një sulmues me një sërë aftësish verbuese. Nuk është çudi që ai po tërheq interes nga klubet më të mira në Evropë. Manchester United kuptohet se po ndjek përparimin e lojtarit, por përballet me konkurrencë nga rivalët Man City, Chelsea dhe Liverpool për nënshkrimin e tij. Lojtari nuk është në gjendje të nënshkruajë një kontratë profesionale para se të mbushë 16 vjeç.

Por pala e tij aktuale thuhet se po përgatitet t’i ofrojë atij një marrëveshje në ditëlindjen e tij të ardhshme, 21 korrik.

Ata planifikojnë të përfshijnë një klauzolë të madhe lirimi për të përfituar nga interesi për talentin e tyre./ h.ll/albeu.com

The post Klubet e mëdha “çmenden” nga talenti brazilian 15-vjeçar (VIDEO) appeared first on Albeu.com.

Sulmuesi ka nënshkruar deri më 30 qershor 2024 dhe ka një klauzolë që lejon të largohet nëse paguhen 100 milion euro.

Ndërkohë, Blanco ka qenë pjesë e akademisë së Valencia që në moshën 12-vjeccare dhe verën e shkuar u transferuar në Gjermani, ku shënoi 2 gola në 8 ndeshje me Eintracht. /albeu.com/

The post Barcelona firmos me sulmuesin e talentuar, është vetëm 17-vjeç appeared first on Albeu.com.

Lajmin e ka bërë të ditur FFK përmes një komunikate në rrjetet sociale.

Ky është njoftimi i tyre:

Presidenti Agim Ademi bashkë me nënkryetarin e parë të FFK-së Agim Dibranin, sot pritën në takim Dion Ajvazin, futbollistin me prejardhje nga Kosova i cili karrierën e tij po e zhvillon në Gjermani.

17-vjeçari, i cili aktualisht luan te Hertha BSC U17, i është përgjigjur pozitivisht Kosovës.

Mesfushori Ajvazi shumë shpejtë do t’i bashkohet Kombëtares U19 për të dhënë kontributin e tij në fushën e blertë.

Dioni u shpreh i lumtur që do t’i bashkohet Kosovës dhe shprehu gatishmërinë për të dhënë maksimumin.

Presidenti Ademi në shenjë mirëseardhjeje i dhuroi fanellën e re të Kosovës dhe i uroi shumë suksese.

FFK edhe më tej vazhdon të interesohet për talentet e saj jashtë kufijve. Qëllimi mbetet i njëjtë, t’i bashkojë të gjithë ata që zemra u rrahë për Kosovën dhe që ndër prioritetet e tyre është kontributi për fanellën dardane.

The post Talenti i Hertha Berlinit lë Gjermaninë për Kosovën (FOTO LAJM) appeared first on Albeu.com.

Një festë që shndërrohet në hidhërim. Talenti i Dortmund, Matu Jaume Morey Bauza pësoi një lëndim të tmerrshëm gjatë ndeshjes.

21-vjeçari dëmtoi rëndë gjurin e tij të majtë.

The post Talenti i Dortmundit pëson një dëmtim të tmerrshëm (VIDEO) appeared first on Albeu.com.

Sfida e parë përfundoi me rezultatin 1-3 dhe takimi i mbrëmshëm përfundoi me barazimin 2-2. Ajo që ra më shumë në sy në këtë takim ishte goli i realizuar nga 17-vjeçari Markus Leonardo i skuadrës së Santosit pas vetëm 22 minutash lojë, ku ka realizuar gol me një kënd të pamundur shënimi.

Një gol thuajse i pabesueshëm duke shtangur portierin Deveki i cili u kap në befasi.

The post Gol nga këndi zero, shikoni golin e çmendur të talentit (VIDEO) appeared first on Albeu.com.

Ai ka lindur në Indi dhe është stërvitur nga babai i tij që kur ishte vetëm 10 muajsh. /albeu.com/

The post Është vetëm 3 vjeç, por është një fenomen futbolli (VIDEO) appeared first on Albeu.com.