Pas kallëzimit të një 20-vjeçari, se taksisti, identifikuar si shtetasi A.P., ndaloi mjetin në një rrugë të pabanuar pranë lagjes Çollakëve, duke e grabitur.

Atje, ai përdori dhunë për t’i marrë viktimës një shumë parash dhe dy aparate celularë, para se ta zbriste nga taksia dhe të largohej nga vendi i ngjarjes.

Njoftimi i policisë:

Finalizohet nga Komisariati Nr.1, operacioni policor i koduar “Night”.

I mori me dhunë një shumë parash dhe dy aparate celularë klientit në taksinë me të cilën po udhëtonte, kapet dhe vihet në pranga drejtuesi i taksisë.

Komisariati i Policisë Nr. 1, pas marrjes së kallëzimit nga një 20-vjeçar i cili kallëzoi se taksisti me të cilin udhëtonte në taksi i kishte marrë me dhunë një shumë parash dhe dy aparate celular, menjëherë kanë organizuar punën për kapjen e autorit të dyshuar.

Si rezultat i veprimeve të shpejta dhe profesionale është ndaluar nga shërbimet e Komisariatit Nr.1, shtetasi A.P, 26-vjeç,

Ky shtetas, orët e para të ditës të mëngjesit të ditës së djeshme, ka marrë në taksinë që drejtonte shtetasin Xh.H, 20-vjeç, dhe gjatë udhëtimit, ka ndaluar mjetin në një rrugë të pabanuar në afërsi të lagjes së Çollakëve, dhe i ka marrë me dhunë shtetasit Xh.H një shumë parash dhe 2 aparate celularë dhe më pas e ka zbritur nga taksia dhe është larguar.

Në vijim të veprimeve u bë ndalimi i shtetasit A. P., 26-vjeç, për veprën penale “Vjedhje me dhunë”.

Materialet i kaluan Prokurorisë, për veprime të mëtejshme procedurale.

The post “Çmendet” taksisti në Tiranë/ I vjedh paratë dhe celularët me dhunë klientit appeared first on Albeu.com.

Turistët kishin rezervuar një itinerar të caktuar me taksistin, por në një moment në Vasilissis Sofias ata përmendën se donin të zbrisnin, por sipas shoferit profesionist nuk i dhanë paratë e tij që ishin rreth 100 euro.

Ata vetë pretenduan se nuk duhej të paguanin, për një arsye të paqartëm.

Siç shihet edhe në videot e mëposhtme, ka pasur shumë tension me shtyrjen e njëri-tjetrit, të bërtiturat dhe përfshirjen e disa kalimtarëve që përpiqen të kuptojnë se çfarë ka ndodhur. Taksisti mbante çantat e tyre për t’i penguar të largoheshin dhe turistët po përpiqeshin t’i merrnin.

Në fund ata kanë arritur të arratisen, por policia ka mbërritur në vendngjarje dhe i ka ndaluar.

Taksisti i dhunuar u dërgua në spital ku po mbahet jashtë rrezikut për jetën.

Ngjarja nxori në pah disa mangësi në sistemin publik të transportit grek dhe mënyrën e trajtimit të turistëve në Greqi.

The post Përleshje e ashpër mes turistëve dhe një taksisti në Athinë appeared first on Albeu.com.

Xhami i pasëm i taksisë shihet që thyhet dhe tavani i harkohet nga rënia misterioze e burrit.

Zhvillimi shkaktoi zhurmë në Medellin, teksa shpaloseshin skenat në qendrën e qytetit.

Burri që rezultoi se ishte nga Ekuadori nuk dihet se si apo përse ishte ngjitur në pemë, dhe as përse nuk kishte fare rroba të veshura.

Por pas rënies ai dukej se po fliste me njerëzit, ndoshta duke i shpjeguar rrethanat, shkruan rrjeti DailyStar.

Mjekët që erdhën në vendngjarje e morën atë për kontrolle në spital, por nuk besohet se kishte plagë të rënda.

Incidenti që është bërë viral online ka sjellë komente nga më qesharaket. “Nuk është kjo mënyra e duhur si merret një taksi”, tha një përdorues.

Një tjetër shkruante: “Si t’ia shpjegosh këtë kompanisë së sigurimeve?”

Ndërsa një tjetër e quante ‘Çarje të Matriksit’ duke iu referuar eventeve të pashpjeguara që reflektojnë ekzistencën e realiteteve të tjera paralele përveç atij që ne njohim.

Ngjarja vjen teksa disa ditë më parë një burrë i zhveshur u pa duke vrapuar i zhveshur në rrugët e një qyteti britanik, herë pas here duke mbuluar organet private në motin e ftohtë.

Individi paidentifikuar u pa në rrugët e Birmingham, teksa dëshmitaret thonin se herë pas here buri kërcente duke ngritur duart lart./DailyStar/

The post Burri i zhveshur bie nga pema mbi çatinë e taksisë, para kalimtarëve të shokuar (FOTOT) appeared first on Albeu.com.